來多碗車仔麵 (康寧道) (已搬遷) 新店位置

成日OT，公司附近既餐廳都食厭左，今日行遠小小過黎加裕民坊後面，見有間車仔麵都幾多人食，就即管入去試一試！呢度環境好casual，自己係麵檔order完麵同送之後就會幫你拎埋位然後收錢，跟住就可以開餐啦！我就次次都食米粉既，因為無咁油健康啲！但見到佢個辣醬好似好正咁，唔食得辣既我都加左少少，好彩佢會幫你on side，唔驚成個麵辣過頭食唔到！呢度既送選擇都唔少，而我今次好貪心嗌左五個送哈哈，實在太肚餓啦！湯底濃而不膩，無咩味精味，唔洗狂飲野！豆卜係大大隻果種，中意佢夠淋吸哂啲湯既味道！豬紅都豬腸都好入味，值得一讚既係豬腸洗得好乾淨無臭味！見佢個魷魚好似幾出色，所以都試左，果然爽口彈牙得黎好夠味，唔似出面街食果啲淡mou mou又膠！食完埋單都唔洗五十蚊，真係幾抵食！