影片
電話號碼
46471073
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
天氣一涼就想食雞煲，但下下都幾百蚊起跳，荷包好快乾硬化！🤪今次就encore「住家飯」，諗佢夠晒平，$168 就有得雞煲火鍋放題飲品任飲配料任食～過下口癮都唔錯！🐔雞煲火鍋放題 每位$168 （2位起）$168價錢係包晒以下嘅菜式：🧀火焰黑松露雙重芝士麻辣雞煲燃燒嘅黑松露芝士麻辣雞煲！雞煲一上枱就超熱🔥店員會加酒，然後火燃起嚟，煲面冒出火焰，場面好震撼，一定要打卡留影。之後佢哋會畀你好多芝士同一大堆黑松露醬，你自己可以加落去雞煲度，好好味啊！🤤再講下佢嘅份量，啲雞肉多到成個煲滿晒咁滯，同埋佢嘅雞件全部都係好多肉。🥩任食火鍋配料：食完雞煲之後可以叫店員幫你加湯就可以轉做打邊爐嘅部份，除咗雪櫃嘅自助區之外，我哋仲可以透過手機嘅QR code落單，點選肥牛、豚肉片、雞件等等。保證食到你飽！😋🥦住家菜（只限逢星期一至四）：最過癮係幫襯呢一個雞煲火鍋放題套餐，只要你係逢星期一至四晚嚟幫襯，仲可以享受到一份住家飯嘅味道！而且仲有超級多嘅選擇，我哋喺芸芸嘅小菜裏邊揀咗沙嗲金菇肥牛粉絲煲。雖然食完雞煲放題同埋火鍋配料之後已經好飽，但係我哋都好想試吓佢呢份住家菜嘅味道，果然冇令我哋失望，食物份量依舊係十足！金菇同肥牛都煮到好入味！果然係一份價錢兩種享受！ 😍現場所見餐廳，客人好多，店員都做到踢晒腳，但係都依然保持到良好嘅服務態度，係家嘅味道👍🏻
繼續閱讀
身為屯門人，又點會未去過置樂一帶覓食！今晚屋企人話想食火鍋，於是拉大隊過來置樂尋找心儀餐廳。行過青海圍，見到這間「住家飯」餐廳，門口海報的$168任食雞煲火鍋，價錢相當吸引。一開始先食雞煲，上枱後，店員會往煲內倒酒，然後點火。火焰過後就可放芝士和黑松露醬，拌勻就起筷。雞件預先炸香才放煲，肉質嫩滑入味，但炸粉漿有點厚。芝士帶有微微拉絲效果，黑松露的味道在濃郁醬汁之下未算明顯，建議蘸點在雞件上會好一點。整煲份量都好多，除雞件之外，還有豆卜、洋蔥、生菜等其他配料。但可能一開始淋了酒的關係，煲內所有食物都有著強烈的酒味，尤其是豆卜。對不太愛酒的人來說，會有點吃不消。吃完雞煲就可請店員倒入豬骨湯，搖身一變成為火鍋放題。牛肉、豚肉、紫菜響鈴等經手機下單，而各款丸類、蔬菜就放櫃中自取。肥牛片質素普通，以這個價錢來說都算是可以的。也許是雞煲的原因，個人覺得湯底偏油一些，所以淥蔬菜會有少少油膩感。反而後來放即食麵時，把雞煲剩下的芝士放進，變成韓式芝士麵又意外地幾好食。逢星期一至四惠顧會奉送小菜，2-4位可以選擇1款。試了椒鹽鮮魷，魷魚先炸好，再用炸蒜、辣椒等炒香。魷魚爽口帶少許煙韌感，惹味夠穫氣。但略嫌炸粉漿太厚。飲品都是任飲的。汽水、支裝飲品放在雪櫃內自取。而茶記款式飲品，如：凍檸茶、阿華田等，就可經qr code點餐。選擇都多。
繼續閱讀
