俺流塩らーめん (V City) (已結業)

拉麵癮又發作，經過呢間東京生力軍人氣皇「俺流塩らーめん」，原來佢嘅本店係涉谷，開業8年已經成為涉谷嘅人氣拉麵店，仲有遊客專程拜訪，今次嚟到屯門分店，7點幾見唔太多人就拿拿聲拎飛仔等食啦，我地等咗一陣好快就可以入去，麵店空間不大，坐位都尚算坐得舒服啦，坐低先有餐牌同落單紙揀選你想食嘅嘢，先試佢地嘅間店推介嘅「俺流男盛拉麵」佢哋嘅拉麵可以揀自己鐘意嘅軟或硬度、多葱唔要葱等，自由選擇自己嘅個人口味，拉麵嘅餸有叉燒同埋唐揚炸雞，叉燒厚肉入味而且唔肥，炸雞味道唔錯但浸喺湯到上枱個皮都已經淋曬，建議如果分開碟上會比較好，另外再點咗「俺流叉燒飯」呢個飯滿滿都係肉味道出色，兩款都大大碗啱晒餓底去嘅拉麵店，不得不提我地另外點咗個「大阪燒餃子」，呢個真係好好食，會再去！

約咗朋友去屯門睇戲，未夠鐘就去食嘢先。見好耐冇食拉麵，呢間又唔洗排隊，就入去試一試。坐底睇一睇個menu，發現口味都幾多，有濃湯鹽湯，又有味噌湯黑蒜，重有柚子味紫蘇梅味，花多眼亂。最後決定咗要碗味噌湯拉麵同一個唐揚炸雞飯。拉麵賣相唔錯，湯濃淡適中唔會太咸，叉燒好厚身，食落口有口感，溏心蛋值得推介，一咬開，d蛋黃不停流出嚟，好正🤤🤤炸雞炸得好香脆，配埋沙律醬食落去冇咁油，雞嘅份量唔係話好多，但沙律醬撈埋d飯都好好味，炸雞飯比拉麵吸引😂朋友見個飯唔係太大個所以先叫，點知食完都好飽，應該係d沙律醬嘅關係

一碗好既拉麵，最緊要係個湯底定個麵底呢？我個人鍾意飲湯，我會投湯底一票而呢間拉麵店，唉，又係果啲食完無咩感覺，唔係好食又唔難食果種囉⋯⋯ 唔知呀，香港而家大部分餐廳都係呢種感覺湯底ok既，個塩味湯底清清地；個濃味湯都惹味；而個麵底夠彈牙Lunch set, $86一碗麵、一碟好細既小食、一罐汽水.... 唔知由幾時開始，lunch既價錢不知不覺去到80元，下午茶去到40元... 唏噓講番間餐廳，食完真係無咩感覺，如果無寫呢則食評，去過我都唔會記得... 最好既可能係店員有禮貌既服務，問佢地攞野好快手同親切... 完...

紅日嚟到呢間拉麵店都唔使等位，拉麵店嘅裝修好似好神秘咁，只係掛住幾條白色嘅窗簾布遮住入面，我經過幾次先知入面食拉麵😂😂一入到去職就會送上一杯檸檬水，今次我order左俺流特製撈面。個面黎到賣相都幾靚，有一個生嘅蛋黃係上面，側邊仲有兩塊叉燒，面上亦灑上炸蒜片，一睇就知重口味，食落面身乾身彈牙，撈埋佢嗰個辣辣地既醬，食落好惹味不過既然身為一個重口味嘅人，又點可以唔落埋鋪頭提供嘅黑蒜油呢~ 落咗黑蒜油食物非常之夾， 絕對係色香味俱全呀! 叉燒就略為乾身，而且分量得兩片食，有啲少，好彩個面好夠味，唔太需食餸。

去食之前無咩期望諗住男朋友鐘意食拉麵所以一試一去唔洗等位 即刻入坐同之前要排長龍好大分別咁我地就order左辛辣熟成濃湯拉麵：食落去其實普普通通麵算彈牙 舊叉燒係厚既入口即溶👍🏻俺流青檸冷麵（期間限定）：有青檸既清新酸酸鹹鹹，好開胃不得不讚，上檯既時候，冷麵內都仲有冷係度👍🏻超級彈牙👍🏻但係d雞因為過冷河既關係，變得硬身所以試一次就夠啦👍🏻俺流炸雞：雞算滑不過炸粉偏厚野食不過不食，可以再食最令我有驚喜既，反而係佢d醬（尤其是係柚子胡椒）加完之後，令到味蕾享受豐富左絕對唔係傳說感伏👍🏻👍🏻👍🏻

