倫哥尊尚火鍋私房菜 (已結業)

倫哥一向有保證，無論係雞定打邊爐都水準甚高之前同朋友食過一次，一直好懷念今日終於同第二班人再黎食過!刺身拼盤: 裏面包括有玻璃蝦 三文魚 帶子 象拔蚌 全部都好新鮮, 帶子好大隻肥美三文魚厚切有口感跟住仲有炆鮑魚+花膠同埋蒜蓉蒸龍蝦鮑魚花膠兩款都好入味，好淋，花過功夫蒜蓉蒸龍蝦好開胃之後正式上雞煲侍應會幫你炒，每兩三分鐘炒一次炒兩三次就可以食呢度個鍋比較深，完全無彈到成台都係汁連餐具都用心，讚!雞肉口感勁嫩滑，調味料恰到好處裡面有少量花椒辣椒同洋葱蒜頭香氣四溢，無搶走雞味另外仲有豬皮、水魷同牛柏葉撈埋一齊炒豬皮索晒雞煲味真係好正！必食！如果平時細食會易飽，咁就蝕啦～倫哥除左雞煲出名外，打邊爐都好掂我哋揀咗蕃茄湯底，都好大煲湯下牛頸脊：份量雖然望落唔算太多，但每一塊都好肥美冰鎮住佢，唔怕變壞變色油脂分佈平均，好重牛味 牛魔王表示非常滿意! 墨魚滑好甜，蝦滑會見到真係有蝦！炸魚皮和響鈴都好脆口海鮮盤：送左一份按人頭計嘅海鮮盤裏面有青口、蟹、帶子、魷魚、草蝦、蜆殼類、魚。唔夠嘅話另外仲有任食嘅菜單可以再叫基本上食完佢包既野食都八成飽最欣賞嘅係隻蟹有蟹膏，好鮮甜，好正！一個價錢可以食到咁多野除

因為之前聽過同事大讚倫哥打邊爐食物總類多份量夠，所以就揀左呢度作為啱啱呢個禮拜六family dinner既陣地！一坐低個staff就問我地可唔可以上雞煲，咁梗係拿拿聲開波啦！點左一個唔辣，一個小辣，上檯嘅時候啲雞件仲係生嘅，要自己開火來回炒幾次先食得，有啲人可能會覺得麻煩，我就覺得嚟到先煮熟感覺比較新鮮。兩款嘅味道都唔錯，好惹味！然後就到打邊爐啦！前一日訂左個溫泉雞湯底，其實即係冬瓜椰子雞湯（隻雞係放係冬瓜裡面既，營造溫泉效果）。個湯底一上既時候，個staff叫我地飲湯先，個湯係真心有驚喜，好香好濃郁既椰子雞味😍我一口氣飲左三碗先開始打邊爐🥣送咗個海鮮拼盤，大部份食材都麻麻啦，係隻蟹最鮮味，可惜我哋七個人佢先比一隻蟹🙁完全唔夠分！其他火鍋配料味道正常，丸類的話沙律丸最好食！每位$348加一，唔算得上超好食，但以唔計時嘅任食火鍋來講算係咁！

早幾年食過倫哥，印象中當年都係超多野食，超抵食的，今日再來倫哥食大餐喇。雞煲啲雞有少少孜然粉，食極都食唔完架！呢度刺身同放題嗰啲刺身有得媲美，帶子同赤貝好鮮甜！呢碟花膠鮑魚，鮑魚好林，花膠好入味，食雞煲打邊爐都可以好補。粉絲蒸扇貝的粉絲撈蒜蓉好香食完雞煲，就可以打邊爐喇，先黎一盤海鮮，有魚、蝦、蟹、帶子、蜆等等牛頸脊啲肉特別爽口，好香牛肉味，又無肥牛咁肥，係幾年前第一次食倫哥先認識到呢個牛的部位，原來牛頸脊比肥牛好食多多聲！響鈴卷同炸魚皮都好大件倫哥的蝦滑、墨魚滑好出色，蝦滑裡面有大大隻蝦仁，好爽口。個人偏愛墨魚滑，因為夠特別唔係度度都有呀甜品都唔好睇少，椰汁雪燕唔係普通貨色，雪燕份量好多，加埋椰汁好香滑！倫哥真係多野食到數唔曬！侍應上菜/收野速度都好快，服務好、嘢食又多又好食，就算呢個時勢無人消費，倫哥都長期滿座！

