來多碗車仔麵 (康寧道) (已搬遷) 新店位置

放左工已經好攰,真係好想快D番屋企訓,但都要食野既.行過康0度果邊本身諗住買爭鮮, 但天氣咁凍都係食番D熱野好WOR.見到有車仔面, 入面又幾多人, 一於試下.入到去原來直接係門口揀餸, 同呀姐篤篤篤佢就夾晒落個碗到.點知高興過頭叫左好多餸,餐肉,魷魚,芝士腸,雞翼,豬皮,冬菇 XD 雞翼實在不錯，滷得夠入味。不過唔知係咪比較夜, 可能已經無咩湯, 湯比較少.但加上魷魚附上既辣汁，令湯底更惹味。但係要推介既豬皮真係好爽口,好厚身， 索晒個湯,車仔面首選呀!另外, 冬菇亦都好唔錯, 夠哂肉地，煮得好入味, 吸收晒精華.感覺呢到煮食好用心, 用料需然唔係話咩好明貴既料, 但湯底等等都好好味同鮮味, 幾十蚊一餐係呢個時期很不錯!

又係觀塘做野做到4點先有lunch食=_=, 其實都唔叫lunch了。 記得上次朋友仲推薦左一間食車仔面既食店，叫'來多碗車仔面'，到依家都未有機會試下，所以今次就一於去品嚐品嚐。行到鋪頭門口，已經有個menu可以睇，一個面加三個餸$30蚊，價錢都幾合理，仲有學生價，$25蚊連野飲，可惜我早已經唔再青春。價錢就相當合理喇，唔知個質素係點呢？入到鋪頭入邊，裝修頗為簡單，但係勝在夠乾淨，坐得都比較舒服。我叫左碗油面，再加上牛丸，豬紅同午餐肉。車仔面果然係車仔面，兩分鐘都唔使就整好碗面，夠快！我鍾意！試車仔面梗係要試下佢個面同埋湯底，一下之下，又真係有驚喜。個油面好彈牙，個湯底又相當鮮甜（應該係腩汁湯底再加少少豬血汁），兩者配合埋一齊食，味道一流！D餸既質素都唔錯，猶其係豬紅同牛丸。牛丸夠哂大粒同埋彈牙，豬紅都大大粒，最緊要就夠結實，真係完整一大粒。總體黎講，呢間'來多碗車仔面'係車仔面入邊應該算係比較高質素，本身以為呢間鋪係新開，原來已經做左好多年，只係新搬入黎呢間鋪，唔怪得d車仔面有咁既質素啦！

從小就喜歡吃車仔麵，我覺得，雖然佢冇乜好特別的技巧，但係就是簡單得很也可以令人著迷。以前喜歡吃永年，貪那口辣的快感，我對自己說，最重要係個湯頭。但吃得越多，越知道車仔麵的藝術，在於湯頭外，還有那些餸，有時你吃過好差的車仔餸你就會知道，佢都可以好難食。之前吃完阿桂，朋友說隔離的來多碗車仔麵都是觀塘的名店。來多碗車仔麵原來是觀塘老字號金僑小食原班人馬。金僑小食，之前聽過佢個辣醬同魷魚都好得。一麵後你喜歡叫幾多個都得，二個餸24三個餸30四個餸36，價錢都是八蚊一個，好多種唔同嘅餸都有，你喜歡怎配都可以。我未試過叫八個餸，同阿姐講下講下，呢樣好，個樣好，樣樣都好，最後我叫了八個餸，我從來未試過咁癲食咁多個餸，不過，人生中總有幾次要瘋癲一下，八蚊個餸唔係好貴，食就食啦。選了粗麵，吸辣味吸湯頭一流。這裡的辣好惹味，我同阿姐講為左呢講呢朝聖，佢好似唔駛錢咁俾一Pat我，令全碗麵更為好味。豬皮爽朗得很，沾上了湯頭的味道，賣相好靚之餘，都幾好吃。豬紅是實實在在的濃濃烈烈在你口中輸送豬紅味道，沒有那些cheap豬紅又鬆又散。雞翼尖不是我好的食物，但係經歷了那個經典的辣醬洗禮後的雞翼尖更加惹火，雖然沒有B

