影片
山長水遠入屯門探朋友，佢帶咗我去住家飯食雞煲，性價比極高！呢度$158 就可以無限時嘆到大排檔風味雞煲，仲要無限添，連啤酒都任飲，食完雞煲仲有得打邊爐任食，嘩！抵到爆唔好以為價錢平，質素就將就！絕對無呢回事，雞煲上到黎，色香味俱全，份量勁足！兩條友三兩下手勢就KO 左啲雞，即加湯打邊爐打邊爐配料，小食，飲品都係APP 自己點我好欣賞佢set 到啲單位一件一件咁，可以食幾多點幾多，絕無浪費邊爐料應有盡有，牛羊雞豬，丸菜腸等等，上菜速度都幾快，轉個頭小編已經食到好飽，但幾飽都好，打邊爐唔少得食返個公你麵😆另外試左幾款炸物小食，蝦片勁香脆而且厚片，食到唔停口春卷係米線素菜饀，熱辣辣，好香口炸饅頭點煉奶，無得頂蒜香雞翼尖，唔太辣，蒜味多啲，一碟唔夠喉啤酒汽水，冰箱自助拎，員工refill 得好密，全部都好冰凍爽口！又一餐平靚正，抱住個肚走出餐廳難怪鋪頭坐滿之餘，門口仲咁多人等位👍🏻住家飯 (屯門)📍屯門青海圍8號屯景大廈地下C號舖#hkfoodie #foodiehk #foodie #hkfoodblogger #food #foodblogger #foodporn #香港美食 #香港必食 #香港探店 #大排檔風味 #屯門美食
繼續閱讀
介紹返💁🏻♀️。。🇭🇰 無限時雞煲火鍋 在屯門 🇭🇰。住家飯 HomeFood。屯景大廈地下C號舖。無限時 雞煲火鍋啤酒放題川味麻辣滑雞煲。大排檔奇味滑雞煲。台式三杯滑雞煲。港式咖喱滑雞煲。特濃沙嗲滑雞煲。星期一至四 - HKD158。星期五至日 或 紅日 - HKD178🤫 尋日腳仔又帶我喺大西北覓食..佢話今次要去食港式茶記地道雞煲火鍋..位位百六蚊有找唔使加一😳仲要係無限時任食😱本來聽到以上幾隻字嘅介紹個心都已經打定輸數..諗住係捨命陪君子..地方好可能會係大排檔坐街邊..好有風味唔太乾淨嗰隻🤪點知去到位於屯門市中心邊皮位嘅呢間住家飯又有啲驚喜喎🤩估佢唔到係一間地方好新淨企理..整整齊齊有卡位嘅茶餐廳～🤫 呢度雞煲有五種口味任君選擇..分別係標明辣椒仔嘅川味麻辣雞煲..仲有平時食雞煲好常見嘅奇味雞煲..聽到周圍每枱都叫嘅三杯滑雞煲..仲有比較少見嘅港式咖喱雞煲同埋我哋揀嘅特濃沙嗲滑雞煲～🤫 咁應該係因為佢哋呢度嘅滑雞煲寫明即叫即炒..所以雞煲上枱都需要用上五至十分鐘左右時間..期間我哋可以用QR code先落咗一啲放題任食嘅小食同埋飲品食住等..小食嘅選項唔算話好多..主要係兩種冷盤四種炸物同埋一個滷肉飯..個人就相當推介佢哋嘅即炸炸蝦片..雖然蝦片炸得有些少油膩..但係嗰個口感同平時街外邊買到嘅非常之唔同..成件事係香脆啲同埋味道濃郁啲之餘仲要厚實一啲..你見我全程三粒鐘Encore咗三次蝦片就知咩料啦😋🤫 其次嘅炸饅頭亦都係相當之吸引到我嘅..其實炸饅頭呢啲嘢都冇乜點..都係現成拎去炸嘅小食..我同飯腳仔最欣賞嘅都莫過於係佢哋即叫即炸新鮮滾熱辣脆卜卜咁樣送上嚟放入口..