俺流塩らーめん (V City) (已結業)

紮根於涉谷的人氣拉麵 - 俺流塩拉麵, 竟衝出日本, 進軍香港, 於屯門Vcity落戶開設海外分店。 與日本店運作模式不同, 沒有設置自助點餐機, 沒有先點餐後入座繼而等食的流程, 都是奉行香港的慣常, 要先取飛等位, 安座後才點餐。 新店開張, 屯門人聞風而至, 平日晚飯時間竟然要等位, 幸好取飛後, 可以到旁邊商場設置的座位邊坐邊等, 大概等了15分鐘。 因地理問題, 麵店分開了左右兩邊。 靠近扶手電梯那邊加有大布簾, 去除望着途人吃麵的尷尬, 亦多添份神秘。 店方的湯底大致分有三款: 以雞骨、 豬骨加香蔥慢煮熬製而成的店方主打 - 鹽湯。 用壓力煲煮成的奶白濃湯 - 熟成湯。 還有梅子、 柚子和辣湯等的特製湯。餐牌內除有主打的拉麵外, 還有飯類、 撈麵和小食的供應。 先試試水溫, 叫了兩碗拉麵。 等待的時間頗長, 令人有期待之感。 可惜這趟的期待有點失望。 我選擇了較為濃味的: 黑蒜油熟成濃湯拉麵 $68黑蒜湯底不是想像中的黑, 亦未及想像的濃, 只是表面的黑蒜油的漂浮, 以鹽湯作基礎的也感受不到那“鹹意”, 平常甚少加入額外的醬料來調味, 今回竟大膽地加入黑蒜蓉和

在東京有著高人氣的拉麵店< 俺流塩らーめん>，取代了原本同是來自日本的另一家拉麵店。菜單選擇不多，令食客對拉麵的期望更高。柚子胡椒醬很咸俺流餃子 $28Em...煎餃子的賣相有點欠佳。餃子只有一面煎香，而另一面則是一夾就破，饀都要跌出來。俺流熟成濃湯拉麵 $58 追加玉子 $10這個湯底是由雞骨和豬骨所熬製，奶白顏色，味道濃郁醇厚，又不會有骨湯那種油油感覺。可惜那塊叉燒，肥膏比肉多，實在敗筆。另外，餐廳的射燈剛好對正枱面，食個拉麵食到大汗淋漓，唯有食完就急急腳走。

上星期已經想試呢間，不過太肚餓，連幾張枱都吾想等今日終於可以食到，真係冇入錯，幾好味，雖然冇日本咁好食有好12款選擇，另有小食（餃子，迷你日本飯），飲品就氣水同茶。我寶寶揀左辛辣熟成濃湯拉麵（$62），普通麵質，要蔥，走荀。寶寶話好味，不過美中不足係無流心蛋好彩我可以分一半比佢湯底好正，真係「濃湯」，無呃人但應該有味精，因為食完好口渴我只揀左黑蒜熟成濃湯拉麵（$68），硬麵質，要蔥，走荀。枱面有幾款醬油自行配料好開心，我樣樣都試左一啖，最鐘意都係黑蒜蓉，同我碗麵好夾，仲令到香蒜味更加濃，但又不嗆。好正呀！麵質係我想要既，湯頭又濃，流心蛋好正，連蛋白位都係軟身，同平時食開既吾同，蛋白全熟，有點硬。個人口味鐘意食呢道既蛋蛋最後埋單吾貴，而且服務算好好人（入口安排座位果位哥哥）。走果陣時因爲我地兩口子趕住睇戲，拎好錢一枝箭行出去比佢，點知冇cashier位係舉手叫哥哥收錢。我地有小小老尷，但佢無笑我地，仲好有禮貌咁話下次叫佢來位幫我地，可以慢慢坐，吾洗急。仲好有禮物送我地出去，笑住講多謝哂你地光臨，拜拜

難得日本過江龍揀屯門開第一分店. 咁近我當然要試下呢度既叉燒是有heart的. 肥瘦適中. 充滿咸香. 好好味. 令人有衝動encore一碟淨叉燒!! (每碗跟兩小塊only T.T)鹽湯拉面. 湯底好清. 唔錯濃湯拉面. 豬骨湯底係會油少少. 味道...好中湯feel. 即係好似阿媽煲湯果d 味呢. 麻麻地. 所以加左好多醬去neutralize XD大愛柚子胡椒. 是大分縣由布院的味道! (Omg 突然好想浸溫泉添!)而家d 日本 or 偽日本拉麵閒閒地八九十蚊. 呢度真•日本加高質叉燒, 仲有幾種特別的sauce俾你加都只係$60. 值得再黎! (不過唔會再點濃湯lu )

