佳記甜品 (已搬遷) 新店位置

外賣好快有得拎 嘿嘿大約5-10分鐘已經有B仔涼粉有超多生果啊!!見到都好開心 嘿嘿全部生果都好新鮮好甜生果底下有涼粉 食唔到有涼粉的味道但口感是可以的如果外賣的話這個甜品一定雪凍返再食因為真的好正 透心涼

今日同三五知己去掃街，當然唔少得b仔涼粉啦，我哋叫咗最愛嘅雞翼尖，鍾情佢嘅原因係佢真係好好味，辣得嚟又唔太辣，正另外又叫咗豬皮魚蛋，豬皮入晒味仲有腸粉好滑另外再叫咗幾款甜品，咁熱嘅天氣食，好在佢又夠凍，真係透心涼

好多人話b仔最正唔係涼粉 係雞翼尖我鍾意食辣 一於去試下點知佢係一味死辣十幾蚊有好多隻 一個人食真係幾痛苦最後食剩幾隻要放棄...同埋佢既運作有d似舊式酒樓自己等同搵位 無人會黎問你食咩搵個人落單都難台面垃圾無人清理點解都可以咁好生意?

講咗好耐,終於都試到B仔涼粉喇! 8點幾嚟到,人多到不得了,但唔想等就坐戶外,不過近門口,都OK啦叫咗個招牌B仔涼粉,生果嘅種類差不多7-8種,樣樣都好新鮮好甜! 雖然HK$70就有少少貴...另外仲叫咗三個小食,個魚蛋同雞亦尖無得頂!如果再辣D就好喇!

星期日又係family day, 要到妹妹元朗屋企食飯。落車後，突然想食B仔涼粉，於是走去佳記外賣，不過等左好耐才有，因為好多人等外賣。雖然外賣，但擺放好靚。涼粉在下面，上面全部是生果。生果大致新鮮，涼粉爽口。但比例上涼粉多D就好。我們一共七人食，每人分到一大碗。

同朋友於九龍灣慶祝生日後，再同老公返元朗去食糖水，見天氣熱熱地，決定去食涼粉，唔使諗緊係B仔涼粉啦，去左總店食，勁多人。好彩好快就有位，點左芒果涼粉，西瓜西米露，幾乎枱枱都叫香辣雞翼尖，我都忍唔住叫左碟。芒果涼粉：芒果蓉多到滿瀉，附上支飲管，飲得又食得，涼粉爽口大大粒，芒果粒有少少酸。西瓜西米露：一樣滿瀉，好多西瓜蓉同果肉，鮮甜解渴。雞翼尖：好香，好辣，正，老公怕辣，食幾隻，成碟幾乎我食哂，好味呀

甜品令人心情開朗，你認同嘛? 佳記甜品*********************估不到在農曆新年過後竟然有機會再到訪元朗啊，大家心中還是記掛著佳記甜品，但這次想吃的不是招牌涼粉系列，而是兩份榴槤布甸、雜果大菜糕和兩客芒果糯米卷。晚上九時多的時段，這兒晚飯過後人流更暢旺，縱使在附近的甜品舖老板聲嘶力竭，但路人還是一味走進佳記，此情此景倒很有趣，人太多，我們沒打算堂食，只是外賣好了。雜果大菜糕，有點意外的巨大份量，吃得十分滿足大堆頭的生果下是爽滑大菜糕，現在想起也流口水回家後少首次見到成品，賣相不俗，先由雜果大菜糕說起，滿滿一大碗包括哈密瓜、芒果、火龍果、士多啤梨，價錢才廿多元，生果款式和份量比預期豐富，底部的大菜糕爽滑甜味足，整體味道清新可人，除認為兒時在沙田乙明邨吃過美味的大菜糕，這裡的變成我的新寵。看到這芒果糯米卷的相片，是否令你有想吃的意欲?芒果糯米卷 X 2，本來一心想要榴槤款式，可惜遲來已早早售罄，退而求其次唯有選芒果吧，一盒兩件的她重量十足，一口咬下外層鮮橙色糯米皮軟糯煙韌，是偏軟身了一點，沾滿椰絲，富有陣陣椰香，中心是原條芒果肉，是甜中帶酸的質素，椰香和芒果味一向匹配，經典

元朗B仔涼粉可以話係由細聽到大，但其實B仔涼粉除左份量夠大，乜都有D，幾個人開心share，唔算特別好食。有日講起，友人話，最好食既唔係B仔涼粉，其實係雞翼尖 為左求證，趁住假期，就黎到元朗。真係好食 辣得好滋味，越食越過癮。一場黎到，試埋魚蛋同豬皮。係細個好鍾意細細粒個種魚蛋既口感，少少彈牙，有咬口。 豬皮好爽。但係個汁麻麻地，有D似盤菜個汁。有外賣同堂食，佢做哂D外賣先，而且奇怪地落單係last in first out，等左都幾耐先有得食。

招牌B仔涼粉一行3大兩細，叫呢個絕對好滿足生果份量夠晒我哋咁多人食生果嘅甜味再加上涼粉少少嘅苦澀味，真係好好食不過食到最低，d糖水太過甜就食唔到啦環境就真係坐得麻麻

