佳寧娜潮州菜

營業中

休息中

自從離開灣仔工作，已經好少到佳寧娜食飯，今次朋友邀約晚飯，又學人寫下食評。今次沒有叫套餐，散叫了滷水鵝片，香煎九肚魚烙，漁湯什菜煲，欖菜肉碎炒飯。每次去佳寧娜食飯，鹹酸菜都係我最喜愛的開胃小配菜。食潮州菜一定會叫滷水鵝片，滷水夠濃肉質夠嫩很入味，鵝皮很薄，不是很肥，水準隱定沒有走樣，只係份量好似比以前少左。香煎九肚魚烙很香口也不油膩，蛋和餡料的比例剛好。漁湯什菜煲，最喜愛它漁湯味夠濃又吾腥，漁湯都被喝光光，就証明真係好飲 (但一定要記得要趁熱飲喔！)『菊花石榴雞』其實算係潮州人一道名菜喜愛，肉質細嫩，樣似雲吞包子形狀，單是用來包裹餡料的皮好考功夫。欖菜肉碎炒飯，炒得夠熱夠鍋氣，份量還好多。最後吃完不能少的，就係飲番一杯功夫茶。原本想叫甜品...水晶包，但太飽了，下次再食。

阿P是吃潮州菜大的潮州人，是一名正宗潮州怒漢啊！ 今天來佳寧娜吃潮州菜，這裡無論是裝修或食物都保持傳统風味，價錢亦公道 (凍蟹除外)。佳寧娜的鹹酸菜每次都是非常爽嫩，酸甜適中。我非常喜歡佳寧娜的滷物，滷水的味道夠濃。這裡的滷水鵝片水準隱定，每次吃都肉質細嫩。佳寧娜的檸檬鴨湯亦十分出色，用原盅足料清燉，檸檬味突出，喝完有助清熱下火。川椒雞是潮州怒漢的推介，炒得夠熱夠鍋氣，味道夠濃亦不會過鹹。在旁的炸檸檬葉略帶微甘，炸至極脆，比雞肉更搶手。煎蠔餅最重要蠔仔夠多同夠新鮮，這一點，佳寧娜一定做得到。蛋和餡料的比例恰到好處，煎得香口不油膩。沙爹肥牛煲，肥牛好大塊，不是令人討厭的碎牛肉，夠啖啖肉。沙爹好香，見阿P用來撈了兩大碗飯。在煲底的金菇及芽菜有助中和沙爹的濃稠，是不錯的配搭。煎魚就一般般，魚肉不乾但有點實。方魚炒芥蘭炒得又爽又脆，兼且不油不膩，突顯廚師的功力。潮州魚旦魚片河是表弟仔的致愛，魚旦魚片彈牙有魚味，阿P說是正宗的味道喎！是日敬送的糖水是木瓜雪耳，出奇地好味，木瓜切到細細粒，雪耳大大塊，真心覺得好味過係酒店收$50元一碗嗰啲。吃潮州菜又怎少得潮州柑同功夫茶？全部都是免費的！ 奉勸

公司上週四做節，為做要俾小肥一個寫食評o既機會，地點就定於一家細佬從未幫襯過o既灣仔老子號「佳寧娜潮州菜」 。中秋將近，區內o既酒樓午市都爆哂棚，「佳寧娜」都唔例外。餐店樓底唔高，但食客多，所以都幾嘈雜，好彩靚仔經理預先訂定靚位，早咗到仲叫埋食物，XO仔去到已經有功夫茶飲，有點心食 。服務生似乎都係潮州人，口音不太易明，不過都會好有耐性地重複到大家明白為止，而且仲識同客人講笑添 。為方便大家，靚仔經理揀咗一客四人套餐，可自選三款點心及三款小菜粉麵，貪佢「三三不盡」個意頭好。 點心一之韮王腐皮卷：金黃色o既腐皮卷皮夠薄，餡料嫩脆微甜，都好合格。 點心二之炸春卷：相比起下，乾身o既炸春卷更為香口爽脆，略勝一籌。 點心三之香煎蘿蔔糕：大大件o既蘿蔔糕係三味點心中最唔夠熱o既一款，幸好清甜軟腍，還可以接受。 小菜粉麵一之酸甜咕嚕肉：橙紅色o既咕嚕肉酸甜適中，皮層夠脆，肉質都好爽口。 小菜粉麵二之沙茶牛肉炒河：滑溜o既河粉配上惹味o既沙茶醬同軟嫩o既牛肉，熱辣濕潤，非常美味 。 小菜粉麵三之蠔仔肉碎粥：蠔粥湯底香濃甜美，雖然蠔仔份量唔算多，不過每隻都好飽滿，加上肉碎嫩脆

