佳記甜品 (已搬遷) 新店位置

早已聽聞B仔涼粉。是日郊遊，到此一食。搭左個幾鐘頭車，胃有點浪浪下，來個生果盤正好。黎到門口，人頭湧湧，門口都擺滿哂枱，黃昏時間已經如此盛況，厲害。坐低途中，見識到b仔涼粉既大。兩個人，應該食唔哂，要b仔船算吧。B仔船有香蕉、哈密瓜、西瓜、椰果、蜜瓜同埋水蜜桃加個曲奇妙趣雪糕，二人份量剛好。水蜜桃&椰果是罐頭貨，一個字 - - - 甜。其他都係新鮮生果，算是這樣吧。未食過，路過此區都可以一試，突登黎食，看來不必啦。

盡管有幾多劣評, 去到元朗梗係要一嘗B 仔, 不吃水果, 只愛紅豆 紅豆椰果涼粉 $21非常巨形, 小女子一人獨力難支份量也分到4 碗仔, 味道不過不失紅豆唔夠甜, 椰果唔似椰果, 七彩顏色怪怪地 無乜特別, 岩晒鍾意大件夾抵食既朋友 腸粉 + 魚蛋 (共$10) : 夠熱, 但麻醬明顯撈左勁多油, 一陣豬油味, 怕怕 魚蛋比坊間食到的細粒很多, 無興趣試

在流浮山吃過晚飯，回程途中，靚靚秘書想到元朗買甜品外賣回家，我們護花有責，一於跟隨，轉了幾個彎，終於到了馳名的 B 仔涼粉，嘩！原來咁大間舖食甜品，雖是晚上十時許，差不多坐滿人，各人都受現場環境氣氛感染，情不自禁，本來陪買外賣，變成紛紛坐下食返碗。看看餐牌，底面兩頁，有幾百款甜品，數不勝數，B 仔類，湯丸類，燉品類，鮮奶類，涼粉類，黑糯米類，大菜糕類，西米類，黑珍珠類等等，梗有一款合你心意。我們點了：龍眼大菜糕 頗大碗，大菜糕有蛋花，夠結實，上放滿龍眼，是罐頭貨色。雜果涼粉 x2 店員會問你要新鮮雜果還是要罐頭，同事們都要了新鮮雜果，種類也不少，有士多啤梨，火龍果，蜜瓜，芒果等，水果很新鮮，但涼粉已落了糖漿，太甜了。芒果涼粉 堆滿新鮮多汁的芒果，鮮豔的黃色與黑色的涼粉，相襯得很美麗。芒果黑珍珠 像是西米的東西，加了椰汁，很香。冰糖雞心棗燉雪蛤膏 雪蛤膏無雜質，精瑩通透、軟滑，紅棗味濃，感覺清潤。這店給我的感覺是以大堆頭為策略，樣樣都是堆得滿滿的，看來物有所值，令人愉快。大家又買了些外賣，超大碗的B仔涼粉，薑汁燉奶等，護花傾情，代價是五人埋單共二百六十多元。返回家，已是凌晨十二

又愛又恨o既B仔啊~~~ 其實Overall我覺得佢係因為大堆頭大製作而出名 不過總有一班忠實fans好似我咁, 耐唔耐去開元朗就會探一探佢 雞翼尖, $10份, 真係又愛又恨, 因為愈食就愈辣, 但愈辣又愈想食, 哈哈, 真係愛恨交纏, 不過食得多真係好肥膩啊~~~ 但唔知點解佢整得好好味, 而且價錢又好抵, 所以幾乎每次去都必order!!!榴槤pancake $21 兩舊o者, 好似少少貴, 不過食落發覺佢好足料, 而且味道夠fresh, 鍾意榴槤o既朋友們可以試一試啊~~~ 但我個人對食榴槤飄飄之類o既甜品有d保留, 因為成碗都係咁杰pat pat, 會覺得好飽同埋愈食愈覺得佢似..........新鮮什果杏仁豆腐 $30~ 如果罐頭水果就平d, 好似$20, 大家想要邊樣就自己選擇啦~~~ 我個人唔愛杏仁味所以唔可以comment, 不過d水果都新鮮同份量都夠多, 但杏仁豆腐 屬於平價品wor, 賣成$30佢咪賺到笑??燉雪蛤膏 $27, 味道幾清甜同滋潤, 唔錯, 價錢都適中, 因為始終係燉品ma, 雖然唔知佢係唔係逐個逐個燉, 但感覺高貴d, keekee, 秋冬季我就

佳記甜品- B仔涼粉 入來元朗都會食.~B仔涼粉: 生果鮮甜! 配上淡奶, 好味.大大斗, 賣 $58, ok 囉. 次次要打包拿走, 食唔晒.

