你妳 (運通洋樓) (已結業)

自選午餐配搭蠻多，主菜、小食、飲品才$65我們點的台灣牛肉麵要另加$15， 味道一般，牛肉湯底未算不分濃郁、反而小食一口鹽酥雞配花枝丸剛剛炸起、感覺新鮮惹味。見門口推介就一試這份「我不是薯條」、原來是地瓜條、比普通薯條多點軟糯、有六款調味粉可選、個人覺得椒鹽也是挺夾的。仙草凍奶茶味道不算太甜、仙草滑溜的口感好順喉。草莓牛奶紫薯泥小芋圓 - 粉紅色的草莓牛奶有點像奶昔、最底的小芋圓煙煙韌韌、上面再鋪上紫薯泥、份量十足、非常飽肚。重頭戲來了- 黃金蛋黃芋泥紫薯吐司 好大份！裡面夾著厚厚的芋泥和紫薯、好豐富、兩個人share 都好夠！

係荃灣行完街3點幾 男朋友好肚餓而我淨係想食少少野 見到依間台式餐廳有便當又有小食就岩曬我哋先講裝修 細細間鋪大約只有20個座位好彩依個鐘數冇乜人 可以直接入座淺紫色嘅裝修風格好清新啊入到去見到好多人都食緊白兔糖麻薯吐司睇落好煙韌吸引 不過個人麻麻地太甜嘅嘢問咗職員個吐司會唔會好甜 個叔叔話「依個都幾甜架」之後就打消咗念頭最後我哋叫咗肉鬆芋泥吐司賣相好吸引呀 份量都幾大份 餡料豐富第一啖食落去要讚下個吐司皮 好香牛油味而且烘到好香脆 好味呀！不過食多啖先發現芋泥係凍嘅之前係台灣食過芋泥蛋餅係熱辣辣今次滿心期待食返台灣嘅味道 有少少失望而肉鬆係好食嘅 好香 咬落都有少少脆口感味道偏重 有啲搶咗芋泥嘅味道 顯得芋泥味道好淡 所以整體黎講普普通通啦 份量好足夠 有兩件 我一個人成依度一件都飽飽地喇而朋友就叫咗便當A滷水雞扒乾拌麵便當配冬瓜茶便當整體賣相精緻 有糖心蛋同酸菜拌麵都幾彈牙 肉操份量都好足夠 不過個人認為有少少偏咸 而雞扒就有少少乾 食完成個便當都有少少口渴㗎最後要配返冬瓜茶中和返總括嚟講呢間餐廳食物分量足夠 味道都合乎水準 不過未至於好驚喜 兩個人埋單$110 價錢合理 而平日

呢間絕對係網紅店！喺大大小小嘅平台都見到佢嘅蹤影，今日去開荃灣就要點吓佢嘅招牌名菜。餐廳行小清新路線，面積唔太大，但坐得尚算舒服，服務員非常有禮值得一讚！左：葡萄柚綠茶～酸酸甜甜嘅飲品，好開胃亦都係清爽嘅口感！夏天飲非常合適！右：仙草奶茶凍～香甜嘅奶茶配上清爽嘅仙草，別有一番風味！招牌牛三寶湯麵～三寶分別係牛腱、牛筋、牛腩，叫得招牌菜當然唔會令人失望，個湯底非常香濃！配上嘅蛋亦都非常夠味！Super Mix～<台灣甜不辣X地瓜番薯條>友人一直都喺度選擇究竟要邊樣，最終發現有個Mix,就可以兩樣都食晒啦!台灣甜不辣煙煙韌韌，口感非常特別，而地瓜番薯條係粗條嘅切法，口感非常厚實。另外，有好多味粉嘅口味可以選擇，而我哋選擇左呢兩個味：1.原味椒鹽粉～非常惹味配搭炸物一流2.酸甜甘梅粉～酸酸甜甜，可解炸物嘅油膩感肉鬆芋泥吐司～呢個係必食嘅item，醬爆嘅芋頭，簡直係見所未見！在場好多客人都點左呢一個三文治，麵包係烘過嘅，裏面嘅餡一咬就吱晒出嚟！非常足料，而且芋味十分香濃！其實仲有幾個口味，之後我一定要逐一品嚐一遍！香芋蝦餅～一反我對蝦餅嘅印象，口感非常之特別，喺出邊絕對食唔到！

