佳寧娜潮州菜

營業中

休息中

佳寧娜真係好多年都冇去過，難得屋企人有朋友約喺呢度飲茶，發覺佢嘅質素比之前好咗好多！嗰日星期日唔多人，叫咗蝦餃，叉燒腸，芋絲春卷，方魚蠔仔肉碎粥同埋椒鹽九肚魚。蝦餃蝦好新鮮非常彈牙，皮夠薄，唔會好厚腍啤啤叉燒腸出奇地好食！個粉漿調得好好，腸粉好滑，叉燒冇肥芋絲春卷芋絲春卷係我潮州點心嘅最愛！呢間都整得唔錯，調味好好，好友芋頭味！不過我嘅最愛都係之前賽馬車會嘅金朝閣，可惜佢哋已經關門大吉。方魚蠔仔肉碎粥蠔仔非常之新鮮，脹卜卜，真係好少已經食到咁好食嘅蠔仔粥，大推！椒鹽九肚魚呢個就真係比較遜色，炸得都幾乾，食唔出食緊九肚魚嘅口感。下次可以唔使叫。

灣仔佳寧娜，43年的老字號，出名的城中富豪的飯堂，每天一到飯點，門口停的都是豪車！我也打卡15年了，重新裝修後依然品質保證，用料依然上乘，鹵水全鵝拼盤，鵝肝入口即化，脂香濃郁，鹵水很入味！推薦！香芋油鴨煲芋頭很粉無筋無渣，越嚼越香，正👍🏻煎鯧魚老字號佳寧娜的用料還是上乘的，這鯧魚肉差不多有一寸厚，煎的火候控制得非常好，外脆內滑多汁好好味😋！姜汁芥蘭芥蘭是精挑細選過的，選的都是嫩嫩的芥蘭心，姜粒很多！

好久沒有到訪佳寧娜晚飯，趁今天復活節假期首晚便來到這老字號，但實在令人失望看到餐牌已經覺得啲餸好貴，最平嗰個沙嗲牛肉芥蘭都要$180，味道一般-芥蘭老、牛肉拿得太淋，春蘿蔔排骨煲仲離譜，得四嚿蘿蔔四舊排骨。最差的是鹹菜豬肚湯鹹湯，根本鹹到入唔到口，一碗得兩片鹹菜、兩嚿豬肚，盛惠$100，個頭盤係牛腱$120得9片，唯一坐得幾舒服，應該唔會再幫襯

先嚟一個細嘅潮州四色拼盤，入面除咗有蝦棗同蟹棗之外，仲有油泡帶子同埋炸魚片頭。另一個頭盤就係掌翼滷水拼盤，兩個頭盤嘅味道都唔錯。跟住飲個湯，呢個燉湯好正，係螺頭石斛花旗參湯，滋潤得來好清熱。陳皮香蔥焗蠔砵係一個經典菜式，我都係第一次食，其實佢有啲似焗魚腸，不過魚腸就變成蠔仔，用陳皮去焗特別香。雖然呢個名叫做蘿蔔排骨春菜煲，不過大部份都係春菜，好好食，好少食到啲咁新鮮嘅春菜。豆豉麵醬欖角蒸沙包龍躉最有驚喜，佢個醬汁做得非常之好，香得來有層次感，尤其是個欖角非常好食。埋尾竟然嚟個糖醋麵真係俾佢殺個措手不及，味道好而且冇乜油。個糖水係桃膠蛋白杏仁茶，非常足料，好難識到啲咁有誠意嘅甜品。臨尾仲送個薑汁紅棗糕俾我哋食，再加埋功夫茶，真係一餐令人難忘嘅潮州菜。

團年飯，見個場面都熱鬧，伙記都夠人，雖然個套衫都各有自己特色，拼出有趣畫面，唔知係咪折射潮州老細孤寒嘅風格。菜式都穩打穩扎。蝦蟹枣雙拼、鵝片、春菜、糖醋麵，全部都對辦嘅，老實講，個雙拼叫做得唔錯，真材實料。鵝片有豆腐托底，中規中矩。糖醋麵唔夠乾身。烏頭可說係當造，例牌小半條。可能係疫後第一次團年飯，樓面頂得住，廚房都頂唔住，結果甜品等咗大半個鐘都未見，越坐越凍，見周圍啲枱個個都媽媽聲嗌漏單，嗱嗱聲嗌埋單，點知連樓面都拖住一波，結果招呼緊包廂嘅姐姐都要幫手埋單。

潮州菜黎講價錢有少少偏高，好彩食物質素都有返咁上下🫣🫣-芋頭鴨食得出係心機手工菜，好酥脆👍🏻👍🏻值得一讚！最緊要鴨肉唔會柴～樟菜鴨都唔錯，但同芋頭鴨相比就會略顯單調，如果淨係想食一款鴨，就較建議選擇芋頭鴨😋😋-九肚魚餅好出色👍🏻食落唔會成口都係粉，都足料既😋岩岩好唔會太燶！惹味 encore項目～-另外炒飯夠鑊氣，食落都香口，配料多整體都OK，唔伏，但價錢就略貴，份量尚可坐得都舒服

