住家飯

營業中

休息中

想在屯門找個地方吃午餐，於是便在網上找到了這間餐廳，寫評都說不錯，便宜又好吃，於是便試試。我們兩個人叫了一個雞煲火煱，當時是下午1點半左右時間，也算是繁忙時間，等了半小時才有雞煲送上枱，雞件本身已熟，所以我們馬上就吃了一件，超級無敵咸！！！雞件還是炸過，我從來未吃過雞煲入面的雞是會用粉炸過的🤢🤢外面餐廳的雞煲最多也是炒一炒/煎一煎，但不會用粉包裹着，但這間餐廳的雞煲味道不但咸，口感也不好吃。之後我們打邊爐，肥牛上桌已知不新鮮，那些丸類還是有點臭，像吃垃圾。雖然價錢是很便宜，但至少味道和質素也要公平合理吧。P.S餐具還有點髒。

經過依間餐廳好多次，終於可以試下佢晚抵食雞煲。晚市$168就可以任食任飲雞煲/邊爐😆我同朋友揀左麻辣雞煲再打邊爐🐤由於朋友唔可以食咁辣，所以叫咗好少辣。個煲嚟到已經好香，啲味道亦岩岩好，唔好太辣，又夠味！啲雞都被個麻辣醬包住，而且啲雞唔係太骨，係好有肉地，所以我哋都食得好滋味🤤食完雞煲，就加咗豬骨湯開始打邊爐。佢嘅選擇都唔少，基本肥牛、雞件、豬肉片、丸類、蔬菜類、菇類都有，亦有得自己混醬👍🏻同埋個煲有兩邊，我同朋友都可以自己一人一邊整自己鍾意既野食😆另外佢既飲品櫃既野飲都好多選擇，有罐裝、支裝同紙包裝既都有。我超開心見到有豆漿飲，仲要可一支咁飲，好爽！整體地方唔係話好大既環境，但坐得都好舒服，打邊爐要有既野都好齊備，同朋友慢慢食、慢慢坐都係一個好選擇。佢另外都有做小菜，見佢地既小菜都好大碟好吸引，下次要試下先☺️😋

放工約酒肉朋友去食住家飯,whatsapp強調,不是屋企食飯,係去置樂既住家飯,食火煱放題.叫咗酸菜魚湯底,冇味精,一開始,食魚,菜,菇類,水餃.然後，再叫牛，豬，雞肉，食物新鮮衛生。飲品任飲，有啤酒，汽水，果汁，涼茶。我倆飲吓啤酒,椰汁(天天,我好耐無見到),開心暢飲,在舒服親切既餐廳裡,大家傾吓講吓, 暢所欲言. 最後，大家食飽帶半醉，開開心心回家。店內有一家四口在吃火煱自助，也有客人吃小菜套餐。店員待客親切，看來大家也很熟络。店內環境整齊清潔，不錯。

這間位於屯門置樂的“住家飯”除了有各式各樣的小菜，還有不同口味的火鍋選擇😋，十分適合忙碌的香港人收工後 過來感受“住家”的溫馨。🥰店面整潔，環境很舒適，店員服務周到，會主動顧及客人的需求，給人溫暖有禮既感覺。☺️今次我同朋友嘗試咗“住家飯”的火鍋🫕，性價比高，價錢划算，$168／位，兩小時任食任飲。主打低糖低鹽·無味精火鍋，但毫不影響火鍋的味道，依然很惹味。🤤首先我哋選擇咗麻辣雞煲🐔，可揀唔同辣度🌶️，自助落單，加單方便，上菜很快呢🥳雞肉很鮮嫩入味，份量足夠✌🏻隨後食完雞煲會加入“無味精湯底”，打邊爐的食材多樣，有新鮮的肥牛，雞肉，豚肉，蔬菜，各式丸類，餃子烏冬…可滿足不同顧客的口味。👍🏻飲品櫃亦有好多種類既飲品👍🏻，真係符合晒一家大細既需求。例如，涼茶 檸檬茶 蘋果綠茶 啤酒等等……至於涼茶，啤酒🍻更是打邊爐的不二之選💯🥢住家飯（屯門）📍屯門青海圍8號屯景大廈地下C號舖

晚市$168仼食2個鐘，可以揀雞煲/酸菜魚，再打邊爐，飲野仼飲～🐟酸菜魚湯底酸辣开胃，配有酸菜、芽菜、豆卜等配料。魚肉份量好多，而且魚肉幾嫩滑。🍲火鍋食到咁上下就可以落火鍋配料，連同醬汁全部擺喺出面雪櫃，想食雞/牛/豬可以用電話QR code落單📱，魚皮同響鈴就放喺雪櫃旁邊🙌肥牛幾有牛味，唔會好靭。火鍋配料特別想讚下魷魚、牛柏葉、芝心丸同粟米。魷魚、牛柏葉爽口彈牙，粟米好爽甜。出面仲有不同丸類、菜類、菇類同麵食😚仲有！住家湯無限添飲，好足料😎舉手問職員就可以～總括嚟講我覺得呢間幾抵食，百幾蚊有咁多款肉食，仲有酸菜魚