香港嘅集體回憶美食，多以平民化見稱。雖然唔係用上咩山珍海美，但卻總係另一有一番風味！上星期放工就同同事去一嚐此番港式風味－車仔麵！車仔麵最重要當然係個湯底，個人最愛就係腩汁湯底，配油麵堅係sure win，可謂車仔麵界嘅老牌「當勝君」！配料方面，豬大腸、蘿蔔、牛腩、紅腸同豬紅都係基本配搭。呢間餐廳選擇比想像中多，仲有厨師腸、鳳爪、生菜、丸類等選擇！豬大腸，洗得幾乾淨，大腸騷味濃，而且切割嘅厚度剛好。 蘿蔔超甜，炆得入味，配埋炆得軟稔嘅牛腩，口感幾乎係入口即溶！ 紅腸，兒時回憶，坊間都唔係間間車仔麵檔有賣！總括而言，叫咗5個餸，每款配料都幾充料，大大一碗食簡直係價廉物美！

呢排成日都係觀塘同姊妹行街，原來觀塘有甘多好嘢食。今次朋友就帶我去觀塘老字號食車仔麵，原來呢間來多碗車仔麵前身係「金僑小食」。第一次嚟食，我入到去放底嘢慢慢簡。每一張枱都有齊調味料同餐具，給人感覺乾淨企理。 餐牌貼滿牆、枱、同埋門口，最後我決定要一麵三餸，30蚊。 我們要自己出去點餐～首先，要點一個麵食，然後再點三個餸。廚房是開放式的，乾淨又光猛。 我叫了河粉做麵底再配上牛腩、豬紅和魷魚。愛吃辣的我叫了中辣，果然沒令我失望。夠晒辣，而且料很足！ 豬紅值得一讚，唔會有異味，而且好爽口。唯獨牛腩唔夠腍，咬得比較辛苦。魷魚爽口得嚟又入味，不過唔係幾夠喉，好想再encore ！ 河粉的口感很滑嫩，配上濃郁的腩汁，正！總括嚟講，車仔麵夠晒正宗。食緊麵既時候都有幾個熟客仔係度食野～而且價錢合理，下次一定會再去！

經過觀塘，順道吃晚餐，寒冷的天氣想吃一碗熱騰騰的麵，最後選擇了車仔麵。上網查了查，發現原來這間看似新開的店原來是觀塘老字號改名再開的＠＠餐桌上有各種的調味料或醬汁，能自由配搭做出最合自己口味的車仔麵。 我選擇了3餸麵。麵方面選擇了粗麵，而餸方面我選擇了魷魚、蘿蔔、豆腐卜。因為網上說辣醬挺出名，所以好辣但不太嚐辣的我叫了小辣。從圖亦可看見腩汁湯底的色也挺美。因為我想整個麵和餸也能沾到點辣醬味，所以把辣醬混在湯底裡。因為怕太辣所以便叫飲品，不太想喝汽水所以叫了一包陽光檸檬茶。粗麵不太硬又不太「稔」，軟硬度剛剛好，口感很適合我啊！ 粗麵吸收了辣腩汁，才知道原來一小匙的辣醬也非常辣，使我不斷流鼻水（不是病），但真的辣得過癮！魷魚真的令我驚喜，爽口彈牙，沾上了微辣的腩汁，真的是口感與味道並重xd蘿蔔未吃看外貌便知完全入味。一吃，果然每一口都充滿辣腩汁味，但又不太會完全遮蓋蘿蔔的味道。豆腐卜滲透力極強，很快就吸收了滿滿的辣腩汁，每一口都十分JUICY。

本身不是 車仔麵 粉絲, 但也好久沒有吃過車仔麵了 ....午餐時段, 路過這間名叫 " 來多碗車仔麵 " 忽然心血來潮, 於是便入內吃一碗 ~一麵三餸 $30 + 罐裝汽水 $7 ~點了 蘿白、豬皮、魚皮餃 配油麵 $30 + 玉泉忌廉 $7份量也不少, 腩湯底, 呷一口也頗對路, 清甜夠濃香, 不太鹹也不油膩 ~蘿蔔大大件, 夠腍夠清甜, 沒草青味, 咬落無渣, 相當不俗 ~魚皮餃不是自己貨, 但口感也算結實彈牙, 而且帶點鹹鮮 ~豬皮是十分入味, 腍滑而帶膠質感, 很久沒吃過這樣腍滑的豬皮了 ~油麵的質感軟硬適中, 而且吸湯力強, 越吃越好味 ~店方自家製的辣油, 辣味由淺入深, 鮮非試不可 ~邊吃麵, 邊喝汽水 .... 爽! 爽!!本篇完 ~