潮洲菜老字號，酒樓地方好大，唔迫夾，但環境嘈雜，人手不足，中午12點半燒賣已經售罄，唔知係因為餐廳準備不足，還是用餐當日個別情況。《$1380 午市自選套餐-六位》套餐包點餐紙上4款小菜+6款點心《滷水鵝肉拼盤》⭐聞說佳寧娜既滷水膽已經超過40年歷史，今日一試，滷水味幾香，但唔濃。材料唔知係咪滷得太短時間，唔太入味，豆腐色水仲係白雪雪。鵝肉嫩滑，肥瘦適中。但以開左幾十年既潮州菜來講，不太合格。《香煎蠔仔烙》⭐⭐唔同平時係街食既炸蠔餅，餐廳將蠔餅煎香。上枱時服務員會幫手切塊，食落似蛋餅既感覺，蠔仔算多又大粒，但個人黎講比較鐘意有酥脆感既炸蠔餅多一點。《香酥芋茸鴨》⭐⭐份量好大份，芋茸包鴨肉再拎去炸，入口超酥脆。但芋茸本身好飽肚，加上炸完油炸感好重，食一小件已經覺得好油膩。《普寧炸豆腐》⭐️⭐️又係特色既潮洲菜，將普寧豆腐炸到酥脆，再點特製既韭菜鹽水，既為豆腐加添咸味，更可以降低燥熱感。餐廳呢道炸豆腐，唔會好大陣油益味，又唔會炸到乾哂，不過不失。《佳寧娜蝦餃皇》⭐⭐⭐⭐蝦餃入面既蝦好大隻，而且蝦肉新鮮彈牙，外皮唔會太厚，幾高分。《香煎韮菜㷄》⭐⭐⭐我想像中既韮菜㷄偏向似水晶餃咁，有晶瑩剔透透明

已經有好幾年沒來這裡了。小時候常與家人來，但長大後因為家跟工作的地點都在九龍區，加上疫情關係，所以就沒過來了。自從工作轉到灣仔，就一直想著來試， 今日終於有機會了。因為同事想吃粥，於是我就提議來這裡，吃他們的蠔仔碎肉粥，其實我饞這很久了。兩個人吃不了太多，於是我就只加了春卷和糯米卷。還有----福果芋泥。服務員先上一盤功夫茶。是懷念的味道呀！吃過其他家，但始終覺得這裡的蠔仔碎肉粥是最對味的，蠔仔肥美，方魚很香，粥的濃稠適中。潮州的春卷是用芋頭餡的，所以特別香口。糯米卷我是見一次點一次，因為實在喜歡糯米的味道。也不是太多地方有做。最後吃個甜品，大膽地點了福果芋泥，芋泥鏟得很細滑，用了豬油，特香，加上福田火果甘甜的味道。這道甜品越來越少地方有， 因為很多人都怕肥怕不健康，但對我來說好吃的食物吃了再算吧，不要"斤斤"計較呢！

新春期間與同事一齊食開年飯，叫咗甜品半個鐘冇上。趕時間要求埋單並取消甜品，但員工都沒有及時上菜或幫手埋單。又等咗兩個字，先上甜品，我們要求取消，一位女職員大大聲講「五個字都等唔起，嗌咩甜品啊？」我們要求經理解釋，這女職員激動地話「我就是經理，點？」期間該店店長在旁邊，但對事件發生不聞不問。我們已經光顧多次，從未試過這種服務。這是一間茶樓應該有的服務？真係令人刮目相看。認真講句，非常失望，冇下次，多謝晒。

今晚嚟呢間老子好遲週酒家食開年飯，菜式夠傳統資源質素亦非常高。胡椒豬肚湯的胡椒辣得過癮，豬肚洗得乾淨冇臭味啊，個鹹酸菜唔會太鹹又唔會太酸總之就係味道啱啱好。酥炸蝦蟹棗其實就係炸蝦丸同埋炸蟹丸，雖然撈埋一碟不過真係食得出邊粒係黑棗邊粒係蟹棗，證明廚師係用料方面一啲都唔馬虎。蝦乾鹹骨大芥菜煲完全冇味精，呢樣嘢最孝功夫，首先就係夠鹹豬骨要有味但係又唔可以太鹹，大芥菜又要吸收到蝦降同埋鹹豬骨嘅味，食嘅時候又要有鮮味而唔係一味得個鹹字，真係唔容易。香煎蠔仔烙雖然個做法唔係最傳統，不過啲蠔仔好新鮮，蠔餅煎到好薄仲有脆邊，啲師傅都好快心機整。糖醋煎伊麵都做得幾好，夠乾身又唔油膩，不過因為張枱唔夠位所以侍應已經幫我哋分好先至上枱，所以見唔到原餅嘅工架，不過係好食嘅。