我的工作在屯門區，可能每日都要到屯門不同嘅地方工作，有時食午飯時間都很趕的，所以未必夠時間去選擇餐廳。今日同事介紹了住家飯，說它是無味精，很好食。由於今日在這家餐廳附近工作，所以決定去試一試。食品都幾多選擇，環境都算幾乾淨。最後我點了，蔥油雞扒雙蛋飯。雞扒外脆內嫩，蔥油不會過咸，太陽蛋煎得不錯，飯粒分明。我好耐都無係開工嘅日子，食午飯係覺得好食。這間店我會再幫襯。都會推薦比同事。不過今日我2點15分先到達店舖，所以湯已經沒有了。

#港女覓食到屯門有陣時一個人就會想食住家飯，估唔到屯門都可以搵到一間無味精嘅住家飯😍 有時唔想大魚大肉，得閒路過想食煮家飯都可以食下😎✨台灣雞扒肉燥飯，都幾好食，半煎炸雞扒唔柴夠嫩滑，同埋佢啲肉燥都食到好濃嘅香料花椒八角味。另外點餐送老火湯，凍飲+$3呢個飯應該會比較適合重口味嘅人士，淡口嘅人應該會覺得好重香料味未必受到😂餐廳仲有無味精任食打邊爐架，下次冬天嘅時候可以再幫襯✌🏻✨總結人均消費💸：$55/1人味道：🌕🌕🌕🌕🌑份量：🌕🌕🌕🌕🌑服務：🌕🌕🌕🌗🌑質素：🌕🌕🌕🌑🌑🍴 住家飯 (屯門)📍屯門青海圍8號屯景大廈地下C號舖

關於環境，作為自家開設的小炒店，顯得比較親切和溫馨。也可能因為是火鍋放題，和晚市時間，人比較多，比較熱鬧。店面整潔，服務周到，給人留下比較好的印象。至於食物，新鮮的牛肉、豬肉、雞肉、餃子、蔬菜、丸類和麵食選擇比較豐富，能夠滿足不同的口味和需求。椰子雞湯底，有一定的鹹甜味，帶有椰子的香味和口感，未放任何東西的情況下，自己飲左三碗湯。這種湯底可能更適合喜歡口感清淡，不喜歡太過辛辣或濃重口味的人。如果湯底調味得當，搭配上新鮮的食材，應該會是一頓不錯的火鍋放題。特別推介自家包的餃子，皮薄餡靚。

小店標榜完全不使用味精，住家健康好滋味。晚飯時段，有小菜也有任食火鍋可選擇。貓太太和豬先生點了三個小菜，份量卻一點也不「小」。小菜加$8便有老火湯水和白飯，頗為抵食。🍲老火湯有半碗都是湯渣。青紅蘿蔔、粟米、南北杏、蜜棗、豬骨，滿滿真材實料，清甜滋潤🥰。🦑椒鹽鮮魷 （$88）必點推介！脆脆面衣包裹鮮味魷魚，加上椒鹽汁，無得彈。豬先生說，外賣一盒回家當零食也不為過，比大排檔或酒樓更好吃。🐮沙嗲金菇肥牛粉絲煲（$88）粉絲盡沙嗲醬汁，比肥牛更索味🤭肥牛份量也不少，這道簡直是下飯殺手。🐥啫啫滑雞煲（$88）目測小店有枱客人也點這煲，看來是招牌菜。大量蒜頭、蔥頭、洋蔥、一點指天椒，怎麼會不香？每件嗜嗜雞都沾滿醬汁，色澤誘人，確是出色。🍹忌廉泡泡阿華田、鮮檸利賓納不過不失。

喺置樂附近嘅住家飯，平時肥雞一諗唔到食咩，就會落嚟打個價錢非常之吸引嘅邊爐，平均都係百零蚊一個人，非常之抵食。佢個湯底有好多唔同嘅選擇，今次肥雞就嗌咗個海底椰子雞煲湯底同埋蕃茄湯底，佢嘅湯底係偏甜，如果大家鍾意飲湯嘅話可以嗌嚟飲吓。唔好以為佢價錢平就冇乜嘢食，佢喺打邊爐配菜方面都有好多選擇，包括一啲平時食開嘅雜丸，菜等等。至於肉類方面，有牛肉豬肉同埋雞件，雖然話唔係啲好靚質素嘅牛肉，但係絕對對得起佢嘅價錢，最緊要飲品任飲，所以總括嚟講肥雞都好滿意。

宜家出面任食邊爐愈來愈貴，平都二百幾三百蚊，所以都唔捨得成日去，今次誤打誤撞去左間小店，試下個平價任食邊爐。佢除左打邊爐仲有小菜叫，主打係健康冇味精，都見到幾多人食小菜或者碟頭飯。坐卡位，任食邊爐可以食兩個鐘，仲免收加一。今次揀左沙嗲湯底，都幾香濃。仲有另一個選擇就係雞煲底，不過今次得2個人食，驚食唔晒會浪費，就冇揀到。豬牛雞可以任叫，野飲除左支裝酒都係任飲。配料款式選擇都算okayyyy，我就最推薦水魷！任食真係好飽，要行返轉消化返先得！🤣