我已經尼過n次食而次次都唔多人尼食我估大概係因為啲人以為好貴所以希望多啲人認識呢間傳統老店今次一行四人去食夜晚首先整番碟滷水拼盤有鵝片,豬耳,豆腐,蛋....個味唔太咸..."yip"得剛剛好豬耳好爽鵝肉又夠嫩胡椒豬肚湯啲胡椒味好夠...飲飲下好暖...咸菜味又好夠最正最正既一定係蠔仔粥!!!好足料!啲蠔又好新鮮!!粥同豪個味混為一體!食得出唔係分開煲!另外仲有啲鮮魚味試過咁多間蠔粥:..呢間一定係最掂👍👍👍蝦棗---ok la正!!佢用左薯粉溝蛋漿所以煎出尼個底好有口感...好煙un..真係幾有心思每啖都有大大隻新鮮豪原本想叫甜品...但實在太飽😵總括嚟講...對比起上環同西環個兩間出名老店呢間真係無得頂👍👍頭兩間好鬼粗..啲料又差...服務態度又差得個名絕對無得同呢間比希望可以令更多人認識呢間傳統老店唔好比啲有heart嘅老店消失

佳寧娜在九十年代已經是富豪飯堂，當年有名的夜總會杜老誌就在對面，傾生意的話，先在佳寧娜吃飯，之後到杜老誌玩一下。這些往事我都是從上一代的人聽回來，因為當時我只是剛出生的嬰兒，實在沒有可能見識過。第一次到佳寧娜，大堂明顯是古典的大紅色裝潢，水晶燈星光閃閃。有4,5個侍應同時分工合作地熱情招待，完全感到自己如VIP一樣。潮州凍魚鮮美可口，我是潮州人，一吃馬上讚好! 看! 豆醬顏色金黃，而非深棕色。一般打冷的是深棕色，原因是豆醬放久了) 潮州翅，紅燒的，味道濃得有些咸，可是粗粗的翅令人心滿意足! 金金的碗很豪氣的!鹵水鵝頸，鹵水味道重，鵝頸軟軟的，煮的時間足夠!蠔餅有很多很多很多蠔蠔不會煮得過老，而且有些懷疑是否熟透? 不錯，但沒有太特別。炒河可是各有各炒法，蝦仁和雞蛋令河粉香口，有鑊氣! 飯後有生果盆!下次會回來!

四個人去到佳寧娜飲茶,不過好奇怪,呢間潮州菜午飯時段冇乜潮州菜,係廣東菜。我地叫咗春卷,蝦餃,燒賣,潮州粉粿,叉燒飽,黃金飽,沙茶炒牛河,除咗潮州粉粿係ok之外,其他冇樣嘢ok,春卷係淋的,蝦餃d蝦感覺好梅,叉燒飽乾爭爭。出面有咁多選擇,以咁既價錢換咁既食物,再加上高昂的茶芥,一定唔會再揀呢度飲茶!唔知佢晚市潮州菜會唔會好d,但廣東菜就一定好唔掂。