今日要到官塘辦事，發現在康寧道有一間裝飾以中高檔茶餐廳格局的車仔麵店，門面很新，地方好乾淨，座位都好寬敞，反正很久沒有食車仔麵，那就入內試試吧。入到店內看見價錢很公道，都是只需37元已有一麵三餸，那我和朋友就先開始點選食物才入坐，車仔麵的餸有很多可供選擇 …因為今天不算太餓，所以也就點選3餸麵，當然我們都會必選的招牌餸 ~~~ 辣魷魚 è 夠爽口，辣度啱啱好和很入味。猪大腸 è 夠軟夠腍，全無奇怪異味，也沒有肥膏在腸內，所以感覺很放心食。大大碗的米粉煑得很爽，不會過軟，剛剛好！我朋友叫的油麵 è 都很夠新鮮同彈牙！牛腩 è，D肉燜得很腍，很入味，很好食！看看湯底裡的濃濃的腩汁，便知一定夠味道，他們還會把辣醬放在匙羹上，由我們隨意地放辣，很細心。加埋杯熱奶茶 è 夠茶味兼香濃和香滑，很有茶餐廳的風味，唔錯！ 

是日來到觀塘閒走，中午想找個地方餵飽肚子。正好走過康寧道，看到一間新開的車仔麵店，便邁步前進。這裡點餐的流程跟傳統車仔麵店一樣，都是在門口位置下單、付錢，才入內找座位。可能是新開張的關係，故此食物選擇不太多，不過一般車仔麵店該有的還是有的。我點選了油麵底、豬大腸、魚蛋和牛腩後就找位置坐下了，座位挺舒適的，沒有茶餐廳擠迫的感覺，也很乾淨企理。我首先喝了一口牛腩汁湯底，牛肉味豐富且不會過咸，味道剛剛好。再吃一口牛腩，也頗為鬆軟，而且很入味，是為意料之外。豬大腸的質感亦不錯，很有咬口，配上牛腩汁湯底更是錦上添花。魚蛋則比較普通，雖然爽口彈牙，但魚味不夠香，有進步的空間。而油麵質感滑溜，有點咬口，跟我兒時的感覺一致。整體來說，這碗車仔面十分惹味，湯底濃味且與配料相夾，讓我有點後悔沒有選擇蘿蔔。筆者認為這裡的選擇不算太多太特別，但勝在價錢十分親民，味道亦有一定質素，而且環境乾淨寛敝，是為可到之處。

住在觀塘的妹夫曾經講過前觀塘"金僑小食"原裝班底已重新開舖, 可是我根本不知道"金僑小食"是賣甚麼的, 妹夫都是簡略講過他們的辣椒油是出名在自己炒, 還有好味的東西在豬腸、蘿蔔、魷魚 ... 探索總要靠自己。時值學生放午膳時間, 學生餐只是$25, 難怪進店的多是學生群, 不過是以外賣居多。車仔麵店光猛猛的, 暫時來看是很衛生。  餐牌貼滿四圍的當眼處, 牆上有、檯上亦有。我決意點這個三餸餐連罐裝可口可樂 $37豬腸、牛腩、魷魚、油麵, 最緊要是辣醬一大垞。辣醬的辣度很猛, 建議逐少逐少添加, 不過味道是有點海鮮醬的蜜甜, 混入麵湯裏的確很惹味!基本上我並不好水魷, 但這裏的魷魚並沒有一般水魷的硬膠質感, 煮得入味也腍得不過份。豬腸也是鹵得入味, 不會太鹹反而更襯托出豬腸脂香。反而牛腩是未炆腍, 吃著仍然有渣而且頗瘦呢!油麵沒有鹼水味, 會吸湯, 吃下一啖已經吸了甜辣味湯底的油麵, 爽口也彈牙!食物是煮得好, 但開放式廚房裏的掌廚大人的"人際態度"實在是不忍卒睹, 還是快快吃完快快付費離場吧!

成日OT，公司附近既餐廳都食厭左，今日行遠小小過黎加裕民坊後面，見有間車仔麵都幾多人食，就即管入去試一試！呢度環境好casual，自己係麵檔order完麵同送之後就會幫你拎埋位然後收錢，跟住就可以開餐啦！我就次次都食米粉既，因為無咁油健康啲！但見到佢個辣醬好似好正咁，唔食得辣既我都加左少少，好彩佢會幫你on side，唔驚成個麵辣過頭食唔到！呢度既送選擇都唔少，而我今次好貪心嗌左五個送哈哈，實在太肚餓啦！湯底濃而不膩，無咩味精味，唔洗狂飲野！豆卜係大大隻果種，中意佢夠淋吸哂啲湯既味道！豬紅都豬腸都好入味，值得一讚既係豬腸洗得好乾淨無臭味！見佢個魷魚好似幾出色，所以都試左，果然爽口彈牙得黎好夠味，唔似出面街食果啲淡mou mou又膠！食完埋單都唔洗五十蚊，真係幾抵食！