倫哥打邊爐 果然係名不虛傳 去到首先佢會俾咗個刺身拼盤 你裏面包括有玻璃蝦 三文魚 帶子 象拔蚌 跟住仲有焗鮑魚同埋蒜蓉蒸龍蝦 全部都好新鮮 雞煲我哋就叫咗BB辣 兩個人都有半隻雞所以 其實我覺得都幾多 食完雞煲之後我哋就揀咗豬骨湯底 跟住重頭戲就嚟啦 你睇吓啲牛油幾多雪花 仲有海鮮拼盤有蝦 有蟹 有青口 帶子 象拔蚌等等 全部都勁好食跟住仲有菜籃 但係如果你都覺得唔夠就可以做單叫你想要嘅嘢 佢仲會想買響鈴同埋魚皮真系好正 唔好睇小佢啲餃子同埋雲吞佢哋啲皮好薄好粥了最尾仲有女人最鍾意嘅椰汁燕窩我覺得三百幾蚊食到咁多野既新鮮又好食真係好抵

之前喺深水埗食過呢間嘅私房菜覺得幾好食，於是提早一星期訂咗枱，就近試吓佐敦呢間。呢間私房菜出名多人食，我哋訂咗七點入去嘅時候已經坐滿左三份一，都幾誇張。今次食嘅係尊尚海鮮火鍋，有12種野食咁多架，岩晒收工肚餓嘅我地。門口位置有調味架自己調配。另一邊位置有各式嘢飲，令人開心嘅係佢有自家製嘅檸檬薏米水，打邊爐咁肥咁熱氣，梗係要飲番啲降火嘢，成件事先冇咁邪惡～薏米水甜度適中，下面仲有好多薏米，足料。鮑你上位：即係鮑魚同花膠，兩款都好入味，軟腍好味，作為開胃菜咁食都幾正。前菜：包括辣四季豆、麻醬凍豆腐、黑木耳同個樣好似紅肉火龍果嘅醃蘿蔔。最鍾意食嗰個醃蘿蔔，酸酸甜甜咁，可以用嚟開一開胃。蒸海鮮：蒜蓉同粉絲好足料好入味，個海鮮好鮮甜，完全冇沙，正！刺身拼盤：原隻甜蝦好大隻，好鮮甜，連小妹好耐冇食嘅三文魚都好正，成口都係魚油味。另外仲有帶子、八爪魚同北寄貝刺身，全部都好新鮮。提提大家，刺身要盡快食，因為隔離個雞煲會一路炒，啲蒸氣整到刺身變熱就唔好啦。我哋揀咗BB辣嘅雞煲，一如以往冇令我地失望，侍應時不時就會過嚟幫手炒，服務幾好。雞肉彈牙入味，同一般雞煲唔同，呢度嘅雞煲子然味比較重，有種食緊燒烤嘅感

去咗兩個星期歐洲，男朋友一返到香港就話要去食雞煲同打邊爐，所以前兩日就出咗佐敦食倫哥尊尚火鍋私房菜。基本上而家一大班人約食飯都會食倫哥，我一年都食幾次架，倫哥啲食材真心新鮮！我哋個套餐係海火鮮鍋(嚐鮮十二式)。一去到就有四款前菜，前菜有豆腐，木耳等，中規中矩。好快就有刺身拼盤，刺身好唔錯，最好味係牡丹蝦，鮮甜彈牙！食完刺身無耐就有蒸海鮮，我哋有蒜蓉蒸帶子，雖然帶子唔係好大粒，但勝在新鮮。帶子，蒜蓉同粉絲呢個組合係無得彈！之後又嚟咗炆花膠鮑魚，都炆得幾稔同入味。跟住就係重頭戲—雞煲。呢到嘅待應好友善，大約每兩分鐘就幫我哋炒個雞煲，其間仲加咗魷魚同豬皮落去炒，大約八分鐘就得喇！呢度嘅雞肉好嫩滑，重點係雞煲調味適中，食完絕對唔會口喝！惹味得嚟絕對唔會太重口味！食完雞煲就到打邊爐，通常我食完雞煲都無咩戰鬥力，但喺倫哥，我係會刻意留肚打邊爐，因為佢啲牛肉好正！今次我哋清清地要皮蛋芫荽湯。配料都有好多種類，有牛，海鮮拼盤，墨魚滑，蝦滑，水餃，響鈴，炸魚皮同蔬菜。最正嘅配料一定係個牛頸脊，有啲雪花紋，但又唔會太肥，重點係牛味濃！另一推介係手打墨魚滑同蝦滑，有粒粒原隻蝦喺入面！飲品選擇都唔少，除咗有一

