何賢記甜品世家 (已結業)

何賢記 Ho Yin Kee📍堅尼地城 Kennedy Town//紅豆燉鮮奶 (熱) Milk Custard with Red Beans (Hot) 🥛 $28: 燉鮮奶好香滑 紅豆好大好多粒 唔甜 推介👍🏻//芋圓綠豆沙 (熱) Green Bean Soup with Taro Balls (Hot) 💚 $25: 綠豆沙好足料 好香臭草味 芋圓好彈牙 都算大料💜

今晚早食完晚飯諗住去食糖水，響西環揀咗兩間食西式甜品，但去到點知冇開門，奇怪，google 仲話營業中？最後搵到何賢記轉食中式糖水。我哋叫咗芋圓咋喳、楊枝甘露、合桃糊溝芝麻糊。芋圓咋喳：足料，味道不錯，如果可以加啲花奶會仲香。楊枝甘露：冇果肉，只係一碗芒果西米露。合桃糊溝芝麻糊：好淡，無合桃糊味亦無芝麻糊味。糖水舖環境光猛，價錢合理，整體感覺還可以。

前嗰排單咗個新Apps，咁啱有coupon 送，所以就用咗黎買糖水食何賢記的甜品幾抵食喎，廿零蚊姐一個糖水<合桃糊加紅豆沙加芋圓湯圓$38>本身呢個雙拼合桃糊加紅豆沙$29，加芋圓$5，加湯圓$4，加埋加埋都係$40有找，幾抵食合桃糊好滑，不過紅豆無起沙，好味he芋圓太硬身，食完有點頂胃湯圓反而幾正，煙煙unun ，芝麻湯圓做到溜心效果，正<薑汁芝麻餡湯圓$22>食唔出薑汁味，薑汁底有點有稀芝麻湯圓如上，幾好食，如果薑汁湯底整好D又真系平靚正喇

經過何賢記糖水店， 6點左右，見到有幾台食客，我選擇咗買外賣。買外賣返屋企慢慢食。真係極力推介佢哋個燉鮮奶，由於上次試咗佢哋嘅薑汁燉鮮奶，今次就一於試吓大良淨燉鮮奶，一樣係又滑又香！冇令我失望！鍾意鮮奶嘅朋友，一定會喜歡。小丸子係我每次都會叫既，一如以往，水準很高，非常之煙un彈牙，好好食題外話，如果各位去食糖水，不妨留意下老闆娘，好靚女又好好人，未食糖水見到老闆娘已經覺得甜其實我都唔知佢係咪老闆娘，因為次次去買糖水都見到佢，我淨係聽到其他員工叫佢做Amy下次再光顧先

何賢記甜品世家開業了一段時間，由於住係附近，好多時都會買返碗返屋企嘆下。夜晚人山人海，通常我都買外賣返屋企食。之前每一次都會叫蕃薯芋圓糖水，上次見到有枱食客大讚薑汁燉鮮奶，今次就買碗黎試吓。燉鮮奶好滑又好香，而且有陣陣既薑味配合。最重要係薑味同奶香取得平衡，沒有搶過另一方的味道！值得一讚！心水推介：薑汁芋圓番薯糖水。係我每次都叫的糖水，大大話話都十幾次，鍾意薑味必試，薑味好濃，好足料，佢地既蕃薯夠棉，但唔會淋，好食！順帶一提，我去每家糖水店必吃芋圓，何賢記的芋圓夠咬口，Q彈，必試！依間係我會返轉頭幫襯的甜品店，去開西環可以一試，一定會愛上！

七夕同朋友仔黎到何賢記食糖水呢度賣舊中式糖水價錢也很合理，不會開天殺價假日仲有限定的糖水，今日無緣了叫左一個紅豆沙加芋圓同芝麻糊加湯圓紅豆沙有陳皮味，幾好，不會過甜芋圓口感煙，彈牙芝麻糊很幼滑，充滿芝麻油香湯圓煮得剛好，不會未熟或糊掉平時好少走到這些內街，原來別有洞天食完糖水再逛逛附近的新店，看看老店另有一番滋味