潮州菜在香港算是受歡迎菜系中的一員,其簡單、方便、快捷的上菜速度,與及相宜的價錢,一直為港人受落. 九龍城潮州店林立,樂口福及創發獨當一面,手功菜令人回味,而中上環的兩興走高格調路線都可算是代表. 其實有不少名氣不高但多年來都能保持高水準,相信佳寧娜都可算是其中之一. 難得有食友發掘到好東西,一定要跟大家分享,是夜兩圍二十幾人,熱熱鬧鬧,坐在大堂用屏風分割開的一角,自成天地. 菜色由攪手一早寫好,多以小食為主,看看菜單,除了沒有手功菜及貴價菜,其他都是大家耳熟能詳的菜色. 滷水鵝片 : 跟阿鴻相比,是有一點不同,香料味是比較霸道,肉質雖未至嫩滑,但紋理清晰,皮下脂肪不夠厚,少了一朕豐腴的口感. 滷水鵝肝 : 滷得太耐,肉質變得結實,其實鵝肝處理得好,在火候上下功夫,是可以有粉嫩的口感,至少鹿嗚春的酒漕鴨肝好得多了. 滷水大腸 : 炆得夠腍身,腸內異物去得極清,但相反是少了羶味,舖底的豆腐,吸收滷水汁之後變得更惹味. 潮式凍馬友 : 一直以來都是凍食都是以大眼雞或烏頭為主,馬友肉質比較結實,但魚味卻比前者濃,一分錢一分貨就是這個道理. 普寧炸豆腐 : 炸得夠火候,表皮色澤深黃,外皮是鬆化

在九龍吃潮洲菜多會到九龍城而港島則多是在上環.自從兩興結業後,潮菜的飯局也好像舉行不多,很多時也只是去吃打冷,而真正去酒家坐下點幾個小菜來吃的少之又少.灣仔這家算是比較大型一點的店,而且也可算是老字號了,多年前年紀還小的時候每次和做生意的世叔伯來,以為這裡只賣凍蟹及翅!因為看見差不多每枱也是一樣的.近年這種場面已難得一見.這夜一行ニ十多人分佔兩圍檯,準備再嚐久違的潮洲小菜.滷水鵝片----滷水汁味道濃厚香醇,鵝的肉質不錯,肥瘦適中.滷水大腸----處理功夫做得好沒異味,質感是偏軟了一點.滷水鵝肝----滷水的味道全進入肝內,但吃起來略嫌硬身,始終喜歡較粉嫩的多一點.酥炸發財卷----炸得酥脆,近年已甚少吃髮菜,再嚐這味道竟有點新鮮感.潮式凍馬友----很少有機會吃到魚身這麼大的馬友,味鮮,肉質結實富彈性.普寧炸豆腐----外層炸得頗酥脆,內裡的質感未算軟滑.而蘸的只是普通蔥花鹽水.因有吃過做得更好的在龍鳳厨坊,這個不免被比了下去.北蔥泡海參----以燒熱的煲仔載著上檯,熱力令蔥香的味道完全揮發出來,海參的質素不俗,入口軟而富彈性.潮汕梅膏骨----梅膏醬的味道酸酸甜甜很開胃,惜排骨瘦了

每年的團年飯都是吃廣東菜，今年嘗試吃潮州菜，轉轉口味。事實上，是遷就小伙子在「摩理」習泳後大家可快些會面，於是我們決定來試「佳寧娜」。這是一間歷史悠久的食肆，但我們都是第一次到來。可能時間尚早的關係，祇得一、兩檯客人，甫坐下，即奉上一盤六杯的功夫茶，惟茶味偏淡，未能顯出真功夫。時近年尾，團年開年的菜譜已推出，「發財好巿」，「橫財就手」等一大堆，過年會吃很多餐，我們還是較喜歡點一些家常菜。干炸蝦蟹棗共有八粒，四粒圓形，四粒長形，因小伙子對蟹有敏感，遂問一問侍應姐姐，哪是蟹？哪是蝦？侍應姐姐回答：「不太清楚，最好自己試試！」事實上，兩者形狀有別，但味道分別不太，我估計圓形是蝦吧！蝦蟹棗內有馬蹄碎，增加口感，醮點特別的醬汁很好吃。栗子滑雞煲，雞已去骨，炒得頗滑，栗子味美，加上冬菰，還有酒香，送飯最好。鮑魚菰西蘭花，形神與真鮑魚像真度高，小妮子和小伙子愛鮑魚菰多於愛鮑魚，我又何必點鮑魚呢？刀功和調味都出色，加上帶點韌的質感，幾可亂真，大家吃得開懷。薑蔥魚頭煲，嗅到有酒香和薑蔥味，主要是用來辟腥，斬了件的魚頭，藏在大量的薑絲和蔥段內，卻找不到魚雲，我最愛躲在魚頭骨縫內的滋味，輕嚐細舔，樂在其中

