住家飯

營業中

休息中

一見到呢個餐廳名，就知道係主張健康美食！本身諗住食小菜，但再睇真啲個menu，原來仲有雞煲放題食，價錢仲令人心心眼每位只係$168咋，仲要唔駛加一❤️仲有一款小菜送，真係好難唔叫呢個雞煲放題呢度嘅雞煲係有名堂的，「火焰黑松露雙重芝士麻辣雞煲」🍲麻辣汁醬比較多，味道偏濃！豆卜勁好食味道唔算好辣，加咗芝士做到拉絲效果，同時亦可以中和辣味雞件先泡過油，所以好鎖汁，越食越惹味，而且啲雞嘅份量一啲都唔少！如果胃口大的，可以不停refill啲雞我哋就一round已經好足夠～～「XO醬四季豆炒牛柳條」本身我哋係叫欖菜肉碎炒四季豆😅點知嚟錯左，果陣心諗點解會有咁多肉，之後再睇返menu，相信係落錯單……不過欣賞嘅係四季豆炒得好爽脆，完全唔會炒到淋哂食完雞煲，就轉湯底打邊爐食左咁多肉，我當然就係主力食菜喇❤️

好耐之前經過呢間餐廳已經想食，因為佢嘅價錢真係好吸引，每位價錢都只係$168 係任食任飲 任食肥牛、豬肉同埋雞，晚市120分鐘湯底揀咗香濃沙嗲湯，主打冇味精嘅湯底 都幾有噱頭 因為好少何火鍋嘅餐廳會講明自己冇味精首先講吓湯底，湯底都真係真材實料，好多花生粒，湯底味道食落去香濃，同任食嘅肥牛味道好夾 ， 而且肥牛嘅肉同埋脂肪嘅比例都係平均嘅，唔會過多脂肪，呢個好抵讚 雞肉喺沙嗲湯底入面味道都幾特別，雞肉肉質爽口，仲有勁推介大家食魷魚、芝士丸同埋海膽丸 最邪惡嘅食法係 叫一餅麵 啲面吸收晒啲湯底味道，好邪惡 飲品方面，推介大家飲椰汁 因為好少火鍋店有椰汁飲😍

置樂出名多好嘢食！今次嚟到依間叫做住家飯嘅茶餐廳，食$168/1人雞煲加火鍋放題，CP值極高，食到非常之飽。而且7點左右已經坐無虛席，睇黎深受街坊喜愛☺️火焰黑松露芝士麻辣雞煲雞煲一嚟到熱辣辣，店員會加酒，然後點火即有火焰喺煲上面燃燒，場景震撼即時打卡。然後佢會比大量嘅芝士同埋一大兜嘅黑松露醬俾你自己加落去雞煲，非常惹味！😋食完之後可以叫店員換特色火鍋繼續打邊爐。湯底可以八選二，我揀咗椰子雞湯同皮蛋豆腐芫荽湯底。蔬菜丸類可以出去自己夾，牛肉響鈴魚皮等就可以用QR code落單 。牛肉唔會太肥，亦都份量！魚皮同響鈴都非常之脆！飲品：汽水櫃任拎有啤酒、豆漿、夏枯草、可樂等。最特別嘅係可以嗌一般茶餐廳飲品，我叫咗咖啡紅豆冰、柚子蜜同熱杏霜，味道也很好！

小店經營嘅任食無味精火鍋，無醬料費、無加一，啤酒任飲，每位先$𝟭𝟮𝟴 !⃝ 湯底唔錯，唔遜息過貴少少嘅餐廳～環境成條街都係食任食雞煲咁制，其實呢間都有，但我哋今日唔算好餓，所以齋打邊爐。餐牌其實佢小菜list、碟頭飯都勁吸引，最緊要係平同埋好大份😨來來往往嘅客人真係不絕。 任飲任食火鍋 $𝟷𝟸𝟾（免加一） 揀咗鴛鴦湯底，一邊壽喜燒 ，一邊沙嗲湯，比我預期中有驚喜(⁎⁍̴̛ᴗ⁍̴̛⁎)，壽喜燒同日本餐廳嘅湯底無異，十分清甜；港式餐廳所出嘅沙嗲湯絕對做到沙嗲牛肉湯嘅口味，用返嚟烚牛肉就啱哂。配料就有齊豬、牛、雞，當中以雞件質素最好，我哋都ᴇɴᴄᴏʀᴇ 咗一件，雞皮下帶黃色油脂，烚𝟸邊湯底都會索汁，仲有紫菜響玲、魚皮都係任食。飲品方面，$𝟭𝟮𝟴都有罐裝啤酒任飲，呢個價位收貨啦(*¯︶¯*) 下次會嚟試晚市小菜，見到超大份又平，難怪咁好生意！