媽媽突然話好想食糖水，係open rice 搵咗一陣，都唔知食乜好。突然，媽媽想起話附近開咗間新嘅糖水鋪，叫我不如同佢去試吓，所以我哋就嚟咗食啦！我叫左一碗桑寄生蛋茶，熱辣辣，唔會太甜，全碗糖水都好入味。蛋亦真係有同d桑寄生一齊煮過，非常好👍🏻下次一定會再嚟食👍🏻媽媽就叫咗碗大良燉鮮奶，熱辣辣，唔會太甜，震騰騰，香滑又好味！好耐冇喺呢附近食過好食嘅糖水啦！終於都叫做有一間👍🏻桑寄生蛋茶 - 好味😋大良燉鮮奶 😋

呢間糖水舖一開張我就已經去幫襯，初初覺得幾好食，又足料，價錢又合理，屋企附近有間唔錯嘅中式糖水舖，真係好開心。。但係前排開始質素越黎越差~試過要個凍嘅椰汁西米露外賣，拎到返屋企打開係暖嘅(過程不足5分鐘），d椰汁仲要好似溝左水咁好稀好淡，食完第二日仲要肚屙😥...算。。覺得佢可能一時失手。。。過左幾日我又想食糖水，諗住比多次機會佢啦…就叫左個熱既腐竹白果薏米外賣啦…今次係夠熱嘅，可惜佢d白果竟然粒粒都無除去個芯，全部都苦嘅。。。唉，有時放工好攰，想食個靚糖水開心下，甜下姐。。。你比個苦嘅糖水我。。。人生係咪咁灰呀大佬。。。所以我同自己講。。呢間何賢記要black list...要black list 呀📣📣

食完野行兩行，成日覺得要食下糖水先滿足平時食太多冰喇，今晚決定食下中式糖水先！ 見到呢間好多人排隊，好似好好食咁，就入去試下。同普通既糖水鋪一樣，都係例牌搭枱～ 呢度既芋圓好唔錯，勁重既芋頭同蕃薯味再配埋薑汁蕃薯，都幾夾！食到一半已經覺得好飽肚芝麻湯太就冇咩特別～ 不過欣賞佢個薑汁好香，少少辣，岩我口味呢個係寫明推介既，反而最失望奶味勁微，紅豆得好少，接近冇味～感覺好馬虎 呢度既糖水唔算好新穎，味道中規中矩。不過價錢合理，如果食完飯口痕，都可以黎試下既

10點坐低叫野,已經無哂糊既野...連叫喳咋都無😱叫左比較穩陣既香芋椰汁西米露同大良燉鮮奶我同老公兩個都食到變面😰香芋椰汁西米露:啲椰汁開左勁多水...稀到一個點啲西米好細粒,無咬口..香芋唔夠香我食左4啖已經到我極限,我唔知係我要求高定點..但呢個係我目前食過最劣質既香芋椰汁西米露🙄大良燉鮮奶:唔重奶味可能凍既關係,比較硬同實左啲作為甜品店既甜店可以咁既質素...我都無言了🙄絕對唔會再黎呢間野度食!伏中之伏!

自從地鐵通車後，西營盤至堅尼地城一帶便多了許多不同類型的餐廳。這次經朋友介紹下，得知堅尼地城尾新開了一家糖水店！於是在晚飯後便去試試！一看餐版，主要是中式糖水，感覺十分「正氣」我們點了熱的「芋圓蕃薯糖水」$25糖水有很重的薑味，但薑味真的太濃，其他人未必能接受。蕃薯共有三大舊！ 芋圓也很QQ 我們還點了燉鮮奶，奶味很重！很出色 食飽時約晚上9:30，但很多糖水已售罄，不知是否預計份量不足，還是生意太好，所以很多糖水未到十點已賣光了。埋單共$55。在西環來說已是十分抵食！ 糖水味道正常， 沒有驚喜。

