佳佳甜品

營業中

休息中

由於住係油麻地好多年..所以對佳佳都完全唔陌生...由佢未拿米芝蓮係狗仔粉騎樓底開始...到睇住佢拿米芝蓮然後搬左幾次....味道真係冇咩變過...當然態度亦都係一樣!如果係冬天我就一定係蕃薯湯水加湯丸喇!!但因為夏天...所以食蛋花馬蹄西米露!味道真係咁多年都一樣...好食!馬蹄粒粒夠脆...碗野夠凍....蛋花夠滑...成碗野唔算好甜!!重點係....佢地真係冇咩點加價...咁多年價錢都係咁上下...抵讚!!

飯後甜點必然選擇，中式糖水質素高，而且價錢合理，難怪每次都要排隊。但都值回票價的。糖水推薦: 傳統的麥米粥，以及所有薑汁制的糖水都超正。必食之選。坐位都寬闊，舒服。不會趕客，但大家都應該食完就走，不要阻住人做生意吧

好嘢唔怕介紹俾大家，一路都好想介紹佳佳，但有時寫嘢係好講心情，尤其是寫我喜歡吃的東西，一定要在愉快輕鬆的心情，才可以寫出來👻👻👻佳佳以前是小街檔，吃到現在上舖，身為佢嘅忠實粉絲，實在很替佢高興。糖水碗很有懷舊風味😻😻😻寧波薑汁湯丸：薑汁糖水薑味夠濃夠薑，貨真價實，絕不欺場！寧波湯丸唔會好似一般舖頭大大粒，喜歡佢小小粒，一口一粒，成碗有8粒湯丸。湯丸皮薄餡靚，湯丸皮很煙韌，黑芝麻餡很香滑。其實，佳佳其他糖水也很好吃，不過，我自己情有獨鍾寧波薑汁湯丸😋😋😋

中式糖水店黎講環境算整潔、寬敞、舒適價錢合理薑汁夠辣，值得一讚甜甜辣辣，好好味蕃薯夠腍以蕃薯糖水來說，算好好吃下次會再來平日下午，不用排隊，亦沒有被趕走....

食完飯之後行左一陣街,朋友就諗起好似差左少少野未做...係咩呢?就係飯後甜品,正餐一個胃,甜品一個胃喎...甜品就各式各樣,今晚經過一間佳佳甜品..望一望間野係賣傳統中式既糖水入到去坐底就大大個牌一眼望到有D咩可以食都係傳統既糖水...今日叫左補腦合桃露同冰花燉雞蛋我個補腦合桃露就要左熱既,食熱野對身體好一點我朋友就叫左凍冰花燉雞蛋因為天氣熱喎冰花燉雞蛋--朋友未食之前等我整一淡試一試個味如何個味都好重雞蛋味,甜甜地既蒸蛋不過都OK既補腦合桃露--合桃對身體好就一早知,所以好多時出去食甜品都會選擇黎食,補一補個腦..食落係點呢.個味唔算好濃,可以再香D既

來佳佳一定要食薑汁湯圓！用薑窄汁成湯底，好味過出面只係用薑做湯底，更辣更香。而湯圓皮夠薄，入面芝麻夠香，甜度剛剛好。一碗有8粒湯圓二十蚊有找。另外介紹合桃露同芝麻糊，夠香夠濃又夠滑。

之前睇新聞知道依間店，今日終於來幫襯，支持下嘛。一去到就見到小人龍，好彩都好快有得入去食。價錢好親民，唔怪知咁多人幫襯。不過中式糖水都得人愛既。朋友要咗香滑芝麻糊。$19。滿到呢，見到都開心。佢話好香滑喎，同個名一樣無花假！而且好濃好杰，係舊時既芝麻糊，似足細個食個d食到一咀都係好好味喎。我要咗寧波薑汁湯丸。熱既，好有薑味辣辣地好暖胃。湯丸細細粒好得意。但好多，有成8粒，宵夜來講好多啦。我分咗四粒俾朋友。湯丸入晒d薑味，但又有好濃芝麻味。芝麻餡會流出來，係流沙湯丸！而且麵粉唔會太厚，好煙韌。食完四粒有少少後悔分咗四粒俾朋友，我仲想食呀！下次經過一定再幫襯。試埋第二款，夏天無胃口當飯食都得！

去完The Grand 睇打死不離三父女之後，雖然好好睇但坐左三個鐘，睇完勁口乾就走去食糖水。朋友帶左我去食佳佳糖水，話好出名。甘我都見到佢門口貼左好多明星相，尤其是係發哥。傳統中式糖水，價錢好抵都係19/21蚊甘，除左楊枝甘露要30蚊之外。芋茸蓮子西米露：幾香芋頭味，但好湯水feel，勁少西米。楊枝甘露：有4-5舊芒果，算多既。但係又係勁少西米，我覺得自己好用勁飲緊楊枝甘露汁甘....所以話，餐廳出左名，多人排隊都唔代表有保證。