今日朋友想食火鍋又想食雞煲，左思右想，都係倫哥最好。先奉上前菜四小碟，麻醬豆腐特別啱口胃。正在等待雞煲之際，有刺身拼盤，帶子特別鮮味，牡丹蝦好新鮮，仲有北寄貝、三文魚。我哋揀了少辣的雞煲，一打開蓋，香氣撲鼻，氣味挺辣。正當服務員教我哋如何烹調雞煲，另一個驚喜來了，一人一隻花膠同鮑魚，燘鮑魚非常入味，扣了鮑魚的花膠，又滑又多骨膠原。再來一個驚喜，一人半隻蒜蓉蒸琵琶蝦，蝦肉非常飽滿又彈牙。終於有時間食雞煲，雞肉好入味，又麻又辣，爽呀，但要留肚，因為仲有火鍋。我哋揀了松茸猴菇五菌湯，湯底好香菌味，火鍋配料非常多選擇，餐廳安排了一些海鮮、丸、牛肉、蔬菜等等，我以為不夠，誰不知餐廳非常慷慨，款式遠超過我本來想揀的。海鮮拼盤有蝦、蜆、龍躉片等等，迷你象拔蚌非常肉厚鮮甜。牛頸脊是極品，肉嫰又香。炸魚皮與響鈴也一定要試，好香脆，煮兩秒剛好。手工韭菜餃更是我的至愛，絶對是自家製作。墨魚滑與蝦滑也很彈牙。蔬菜盤的粟米最鮮甜。飲品之中，最欣賞檸檬糖冬瓜薏米水，好清甜又消暑。臨走時，送上一碗椰汁燉雪燕，好滋潤呀。下次來倫哥，真係要留肚一整天

成日都記掛住倫哥的優質打邊爐放題。今天約埋屋企人一齊去。當曰，7:45到，好爆下，上咗個雞煲，經過4次2分鐘的爆炒，好香，BB辣岩曬我，食咗一陣加豬比同魷魚仲正。人頭飽魚加花膠係等個湯滾的時間食就最岩，好高貴，蒜蓉蒸聖子也非常新鮮。刺身環節有我最鈡意帶子刺身。每一樣都新鮮美味。屋企人不吃辡，㨂咗個牛乳豬骨湯底。之後上咗很多不同的蔬菜肉類。炸魚皮真的如菜單所說的低鹽。牛肉好嫰。海鮮中蝦最美味。我們也有加單。整體上性價比高，飮品有少有薏米水。最後仲送個椰汁雪燕，呢個價錢真係好抵俾