我係芋頭控，朋友話荃灣開左間有得食芋頭三文治既餐廳，當然要去試下，舖頭以紫色為住，好喜歡喔～糖心蛋 醃得甜甜的，中間蛋黃流心，唔錯唔錯芋泥三文治 黎到當然要試芋泥三文治，有好多款選擇，我地揀左配肉鬆既 見到個賣相已經食指大動，厚厚既芋泥加上肉鬆，麵包脆脆的，好滿足呀！香芋蝦餅 好特別，係出面冇見過呢個配搭，成塊芋頭，炸得好香口，好味！甜不辣拼炸番薯 有好多種味揀，我地揀左原味椒鹽粉同埋甜酸甘梅粉，有驚喜！個甜不辣咽咽韌韌，好有咬口，炸番薯配上甜酸甘梅粉好啱夏天食，個人覺得最好食係呢個仙草3號 仙草好清新，啱晒食完熱氣野既我地，布丁好滑好香，水晶咽韌甜甜地，最好既係唔會過甜，我一個人都食得哂呢～

呢間手工芋泥台式餐廳係淡紫色嘅設計，俾人感覺舒服。見到Menu嘅設計就好鍾意，充滿少女味。有個可愛嘅少女，加上花花嘅背景。入到餐廳，店員嘅態度都好好。嚟到當然要叫招牌嘅手工芋泥吐司，我同朋友叫咗紫薯泥肉鬆吐司$45。分量十足，芋泥同肉鬆份量都好多，一日食一舊，都已經半飽。芋泥唔會太甜，係手工嘅味道。Supermix 大大份 薯條+甜不辣 $42分量又係十足，粗嘅係咖喱味蕃薯條，雖然咖喱味不突出，但本身蕃薯條味道原始。扁嘅係辛辣味甜不辣，我幾鍾意食，煙煙銀銀，又香口，推介甜不辣。招牌牛三寶湯麵 $75牛筋，牛腩，牛展都幾腍，有牛味，牛筋辣辣地，起膠質，但不會膩。酸菜都可以開胃。滷水雞扒滷肉飯$65雞扒嘅份量比較少，味道正常，滷肉飯適合鍾意食濃味嘅朋友，糖心蛋係好食嘅。跟餐加左兩杯嘢飲，左邊冬瓜茶，右邊烏龍茶。都正正常常。推介份量十足，價錢合理，性價比都高嘅

台式芋泥吐司成日見人食得多，我自己就一次都未試過🥲 最近成日見人打卡呢間餐廳嘅芋泥吐司，賣相相當之吸引😍 所以特登約朋友，嚟到荃灣試吓呢間台式餐廳🙌🏻 餐廳名聽落感覺好似好有意義🤣 你妳～-✨芋泥肉鬆吐司🍞 $42呢個吐司係我成餐飯嘅主角😍 賣相相當吸引!! 份量好大，建議同朋友仔share😵‍💫 自己一個食兩件一定飽到上心口。麵包好明顯係用牛油烤過嚟，帶有少少牛油味～ 而芋泥同肉鬆嘅份量超足料! 芋泥係由手作製作而成，無添加任何香料，每一啖都係好天然嘅芋泥味，口感亦都十分綿滑😋 不過記得趁熱食，凍咗就會無咁好食 (因為我就係凍咗先食，但都唔錯🤣)-✨台式滷水雞扒便當🍱 $65呢個便當可以配搭滷肉飯或者乾拌麵。滷肉飯嘅滷肉望落雖然好少，但食食下就發現比例啱啱好。滷肉係肥瘦均勻，每一啖都有淡淡嘅油脂味，好幸福❣️ 滷水雞扒幾入味，肉質唔算嫩滑但又唔會鞋颯颯，正常發揮啦🤣 配菜亦都有唔少～ 例如酸菜，木耳同埋半隻溏心蛋🤟🏻 便當嘅份量都算係幾足料～-✨台灣甜不辣 x 地瓜蕃薯條🍠 $42呢間嘅炸甜不辣同蕃薯條係可以自行選擇酥脆度同調味粉🤣 鍾意食脆啲嘅朋友仔可以揀脆啲😋 甜不辣同蕃薯條都炸得