講真 每次OT諗食咩 真係諗到煩今次就試試呢間車仔麵格局唔同其他車仔麵店係門口先點完 跟住就送埋位收錢一條龍服務呢間「來多碗車仔麵」都係間幾傳統既車仔麵店一入門口就聞到好香既「車仔麵」味價錢合理 都幾抵食因為份量都不少講真 鐘意食車仔麵既原因係可以點好多送每次都必點豆卜同腸仔豆卜就最重要係煮得夠入味吸收濃濃的湯底就係大FIT車仔麵檔的腸仔係別有一番風味每款都有佢地既特色每款都經過了長時間既煮唔係求其咁用「水」煮下食車仔面 點米粉就最好不過了因為不油膩又可以吸收湯底的精華幾十蚊來說 完全係上等水準

女朋友唔係香港，一個獨男放工又返到充滿美食既康寧街，呢到係平民食堂，選擇都相當多。今日就去咗食車仔麵!以前細個都好鐘意食車仔麵貪佢多餸任揀，但依家啲車仔麵檔愈來愈少，米線就成行成市，而呢間就大膽逆流開張。裏面裝修好新淨，抽氣又好，唔會周圍油淋淋，感覺乾爽。而且環境並唔嘈雜，同朋友/屋企人吹水一流。可惜我無有!(喊)學生廿五蚊就有三餸麵兼夾送野飲，一個字—抵!不過呢，我呢個超齡學生就享受唔到如斯優惠拉。但都係抵食既，因為叫左個三餸麵都係三十蚊有找，仲可以係邊度揾?!蘿蔔，魷魚鬚，牛丸配河粉。叫河粉最怕太油，好彩佢又唔多油，幾滑身同煙UN。魷魚鬚爽口好彈，仲有少少辣汁，而且無腥味，good!蘿蔔好淋，又入哂味，睇黎浸湯浸足鐘數。牛丸大大粒，又彈又香口，完勝譚仔!以性價比黎講，呢到係幾抵食，多餸之餘，份量都幾大，男仔都會夠飽。日日食連鎖店都會悶架，不妨出去試下小店，食返舊時既美食。

好耐無食過車仔麵，上次經過呢條街見佢新開張已經想食下，今晚咁啱又過黎呢頭，就食佢啦。店內很光猛乾淨，新開張咩都白雪雪。有數枱客人，似乎都係街坊熟客，同店員有傾有講，幾warm咁。自己點餐比錢再埋位慢慢食，第一次黎睇下餐牌有咩揀先，麵同餸都有幾多得揀，諗左陣決定叫呢幾樣先。朋友碗河粉，全部揀肉……食肉獸話正喎，揀左午餐肉(有兩片)，漢堡扒(一塊)，魚片餃(兩隻)同牛腩，四餸一麵勁豐富。自己個碗，兩肉兩蔬同米粉，大大碗，滿滿的，加埋腩汁同辣醬，車仔麵嘅精髓嘛，正！冬菇，炆得軟腍厚肉，爽口。豬紅，入味唔散亦唔過硬。豬腸，肥美有咬口，正。仲揀左蘿蔔，大大塊，同樣炆得又淋又入味，無渣，好食。米粉較為碎啲，都ok啦。加七蚊要左罐汽水，屋企樓下部汽水機都要八蚊，呢度算係咁啦。散叫一款餸要八至十蚊不等，咁樣叫會抵啲。

是晚在附近工作，完了就想吃點東西才回家, 之前有朋友介紹過這間新開業的車仔麵店, 說這裡不錯，見價錢不貴，無可，也無不可，就進來試試。來多碗車仔麵位於觀塘的康寧道，附近都是一些街坊形式的食店, 店子地方不算大，但也相當企理, 寬敞而舒服。如要落單的話, 就要到店子近門口位置的車仔麵檔, 即時揀選自己想點的配料、麵底, 湯底方面也可選擇辣和不辣, 除主打的車仔麵，還有冷熱飲品供應。是日的車仔麵, 要了油麵做麵底，湯底選了不辣,配料伴以雞翼、牛丸、豆卜及生菜舖滿了一大碗。先試了湯底, 味道甜美也有香味，湯頭不太油膩, 而油麵極富嚼勁, 配料方面，雞翼是肉質嫩滑， 牛丸爽口彈牙,豆卜也豆味香濃, 生菜新鮮爽脆, 整碗車仔麵算是交足功課了。飲品方面, 點了熱奶茶, 茶味香濃, 奶也夠滑, 也不錯。其實餐廳開業了不太耐, 就這晚所見食客們應是街坊和在附近工作的上班一族。其實食物只要做得認真，新鮮好吃，就是車仔麵也可以大受歡迎。