一間開業頗久的潮洲菜館，吃了一頓晚飯。食物方面都唔錯，不過價錢貴咗啲啲。鹵水鵝片：鹵水汁鹹味適中，鵝片入味，口感軟滑。煎蠔餅：蠔仔數量不少，蛋餅香脆，味道唔錯。金銀蛋豆苗：豆苗幼嫩，OK。方魚肉碎粥：普通喇。水晶包：水晶皮厚薄適中，豆沙/蓮蓉餡略膩，淺嚐兩粒OK！

十一月下旬師兄設宴，一行三十餘人在佈置得企理的廂房內擺下三席，都是相熟的食友，在師兄努力下免去開瓶費，佳餚美酒及專人招呼，加上大家期待著美食心情，氣氛好不熱鬧。由幾味滷水小吃及魚飯作序，幾味滷水小品中，最驚喜是層層卷卷的套腸，滷得軟熟而滷水賦予套腸醇香，脂肪保留著應有臊香，夠傳統就是好，可以的話，是真的希望再來一客呢。魚飯在潮汕當地尋常食事，大魚如馬友是同類的上品，小欄魚毛他們亦會（火合）來餵貓；是夜的馬友件頭十足，是上佳的好貨，由於是蒸而非用魚湯膽浸熟，肉會較纖實，肉味翹富個性。至單尾的糖醋兩面黃，當嚐過此夜的半煎煮，外焦而軟入芯的蛋麵後，你不會再想吃坊間的「炸版」糖醋麵，加上甜砂糖、酸醋吃，潮味十足。更多飯局活動分享@http://foodxfile.blogspot.com/2009/12/blog-post_22.html

11月27日（星期五）晚，多謝師兄的邀請，我和女友可以出席是晚的飯局。「佳寧娜」聞說歷史悠久，在無數次擦身而過後，今趟有幸試試這裡的菜肴，而且我們吃潮州菜大多是去街坊格局的“打冷鋪”，不知道上館子是否有另一番風味。約七點半左右，我來到時已有不少食友到了，女友約八時左右來到，亦剛好趕得上開席。開始時，先來幾個冷菜，分別是鹵水鵝片、鵝肝、豬耳、大腸和潮式凍馬友。鵝片嫩滑，鹵水汁不太咸，豬耳醃得很入味，大腸豐美；鹵水鵝肝和凍馬友都是第一次吃，前者口感幼滑，後者嚐到很鮮的魚味，甚為驚喜。吃過冷菜做熱身，跟著來的就是數款熱菜，包括干炸蝦蟹棗、川椒鴿片、富貴石榴雞、芝麻魚鰾、紹菜魚頭腩爐、酥炸發財卷、梅菜蒸扣肉、香煎水瓜烙、荷包燉白鱔，還有糖醋炆伊麵和欖菜肉碎炒飯。各款熱菜都很有水準，其中令我印象最深刻的是酥炸發財卷和芝麻魚鰾。酥炸發財卷皮薄香脆，發財味甚濃；魚鰾爽滑，帶有淡淡的芝麻清香。吃完主食，最後來的是甜點，有羔燒福果和反沙芋條。我沒有吃褔果，祇吃了反沙芋條，很美味，芋條本身已經夠甜，連外層薄薄的砂糖吃，簡直甜到入心。這裡的食物有水準，服務亦週到，再一次多謝師兄的邀請，期待下一次的飯局！