同班「死佬」晌屯門三聖村嘅「興記」嘆完海鮮，繼續「大西北」大食遊，下一站喺元朗嘅「佳記」 ，有老友揸車認真方便，好似瞬間飄移一陣間就由興記去到佳記。對上一次嚟佳記，已經喺兩年前嘅事，同班朋友行山行完大欖林道到大棠，再去佳記食碗甜品過口癮 。真喺越夜越美麗，人氣依然咁鼎盛，幸好流轉快，等10分鐘左右就有枱。雖然佳記甜品款式多，黑糯米、涼炒、西米露、布甸、大菜糕、杏仁豆腐、啫喱、湯圓、燉品、糕點、馬蹄露……等過百款，不過，一班死佬車到過嚟，為都喺為兜「B仔涼粉」，當生果食又得，當甜品食都得，得咗 ！ B仔涼粉 $70 我哋咁大棚人，當然要叫兩大兜啦，雖然都唔喺第一次食，但送到嚟，仲要喺兩大兜，都總喺有種嘩嘩聲嘅感覺。普通涼粉底，兜住成座生果山，一下子都未必數得出有幾多種生果，不過，食食吓你就知有香蕉、奇異果、水蜜桃、蜜瓜、哈蜜瓜、西瓜、大樹菠蘿、椰果、蘆薈、木瓜、龍眼、菠蘿共12種，架床疊屋，堆到滿一滿，又七彩繽紛 ，鮮艷奪目，難得堆得手勢好，送到上枱都無跌過一粒生果 。咪覺得佢$70賣得貴，我哋咁多人食都好夠分，有啲人仲可以食夠兩碗，除平均每人都喺當齊頭$15，你食其他款式

因為之前食左野先過去, 實在太飽, 所以只係點左雞翼尖食見到幾乎個個都會點, 張張枱都有碟雞翼尖, 雖然係幾辣, 但又好香好好食, 食到停唔到, 所以我就叫多杯西瓜刨冰解喝解辣！黎到之後先發現原來入面仲有一球球既西瓜, 好清甜, 實在太驚喜啦！

在錦田吃完田園晚餐，我們決定回到元朗市區，食甜品。我是一個世居新界東的人，甚少於晚上在新界西出沒，這一次在晚上感受了元朗的熱鬧，可以說是既驚喜又滿足。夜元朗，無論是普通的食肆或甜品屋，都充滿了人流。我們早已選中的《佳記甜品》，更是人山人海。起初，我們只找到一個路邊的位，雖然是風涼水冷，但人人盯著你吃東西，物旁全都是等位的人，感覺有點不自在。幸好，太太多口問內堂有沒有位，而店方亦見我們有小朋友而放行讓我們調位。我們未食先見氣勢，這《佳記甜品》的確是旺，我覺得，他們一晚的 turnover，有機會達6位數字。我們來，不只是吃甜品的，小食，甜點齊齊來，只是沒有點其馳名的《B仔涼粉》而已。為何不吃《B仔涼粉》? 因為我們看過之後，覺得不太值。在我同小兒去廁所之際，太太已經點好了幾個咸甜美點。為她自己，點了一個擂沙湯丸，為未吃飽的我同小兒，點了一份雞翼。擂沙湯丸，芝麻餡，入口時依然是暖暖的，把曖身而且入口彈牙軟QQ的擂沙湯丸混上了那個以花生同糖為主的沙，很香口，也很甜美。鹵水雞翼，味道是極度濃郁的，帶有極香的豉油味，而且雞翼十分之腍，小朋友拿著食，不用太多牙力，不用太費勁去拆骨，只是咸了少少。咸

個日完成哂Ｄ工作，同朋友夜晚去玩食完飯直落埋去食糖水，黎到元朗，咁梗係去食Ｂ仔架啦係咪先？咁我地幾個都唔知做咩話想飲菠蘿冰，就一人叫左一杯Ｄ冰碎冰黎既，都幾凍下！（呼…　敏感性牙齒Ｔ＿Ｔ）點講好呢，凍唔係問題，鍾意飲既人仲會覺得好正既但係…　佢。好。酸。啊！！！！Ｔ＿＿Ｔ酸到我飲唔哂成杯，唔通菠蘿唔當造？我唔知啦，但你落糖呃下我都好Ｔ＿Ｔ　真係酸到飲唔落杯野飲唔哂，哂左－雖然杯野就麻麻喇！但其他都睇落唔錯咁因為我地得三個女仔，就唔叫大碗個Ｄ雜果盤啦叫左個香蕉船？好似係…　咁既樣既都幾好食！Ｄ桃甜好好味，曲奇雪糕無得頂啦！最愛！見到人地個Ｄ都賣相唔錯，所以整體都ＯＫ如果你地去食，唔係好多人的話就唔好叫大盤雜果因為見到人地食，真係好大盤

詢問了四五位員工，等候了好一段時間，才有員工幫忙落單，但語氣極差，有的更對我視而不見叫了一道普通的鮮雜果西米露西米露的味道有點酸，「結結地」，水果數量和款式比起以往亦大大減少

住開九龍區一直都想黎b仔試下架拉,咁岩去完南生圍,就順便去埋b仔試試佢。一去到見到好多人企晒係門口等，以為要拎飛，就行入去收銀問d丫姐，丫姐話有空位就坐得，搵到位就打算叫招牌菜<b仔涼粉>同男朋友share。想搵個樓面寫單，揮埋手叫佢，樓面好惡話等等拉有人幫你架拉，足知，等多十分鐘先落到單:惡夢就開始有夜上9點鐘叫完碗野，一路等，樓面1路傾計玩，點知玩玩下，佢地因為有人寫錯單之後，開始鬧交，係客人面前鬧。途中廚房不斷做野食，放滿晒張枱都冇人理，冇人出餐。過左半個鐘之後見到好多人開始吹單包括我，丫姐就發晒皮氣話野食係要整要等架拉!等唔到咪走囉!咁同我地講!!!!!!!你地唔休做都唔洗咁丫???:最後9點9先上到菜，碗野係幾大碗，好多生果，但係冇乜生果味，得罐頭生果先有味道。最後拿拿聲食完，埋單走!!!!!!最後!!!!元朗b仔涼粉!!!blacklist!!!!!!