兩個人去食小菜，有二人餐好正👍🏻$178可以揀兩個小菜，配兩碗白飯、兩杯飲品，仲有湯飲😋😋例湯都好入味🍍菠蘿咕嚕肉皮脆肉嫩好高質😍好好咬口一d都唔會「鞋」👍🏻🪿豉椒炒鵝腸勁大碟！爽口彈牙，量都超多呀！另外叫左個新餐牌：脆炸蠔餅蠔仔的確甜🦪👍🏻好脆好味😋飲品叫左凍檸樂 & 奶茶紅豆冰奶茶+紅豆好正😊整體黎講，性價比好高，食物種類款式都真係勁多～～小菜抵食之外，見都幾多客去食任食雞煲，每位都只係百幾蚊！餐牌最吸引其實係下午茶，成餐飯我地都講緊下次要來食下午茶🤣🤣係會encore既好餐廳👍🏻

#搞串個pantry而家越來越多連鎖 #打邊爐 舖頭，佢哋都係行日式🇯🇵，或者台式🇹🇼嘅風格。不過我哋都冇忘記港式🇭🇰嘅邊爐，今次就嚟到一間位於 #屯門 ，標榜冇味精、家常菜嘅 #火鍋 舖頭啦！我哋係食佢哋嘅雞煲火鍋放題套餐😍，成人每位$168 (不設加一)💰。套餐可以揀 #雞煲 🐔、 #酸菜魚 🐟、或者鴛鴦鍋♨️。另外仲額外送小菜🍳。飲品就包咗罐裝🍻、同埋茶餐廳飲品☕️任飲。椒鹽鮮魷🌟🌟🌟避風塘式🔥嘅炒法同埋調味🧄，真係好惹味、好正🤤！配埋飲品放題嘅啤酒🍺一流。魷魚🦑出面嘅炸粉屬於硬脆，如果薄啲口感會更加好😝。不過入面嘅魷魚大大塊😍，而且嫩。打邊爐🌟🌟🌟🌟🇯🇵日式壽喜燒湯底｜好重嘅鰹魚汁味同埋甜味，唔係正宗嘅日式味道，不過呢款港式嘅味道都好啱烚唔同嘅邊爐料，好香。🥘香濃沙嗲湯底｜沙嗲味好濃好香，而且花生味都好出，嘢食烚完之後沙嗲湯嘅味道入晒味。🌊紫菜響鈴｜浸完湯底之後吸收晒湯汁，加埋紫菜更加有鮮味，本身響鈴有啲油味，不過都俾呢啲香味冚到。🐮肥牛｜用咗牛五花嘅部位，好重油香味。而且每份都有好多牛肉，好滿足，大家嗌嘅時候就住食唔食得晒呀。🪼芋絲｜烚完之後又彈牙，又入味，吸收晒湯汁嘅濃郁香味。

📍 住家飯（屯門） 住家飯點可以唔飲番碗住家湯呢。真材實料既木瓜花生眉豆蜜棗雞湯 ，落足料煲，完全冇味精，飲完成碗都唔會口渴，仲可以食到湯渣～午市餐廳都好繁忙，人來人往.價錢合理，適合附近居民同打工仔食飯嘅好地方～🔸金針雲耳蒸雞飯呢一個飯係家中必食既菜式，簡簡單單一款蒸雞都已經好滿足，用新鮮雞切成雞件，口感嫩滑，金針雲耳吸晒雞嘅精華，撈飯一流～🔸小食另外配咗瑞士雞翼，雞翼用招牌瑞士汁煮8分鐘，味道恰到好處，瑞士汁不過甜，雞皮爽滑、雞肉嫩滑。🔸蔥油雞扒雙蛋飯豐富嘅蔥油，鹹度得宜，雞肉嫩滑多汁，雞皮煎到脆脆地，最鍾意食佢嘅雞皮，兩隻太陽蛋，流心蛋黃不斷搖晃很是吸引豉油汁較甜口，弄穿蛋黄拌飯吃就夠美味，雞蛋邊有少少煎焦感，正👍