余媽媽一向都好鍾意食火鍋放題和雞煲! 今次我地兩口子到訪倫哥尊尚火鍋私房菜 (佐敦) 呢間甚有名氣嘅火鍋店, 可以一次過滿足晒我地兩個願望, 而且食物皆屬高質, 真係令我地好稱心滿意呀! 呢間位於佐敦的倫哥尊尚火鍋私房菜, 地點方便, 餐廳環境寬敞, 裝修也新淨! 價位方面, 星期一至四晚上成人$338/位, 另有加一服務費, 就可以無限時任食雞煲+火鍋到深夜喇! 啱晒又喜歡食, 又想傾計傾耐啲嘅朋友!飲品是無限量任飲的, 除罐裝飲品外, 還有大瓶裝的竹蔗矛根等涼茶~ 我們今次晚上來訪, 職員先給我們四格開胃小食盤, 大部分都是酸酸甜甜的, 很開胃, 當中還有辣豆, 好辣的朋友一定會喜歡啊！ 再嚟原隻蠔皇扣鮑魚和龍蝦, 超級豐富, 很新鮮~ 鮑魚夠彈牙, 龍蝦也很鮮甜~ 接著就是我們很期待的雞煲, 一大鍋奉上, 我們點了BB辣, 另有唔辣, 少中大辣可選~ 店員幫我地先後炒3次就可以食喇! 每件雞都好滑和好入味~之後再放埋雞煲三寶落去炒一陣, 又有好野食喇! KO晒啲好惹味嘅雞煲後, 再食刺身拼盤: 三文魚刺身、特大蝦刺身和帶子等, 全部都好新鮮冇雪味! 帶子夠爽口, 蝦非

今晚約左老友去食火鍋，大大份 好好味！尊尚果然係唔同d 有人幫我地煮 好多不同種類既野食位置好寬敞 四人有好大張桌野飲任飲 好多選擇 仲有檸檬薏米水有小食開開胃先碗碗碟碟好搞笑 我天不怕地不怕先食雞煲，好香 好多雞件 我地好似食極麵仲有仲有四隻鮑魚花膠食 呢個好高質又好味 又有蒜蓉蒸蝦，個底仲有烏冬食 再整盤sashimi先 小吃多滋味呢盤好大盤呀終於到我最鐘意既海鮮🦞咩麵有呀 大蝦大蜆魚片龍躉蟹 鮮帶子全部都好新鮮 仲有牛肉,雪花 入口即溶不得不讚嚮零呢個黑色既墨魚滑要激讚，好鮮甜 同埋入面真係有墨魚粒，超好味我本人又鐘意食壽司又鐘意食海鮮呢間尊尚火鍋一次過滿足晒我所有願望物超所值，人多食飯首選

之前同朋友食過其他分店 同男朋友2個人黎食都真係第一次 今次係慶祝我岀黎做野已經四年了都未辭職坐低一陣就上左個刺身拼盤 份量係按人數而定既 有甜蝦 三文魚 八爪魚 北寄貝 同帶子 刺身都好新鮮鮑魚花膠當日既貨色一般 不過就煮到好入味清蒸龍蝦食落啖啖肉 好滿足食完咁多款‘前菜’之後就開始食雞煲 雞煲有唔同既辣度可以揀 我地就揀咗BB辣 對於我呢啲唔食得辣嘅人來講係可以接受到店員指示我地每兩分鐘就要攪一攪 攪四次左右 加入埋牛栢葉 豬皮同魷魚就可以食了 其實雞煲係可以任食既 但係我地要留肚打邊爐 所以淨係食左一煲轉左個鍋打邊爐 叫左北海道3.6牛乳豬骨湯 一睇個兩大舊豬骨就知道個湯底好有份量中間個個係環游海鮮盤 有6-9款海鮮 款款都好新鮮 淨係食呢度都回到本 仲有手打既墨魚滑同鮮蝦滑都好好食 彈牙又足料不得不提既係牛頸脊 肥瘦均勻 牛味濃又有咬口 同普通肥牛真係差好遠蔬菜既款式都唔少飲品方面就有汽水 果汁同茶係岀面可以自己拎仲有自家製既涼茶同檸檬薏米水食到最後仲有甜品添啊 當晚有椰汁雪燕同黑糖冰涼粉可以揀 我地2個都係揀左白雪雪既椰汁雪燕 食落好冰涼 好食之餘又滋補養顏

