傷心酸辣粉 (砵蘭街)

營業中

休息中

加凍檸茶59一份招牌套餐。 從進入到全上齊等約半個鐘。 味道是以前的味道，辣位超正! 服務上，桌枱收拾不是很乾淨，擦完上面還有水跡，要自己用紙巾再擦乾。 希望收桌枱可以在清理乾淨一點。 酸辣粉裏的花生，有幾粒味道怪怪地，好像放很久。 希望可以有改善! 謝謝

叫咗外賣速遞，其中一份蒜泥白肉食到中段，竟然發現有一張廁紙扮蒜泥白肉🤢🤮🤢🤮🤢🤮真係想嘔，點解可以甘！我哋決定以後都唔會再幫襯呢間嘢。再諗起都想嘔！！！

久唔久就掛住佢，最喜歡的就是傷心酸辣粉啦〜真的很好吃！ ❤️酸辣粉中辣味道最好酸辣可口！還帶點微麻’真係超級好食湯也好喝’現在吃過最好食的酸辣粉！ ❤️酸辣土豆絲本來該是涼拌菜，但今次薯仔絲都變成了薯條 ❤️麻辣水煮魚真係好食哦！肉很多！龍利魚沒有 骨很新鮮！ ❤️口水雞口水雞味道不錯！

第一次嚟其實好滿意今次第二次嚟叫咗酸菜魚簡直食唔落又淡又冇味，個姐姐仲叫我自己加鹽（最終係俾咗糖我😑）係我食過最難食嘅酸菜魚 食左兩啖啖已經唔想再食 好在呢度唔使收+1失望

你諗下喺香港地邊度仲可以搵到三十幾蚊一個飯， 仲要包埋嘢飲。 而且手撕雞餐都仲要用人手撕㗎嘛， 收三十幾蚊其實真係好平㗎啦， 所以有時行過旺角想平平哋食一餐， 都會嚟呢間良心價嘅餐廳食

這店是樓上鋪，由於等候升降機需時，所以很多顧客都是走樓梯到這店的。這天的下午茶時段，我點了紅蔥頭雞飯和熱檸檬水。雞肉上鋪滿了紅蔥頭，紅蔥頭的味道很好，但是雞肉卻完全沒有味道，若是在煮之前多放一點鹽醃一下，我想味道會好很多。我走進這店時，店內的顧客其實不太多，窗邊有很多桌椅是沒有顧客的，但侍應卻要顧客拼桌，結果一張四人桌坐了三組顧客，我連拿起檸檬水也會碰到坐在我旁邊的男士，於是大家也只好盡快吃完就結賬。

中學的時候10分喜歡吃傷心酸辣粉，以前學生套餐，好像不用$40就會有一碗酸辣粉，炸雞粒，以及一杯凍飲。到到現在六七年過去了，晚餐時段叫一個套餐都要$70了。來到旺角這間店，只是在朗豪坊旁邊，雖然是樓上鋪，但是人流都充足。幸好差不多10點沒有什麼人排隊。於是叫了一個傷心酸辣粉小辣，餸菜方面選擇了炸雞粒，另外還送上兩粒炸花枝丸，以及一杯凍奶茶。味道依然保持得很好10年不變，特別喜歡他的酸辣粉非常彈牙，而且酸辣剛剛好👍🏽

我lunch時間大概1點15分去食麵，當時場內唔多人未滿座但好不幸遇到不愉快經歷: 我當時叫咗手撕雞拌麵加芝士豆腐bb辣，食食下有兩個女員工係道嘈交講晒粗口，爭啲打架! 雖然其他職員幫手拉開!， 但我覺得好唔專業，又騷擾其他食客~ 當我食到最尾時，發現碗內有蟲! 喺道返工嘅人係咪有心工作? 點解會容納到有蟲響食物入面! 可惜我當時唔記得影相~我不能接受! 職員將我張單打八折，但我以後唔會再食!

同呢位朋友差不多每次去尖沙咀shopping必食尖沙咀個間傷心酸辣粉。貪佢唔駛排隊又食得舒服，今日行旺角，突然諗先旺角都有間，於是去食。等左陣就入左去，好在有個獨立位。因為怕肥，想食多啲餸，叫少啲粉麵。酸辣粉加口水雞送芝士豆腐 ($65)酸辣粉BB辣，熱騰騰加上夠酸得黎唔太辣，岩岩好。口水雞 - 比左個腿我，好正，發達。芝士豆腐可惜唔係熱，如果唔係個芝士仲正。土豆絲 ($55)夠辛辣又有鑊氣，超正。燙菜 ($22)好鞋口。。。香油海浙又香，加上新鮮青瓜，好清新，正到爆。下次都係食返旺角店

無論咩天氣，都會突然有想食米線嘅衝動😳因為間間米線都有唔同嘅特色，個人唔太喜歡薯粉，但傷心酸辣粉個味令人一試難忘🤤今次食左海蜇拼豬耳同口水雞套餐，加左個芝士豆腐，完全無失望，保持到水準 ！🤤🤤🤤

朗晴坊有好多野食，今次去左食1樓的傷心酸辣粉。叫左個口水雞同豬耳、海蜇配小寬麵，個主食黎左成15-20分鐘後，個麵先至黎，但份量都較少，有d失望係個湯低不太夠熱。口水雞雖然不夠入味，但海蜇和豬耳都夠入味呢！

自從登打士街分店執左，就轉戰朗晴坊傷心酸辣粉。今日趕唔切6pm前落下午茶餐，就叫左正價套餐。平時多數選擇口水雞，但今日就試下晚市套餐既乾撈牛肚、傷心酸辣粉，仲有小食芝士豆腐。我個人比較喜好酸，所以酸度唔夠會大大扣分。酸辣粉酸度辣度比例適中，辣油香料炸花生等配料夠香。乾撈牛肚好香辣椒面既味道，不過幾咸下，食完都比較口乾。如果好川菜重慶菜的話，都推介依間。一百蚊以下黎講係算好食。不過下午茶時間黎會冇咁迫，同埋會更抵

今天突然好想食辣，朋友推薦這間傷心酸辣粉，和朋友各點了ㄧ份酸辣粉和蒜泥白肉，炸雞翼，酸辣粉真的麻辣，吃ㄧ下就滿身大汗，還好有叫ㄧ杯凍奶茶解辣～蒜泥白肉搭配醬料很好食，還有炸雞翼朋友推薦的也好食，好吃酸辣粉～推薦下次試試口水雞

一直都有幫趁開一早都見有雞煲食 今日終於有機會詆下198 半隻雞 有4 樣配菜揀點知中晒伏!!!!!雞得咸味 同埋好多油加配料 25 蚊一樣好貴而且雞又少 配料又唔新鮮真係不可一不可再 未食過咁難食ge 雞煲!!!

好耐冇食過傷心酸辣粉，印象中仲係街邊小鋪仔，今日突然想食就黎食試啦原來宜家呢到有咁多野食，有得食水煮魚、口水雞等等，仲有得打邊爐。不過我都係叫左最原始既酸辣粉黎食雖然我叫左小辣但係都已經夠辣啦，負責落單既姐姐話中辣會受不了😂仲係記憶中既味道啊，以後會多啲黎食