何賢記甜品世家 (已結業)

今晚早食完晚飯諗住去食糖水，響西環揀咗兩間食西式甜品，但去到點知冇開門，奇怪，google 仲話營業中？最後搵到何賢記轉食中式糖水。我哋叫咗芋圓咋喳、楊枝甘露、合桃糊溝芝麻糊。芋圓咋喳：足料，味道不錯，如果可以加啲花奶會仲香。楊枝甘露：冇果肉，只係一碗芒果西米露。合桃糊溝芝麻糊：好淡，無合桃糊味亦無芝麻糊味。糖水舖環境光猛，價錢合理，整體感覺還可以。