荃灣番工，同事推介食台灣菜，見到openrice好多好評，相信都唔會點伏😆😆😆午餐都有好多選擇，價錢大概 $6x 左右我揀左自選午餐 $65乾伴麵 + 滷水雞翼併台南鮮蝦卷🍤配飲品 - 凍蜂蜜綠茶🍵便當形式上菜，賣相精緻吸引😍好有車站便當🍱嘅感覺！⭐️乾伴麵有魯肉、溏心蛋，麵種係粗麵，食落去相當有口感，味道好食！😋溏心蛋都做得出色，唔會凍冰冰，擺左好耐個d👍🏻👍🏻⭐️滷水雞翼併台南鮮蝦卷滷水雞翼無特別，好一般鮮蝦卷好食，好脆，但又唔會好熱氣個d👍🏻👍🏻⭐️蜂蜜綠茶好大杯，味道偏甜，唔係太鍾意甜，可能會受唔住，下次可以叫佢少甜。總括呢個價錢偏貴，因為份量不算太多，味道係好味，但未必會回頭食。

見到好多人都推介左唔少次，自己都好鐘意食台灣野，趁lunch就同朋友黎試下午餐都幾抵食，套餐都係六十幾蚊有野飲一個主食加兩款台式小食，自己可以揀唔同組合配搭我就揀左魯肉飯配一口鹽酥雞同炸澎湖花枝丸魯肉飯：同台灣食嘅味道好似，唔會太咸，都幾地道，肥瘦適中，好難係香港食到台灣個味。飯量都幾多，男人都夠食。個飯仲配左半隻溏心蛋同青瓜，都幾有心思一口鹽酥雞：炸到好脆，而且加左椒鹽係上面，調味調得幾好，雞肉唔會有肥膏炸澎湖花枝丸：同普通炸墨魚丸一樣，入面都真係有墨魚肉，口感都彈牙飲品我叫左白桃烏龍，茶味清甜，有白桃味唔會搶左茶味，解渴一流，我自己就好鐘意🥰我不是薯條🍟：佢個名好得意！其實係地瓜條，可以加粉shake 。自己揀左兩個唔夾味嘅粉（椒鹽同草莓）😂所以一般般呢到好多野都係以炸為主，如果唔啱炸野真係要諗諗。味道同台灣嘅真係有8成似，掛住台灣嘅就可以黎下🤪

你妳👻星期六想去南豐紗廠行下咁就係荃灣站附近搵下野食先見到依間既芋泥三文治好吸引好有台灣既感覺即刻黎試下佢🤣.🔅黃金蛋黃芋泥紫薯吐司 HKD 38黎到真係好巨形都幾足料又好食芋泥入埋都仲有啲大大舊既芋粒有啲咬口咁個多士都烘得夠脆係咸蛋黃味略少整體幾好食😚🔅自選午餐 HKD 65小食揀咗滷水雞扒配炸花枝丸乾拌麵佢比我既感覺似烏冬不過不失咁配埋杯嘢飲都幾抵食既🤩🔅台灣甜不辣+地瓜蕃薯條 HKD 42佢依個大大份有得試哂兩款仲可以揀兩款味地瓜條當然要配酸甜甘梅粉另外揀咗咖喱味最後出黎佢係幫我地mix好☺️甜不辣揀咗5分脆如果想再煙韌啲既話揀3分脆應該會再正啲幾好食既小食不過好熱氣😆.整體黎講：台灣風味 好食唔貴😚.🎈 你妳 (運通洋樓) (荃灣)荃灣運通街6號運通洋樓地下K號舖

