佳記甜品 (已搬遷) 新店位置

好多人都以為B仔涼粉的主打係涼粉,但其實主打係完全同甜品無關ge雞翼尖...10蚊20隻ge雞翼尖ok抵食,可能我平時都食好辣ge野雞翼尖就唔係好辣,幾好食,又好食又抵食ge去邊度搵呀

B 仔 涼 粉 . . . 我 細 細 個 就 聽 過 佢 個 名 架 啦！出 名 到 幾 乎 無 人 記 得 佢 個 真 身 叫 佳 記 甜 品 ，N 年 前 ，同 班 friend 由 大 圍 踩 單 車 入 元 朗 ，終 點 站 多 數 都 係 去 佳 記 ，但 老 實 講 ，我 從來 無 食 過 B 仔 涼 粉 ，唔 係 唔 鍾 意 同 人 分 甘 同 味 ，而 係 唔 鍾 意 有 咁 多 罐 頭 生 果 . . . 但 元 朗 近 年 開 咗 唔 少 水 準 唔 錯 嘅 甜 品 店 ，佳 記 嘅 人 氣 已 不 復 當 年 勇 . . . 雖 然 佢 仲 係 好 旺。

上星期才來過,今次係因為在附近的氹仔食晚飯,才順便來B仔,不過.....水果已經有少了少不同,我們叫了兩兜B仔,分別係大菜糕底&啫哩底,不用次次都吃涼粉及杏仁豆腐底咁鬼悶,不過...今次沒有了木瓜,多了蘆薈,但...西瓜過熟都擺上去,入口怪怪的,即時吐番出來~ 囡囡口嚨唔舒服,唔敢比佢吃生冷食物,所以,只能叫湯丸給她吃~偷吃了一粒,除了"超甜"外,個粉好厚~ 吃飽後,當然少不了一個外賣兩包"雞翼尖"回家的指定動作囉~值得一提既,食唔哂,又有好多剩的,可以加3蚊買個大膠兜打包走架~

同friend去元朗一日遊 ~~~其實無乜嘢做..so去食食食食完jap再嚟食個 dessert... 2個人根本無可能finish得曬~~...太大啦d fruit都ok fresh ge ....

今次一行2人咁大把到元朗SHOPPING同食野shopping大有收獲後食咗田中長壽司......好似冇以前咁好食今次係我第一次去b仔食涼粉,都算ok,食客都算多,但都唔洗等位裝修冇咩特別,但格局都算地道芒果涼粉:涼粉彈牙；爽滑有口感,同屋企嘅罐頭好唔同,食落去有涼粉草清甜糖水方面唔係好夠甜，只有糖水味，無涼粉味！糖水太清，無黑色果隻涼粉汁芒果都算甜，但最差係無芒果蓉汁，變左好似食芒果還食芒果，食涼粉還食涼粉另外直得一提係好夠凍，好冰涼豬皮魚旦豬皮有膠質感，但唔入味另外好多豬毛係表皮，賣相一般魚旦彈牙夠味，最欣賞係果陣魚腥味，夠辣芒果糯米磁皮太厚，皮顏色較假，芒果餡太甜，好唔鍾意粗糙既椰絲面，但喜歡果陣芒果香！

從前B仔涼粉, 真的只有生果或罐頭生果, 再加涼粉/西米露/亞塔子等等的這些東西, 普通得很, 想吃糖水未必會想起它, 想吃生果就可能會幫襯不過現在的B仔已不同, 越來越多的新產品, 新選擇, 有糯米滋, 芒果班戟, 乳酪芝士餅等等~而我最喜歡的B仔食品, 除了一般糖水外, 最愛是雞翼尖, 夠辣, 好入味, 正腸粉又是好好味, 加齊甜醬辣醬就最好味 仲有係糕品, 椰汁糕, 紅豆糕亦係我既至愛, 只可惜糕品確實貴了一點, 平返少少就好喇~~雖然人住屯門, 但閒時都會想起B仔, 入元朗都總會去幫襯一下

因為39寸白朱古力胸毫不憐香惜玉狠狠地打左我手掌仔一下，所以呢，今次係我有史以來第一次持續一小時咁情緒不穩。 係，我係發脾氣...... 咁你打我喎！仲係狠狠地個隻喎！好可憐架嘛...... 嗚嗚...... 打完波出完身汗我又想食野啦。 朋友仔要了 - 楊技甘露朋友話芒果太大件，甘露又太"傑"，似食楊技甘露糊。我要了 - 芒果布丁布丁味道一般，芒果大大件好新鮮。另外還要了兩串魚蛋，一串辣一串唔辣。朋友仔喜歡細細粒彈牙有咬口嘅魚蛋，我也是。我見到你打波時好無奈嘅表情我都好難過。所以係成個打波嘅過程我不斷同自己講唔好嬲，你見到我咁樣你都唔好受。我唔希望同你一齊時會令你唔開心，我要我地每次見面時都係開心輕鬆愉快。