由於同朋友都生痱滋所以諗住食下D涼野希望可以有好轉啦嗌左一個水蜜桃涼粉同埋蘆薈涼粉一黎到面前覺得都算抵食既$20蚊料加埋涼粉滿滿一碗男仔食都可以食到有四分之一飽既生果就用返罐頭野保證味道唔會太淡賣相亦鮮豔不過罐頭野場面再大其實都唔好期望有咩野驚喜之前黎食過D雞翼尖味道都唔錯既不過今次爛口唔夠膽食

在元朗百老匯看完電影 <<福爾摩斯>>，肚內的燒鵝脾已消化得七七八八，見時間尚早，就同女友去佳記甜品食個宵夜。佳記最出名的肯定是「B 仔涼粉」，但這次我倆的目標不在於甜品糖水，而是只值五蚊四條的豬腸粉。據說，佳記的腸粉與深水涉合益泰的是來自同一貨源，難怪兩者同樣滑不留口，質素可說數一數二。用料相同，醬汁調配卻有出入，合益泰重麻醬混豬油，醬料較稀，豬腸粉入口美味卻油膩得很，吃太多便不健康；佳記用的醬汁則較為杰身，油膩感沒那麼重，味道平衡亦來得剛剛好，相當耐吃。吃罷，放低十蚊鬆人，方便快捷，下次入大西北定會再吃！順口講，如果硬要話這碟五蚊的腸粉是為慶祝除夕夜的話，我實在過不了自己．．．

我開始覺得聖誕節是一個令人瘋狂的節日不少親朋戚友都會約你去呢到食果度食…之後仲宵夜直落。好啦…今晚就俾個fd 車左入去食b 仔涼粉…點之…可以用個唉字黎形容。1. 門面有d 突核，好污糟........冇位我地仲要坐左係兩間鋪中間的行仔…好似係後行同米奇一齊食咁2, 餐牌同"笠" 好似好耐都冇人抺過咁。好啦…叫野食我就只係叫左杯果汁…我兩個fd 就叫左芒果西米露唔知係攪笑定係咁好彩我有個朋友食到d 芒果係好甜…而另外一個係勁酸…我見到佢地d 表情，我就好八咁每樣拎一件黎試…點之真係…一舊淺色既就酸到飛起…可以話眼耳口鼻都摺埋咁而深色果舊就好香好甜可惜好多毛…兩碗野都係同一時間上者…唔係真係咁邪麻…明知一個酸一個甜，不如混埋一齊…等人地食落都可以有兩種feeling我地幾個一路笑一路傾點之我無啦啦"濁" 親…咁加上奇異果汁入面d 碎核又咁岩卡住係喉嚨到咳到想死，又勁想嘔喎點之....我個fd 叫佢拎杯暖水咋…d 人話冇要俾錢買囉總括黎講呢，呢間鋪唔再係我十年前食果間…眼見b 仔涼粉由大大碗變到細細碗…而且味道又同以前冇乜分別。再者d 服務同環境都唔理想。我知道附近一定有好多更好的甜品店。

服務好差啊雞尖最正..$10大大份.好辣腸粉:好食!好滑芒果腸粉:勁好食.但貴! 有9舊~

dec 27,09嚟,叫咗 : 1) 腸粉+魚蛋 (hk$10)-腸粉都滑,亦帶有1種少煙韌性-醬亦較前喺灣仔嘅xx皇"杰",重要喺油咗少少-魚蛋細細粒,但就比較偏實咗少少,麻麻 2) 麻蓉湯丸 (hk$14)-聽食友講,佢嘅湯丸唔錯,所以叫來試1吓-1碗6大粒-薑湯唔喺好勁薑,只喺溫溫的,可以-個皮好黏軟,唔厚,帶煙韌-個黑芝麻餡雖唔喺好重芝麻香,但都叫合格 * 其實佢嘅雞翼尖都好出名,不過幾辣,所以我無叫到