晚餐突然想食拉麵，見到 黎間野係openrice既食評都唔錯，於是試一試。奉勸大家如非必要，千萬唔好食黎間，野食淡而無味，明明叫芝士辣湯拉麵，淡如水。諗住叫荀另上，話無得另上，唔緊要，但竟然係問都無問變左走荀。炸雞另上又唔得，浸到林曬都唔知食緊咩。完全無服務可言，個個企曬係到傾計，水又唔加，明明兩個人，紙巾又得一張，我都唔明點解要比服務費。拉麵最重要既流心蛋，係無味咖！ 拉麵水煮蛋？我對食其實無乜要求，但黎間野真係難食又貴，如果想試伏野，一試無妨😌

餐廳環境乾淨，燈光偏黃但尚算光猛，座位闊落舒適。拉麵款式選擇多。雖然多數拉麵的湯底都十分濃郁，無需加調味料，但貪玩試下柚子胡椒醬都幾特別黑蒜油熟成濃湯拉麵味道好普通，麵質不過不失，溫泉蛋勁流心！可惜叉燒肉質有點粗糙。反而鮮蛤蜊濃湯拉麵好特別，蛤蜊疊到好高，粗略估計有十幾廿隻，感覺好足料！職員會附加一個小碗擺放蛤蜊殼添！雪白濃湯好有鮮味重點：唔係間間拉麵鋪有得食！所以話要試下期間限定，先有機會找到新驚喜

今次又試吓食新野，依間拉麵店都開左一段時間,本身諗住都會有一定嘅質素， 不過試咗今次之後，我諗暫時唔會再幫襯😂上一次喺銅鑼灣到食過一個好好食嘅有柚子拉麵，今次再try try 拉麵要等一段時間先有得食，冇咩耐性嘅人唔好嘗試，等左10幾20分鐘度，終於有得食，呢個就係袖子拉麵，個湯係清既，隻蛋係無切開，開頭諗係咪隻蛋fail😂anyway 係流心既，有點可惜係湯底5太特別，相對銅鑼灣嗰間，麵既硬度不一有點失望另外，叫左濃湯版，個湯底都係麻麻，好普通，同樣，個蛋係流既，不過上菜已經係如圖咁，有點核突，個麵底我地都係揀左硬，但同樣又2種texture 叫左餃子，好小餡又多油，有d係爛左既😅um.. 38元就。。。5太值拉麵店有好多，做得精又突出既，都5多，如果200幾元食依d,我自己就會嘗試去食另1間lu

主打係鹽味拉麵，有辣有唔辣，由淡至濃的湯底可供選擇，味道有很多選擇，熟成濃湯，鹽湯，味噌湯，柚子味，紫蘇梅味。 雖然拉麵有它的原始味道，但俺洗鹽還教你怎樣調味配搭不同的味道，個人覺得柚子胡椒及梅子醬挺特別的。🍲🔥今次我食呢個係"俺流芝士辛辣濃湯拉麵"見到有些蒜片，是帶蒜味的濃湯底， 他們建議再加黑蒜油，非常重口味食到最後有些咸，配料有菠菜，流心蛋，荀。*如不要荀，可走掉*下次想試紫蘇梅子拉麵玉子大阪燒：其實即係炸蛋， 18蚊一粒，抵唔抵就是乎自己啦很多調味醬料

星期五自己一個去睇戲，睇戲前食一客熱辣辣拉麵就最好不過，「俺流塩らーめん」原來來自東京澀谷，他們的賣點是用高壓力的方法去製作湯底。有不同的味道給客人選擇。當日我選擇了黑蒜油湯底熟成拉面。不同的味道給客人配搭有不同的調味料性價比方面不足，湯底唔夠濃，唔夠熱，其他不過不失，OK既.....。回頭指數: / 5 

本來打算跟友人到西貢行山，可是早上起來時天色不佳，就造就了住在屯門的我倆快閃的在Vcity吃了個拉麵。我叫的是濃湯那個，比較驚喜的是上面附有些柚子，味道還不錯感覺很fresh但麵質的倒是叫了硬麵，可是才是等於平日的著軟麵至普通而且亦不算掛湯黑蒜油這碗是朋友叫的，因為我忘了影餐牌所以價格都忘了，但隱約記得是中位價格，可以接受同場加影的餃子倒是還好，就是皮薄有肉汁的我的那碗沒有溏心蛋，所以我加$10加了客，但還是不錯的飲品不算伏，蜜瓜味可以再濃一點很有趣的有梅子醬、柚子胡椒、黑蒜油都可以自行添加醬料種類還蠻多，但唯一不太好的是不太環保，全用了即棄木筷