通常說到潮州菜，我們會想到滷水鵝片、墨魚、雞蛋和豆腐、蠔仔粥和凍蟹等等。 傳統潮州菜其實很咸，但事實證明，鈉攝入過多會導致健康問題。 如今，食品企業為了提高健康意識而對口味進行了調整。今天的這頓飯當然包括這些滷水鵝腸和片肉的開胃菜。 但我個人最喜歡的是蝦和糖糟麵。 這種麵條是潮州美食之一，用糖和黑醋吃。 美味的。Usually when comes to Chiu Chow food,we would think of soy goose, cuttle fish, egg and tofu, baby oyster congee and cold crab just to name a few. Tradition Chiu Chow food is actually very salty, however facts have proven excessive sodium causes health issues. Today, the food business have adapted the flavour due to enhance health awareness.

香港食潮州菜的老字號不出三幾間，一間在九龍城侯王道、一間在銅鑼灣希慎道，兩間雖然都曾經裝修，難得地址維持不變，很有潮州人念舊的傳統。另外一間的歷史可能稍有不及，唯一相同之處就是開店40年仍然在同一個地址，所講正是「佳寧娜潮州菜」。據說，「佳寧娜潮州菜」由佳寧集團創立，由於不是全資附屬子公司，得以倖存，並轉手由另一個飲食集團經營，只是名字維持不變。作為老字號潮州菜，裝修傳統、但就很光鮮，枱與枱之間的空間亦很足夠，配合酒樓檔次。潮州近海，潮州人也最鍾意食魚；但並非什麼貴價深海魚，最緊要新鮮，也造就了非常受歡迎的平民小吃：潮州魚蛋及魚片，一般選用鮮味重、膠質高的牙帶作為主要食材製作而成。炸自家手工片頭（$140）塊塊切成三角形，先蒸熟再炸香。表面金黃，咬落少少香脆及煙靭；內裏就爽口彈牙、有魚味。論價錢，肯定貴過坊間潮州魚蛋粉麵店一大截，勝在調味剛剛好，唔會過鹹，兼可以食到真正嘅魚鮮味。食潮州菜當然不能錯過滷水鵝，半隻盛惠600大元，好貴！想試多幾款菜式，只叫了滷水鵝(脾)（$220）。如果想食滑溜鵝背，可以揀鵝肉（$180），但就會多了一些鵝背薄骨；如果只想食爽滑鵝胸肉，就要揀鵝片（$200

傳統老牌潮州酒樓，少數仍然做出真正潮菜味道嘅地方，功夫茶一入口就知正野，平時夜晚飲茶會瞓唔著，呢個茶飲咗更好瞓，看似有d神奇咁，但試過好多次，绝非巧合，滷水香醇不嗆喉，鵝肉個人覺得稍老，可以改善，但亦有人稱之為有口蠔仔鮮甜，所以蠔烙，蠔仔粥都美味，留意蠔烙係煎嘅，內裡juicy,外皮金黃香口，但唔算好油好熱氣，一般配魚露，我個人自小食法會加配桔油，佳寧娜係少數有桔油提供嘅地方，近幾年試過去一d新開賣潮菜嘅食店，問攞桔油，對方先迷惘，我再廣東話潮州話分別講一次，對方扮明，之後比碟辣油比我，所以有時去佳寧娜就係為咗碟桔油，推介炒䱽魚片，今次食榄菜炒，魚片大大件相當肥美，榄菜馬蹄惹味，之前食過頭抽煎的同樣不錯，裝修後加了價，但份量味道保持水準，cp 價仍然高。

首次到訪佳寧娜已是裝修得光鮮，若不是瀏覽舊食評，也不知道原來這餐廳已屹立在灣仔數十年。一行人來吃潮州菜，好處是對心儀的菜式能雨露均沾，什麼都嚐嚐，試試水準，果然沒令人失望🫡先有晶瑩剔透的石榴球，蛋白皮夠薄夠滑，考驗功夫潮州菜然後必不可少的有蠔烙，這個蠔烙真是水準之作👍🏻蛋漿乾身香脆鬆化、吃完不會滿口油，蠔仔飽滿充滿鮮味另外荔芋香酥鴨也是吃過數一數二的，外皮夠薄夠脆，芋泥淺淺一層入口不至於太黏膩，鴨肉保持到軟嫩較特別的是，夏日炎炎也能吃到煲仔飯，臘肉臘鴨的鹹香惹味鹵水鵝肉肉嫩入味然後有上湯娃娃菜煲，暖胃！

裝修前都會嚟佳寧娜飲茶，裝修後今日第一次去，環境光猛咗，廁所乾淨，整體感覺都唔錯，食物方面保持水準，鹵水鵝掌翼好滑，最鐘意佢個鹵水汁，一啲都唔咸，味道啱啱好，蠔仔泡飯比以前好食咗，服務態度都滿意，兩人埋單四佰幾，絕對唔貴。