We have heard of this place before and the famous B仔涼粉, but we didn't even have an idea what it is and how good it was! It was our first time here. We ordered one B仔涼粉 ($58) and one Mango Pancake ($18). The B仔涼粉 was REALLY huge! ALl the fruit I thought was fresh and good, maybe with the exception of 大樹菠蘿 which tasted a bit like plastic The 涼粉 was plentiful and were in big chunks! What I liked best was those transparent small oval sweets (I don't know what they're called). I almost finished the

昨日特登同老公入元朗試食B仔涼粉，係店內見到d甜品影相影到好靚!同時，我地兩個位個張臺有一張報導，入面講解b仔涼粉既內容，重講話蔡瀾都曾大力推介必食店內既招牌甜品「B仔涼粉」，話涼粉表面加入左14種生果。那我同老公就加左個「B仔涼粉」$58，一黎到!見到個「B仔涼粉」SIZE真係好大!但就發現所謂14種生果，只係加入什果罐頭生果再加少少所謂既新生果!首先，D木瓜個樣好似芒果咁，一片片好靚，點知食落去...係苦既重有...D大樹玻羅硬到死，D西瓜又唔甜，淡到死!D涼粉既糖水就反而甜到加01!!!隔落岩岩坐低個兩公婆見到咁大兜，又跟住食，結果一食，同我地既反應係差唔多!...差難食!早知自己買個什果罐頭，再去街市買專$10涼粉自己整都冇咁嬲!!因為食一次就夠啦!以後都唔會再幫襯!

遠道而黎呀~食左:香辣蒜蓉雞翼尖第一下食落去...幾辣下咁...之後就BU開曬D辣椒...滋味地食食食~有一種麻辣的感覺...不過真係好惹味呀...唔停口的...雞翼尖好入味...蒜蓉好多好香...連骨都軟軟的...可以成隻放入口試原味再吐骨呀~其實真係幾油下...但咁先會咁滑...大樹菠蘿涼粉食左雞翼尖的刺激味...再食涼粉去救下火~個口即刻涼曬~ 好MATCH 呀... 唔係...就真係唔知要麻幾耐呀...大樹菠蘿唔係幾甜...有D硬...涼粉大大粒...唔係好苦...加左花奶好滑...食左幾只雞翼尖...就唔知D骨吐去WHERE 好...個時先有店員俾2個碟仔我地...@.@'覺得D店員都好COOL...可能做到麻木左???個B仔類真係好大個...要多幾個人先可以去試呀...

男朋友終於交完艱困無比的paper，夜晚去食糖水happy happy... 腸粉魚蛋：腸粉好好好滑，魚蛋好彈牙 鷄翼尖：OK辣，不過還是少吃為妙 喳咋：芋頭好腍最愛的都是腸粉魚蛋，好味好味

那天晚上，在美孚的巴士站旁呆站著模模糊糊間上了一架入洪水橋的巴士上車那一刻致電給元朗朋友有什麼好介紹印象中勝利牛丸也不賴，但朋友說晚上九時才叫著吃勝利牛丸那倒不如明年才吃吧! (勝利七時收工)就這樣，還未吃晚飯的我又再模糊間走著到了又新街，突然想起了b仔涼粉的雞翼尖也不理什麼就進了去其實我完完全全無想過要吃甜品印象中又只知道這裡有雞翼尖($10)及腸粉($5 四條)見著好像不夠吃，就再加上一碟豬皮蘿蔔($10)在落單後的廿秒(或更少)，三碟食物就一起上桌我心內嘩了一聲，很大碟!雞翼尖 - 正! 大約有廿來隻，很入味，很滑，略帶少辣(但不太吃辣的我也吃了十多隻後才頂不住)腸粉 - 正! 非常滑，麻醬份量剛好豬皮蘿蔔 - 一般，沒什麼，就是一般般$25，悠閒地坐著，含著雞翼尖街街坊坊地吃了一個小時就離去十時多，坐西鐵回九龍就是這樣一次無意的元朗遊給我遇上一見鐘情的雞翼尖，與及腸粉後記:其實我都曾吃過b仔幾次但一直也不會記著「佳記」這個「正確稱謂」害我在OpenRice內search了很久不如「正名」為「B仔甜品」吧! 哈~~