我未食過咁難食嘅雞煲，啲雞件件炸粉成寸厚，完全都唔係雞煲，似係啲姑嚕雞球就咁掉落去，啲味道又剩係得一個鹹字，又滯又難食，明明係最少辣都可以咁鹹我懷疑個廚師根本無自己試食個，怎至從來未食過雞煲，邊有雞煲咁整架個廚師唔識因份量，兩個人食佢比咁大煲，似四人份又難食嘅野，點會食得哂，你要打邊爐，就局住食哂啲成寸厚炸粉嘅姑嚕鹹雞，又滯又難食，叫一碟牛佢居然可以搭到14塊，出面放題一碟可能都係4塊，佢搭到咁厚，好容易一叫叫多3倍不過服務員態度非常好，環境都企理，唔食雞煲，食其他可能係不錯的選擇

秋涼季節到又開始打邊爐啦，同朋友去咗置樂揀咗呢間餐廳，除了有住家飯食，仲有雞煲、酸菜魚同無味精湯底邊爐🫕湯底仲有7款選擇！🌟椰子雞湯底湯底有鮮椰子肉，好清好鮮甜，放肉同菜落去更突顯食物的鮮味！🌟地獄麻辣湯底湯底有唔少辣椒同花椒粒，聞落已經夠晒麻香，食落一樣麻味十足！雪櫃放滿蔬菜🥬🌽🥦菇類同好多款丸類，而肉類🥩就有牛肉、豬肉和雞肉揀，點完由廚房送到枱上，全部都係可以任食架！百幾蚊一位，好抵食！

好耐冇去屯門置樂嗰頭，嗰日剪頭髮嘅髮型師話呢間住家飯係好多人排隊嘅餐廳，當堂有一啲抌心口，因為我嗰日去到真係有好多人排隊，但係但係我竟然冇食到嗰隻最出名嘅雞煲啊！我只係食咗小菜咋，下次真係要搵個機會去食下好出名嘅雞煲先得喇！嗰日因為真係太多人排隊啦，所以都排得來已經時間比較眼，隔離有間好可愛嘅貓貓店忍唔住一入去玩咗一陣，所以就揀咗啲小菜快快脆脆食，蜜椒牛柳粒呢碟餸唔係度度都整得好食㗎，要將薯仔炸完之後再炒，先可以令到佢唔好咁容易變得爛晒，牛柳粒甜得來有咬口又唔會太老，如果唔係就咬唔郁啦！另外揀咗清湯雜菜鍋，原來真係少少海鮮都冇🤣，不過清淡得嚟又估唔到真係冇味精個喎，所以如果屯門牛牛要食一餐住家飯嘅話呢間餐廳又真係冇改錯名都係一個幾好嘅選擇。

今日唔知點解好想食西多士,所以將lunch拖到tea time先去食野,2條友係屯門搵搵下搵到宜間,門口明明係放下午茶牌,但好得意入面個個都係打邊爐,冇錯 tea time打邊爐,我一心想搵西多士所以我唔理睇返下午茶,佢西多士唔係普通野,都有5款選擇我見到芝士咸牛肉西多士咁古怪,冇理由唔試佢一試,認真好神奇地好夾,以前食過芝士火腿,沙爹牛西多士,我反而覺得芝士咸牛肉係3個入面最夾朋友仔就叫左個迷你日式鐵板炒烏冬(肥牛),說好的迷你呢,宜個係正常份量囉,勁大碟,仲要係好食,唔係死咸,又多料,之後呀仲有試新野,天生冒險王,叫左2杯跟餐飲品,1杯係奶茶紅豆冰,另1杯係忌廉泡泡阿華田,佢地係QR code 落單,有得揀走甜小冰,奶茶紅豆冰可能相對多見d,但忌廉泡泡阿華田睇個名都知係小朋友殺手啦,一黎到白雪雪好開心下次一定試埋佢個邊爐同小菜先,門口寫冇加味精,唔怪得3點幾去都搞到員工用膳都讓位俾我地,平日都咁full

置樂不嬲都有好多小店可以揀，尼一間小店的特色就係推好似係屋企食住家飯的味道，出街食飯都想食得健康D，同埋，價錢都好抵食。打邊爐的食材和湯底，果然都係原汁原味，我叫左蕃茄薯仔湯和沙嗲湯底。蕃茄薯仔湯底係見到有好多件大大塊的蕃茄和薯仔，無味精，酸酸甜甜，沙嗲湯底滾下滾下，就已經香飄飄，兩款湯底味道都是十分濃郁！可見在湯底方面落足心機😋😋肉類方面，雖然只係得豬肉、牛肉和雞肉三款可選，但係都係厚切，唔係好薄，一盤已經等於平時食開既3、4盤，大家最好都係逐盤逐盤叫！每樣一盤已經好夠飽，而且，肉類都係無醃製過，唔洗擔心有太過咸的問題。蔬菜和丸的選擇都有10幾款可以揀，仲有魷魚🦑和牛柏葉好岩沙嗲湯底。