食完飯,,行入黎糖水街嘆返個甜品=]久聞B仔涼粉唔錯,,就叫咗一個試下啦,,60蚊,,都知道分量一定好多,,其實望下個場,,10台有8台都擺住一碗B仔凉粉,,大家都聞名而來?!嘩,,黎啦,,真系好大碗@@有好多種唔同既生果,,大部分都好好新鮮,,某幾款系鑵頭産品有蜜瓜,,蜜桃,,芒果,,西瓜,,木瓜,,波籮,,樹波籮,,奇異果,,龍眼肉,,盧薈,,香蕉,,仲有一大兜凉粉啦=]呢度既凉粉硬身小小,,幾好既=]但我本身就麻麻地鐘意食凉粉,,哈,,食曬D生果已經好叻,,真系好多,,超超超超飽2個人叫B仔船好啦,,真系食唔曬B仔涼粉@@

其實本人一向中意吮骨多過食肉，所以雞翼尖無論點整，我都鍾愛。B仔嘅雞翼尖真係好好味架，夠晒辣，又好味，只係略嫌林左少少，大概是一早煮好，置於電飯煲保溫的緣故吧，可能亦因為甘樣，所以先夠晒入味咯。越食越辣，但又停唔倒口窩，$10一大碟。有時要order 2杯西瓜汁先搞得掂。至於B仔嘅甜品……不敢恭維啦，賣相比較求其，價錢又貴，我只會食比較正路的芒果糯米糍&芒果涼粉炸。其他感覺都麻麻地。腸粉方面，好多人都話正，但身為元朗人的我，就中意相隔一條街的【肥仔計腸粉】啦，教育路【台灣面】行前小小的轉角位，腸粉超滑，醬汁好味，老闆超nice，老闆娘就麻麻了，成日都好似嬲左成村人甘。腸粉迷一定要試試啊。

入來元朗, 緊系來 B 仔啦.10 蚊雞翼尖, 抵食! 味道似酒樓鼓椒排骨 囉. B 仔涼粉加左1,2 蚊......但仍然好新鮮. 正!每次入元朗都會來食.

食完午餐轉到又去食小食~!叫了5蚊腸粉走醬淨豉油,10 蚊雞翼尖5蚊芝士腸, 2蚊條腸仔腸粉OK, 豉油唔知落左咩, 有陣麻醬味, 幾香~!雞翼尖我一見到佢個賣相覺得好似麻麻..食左幾隻覺得辣同埋好肥, 就由男朋友包底~ 佢好似好鍾意食咁~

食完餐所謂元朗日本料理, 一肚氣, 直鏟去街尾食涼粉降火.下午點零鐘, 鋪頭得一半枱有人, 靜靜地啱哂.雖然張餐牌密密麻麻, 我已經打定主意食B仔涼粉, 吓$60, 係咪好大碗㗎?位阿姐咔咔聲笑(笑我地無知啩), 隨即推介我地兩人share碗雜果涼粉, $30, 又好. 以為好快, 不過要等十分鐘, 個碗唔算大, 但生果滿到瀉, 所有水果睇得出係新鮮切的, 水準超高, 涼粉軟腍中亦有咬勁.好好味呀, 好感動呀.

跟朋友去了元朗屏山走走，跟著我們去了這家吃甜品。我們點了以下兩款：1. 芝麻糊+湯圓($20)：沒什麼特別，芝麻糊OK，湯圓竟然有四粒，不過可惜湯圓皮過厚，芝麻餡亦不流沙，不過整體上合格。2. 波蘿涼粉($20)：我朋友點的，聽她說波蘿一些酸一些甜，證明並非用罐頭水果，足見他們的誠意。以價錢來說不是很便宜，而且試後也沒有什麼特別，沒有再回頭的意欲。

每次去食B仔都總係食某幾類o既食物: $10 o既雞翼尖, 明知佢無益, 明知佢好肥膩, 但始終都鍾意食, 鍾意佢o個種愈食愈辣o既感覺, 哈哈~~~ pancake類, 多數都食榴槤pancake, (夏天o既時候) 因為覺得榴槤唔係度度食到, 不過每次食完都覺得入面D CREAM太多而果肉太少, 而且食完之後個口仲會有口氣持續好耐添~~~ 下次都係要暫停為免出街尷尬 涼粉類!!! 講真lee度o既涼粉唔係話有咩咁特別, 只係涼粉 + 糖水+ 新鮮水果+花奶, 其實o向屋企都可以整到, 只係可能怕麻煩, 出去order就即刻有!!! 但咁o既價錢長期咁食法都唔係太化算~~~overall我去親lee度都只係order某幾類, 所以短期內要o向元朗區發掘新場~~~ 唔洗咁悶ma

食完飯1行7人中包括我在內5個人都話想去b仔食榴槤pan cake儘管1友人超唔鐘意食榴槤甚至可以係憎恨身邊既人食榴槤都好佢都唯有屈服當然我地都係因為佢唔食榴槤先忽發奇想想去食榴槤1去到梗係2話不說叫左榴槤先啦叫左3盒榴槤pan cake合共6舊舊舊都好大舊1打開佢友人已經覺得好難頂哈哈哈笑死我地食落去哇真係好香榴槤味而且唔止咁仲有好多榴槤肉我1邊食1邊話好香真係好正而cream又唔會似其他地方咁落好多只係少少唔會太膩所以味道簡直冇得彈也食完pan cake後友人唔準我地講野呢XDDDDDDD