芋泥肉鬆吐司打卡外，好足料，可惜太強肉鬆味，芋泥味無掟企，不過我都覺得佢係幾好食!你妳的午餐($65)魯肉飯 + 一口鹽酥雞 + 炸澎湖花枝丸 + 冬瓜茶魯肉飯不會過咸，鹽酥雞炸粉比較厚，反而花枝丸彈牙可口，總括而言，不過不失。冬瓜茶可以選甜度，不過味道偏淡我不是薯條!究竟我不是薯條，會是什麼呢? 原來是甜不辣，我地今次點了酸甜甘梅粉! 即點即炸，託"甘梅粉"鴻福，酸酸甜甜但又幾開胃，拯救左炸完甜不辣，有些會痴埋一齊的缺點。店12:00開門，我們12:15到，已經滿座。想食唔好灰心，因為可以電話訂座~

𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃💛呢間餐廳係荃灣都開左一排，第一次食。店內裝修都幾簡約，不過今次叫外賣。🌟夜市鹽酥拼盤🍱（$86）一個拼盤有齊鹽酥雞、蝦卷、四季豆。個盒好有外賣便當嘅感覺，好貼身咁用橡筋cool實，免得拎番屋企途中整開左個盒。本身諗住八十幾蚊應該好多，點知打開份量比想像中少。😨鹽酥雞炸得幾脆，但炸粉有點厚。雞既調味都唔錯，好掛著台灣😭。花枝丸、蝦卷🦐都好普通。四季豆係好長身果種，炸得幾好。-🌟台灣牛肉湯麵 及 一口鹽酥雞拼澎湖花枝丸 （$65 + $15）叫咗拼盤之後先發現有午餐，於是叫咗一個主食加小食拼盤。台灣麵要另加$15。店家好貼心咁將碗面自動分湯，拎到返屋企嘅時候碗面仲係熱嘅🍜。碗面裹要有好多酸菜，加埋d湯後都好酸，蓋過左牛肉味。面體方面就一咬就斷😰。而牛肉同半隻溏心蛋就一般。跟餐既拼盤份量反而ok! 有三舊炸雞同三粒花枝丸。所以建議叫套餐唔好就咁叫拼盤，主食揀番魯肉飯或乾拌麵可能好d🤣午餐仲配左杯古早冬瓜茶🧋，但黑糖味比較重，反而冇咩冬瓜茶味。如果當台式黑糖綠茶黎飲味道係ok ge。下次想試下佢d勁厚既台灣吐司🍞好似好吸引😍

係呢個冇得去旅行嘅世代，食其他國家嘅嘢可以一解我哋去旅行嘅慾望。台灣牛肉湯麵 $72今晚肥妹仔約咗朋友食飯，我哋叫咗一個台灣牛肉湯麵。肥妹仔好鍾意佢個湯，紅燒味好濃，而且仲係粗麵。肥妹仔好鍾意食牛肉，一啲都唔柴，好入味。夜市鹽酥拼盤 $86另外叫咗一個夜市鹽酥拼盤，個拼盤入邊有炸墨魚丸，炸雞粒，炸豌豆條，甜不辣，再加埋啲五香粉同椒鹽粉，超香口。紫薯麗肉鬆吐司 $45另外肥妹仔個朋友想試吓紫薯芋泥，所以我哋叫咗一個紫薯泥肉鬆吐司，又甜又鹹，非常之滋味。紫薯蓉好滑，同肉鬆好夾。台灣甜不辣 $35另外我哋再叫咗一份台灣甜不辣，配酸甜甘梅粉。個甜不辣炸到非常之脆，已經有啲似食薯條嘅感覺。飲品方面叫咗葡萄柚綠茶同埋金鑽鳳梨烏龍茶。