家陣出街打個邊爐🍲閒閒地都二三百蚊/位，最近洗突咗少少，今次就慳慳地揀咗間小店食個9️⃣0️⃣分鐘火鍋放題。🥘無味精湯底 ($128/位，+$10/位轉鴛鴦湯，免加一及醬料費）湯底叫咗🥥椰子雞湯同🍅蕃茄薯仔湯，蕃茄湯超濃😍而椰子雞湯就淡淡嘅清甜，呢家餐廳標榜無味精湯底，食完返到屋企真係冇口渴👍 出色啵❗️牛肉🐮同豬肉🐷質素唔錯，但今次Yummy推介嘅係雞🐤，平時打邊爐d雞肉多數麻麻，但今次d雞又鮮又滑，煮到尾都仲好食😍😍 大推🔥配料方面有好多款，有唔同款嘅丸、水餃、牛柏葉、水魷🦑等，而且唔似出面嗰d咁有雪味。蔬菜有4-5款，當日嘅菠菜🥬同娃娃菜仲幾鮮。另外邊爐當然唔少得紫菜響鈴、炸魚皮同山根啦‼️ 配合埋蕃茄薯仔湯不得了‼️😋 其實仲有烏冬同即食麵，想像到同湯底好夾，可惜已經食唔落啦🤣🧃飲品多款係必須的，不過冇諗過呢個價錢連啤酒🍺都係任飲。 認真今次呢個慳家之選CP值幾高⏫😋

呢間餐廳做緊優惠，打邊爐任食任飲之外，仲要係免左一，免醬料費，真係好抵食😚.首先就係先食雞煲，食完再加湯打邊爐，這間的雞煲醬汁勁野味唔會太鹹，小麻小辣，越食越停唔到口，煲内望落有半隻雞力，而雞件切得正好，size岩岩好，雞肉煮過後仍然很嫩滑，好正！而且配料有洋蔥、蔥頭、蒜頭都唔少，入哂味👍🏻加入奶白色嘅湯，繼續打邊爐🍲.任食配料區有粉麵、唔同嘅丸類同埋腸仔、仲有響鈴、魷魚芋絲等等，真係好有住家飯嘅味道啊👅

人地Lunch食兩餸飯午市套餐我就眾目睽睽之下火鍋呀唔該🤣一眼就見到火鍋任食全日供應滿足心血來潮想打邊爐嘅我☺️名副其實「窩心味道 • 健康滋味」◂ ◂ ◂ ◂ ◂ ✐☡ ▸ ▸ ▸ ▸ ▸↬ 火鍋湯底 ↫可揀兩食款式湯底或淨火鍋湯底多款選擇下揀咗鴛鴦鍋(每人+$ 𝟏𝟎)湯底非常足料而且飲落堅無味精🤩▸ 椰子雞湯坦白講好味過母親大人煲嘅只因料真多(媽媽別生氣😚)奶白色超多椰子🥥越煲越濃郁味道好～清甜忍唔住係咁飲🤤▸ 韓式芝士泡菜湯除咗多泡菜仲有唔少豆腐一開始唔覺得辣有少少酸但越食越顯辣似泡菜鍋辣度唔會好嗆又辣得過癮🌶️其他湯底▸ 可兩食：酸菜魚 / 麻辣雞煲▸ 淨火鍋：日式壽喜燒湯 / 芫荽皮蛋豆腐湯 / 地獄麻辣鍋 / 香濃沙嗲湯 / 蕃茄薯仔湯 ↬ 肉類 ↫ 用QR Code落單只有豬牛雞三款每款每碟份量唔少▸ 豚肉油脂唔多肉質軟嫩無臭豬味▸ 肥牛油花平均肉質爽滑牛味唔錯▸ 滑雞肥膏唔多淥耐咗肉質都唔太老 各款醬料及以下類別係雪櫃自取↬ 丸/炸物類 ↫ ▸ 魚腐本人表示好食超索湯🤍▸ 魚蛋魚味好濃、墨丸、貢丸、芝士丸、蟹籽丸等多款選擇，但可惜無牛丸▸ 魚皮餃、餃子▸ 廚師腸、芝士腸