剛在日本旅遊回港，在日本品嚐了不同的美食～當知道俺流在香港開拉麵店，好期待！！！今天下午去的時候是休息，只好看完怪獸再來吃。大約9點幾左右到達，看完餐牌自己叫了男盛拉麵，朋友叫了熟成拉麵。一上枱已經沒有相機先吃的感覺。。。為什麼？先在這放一張日本拉麵店的相機先食的照片日本拉麵會好明顯把配料配搭到視覺上的效果，雞蛋的蛋黃唔會浸到落湯。讓客人一下就清晰地見到配料，但可惜在香港的俺流的男盛拉麵，不知是否因為配料多。。一隻開半的味玉幾乎全浸落湯，當要吃味玉的時候。。蛋黃近乎2/3都落在湯中。。沒有了吃味玉的重要部分的感覺。叉燒貼在碗邊。。2/3浸落湯中和餐牌上的照片感覺唔同。雖然都明白餐牌和現實的照片不乎合這情況，但日本過江龍的新開拉麵店開店沒多久有這情況，真的有點失望。這樣看來。。香港一蘭在這方面還算做得不錯了。原本在想相機先食不能，那味道應該會不錯吧。先飲第一口湯。。。不夠熱。。已經開始覺得是否叫錯食物。。到吃第一口麵的時候，完全失望。點單時叫了麵質普通，上枱的麵質完全是軟身。。沒有了普通的意思。多數個人習慣，當第一次吃要選擇麵質普通時，就是想吃店舖對麵的特性，掌握到如何。主因是店舖內的廚

V city又有新拉麵進駐－俺流塩らーめん，愛嚐試的我當然要來試過究竟這「過江龍」實力如何~ 因為我與同事均想吃得清淡些，所以我選擇了俺流柚子拉麵，而他則選擇俺流紫蘇梅子拉麵。這碗鹽味柚子拉麵所用的拉麵乃是細麵條，伴以細筍乾，柚子絲與菜，配料份量真的不多。喝第一口湯的時候內心暗自驚呼，真的很好喝~ 湯頭味帶柚子清香，超喜歡一入口就有柚子香味，但餘味又有微微鹽味不膩口。整碗拉麵非常神清氣爽，吃下去飽足感十足卻又沒有負擔。細看叉燒會發現有烤過的痕跡，不過稍嫌又薄又少，未能滿足我這個叉燒控。最後吃得一乾二淨完全沒有讓我想添加調味料的念頭，可見湯頭很不錯。調味料的選擇超多，應有盡有。也有教導大家選擇甚麼調味料才最適合其拉麵的餐牌。俺流紫蘇梅子拉麵的鹽味紫蘇梅湯喝起來也好喝，同事覺得喝完鹽味湯頭有種香甜回甘的感覺，完全不膩，十分清爽。他非常滿意玉子綿潤的口感與蛋香甜味，尤其是蛋白的部份有像溫泉蛋那種質感。一口的迷你大阪燒餃子淋上大阪燒的沙律醬跟木魚絲，餃子不會像一般乾乾油油的煎餃，可能因為有醬料關係餃子較濕潤。餃子肉汁澎湃，只是輕輕的一咬肉餡肉汁不斷湧出，那刻感覺美妙。

等左15分鐘有得食，最後選左黑蒜油熟成濃湯拉麵 $62，最後加一$70正常價錢。食落去有淡淡柚子香幾特別，自己可以再加柚子辣椒，加左少少辣和豬骨湯底一起食不錯，麵都有份軟硬度，有口感，但份量講真比較細和得一片义燒，幸好有一隻流心蛋係度，食完有點未夠飽的感覺

上周四(24)號特意前往品嚐、的6時30分到達見店內約9成滿，心想食物必然優質，服務員說1人要排隊，我說有3張枱是空閒，她說1人只等邊吧位，跟着有另一女客人說兩位就立刻安排坐位，唯未齊人，齋坐著等、跟著有另一女單客也要排隊。奇怪是服務員讓人未齊就坐著等，兩個單人企著等，這麼愚蠢的服務質素、既然有空閒枱也不先安排坐位給兩單人先吃！約15分鐘後終於有座位點餐，但之前坐著等的另一客人也剛到達！拉麵我指定食軟，等左約10分鐘終上枱，湯超熱，麵份量足、值一贊、可惜、可惜、，既然有一大塊硬麵未煮熟！有照片為證！

琴晚屋企個個有節目 無人係屋企食所以放工就去V City食碗拉麵自己一個人最岩就係食呢D又唔洗等 無理由自己一個食牛角咖嘛xd呢間應該係新開無幾耐 無食過所以無乜期待叫左碗黑蒜油熟成濃湯拉麵碗麵好快黎 good ~我個人比較中意偏硬既麵質 佢呢個對我黎講有少少林不過唔特別好偏硬麵質既人應該會岩岩好個湯好香蒜味又唔漏 好好食!最正就係夾埋我最愛既溫泉蛋 同個麵勁夾叉燒幾鬆軟 再肥D就更好整體黎講係好食! 會再黎 見到隔離食辣個款都好似好正!!