西環嘅甜品店好多，但專做中式糖水嘅就好少。雖然係咁，但做唔做得住始終要睇食店係咪真材實料。何賢記店內環境好新淨光猛，唔會好似啲傳統中式糖水店咁俾人一種較舊嘅感覺，呢一樣野係增加左令人光顧嘅意慾紅豆沙、綠豆沙、蕃薯糖水、燉蛋/奶呢啲傳統野當然有，今次喺何賢記試左芝麻糊燉鮮奶同芋圓紅豆沙。先講芝麻糊燉鮮奶，燉鮮奶中間開個細細嘅窿注啲芝麻糊入去。燉鮮奶唔算燉得好滑，鮮奶味都唔係好濃，芝麻糊只有中間少少，覺得可以再加多啲芝麻糊。至於芋圓紅豆沙，原本想食紅豆沙加啲湯圓，但湯圓加一粒要HKD 4，芋圓份量會多啲，好似抵啲😂，諗住同樣係煙韌嘅野，就簡左芋圓紅豆沙。紅豆沙好足料，果皮、蓮子、百合都好多，但紅豆反而有啲少。而芋圓啲味都算出，幾好食。想食中式糖水嘅話，呢間都算係唔錯嘅選擇。

同班朋友食飽飯，傾得咁開心，梗係要搵地方食返碗糖水繼續吹！每人叫一款，咩都可以試下。桑寄生紅棗蛋茶($24)夠清潤，最鐘意就係隻蛋煮得好入味，食完感覺好舒服。金銀燉鮮奶($30)原來係燉奶中間擺左隻蛋黃，撈埋一齊食就有少少似甜嘅水煮蛋嘅感覺，滑溜溜幾得意。而芋圓番薯糖水($25)，本人就好鐘意食薑味，所以認為可以再薑啲。不過都好味，食落好暖身，芋圓都煙韌。蓮子合桃糊($28)就可以再好啲，嗒落唔覺好杰好濃果種口感，香味稍稍不足。

近年西環開左超多糖水鋪，不過主要都集中西式，最近結流於都開左間中式糖水鋪，就同老婆兩個去試下果日我地大概9:00到去到，人流唔算多，大部份街坊都係買外賣。坐位就有2-30個左右。鋪頭真係全中式糖水，我最後揀左個芝麻糊湯圓，老婆就招牌燉蛋芝麻糊質素一般，又未去到會一塊塊，湯丸ok反而老婆燉蛋有驚喜，幾好食，夠熱夠滑同場隔離枱有兩公婆帶外國人試食，見佢地好多都唔係咁清楚想問服務員，但服務員鼂答過程就有d唔耐煩....

我好想支持街坊小商戶, 所以第一次去食時接近10點, 始創金銀燉鮮奶冇晒, 有些失望, 便order了合桃糊, 是濃和滑但合桃味.......係完全欠奉, 到了星期六, 見約5點去到, 心想始創金銀燉奶應該可以食到, 心中高興。所謂金銀燉鮮奶, 是燉奶的中心, 有流心蛋 , 越祈望越失望,  見到燉奶上, 有一片薄薄的, 約荷包蛋的面積的液體蛋漿, 很開心, 怎知食完這層蛋液, 再挖下碗燉奶, 我天真地以為, 食下再挖下, 可能中心點真係會有流心蛋, 所以一邊挖, 一邊食,  整碗燉奶食左8成, 終於醒覺, 係唔會有流心蛋了, 都食了近8 成, 難道叫店家換過一碗給我 !   我同店員A 講, 你地個燉奶冇流心蛋, 佢say sorry 話可能今日失敗左,  我已即時同佢講, 你地收我金銀燉蛋的價錢, 佢完全冇表示, 我亦不強人所難,  OK, 我照付。去到cashier, 我同另店員B 講, 你地金銀燉奶冇流心蛋, 佢仲問左我一句, 燉奶上那層蛋漿係咪好大片, 我答: YES。當然, 佢都有say sorry, 仲叫我下次再幫趁。如果佢地主動, 只收我一般燉奶價錢, 我都仲會考慮再俾