#搞串個pantry而家越來越多連鎖 #打邊爐 舖頭，佢哋都係行日式🇯🇵，或者台式🇹🇼嘅風格。不過我哋都冇忘記港式🇭🇰嘅邊爐，今次就嚟到一間位於 #屯門 ，標榜冇味精、家常菜嘅 #火鍋 舖頭啦！我哋係食佢哋嘅雞煲火鍋放題套餐😍，成人每位$168 (不設加一)💰。套餐可以揀 #雞煲 🐔、 #酸菜魚 🐟、或者鴛鴦鍋♨️。另外仲額外送小菜🍳。飲品就包咗罐裝🍻、同埋茶餐廳飲品☕️任飲。椒鹽鮮魷🌟🌟🌟避風塘式🔥嘅炒法同埋調味🧄，真係好惹味、好正🤤！配埋飲品放題嘅啤酒🍺一流。魷魚🦑出面嘅炸粉屬於硬脆，如果薄啲口感會更加好😝。不過入面嘅魷魚大大塊😍，而且嫩。打邊爐🌟🌟🌟🌟🇯🇵日式壽喜燒湯底｜好重嘅鰹魚汁味同埋甜味，唔係正宗嘅日式味道，不過呢款港式嘅味道都好啱烚唔同嘅邊爐料，好香。🥘香濃沙嗲湯底｜沙嗲味好濃好香，而且花生味都好出，嘢食烚完之後沙嗲湯嘅味道入晒味。🌊紫菜響鈴｜浸完湯底之後吸收晒湯汁，加埋紫菜更加有鮮味，本身響鈴有啲油味，不過都俾呢啲香味冚到。🐮肥牛｜用咗牛五花嘅部位，好重油香味。而且每份都有好多牛肉，好滿足，大家嗌嘅時候就住食唔食得晒呀。🪼芋絲｜烚完之後又彈牙，又入味，吸收晒湯汁嘅濃郁香味。但係本身蒟蒻感覺輕盈，唔會膩。
繼續閱讀
本身諗住食雞煲點知隔離要等位就諗住食呢間，諗住雞煲打邊爐啫，應該唔會伏。叫雞煲送個小菜就叫左個小菜王，我咁大個女真係未食過有汁既小炒王，蝦乾好多，不過食多兩舊恐怕係要洗腎，唯一最好食係隻蝦，因為蝦唔使醃，啱啱好無味。個雞煲叫唔好開火怕痴底，但係我食開既都係開細火調住，唔開火啲雞唔熱仲要有啲係生既，啲雞好鞋，我亦都係第一次食雞煲食唔晒啲雞，叫侍應加湯，加完湯係湯係咸到食唔到，最後加清水。見其他咁多好評，我真係有啲懷疑人生。
繼續閱讀
天氣又凍又濕，放工係屯門置樂搵食，見到呢間小店 - 住家飯 門口海報寫住$168/人（2位起）有得任飲同任食雞煲火鍋🐥，諗都唔洗諗就入左去試下，店員介紹2個人以上食呢個餐，就會送一碟小菜，見到小菜嘅選擇又多又吸引，都賽係好難選，最後就選左蜜糖薯仔牛柳條， 本身以為碟小菜應該好細碟，點知份量超多，牛柳條好入味而且唔硬，重好夠鑊氣添，好有驚喜～麻辣雞煲我地選左小辣，份量又係超多，無諗過兩個人都有差唔多成隻雞，麻辣越食越好惹味， 除咗有普通雪櫃嘅飲品之外，重可以落單叫檬茶檬賓飲，最出奇嘅係連紅豆冰都有😂朋友話食住雞煲飲紅豆冰🍧真係好爽🥳， 食完雞煲之後仲可以加水黎個任食火鍋，選擇都唔少，牛肉、豚肉、蔬菜、丸類、公仔麵都有，真係可以食得好盡興🤩屯門呢間小店真係性價比極高，店員都好貼心好有人情味，就算好多客，都會過嚟細心講解同問吓意見傾下計咁，唔掛之得一路食都見啲人keep住黎食雞煲啦～住家飯 (屯門)屯門青海圍8號屯景大廈地下C號舖#天天飲食_屯門#天天foodies評分：7.5/10#住家飯 #屯門 #屯門美食 #雞煲 #火鍋 #打邊爐 #hkig #ilovesharefood #beef #foodphotography #foodphotos #hkfoodblogger #foodblogger #相機食先 #手機食先 #全力食 #instafood #偽食家 #食好西 #食評 #hkfoodies #yummy #delicious
繼續閱讀
您可能會有興趣的...