今日老媽子生日，阿哥提議去我地呢排每逢大日子必去嘅佳寧娜。為咗孝敬老媽子，緊係先嚟番個紅燒翅先啦！成碗滿滿嘅魚翅，絕無嬉場，味道亦好正！差不多每次必叫嘅滷水鵝片、炸蝦蟹棗、糖醋麵，依然好味！滷水鵝片～切得薄薄，非常軟滑，滷味適中！炸蝦蟹棗～係我食過香港多間潮州菜館中算最好食！用料足，絕對唔係炸麵粉球，蝦棗有蝦味、蟹棗有蟹味，正！糖醋麵～脆中帶軟，唔會太油，唯一美中不足係碟白砂糖， 送上台前相信已經擺放咗一段時間，砂糖已結成糖餅，要摏番鬆佢先食得。今次仲嘗試咗沙茶芥蘭炒牛肉同欖菜倉魚塊。前者沙茶唔夠味，後者勁鹹，大家唔洗試甜品係水晶包，皮Ｑ兼薄，餡亦唔會太甜，好味！今晚有個小插曲，偶然見到隔離台食緊一樣潮州獨有貝殼類海產～薄殼！呢樣野非＂ＧＡ　ＧＩ　ＬＵＮＧ＂應該唔識叫！薄殼只有响夏天先有得食，細細隻，個殼薄到幾乎可以透光，但肉質肥美鮮甜，我見到都好想食，但因為嗰時都已經飽咗九成，所以最終都無緣品嚐

星期六的晚飯, 友人從嘉亨灣駕車前往, 10分左右. 一行四人一坐低, 叫咗個4人餐 (488)椒鹽蝦 ( 唔記得個名), : OK la清蒸鮑魚仔 8 隻 : 都可以, 幾好味胡椒豬肚湯 : 好多料, 飲到底有好多胡椒粒, 不過個湯就無咩胡椒味滷水鵝併盤 : 呢個最好味, 鵝入味又鬆, 豬耳仔好爽, 喺底既豆腐都好滑菠蘿咕嚕骨 : 個骨炸得好脆, 個汁都唔錯西蘭花扒鮑魚菇 : 麻麻地, 鮑魚菇有d un另加3碗:紅燒潮洲翅 : 呢個好足料, 杰杰地, 好味道!服務都唔錯, 侍應們都殷勤服務! 有機會, 再嚟!友人請客, 所以唔知幾多錢!!! 多謝晒

早幾日老闆無啦啦又吹雞食晏, 地點又係呢間食店, 令到師傅好懷疑老闆佢係咪有股份架, 喺理論上冇得揀嘅情況下, 師傅唯有應邀出席, 當食一餐免費午餐啦! 一行六人, 訂左位, 今次去到就唔使等, 好快就可以坐底! 於是乎即刻柯打野食, 由於師傅唔知道今次會有咩食, 加上有左上次經驗, 所以保險少少, 要個潮州粉果先, 至少都有樣潮州野食呀! 等左一陣, 各道菜式陸續登場, 有西洋茶湯, 潮式鹵水拼盆, 煎銀雪魚, 沙茶牛肉炒河, 鹵水豬大腸, 叉燒包, 春卷等等!先講下個西洋菜湯, 西洋菜湯好重西洋菜味, 湯底幾濃不過就幾咸, 要扣下分; 潮式鹵水拼盆有鵝片, 鵝件, 蛋, 豬耳同埋豆腐, 鵝片就幾瘦, 幾韌幾鞋, 唔算好味; 鵝件同鵝片一樣, 又鞋又韌, 仲有骨, 麻麻地; 而蛋得四件仔, 冇咩特別; 豬耳就幾爽口, 味道都唔錯, 可以啦; 豆腐就暖暖地, 唔會太咸, 都幾好味; 銀雪魚就煎得好香, 冇腥味, 不過銀雪魚就雪得好實, 口感麻麻, 一般; 沙茶牛肉炒河都炒得幾香, 唔會太油而牛肉幾鬆, 味道唔錯; 鹵水豬大腸就幾腍身, 好入味, 好似洗得唔係好乾淨, 有沙, 要扣下分