今日搵到機會一試呢間荃灣人氣台灣菜熱店排左半個鐘左右就食到啦，因為一直想試下IG打卡名物芋泥白兔糖吐司芋泥白兔糖吐司 🌟🌟成個造型真係一流，超級可愛，入面嘅餡料當十足，但味道方面有點失望，兩種味道都唔出，芋泥滑流，但無咩芋頭味道，而白兔糖味更加感受唔到，唔係張紙有兔仔都唔覺，同埋唔煙un，不過唔太甜，可以接受，但試一次就夠 夜市鹽酥拼盤 🌟🌟🌟🌟夜市鹽酥拼盤係台灣店必叫既食物，份量都可以接受，全部都熱辣辣，四款都好夠鹽酥味，花枝丸同甜不辣都好味午餐套餐 🌟🌟🌟午餐套餐連星期六、日都有，真係好抵同埋好大份，一份係滷肉飯、滷水雞翼、甜不辣，另一份係乾拌麵、蔥油雞扒、花枝丸，CP值好高總包一杯飲品，味道就正正常常啦

·你妳You you手作芋泥台灣美食💛💛💛💛💛～～～～～～～～～·今次黎到係食下午茶，下午茶餐都有齊有名要試既美食😌👍🏽👏🏽👏🏽👏🏽·1️⃣你妳吐司套餐🍞🥪($58)＊有3款可以揀，有芋見紫薯、肉鬆芋泥、紫薯泥肉鬆，明明叫左肉鬆芋泥，諗住無咁漏，但最後黎左芋見紫薯吐司🙈🙈，掛住影相又無留意上錯菜，食個下先留意到😂😂😂＊吐司麵包加牛油烘過，熱辣辣又脆加芋泥紫薯泥，芋泥慢火蒸煮芋頭，無任何添加同香料，食得出嗰種天然嘅味道，紫薯泥帶點甜，食完有少少漏(score: 4/5)·2️⃣甜品芋圓套餐($49)＊有得揀凍嘅仙草1號2號3號4號，或者熱嘅桂圓紅棗同黑糖甜湯，最後揀咗仙草4號，仙草4號有三色芋圓、包餡芋圓、珍珠同埋荔枝爆珠，芋圓好煙韌，包焰芋圓有啲粉唔太好食🙈，珍珠都好煙韌，荔枝爆珠甜甜地有夠爆唔錯😌👍🏽👍🏽😆(score:4/5)·下午茶餐有得揀梅甘地瓜條或者精選炸物籃👍🏽😆·3️⃣精選炸物籃＊精選炸物籃係套餐包嘅，入面有幾款食物，有甜不辣、花枝丸、蝦餅等等，甜不辣同花枝丸都好好味😋😋，夠彈牙又夠味，其他反而冇咩一般，但每樣都有兩件咁(score:4/5)·4️⃣梅甘地瓜條＊梅甘地瓜條都係套餐包嘅，炸

喺OpenRice介紹出咗隻白兔糖吐司，好奇就同🤴🏻去試試先😘😘🤴🏻話佢超級、超級肚餓所以叫咗兩個吐司+1個飯餐🤣🤣～～～地瓜白兔糖麻薯吐司🍞～～～白兔糖係香港人童年回憶，白色甜甜地嘅醬蓉再配埋黃色嘅地瓜醬蓉，味道唔會太甜清清地！😙😙每一口都要食得好小心因為隨時都會有爆漿嘅效果！～～～黃金蛋黃芋泥紫薯吐司🍞～～～紫薯蓉同芋泥超多，紫薯連同蛋黃蓉一齊食口感豐富，可惜芋泥雖然多但冇乜味🙂🙂仲有兩個吐司皮好乾，做唔到軟熟嘅效果🙁🙁起初以為係熱，原來係凍！建議店家可以整熱食黎買可能會更吸引😊😊～～～便當B。滷水三層控肉～～～滷肉飯好味，配菜木耳同酸瓜可以解膩，但控肉就較乾同硬！😞😞～～～古早冬瓜茶～～～跟餐+3 有台灣味😚😚～～～紅茶牛奶～呢個要$29個人覺得唔抵，紅茶味冇乜、牛奶味好淡🥲🥲仲有佢嘅服務好好，特別係短髮戴眼鏡嘅女店員，留意店面情況，快速應對客人需要！👍🏻👍🏻