所以明知係飽肚嘢都忍唔住要食返兩件過吓癮😏🤫 再嚟就係今餐嘅其中一個精髓～特濃沙嗲滑雞煲🥘首先個煲一上枱就聞到好香嘅沙嗲味..嗰種沙嗲味絕對係平時食開沙嗲牛肉嘅香濃版本🤤數吓手指..喂Siri都應該係我喺香港食過嘅雞煲裏邊數一數二好味道嘅👍🏻🤫 然後雞件嘅份量相當之多..件件啖啖肉之餘仲要係真心嫩滑..我好鍾意佢哋呢度雞煲係有用咗一啲生菜粉絲金菇洋蔥等等嘅蔬菜類墊喺雞煲嘅底部..食起上嚟可以一啖雞肉一啖菜咁樣減少油膩嘅感覺之餘..沙嗲醬汁嘅味道更加能夠喺蔬菜同埋粉絲上邊發揮得淋漓盡致🤫 由於我哋只係兩個人開餐..就唔似得旁邊嘅其他食客咁樣能夠瘋狂Encore個雞煲..所以喺K.O.咗成個雞煲之後..我哋就立即同夥計阿姨講話要加湯轉戰沙嗲湯汁嘅邊爐火鍋..而呢度最正最地道嘅都莫過於係佢哋嘅嗰個相當之傳統嘅Gas爐同埋用一隻大碗裝住晒所有你Order嘅邊爐食材嘅呢一個畫面..真心呢一種風味基本上已經喺香港絕跡咁滯..我懷疑而家嘅Gen Alpha可能根本唔知乜嘢為之Gas爐😳🤫 講返個正題先..火鍋配料大概有五十幾樣嘢揀..最普通嘅豬牛羊雞呢啲就實有㗎啦..丸類雲吞類夾夾埋埋都有十種揀..蔬菜仲更加有十五種之多..雖然全部都冇話係一啲咩極之特色嘅選項..但係個人就覺得百零蚊嚟講真係比上不足比下有餘..完全冇嘢可以挑剔👍🏻最緊要係呢度竟然有揀飲擇食之王飯腳仔最鍾意食嘅通菜..呢件事基本上已經攞滿分💯🤫 至於要數我個人最推介嘅都有幾項..第一個翻兜必食嘅就係佢哋嘅特級牛丸..飯腳仔話呢度呢個牛丸媲美香港出名嘅振興牛丸..佢係嗰種極之彈牙而且入邊爆汁嘅牛丸..喺我食到最飽最飽嘅時候我都仲係忍唔住叫多兩粒就知道佢係勁嘢啦～🤫 其次就係佢哋嘅特級花枝丸都係好高水準..花枝丸口感彈牙就唔再講啦..最緊要係粒丸入邊有好多真嘅花枝粒粒..成個味道都好濃郁🤫 然後呢度嘅鮮牛肉片都係相當推介嘅..尤其是係如果你同我一樣都揀咗特濃沙嗲湯底..因為只要落咗呢隻鮮牛肉片之後..平時常餐必食嘅沙嗲牛肉麵你就已經垂手可得啦😌🤫 火鍋配料除咗以上各種係相當推介之外..住家飯嘅水魷同埋鮮魚片都絕對唔可以錯過㗎～所謂嘅魚片其實係魚件至真😏每塊魚件都相當之厚身好肉而且係冇骨嘅..三兩下手勢淥熟咗之後就相當之滑溜好食..水魷就更加唔使講啦..爽口新鮮好味道😉🤫 嘢飲方面..住家飯呢度亦都相當之有特色..絕對係時下連鎖式台式邊爐放題俾唔到你嘅～除咗佢哋主打嘅啤酒任飲有多個唔同嘅牌子選擇之外..更加吸引到我同飯腳仔嘅就係佢哋呢度嘅茶餐廳特飲..我哋都真係第一次喺放題打邊爐入邊一人可以飲到三四杯唔同嘅嘢飲..而且樣樣我哋都飲得好滿足😎我哋分別試咗正路波嘅凍檸茶啦..菊花蜜柚子蜜啦..仲有紅豆冰鹹檸七..同埋打卡一流嘅忌廉泡泡好立克..真係單係叫佢哋嘅嘢飲同埋食個雞煲已經翻咗本㗎啦💰。。翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）。。
