影片
一行七人同朋友做生日，早兩日打電話預定左5個餸。蔥油鷄，大大隻，有雞味，皮好滑，夾d蔥一齊食，口感好豐富。瑤柱扒豆苗，豆苗嫩口冇渣，略嫌瑤柱比較少。芝士海蝦伊麵底，芝士味不濃但汁太多，有點糊口，食到有1隻蝦系霉嘅。西蘭花龍躉球，份量大，龍躉球炒得有獲氣又彈牙，好味。蒸頭腩，好香蒜味，蒸得啱啱好，中意食魚頭/腩嘅，一定食到不能停。送左碟西瓜，埋單 $1200。自攜旦糕及紅/白酒，也沒有附加費，讚。但食完回家好口渴。
繼續閱讀
一圍十四個人。訂左A餐。湯真係好足料，每人都至少食左一舊花膠，當然唔係靚花膠，係好爽嗰種，不過味精都好勁仲好咸，其實我淨係飲到味精味。上湯大花竹伊面底。又係好咸好重味精。蝦都算大但係梅梅地。竹籠蟹蓋糯米飯，好多蟹羔呀！不過好似蒸過龍乾真真，糯米飯好多，好咸。玉環瑤柱甫，幾好，比較清淡的餸。京蔥鮮鮑魚角，鮑魚仔好細粒好cute，賣相好似欠左幾滴老抽但食落幾好味。蟹粉扒菜苗，朋友們覺得好腥。我冇夾到好多蟹粉我覺得ok。清蒸龍躉斑 。好食。正，滑！海皇脆米炒飯 有蝦粒 菜粒 蛋 同 飯焦，每一啖又入到好脆，覺得脆米比例應該少d ，朋友們話食到個口好攰。野生菇炆米，超級超級多油，菇睇落有走油，味道係ok 嘅，不過勁多老抽同油喺碟底。原來壽包都可以咁難食。皮好厚好硬。餡極少。重點：依度d 阿姐態度勁差。因為有人唔食得海鮮叫個咸蛋蒸肉餅。叫佢個肉餅可以即刻上，唔使等個餐食完先上，佢一副串樣話落左單就蒸架啦喎。等左足足一粒鐘。叫佢追下，佢態度勁衰問都唔問就話蒸緊。結果來左咸魚蒸肉餅。我要咸蛋呀亞姐！！！位位$242，份量大，海鮮全餐，但係多油多鹽多味精再加侍應態度差的晚餐，我唔會再去囉。
繼續閱讀
如果唔係公司同事帶我去嘅話，我可能一直都唔知原來依到有野食，入到去好簡單好舊式嘅佈置，仲有幾間麻雀房，每次都聽到有人打緊牌😂可以同老細落order要幾人份量嘅，老細就會自己幫你揀餸，當然你亦可以自己揀，好推薦食泰式墨魚餅，配上酸甜醬真係正到不得了，個樣好似普通蝦餅咁，佢會有例湯比你，有時係栗米海皇羹，完全無味精，係到食好似食緊住家飯咁
繼續閱讀
By the time I step into the restaurant, I was shock by the over-crowded environment, how can a restaurant place their tables that tight? Everytime the waiter/waitress want to walk through to those little majong rooms, customers had to move close to the table. Imagine how annoying it is.The food taste bad, well, at least it is fully cooked. I don't mind if they didn't overcharge the meal, but the point is the price is not worthy.And for sure, no service you can expect since they didn't have 10% service charge, I guess they already over charged the dishes, therefore, there are no service charge at all. That was a bad experience, I will not go back again.
繼續閱讀
又一「閒人」同事離公司而去，最後晚餐，有人提議選址PCCW。真是不說不知，原來這裡是有餐廳的，也是多得雜誌，也多得少年食神Michael，才多了人認識，傳媒效應當真不能小覷。是晚我地一早訂左位，其實，訂不訂位不是重點，因為根本只得小貓三四隻，但可以看得出都是熟客。訂位不是重點，訂菜才是重點，老火湯、海鮮等，不訂基本上不要期望會有，始終這裡人流不多，海鮮賣不去會損失慘重，所以如果要吃，就最好先做一做功課了。粟米海皇羮幾乎是所以中餐廳既指定菜式，尚算足料，一窩勉強可夠十人分，粟米唔多渣，無味精，反面黎諗即係清淡了點。豉椒炒聖子配煎米粉底，聖子足料有良心，好多地方喜歡將殼鋪底再上面放聖子，好多時都諗，既然聖子已起殼，做乜仲要鋪番係個底度？睇起上黎多就代表唔呃秤？好似炒蜆咁未離唔好講，已經分開左既仲放番個殼真係令我有如八丈金剛。講番味道，蜆炒得欠了點火喉，還好味道唔差，配菜既青椒同米粉永遠受歡迎，吸晒ｄ味更加係令人有清碟既衝動。椒鹽鮮魷也是指定動作，爆香左既蒜頭才是精髓，有的地方永遠少了最重要的「椒鹽」，還好這裡沒有忘記。竹籠糯米蟹必需預訂，蟹羔多得不得了，喜吃蟹蓋之徒想必開心。不過可惜期望過高，本以為糯米盡吸蟹汁會很鮮，但原來和普通糯米飯分別不大，而且更係凍得快，結成一舊更不好吃，要畢要食請快。醬燒骨選料肥瘦均衡，中間一層肥肉可用爽口來形容，就是要這些骨才好吃，調味也算恰到好處，不過始終黐骨。沒叫蝦餅，倒叫了泰式炸墨魚餅，會叫這味絕對是神來之筆，當然也因為店員推介。泰式與否只是醬汁分別，墨魚餅足料，手打起來也很彈牙，炸皮不油很香口，樣樣也好，但就是墨魚味不足，看來是用料問題，這一味只能說是合格。沙拉芥末蝦是這裡另一招牌菜，先不講味道，這碟來到真的嚇一跳，蝦細隻唔在講，整碟更是細得可憐，我寧可你收貴ｄ但足料ｄ。味道是不錯，沙律同芥末兩者份量適中，吃下去誰都不會搶去誰的風頭，算是勉強保得住招牌吧。唔知點解，呢度好鐘意賣海參，牆上餐牌有大量寫住，海參鵝掌也是店員推介。個人印象海參鵝掌還是煲上比較好吃，但這裡是碟上。因為鵝掌不是滷水煮大，因為我對鵝掌興趣不大，所以沒意見；以價錢黎計海參算很多，是唯一一碟我覺得是抵食的。招牌蔥油香妃雞如要稱為招牌還早了點，雖然那個汁很不錯，但雞肉不嫩，雞味不重，空有一身好武功，但沒好兵器也是無用武之地的。還是能吃到豆苗的季節，這一碟蒜蓉炒豆苗可能是我今年最後一次吃豆苗了。整體來說味道不是差，但未如雜誌所講如此出色，尤以材料未能追上師傅技巧，如果你同我講係因為少年食神和雜誌做訪問先買靚料黎整，那我就無話可說了。店子只收現金，各位記緊請帶備足夠現金。又一位投緣的同事離公司而去，到底會是今年最後，還是陸續有來呢？祝御用閒人，前程似錦。
繼續閱讀