😍舊式糖水系列🤓🍴腐竹白果糖水🍡19 蚊(加蛋🥚2 蚊 加湯丸3 粒 7 蚊) 甜度適中 入面既腐竹白果都算落足料 因為凍食 所以甜度偏低😌 同埋帶點咸既蛋幾襯， 再加上三粒軟林既豆沙湯丸 😍味道唔錯 加埋 28 蚊 都算係幾抵食Score 平均分 <7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~Address地址#佳佳甜品佐敦寧波街29 號地鋪~~~~~~~~~~~~~

每逢佳節食佳佳，帶我係唔係佳節都會食。因為呢度嘅薑汁湯圓真係冇得彈。係人都知佳佳用料上乘，薑汁熬製得十分入味，帶一股狠狠嘅辣勁，食完仲會齒頰留香，基本上係無其他鋪頭做到呢樣野。二湯圓每粒都包住大量嘅芝麻餡，糯米皮粒粒煙韌軟糯，加埋薑汁咁食真係一絕。二芝麻糊都係冇得十分幼滑，質感十分厚重，芝麻味極度香濃，每一啖都好似食緊芝麻咁，並唔會好似有啲鋪頭做到水汪汪，又冇芝麻味，所以都好肯定呢度絕對冇偷工減料。

下午5點幾黎到，大概坐左一半人。糖水一點就上，效率勁高。🌸芋茸蓮子西米露（$19）蓮子都幾多，同埋好軟身☺️份量充足😆唔會太甜😋芋頭味唔重👎🏻🌸木瓜雪耳 （$21）好足料，多雪耳同有兩舊木瓜👍🏻太甜👎🏻總結黎講，價錢唔貴又大份，好有飽肚感。有興趣食中式糖水可以一試。

早前有媒體報道大力推介佳佳甜品嘅湯圓，喺附近工作嘅我一直記係心上，打算找個機會去試一試呢間糖水舖街上唔難搵到日式、西式、特式甜品店，但傳統的中式糖水店已經唔多店鋪裝潢果然冇令食客失望，充滿中式古早風午飯時間到訪人流不多所謂冬食蘿蔔夏食薑，一場黎到當然要試下佢既薑汁湯丸湯圓只有芝麻口味，果然擇善固執，堅持最傳統、最原味薑湯極重薑味，唔鍾意薑既人可能會覺得太嗆，但我就好鐘意，食後感覺好驅寒湯圓皮薄餡靚，難怪一路食都見到有客人買未煮的湯圓回家埋單時發現佳佳甜品原來是米芝連食店，下次一定要黎試埋其他款糖水

佳佳甜品是香港local同事推荐的，他最爱的甜品店。所以我的期望值很高。但实际上是一家很普通的糖水店没有挑战自己，点招牌姜汁汤圆，而是点了芋茸莲子西米露，对我来说有点甜，总之一般般，不值得特意跑来但是服务超级好！会一直笑着说欢迎下次还没光临

It's the best sticky rice dumplings with sesame stuffing I ever tried. Very bouncy and Q(Taiwanese word to describe stick rice made food's bounciness), fresh, round and beautiful like pearls without its skin melted apart. The ginger soup is very well executed as well with fresh ginger boiled for hours which is really good for anyone to increase metabolism and drice toxins out. This soup base is widely used by Chinese medicine practitioners. The bowls are one of the symbols of HK older generation

同朋友食飽飯行咗一陣商務書局，就去食糖水睇吓食乜先，咁多款真係有D花多眼亂，終於鎖定芝麻糊定合桃露好，朋友問我諗到食咩未，我就話呢兩個是但一款，佢話洗乜揀啫，兩款併咪得囉！我話得嘅咩，朋友即時指比我睇，係喎！(兩隻眼發光)～芝麻糊併合桃露，咁咪滿足哂貪心嘅我又想食芝麻糊嘅香味又想補吓腦，咁要熱定凍呢？朋友話今日咁鬼熱要凍啦！好！就跟佢啦嚟啦！好似水墨畫咁，好好味啊！又夠凍即時whatsapp屋企人，話比佢哋知食緊糖水好正，洗唔洗我外賣返去，即時有反應芋茸蓮子西米露、芝麻糊同埋杏仁露，朋友都買咗碗芝麻糊併合桃露比佢媽咪食，真係堅好食