繼續閱讀
最近同朋友去咗屯門食雞煲啤酒放題性價比超高！！多款啤酒任飲！雞煲仲可以無限添加😍 仲要冇限時間！環境乾淨企理坐得舒服～星期一至四：成人＄158小童/ 長者＄128（免加一） 星期五至日或紅假每位加$20每日5點前入座全單9折 🐓川味麻辣滑雞煲🌶️🐓大排檔奇味滑雞煲🐓特濃沙嗲滑雞煲 🐓台式三杯滑雞煲🐓港式咖喱滑雞煲 我哋叫咗川味麻辣滑雞煲同埋台式三杯滑雞煲 雞件好多 而且雞肉都幾嫩滑 仲好入味 呢個價錢冇嘢好挑剔！我自己都食咗勁多雞😆🐓食完雞煲就可以火鍋🍲 有數十款火鍋料 可以揀香濃忌廉雞湯底 或 特濃沙嗲湯底 有超多選擇！例如：美國雪花肥牛 西班牙豚肉片 嫩滑雞件 羊肉片 芝士腸 生根 鮮牛肉 雲吞等 仲有大量丸類 蔬菜 烏冬 雞蛋等等～仲可以叫特色火鍋小食😆有蒜辣雞翼尖 涼拌青瓜 炸饅頭 炸蝦片 炸春卷 迷你肉燥飯 孜然炸茄子 有好多唔同牌子嘅冰凍啤酒 🍻例如健力士 藍妹 生力清 醇滑嘉士伯 Asahi 青島 另外亦有多款即沖飲品 例如奶茶 鴛鴦 咖啡好立克 朱古力 阿華田 鮮檸茶 利賓納 菊花蜜 柚子蜜 雪碧 紅豆冰 可樂 etc結論係性價比真係好高 如果你哋鍾意食雞煲飲啤酒 真係超適合一大班朋友過嚟食雞煲啤酒放題❤️
繼續閱讀
屯門大排檔風味雞煲夜晚坐滿人！除咗晚市小炒重有雞煲放題～無限時即炒雞煲火鍋啤酒放題 $158/位川味麻辣滑雞煲 中辣讓人感受到麻味與辣味的完美平衡！雞肉鮮嫩多汁，配上洋蔥的甜味，讓整道菜的層次更加豐富。每一口都充滿了香辣的滋味，絕對能滿足愛吃辣的朋友們。食完雞煲之後就可以加香濃忌廉雞湯打邊爐啦！掃QR code落單 多達數十款火鍋料！美國雪花肥牛肉質鮮美，與各種新鮮的蔬菜如娃娃菜和金菇相搭配，讓整體口感更加多樣化。不過，如果海鮮類的選擇能再多一些，那就更完美了。此外，這裡的特色火鍋小食都為用餐體驗增添了不少驚喜。例如涼拌青瓜、一大塊超脆的炸蝦片和孜然炸茄子。自助飲品區提供的汽水和啤酒，還可以隨時order即沖的飲品，如西洋菜蜜和柚子蜜，為你的用餐增添一絲清新。住家飯 (屯門)屯門青海圍8號屯景大廈地下C號舖
繼續閱讀
🇭🇰大排檔風味雞煲｜火鍋｜啤酒｜無限時✨私心推薦(無限任加5味雞煲）大排檔奇味滑雞煲台式三杯滑雞煲雞煲就食得多，但係好少食到可以無限任加嘅即炒雞煲！仲要真係幾惹味食落去幾種味道都好出色大排檔同埋台式三杯雞都做得好標準😌雞嘅份量好多 而且仲要係又滑又多肉真心抵讚食完雞煲記得留肚食火鍋🥘大家可以選擇直接用雞煲嘅味道加湯或者直接換個火鍋湯底～食完咁多雞肉，仲可以狂加蔬菜同埋飲啤酒火鍋配料仲有差唔多55款以上！個人最推薦追加鮮魚片同埋幾款蔬菜！✨小食推薦蒜辣雞翼尖🌶️涼拌青瓜🥒迷你肉燥飯🍚孜然炸茄子🍆💰價錢星期一至四：成人＄158小童/長者＄128（免加一）星期五至日或紅假每位加＄20（每日5點前入座全單9折）
繼續閱讀
您可能會有興趣的...