相信唔少搬咗出嚟住嘅年青人，都想尋找家的味道。但放工又趕唔切買餸煮飯，又驚茶餐廳或外賣唔太健康，所以屯門街坊就推薦呢間住家飯！放工就有老火湯、各式各樣小菜，真係好滿足呀！節瓜章魚花生眉豆雞湯對於我哋嚟講，一餐飯最重要就係湯！今晚嘅老火湯選擇係節瓜章魚花生眉豆雞湯，明顯落足料，所以味道非常香濃，仲可以食埋湯渣呢！沙嗲金菇肥牛粉絲煲沙嗲味非常香濃，仲帶有花生香味，非常有層次，絕對係送飯必叫！金菇同肥牛嘅份量十足，但最惹味嘅當然係粉絲啦！酸菜魚片家庭式製作嘅酸菜魚片，味道有別於湘川風味，酸辣味都唔會太濃，但重點係少油，感覺相對健康。至於魚肉嫩滑，兼且無骨，啖啖肉真係夠晒滿足。椒絲腐乳炒通菜有魚有肉，又點可以無菜呢！呢個椒絲腐乳炒通菜夠鑊氣，通菜新鮮爽口，索晒椒絲腐乳香味，確實唔錯。

我覺得以後想食小菜，都會揀佢，非佢莫屬‼️亦係難得聽到老爸口中講出一句「好好」🍍菠蘿咕嚕肉好常見既一道菜，個咕嚕肉真係做得好好，個皮好脆、肉質好嫩好滑，平凡的菜做得咁出色，仲只係💲78 ！！！🐟酸菜魚片💲108估唔到咁大一碗，而且係食極都有既魚！！份量超足！鯇魚片勁新鮮，好滑好香，連酸菜都好正！好想買一樽🤣（如果有得買）🐂沙嗲金菇肥牛粉絲煲💲88大煲到食唔晒🤣超多肥牛，好好咬口，唔「鞋」唔「老」，係正既！每個餸都會配例湯 - 🥜木瓜花生眉豆蜜棗雞湯好夠火喉！好足料😋😋😋叫左杯熱咖啡同奶茶紅豆冰特別讚杯奶茶紅豆冰呀！猶豫緊叫凍奶茶定叫紅豆冰既時候，竟然發現有呢個選擇😂一次過滿足兩個願望，係超夾既！😍😍整體來講，真係俾滿分既一餐！好出色既「住家飯」，價錢好抵，成檯咁樣二百幾蚊，係一餐夠食3-4人既份量！係值得一去再去既餐廳。下次仲想食佢既任食火鍋🤣

對打邊爐既喜愛 可以話係無分季節🍲 尤其係最地道既港式邊爐😎 咁岩經過見到無味精湯底就忍唔住試 仲要最平$168 免醬油費免加一 可以食到飽😍住家飯有8款自家製特色湯底 我地就揀左蕃茄薯仔湯 同 日式壽喜燒～ 蕃茄薯仔湯好足料 越煲越濃 真係飲緊湯咁🫡 野食都好掛湯 食完都唔會口渴🤤 壽喜燒湯底好香 超香甜 冬菇令到湯底更濃厚任食安格斯肩胛肥牛 $228作為牛肉lover 就梗係食安格斯🥩 肉類可以用QR code 落單 其他食材可以去自助區拎 😎 肉類比得一啲都唔吝嗇 一碟份量都好多～ 塊塊夠哂厚身 口感都比其他任食餐廳好 肉味都好夠😋 安格斯肩胛肥牛脂肪分布平均 色澤鮮紅 入口即融 絕對唔係普通野～ 豬肉片爽口彈牙 嫩滑好食🐷 雞件大件滑嫩🐔自助區應有盡有 菜類肉類響鈴就唔少得啦🥬 最特別就係紫菜豆卷 出面未見過🫡 中意食響鈴同紫菜就一直唔可以放過 外皮鬆脆帶豆香 又有陣陣紫菜味😆 餐廳叫住家飯 真係有種住家既感覺🏠 性價比超高 中意港式邊爐就唔好錯過🫡住家飯📍屯門青海圍8號屯景大廈地下C號舖

週末入屯門同朋友聚會😊 晚餐想食得健康啲置樂花園有間叫住家飯 好似ok咁就試試🤨本身係茶記咁好多飯餐 都係家常小菜又神奇有提供打邊爐 都有一半人食緊😂又忍唔住試吓湯底一上 好大煲呀 蕃茄薯仔好多料 👏🏻多人一齊打邊爐都無問題此口味有少許偏甜但無味精 睇你個人喜好😙始終是小店, 食物款式唔太多 但種類尚算足夠👍🏻有菜 丸 腸仔 餃子類 麵食等等自助選擇今次$148的任食套餐 仲另外包肥牛 豚肉 滑雞😎唔好睇到小小一碟 份量非常厚道😌食一轉已經足夠 個人覺得豚肉較好食👍🏻飲品都係任飲的 選擇還是不錯的都係做街坊生意 係比較平價😉住起附近又食過未呢？