之前食過觀塘分店既倫哥，今次再黎食多次試下佐敦既分店， 水準依然係好好，食材好新鮮！成層都係佢既 勁大。有私人房，10令個人應該就可以坐房。一坐低會上d冷盤小食，之後好快手就上左雞煲，今次叫咗微辣，我同朋友都覺得食唔到辣嘅人都可以叫微辣，因為入味得來又唔算真係好辣，特別加入左豬皮一齊煮個雞煲醬超級惹味好好食。仲有一碟鮑魚汁炆鮑魚同花膠，鮑魚都算好大隻同埋鮑魚汁都好入味，刺身拼盤好新鮮，同出去食日本野冇分別，仲有個蒜蓉蒸龍蝦，蝦肉係新鮮嘅食落去都好爽口。食完雞煲之後，就可以同侍應講開始打邊爐。侍應話有好多款唔同的湯底可以揀，有溫泉雞湯、豬骨牛奶、芫荽皮蛋湯、番茄湯、仲有最新嘅酸菜魚湯。我哋揀咗清淡啲食豬骨湯底。轉左湯底之後都好快就送上左一份按人頭計嘅海鮮盤，裏面有青口、蟹、帶子、魷魚、草蝦、蜆殼類、魚。唔夠嘅話另外仲有任食嘅菜單可以再叫，基本上食完佢包既野食都八成飽，我都加左小小野食，唔好蝕底。墨魚滑好甜，蝦滑會見到真係有蝦㗎！炸魚皮和響鈴都好脆口。最後食返一包稻庭烏冬咁就滿足啦。成晚係一餐勁豐富既食物，最後仲有糖水食埋先走！$338 黎講 勁抵食成班朋友都食到lam lam 利

傳說中既倫哥私房，今日終於有機會試不過大家去之前記得訂位因為就連平日都全院滿座所以唔想摸門釘嘅朋友記得訂位喇🥳入座之後職員主動幫你上雞煲即使唔係好食得辣都唔緊要雞煲可自選微、小、中、大或勁辣照顧嗜辣程度唔同嘅食客需要今次個雞煲揀咗小辣因為雞煲未完全熟晒所以上咗雞煲之後要等多8分鐘先食得期間職員會不停走埋嚟幫你搞下個雞煲服務質素簡直一流等緊食雞煲嘅同時可以食住前菜或者刺身前菜就夠晒開胃，刺身亦都好新鮮蝦刺身嘅長度直情大個手板👋🏻另外仲有花膠鮑魚、蒜蓉蒸龍蝦🦞職員仲會提你上菜之後即刻食如果唔係凍左就唔好食㗎啦當你食完所有前菜之後個雞煲就啱啱煮好雞肉入味但不會太辣，細細件易入口用響鈴同魚皮撈雞煲辣汁，惹味到爆！另外仲可以加入花膠豬皮魷魚🦑吸收晒成個雞煲嘅精華真係食得好滋味食雞煲又點少得飲可樂呢一啖雞煲一啖可樂簡直就係完美嘅配搭食完雞煲之後就可以揀個自選湯底為咗唔好蓋過海鮮嘅鮮味所以我揀咗比較清嘅雜菌湯底牛脊肉嘅脂肪分布好平均而且每一塊都係厚切食落好有牛味之餘仲好有口感海鮮新鮮就一定㗎啦而我最鍾意食嘅就係深海龍躉食落啖啖肉而且爽滑彈牙所以我都encore左幾次因為海鮮實在太好食所以其他配料都食

唔知俾邊一個胃民惹到，搞到大胃病到繽紛樂，好多人力諫我睇醫生，但我從來只會進行飲食治療，食好西好過食西藥，今日就嚟個高溫派對，打邊爐能醫百病，高溫可以有效殺菌嘛進行火滾晚餐之前，食啲刺身冷靜吓先，好新鮮呀竟然有鮑魚同花膠，不求病死但求飽死雞煲好惹味，肉質幾嫩吓𠻹喎食完雞就有龍蝦駕到，啖啖肉呀平日食開豬頭骨，今餐都要贈吓慶揀牛乳豬骨湯響鈴同魚皮都好脆魚滑化身黑白無嘗，口感彈牙又有獨特調味牛肉厚度剛好，烚落仲有牛鮮味蔬菜幾新鮮，唔易淥黃海鮮大軍嚟喇，令呢餐火鍋鮮上加鮮雲吞餡料好鮮好好味甜品竟然有燕窩，大大滿足，病菌暫時敗北