好想食拉麵。 星期日，下午3點半來這一間餐廳食，第一次食，叫咗個辛辣味噌拉麵超級濃湯，另加咗個 俺流餃子六粒， 個拉麵個湯好濃烈，上面有少量柚子皮，湯有少少辛辣，好有特色個湯有柚子皮，個湯會有少少香味同埋少少酸，個湯飲到柚子味，店會提供幾款醬畀你， 有梅子醬，有柚子胡椒醬，同埋黑蒜醬， 我就落咗少少黑蒜醬，個拉麵好好食，好彈牙，入味，同埋個叉燒都好入味，不過就得一嚿，好少，覺得幾貴個拉麵要成90蚊一碗，個餃子都好香口，幾好食有六粒，有豬肉嘅同埋有菜。就要30元6粒。這裏要加一， total食咗124元

位於Vcity的俺流塩らーめん，是一間來自東京澀谷的過江龍。餐廳主打特別的鹽味拉麵，以雞骨和香蔥餚製，跟香港的其他拉麵店與別不同阿。曾經帶媽媽吃過一次，真心覺得味道有待改善。上次到這次光顧，大慨有半年至一年啦吧，有位喜歡吃拉麵的男朋友，今天除夕，我決意再給一次機會。俺流柚子拉麵$73+$13叉燒俺流的拉麵種類超多，雖是只有鹽味湯底，卻演變出極多不同拉麵，有淡有濃，讓客人選擇。曾嚐過柚子拉麵，味道過淡，這次再次嚐試。柚子拉麵在清湯中加入曰本柚子汁，鹹中帶酸，味道清爽，較第一次光顧時更入味入鮮，有驚喜阿。拉麵是白麵，熟透後帶透明感，沒之前有的鹼水味，質感較之前彈牙，質素好過上次好多呢。俺流特製撈麵$73由於上次光顧時覺得超淡，我是重囗味人士，所以這次就選擇拌麵吧！人氣推介的撈麵，味道果然很好呢，重囗味人士也可光顧俺流，選這個就好啦。撈麵的麵條是自家製中粗曲麵，囗感煙靭Q彈，質感不錯呢。配以濃稠蛋黃，黑蒜油，秘製醬汁，拌勻後味濃惹味，黑蒜和味噌醬配搭得宜，重囗味者加入辣醬，好好吃阿，推翻以往的評論啦。明太子芝士燒餃子$38曾嚐過的餃子，味道可好，價得一試又試哦。超喜歡吃明太子，明太子和芝土超

呢一晚又係一如以往既諗唔到食咩，嚟到Vcity食呢間拉麵（由於易左手又無重新裝修過，我食到一半先發現原來唔係之前既舖頭😓），呢間可以話係少數無水準既過江拉麵店。由店面晚餐時間都無人排隊已經知道有啲唔妥，入到去打開餐牌，款式選擇多但好多都係比較少見既配搭，例如芝士、紫蘇、梅子等等，可能因為同店名一樣係「俺流」走少數派路線。個人比較嗜辣，叫咗個俺流芝士辛辣濃湯拉麵，等咗十分鐘左右，上菜時湯呈橙紅色，面頭灑了芝士粉，睇落去賣相還好，飲咗啖湯完全唔識形容，無一種特定既味道，只係食到鹹味同少少辣味。同一般出面濃厚湯底用豚骨或者雞骨熬出味唔同，呢個湯好薄，食完只係有飽既感覺，無滿足既感覺麵質還好，叉燒乾而無味，整體感覺差而另一個黑蒜油熟成濃湯拉麵亦係同樣湯頭，只係無咗辣味，而黑蒜味亦好淡，要落側邊既調味料加味，或者係呢間拉麵店既風格，但似乎同香港人口味有出入😪另外一開始怕唔夠飽就叫多咗個俺流餃子，有六隻，食落皮略厚，餡料尚算足，調味可以接受，但比起出面既仲有一段距離，點埋個餃子汁，算係成個晚餐最好既一個菜式埋單都要每人一百，如果呢個水準既話出面會有好㚈戈選擇而且價錢亦平得多，需要再改良湯底或者推出

工作關係最近要常在屯門覓食，今次就試了這家日本拉麵店，意想不到屯門竟有如此高質拉麵店。叫了招牌熟成鹽味拉麵，配料不多，所以另加了雞蛋。雞蛋味度普通，不太流心，但一碗拉麵沒有雞蛋總覺得不完整。雖然如此，湯頭卻十分出色，非常濃郁，豬骨味突出，加了些檸檬皮，於是不覺肥膩。叉燒質素很好，肥瘦適中，很香的火炙味，配上粗幼適中的拉麵，非常可口而且，枱面上有數款調味，有梅子醬，黑蒜等俾食客自己加添味道，重口味者定必更加喜歡價錢方面，平過市區同質素拉麵店一截，絕對值得回頭！