有次行過見到好多人排隊 再睇完食評 有想嘗試既衝動 同左班fd去試 叫左個盛男拉麵 蛋好食 蛋白食落去竟然都好滑 呢個係我覺得驚喜既地方 叉燒食落吾覺太肥 炸雞都好食 夠曬味 拉麵口感都整體覺得不過不失 就係個湯 好重味精感覺 冇想飲曬d湯既衝動 個湯破壞曬整個拉麵！有d失望 湯先係精髓

最近屯門V City新開了一間拉麵店，每天門外都大排長龍，今天終於給我等到座位，便二話不說試它一試。鋪面座位不多，但勝在簡潔整齊，門外以黑幕作裝飾，除了帶點日本幕府時代的風格外，還有一點私隱度，牆上掛滿日文食品菜單，頗有格調。枱上有許多調味用品，擺放整齊，任君選擇。先來個招牌俺流熟成濃湯拉麵，湯底用雞骨豬骨餚製而成，呈乳白色，香甜不膩，麵質點選普通口味，煙韌帶點爽脆口感，叉燒肥瘦適中，再配上香葱竹筍，份外惹味。另外點了黑蒜油俺流熟成濃湯拉麵，不同之處是湯底隱約透出陣陣香蒜味，湯味較為突出。最後再試一份俺流餃子，外皮煎得香脆，內裡肉汁鮮嫩，非常可口。這條過江龍確實令人眼前一亮。

vcity 新開的拉麵店，開左成個月都有人排叫我排隊我就唔制喇，所以揀左中午11點半去食。服務員態度麻麻地，本來安排了2人梳發位，但我發覺冷氣風口吹住頭，想調台。問侍應可否調，佢話另一張台係4人位我又不是貪你張台大d,但其他2人台都係對風口嘛如果爆場安排唔到，可以諒解，但果時成間餐廳得2台客人(連埋我們)，時間又咁早最後有安排調，但心裡已經對服務扣了分。我點了俺流芝士辛辣濃湯拉麵，面質點了軟身，入口幾彈牙，口感不錯。流心蛋好滑。頭一兩啖唔太覺咸，但食到中段覺得超咸。感覺芝士和湯底味道唔太襯。辛辣亦唔算辣，我食左一半就食唔落了。男朋友點了俺流男盛熟成拉面，偷左佢幾啖食湯底頗鮮，味道不錯，唔會太咸，炸雞好食，早知嗌佢果個味整體中評。一d好味一d唔好味。會再去試佢其他味，希望其他味唔會令我失望

難得星期日放假，梗係要約朋友去食餐好既XD記起之前港生活介紹過來自東京的人氣拉麵店會係屯門V City開業，愛食拉麵既我當然要去朝聖招牌設計簡約，黑幕的設計同掛係牆上的木牌令人有置身在日本的錯覺 。剛坐下已經急不及待咁翻開餐牌，食物款式唔算好多，但睇相都覺得啲拉麵好吸引!!!咩都想試既我就叫左俺流男盛熟成拉麵 ($88) ，朋友就平平地試下俺流熟成濃湯拉麵($58)仲Share 多一個小食俺流餃子6件 ($28)~好少拉麵店可以整到完美既溏心蛋，一係就蛋黃過熟、一係就蛋白未完任凝固= =俺流塩的溏心蛋給我一個驚喜 - 半熟晶瑩蛋黃介乎於膏狀同流心狀態之間，蛋白鮮嫩但唔會熟透~拉麵湯底濃郁可口、油而不膩，我忍唔住飲左大半=P拉麵口感彈牙，同係日本當地食的拉麵同樣令人感動*V*叉燒的油花一放進口就自然融化~~口感一流唐揚炸雞都幾鮮嫩，可惜既係因為浸左係湯中，失去了炸物鬆脆可口的口感，如果可以分碟上會更好。成碗俺流男盛熟成拉麵的分量較大，眼闊肚窄既我最後都食唔晒=( 俺流餃子煎得香脆可口，但唔油膩，入面的餡料豐富，係一個唔錯既小食~成餐飯加一後$200有找，日式餐廳黎講性價比算高，一定會再試

朝早起身，見樓下開左間拉麵店，同女朋友两個人落樓下試新野两個人叫左两個拉麵，一個男盛拉麵，一個辣芝士拉麵，一客餃子男盛拉麵，用雞湯湯底，有叉燒，炸雞，個人喜歡硬麵，點了硬麵，口感可以接受，筍絲少了一點，但整體可以接受辣芝士拉麵，有點失望，無論辣味，咸味，芝士味，完全唔協調，食麵，如果湯唔得，其他里就唔使講餃子，正常水準

見V city新開張左一間拉麵，就去試一試。六點幾已經去到，點知已經排晒隊。其實排左一陣隊就入得去，然後位置都幾寬敞。諗左一陣，我地叫左唔少野，包括：炸雞飯份量唔多，用左珍珠米，有三大舊雞，夠一個女仔食飽有餘。集所有野係一身，滿足為食的人！辛辣唔算辣，湯底特別，介乎清湯與濃湯之間，店員講係由高壓煲煲出黎嘅湯底。同上，多左芝士口感一句講晒：章魚小丸子味嘅餃子。整體黎講，算係唔錯，可以一試。後記：食完七點幾出到黎，已經湯底賣晒，睇黎係限量供應！要食趁早去！