低調高手大街小食

營業中

休息中

越開越多分店 橫掂都要等 揀咗原味雞蛋仔同原味格仔餅 好貼心會問格仔餅洗唔洗開半☺️仲會問格仔餅同雞蛋仔想一齊拎定格仔餅拎先 因為格仔餅相對等短啲時間我哋拎咗格仔餅先 格仔餅幾脆 入面仲好多醬 多醬又脆嘅格仔餅就係好味道 可以開半呢個服務真係唔錯跟住雞蛋仔係外脆內軟但過咗十分鐘都唔洗就淋灑🤔格仔餅感覺出色啲

每次經過東大街，都一定要去幫襯呢間雞蛋仔！咁耐冇黎水準依然保持到佢做到外脆內軟，完全冇燶 。每一粒都脆卜卜又唔會太甜而且仲係即叫即整 熱辣辣，好香既蛋香味味道仲有咸有甜比你揀，值得一試！

最近低調高手喺銅鑼灣同將軍澳都開咗分店，咁岩經過東大街，緊係要食番總店☺️一如既往，星期日就算落住微雨都係要排😂雖然前面有10幾個人等緊但等咗10-15分鐘左右就排到，一拎上手嘅時候係熱辣辣💯原味雞蛋仔 （$26/底）雞蛋仔🥚即叫即整，外層超級薄脆，同坊間大多軟綿綿似蛋糕仔或者內餡空心嘅口感係兩個層次🤤每一粒空心：餡料嘅比例恰到好處，內餡煙煙韌韌蛋味香濃，🐝一路食覺得好幸福❤️就算過咗幾耐，都keep到高水準🥰兩個字：世一

疫情佢做外賣，意外試過一次之後覺得好好食！就成日幫襯食夾餅。自從出左名爆紅之後，等要等45分鐘至兩個鐘不等！退步同唔再值得排隊食咯！打開聞到燶味，剪左佢淨低細細件….有圖有真相。各位自己衡量

來到筲箕灣東大街 第一時間都是先去低調高手買雞蛋仔 在平日晚上都是要排隊 證明多年來這間店舖都仍然很受歡迎 .很久沒有食過 但很快都是決定了食黃金雞蛋仔 即是鹹蛋黃雞蛋仔🤤 因為即叫即整 同埋都有有人在排隊等候 所以買完去附近行了一會兒才回來拎雞蛋仔熱辣辣出爐雞蛋仔 鹹蛋黃味充足 最鍾意佢嘅雞蛋仔係屬於「有內涵」的那種 因為坊間有部份雞蛋仔是很脆但是空心的 我不太喜歡空心那種 跟喜歡低調高手這種大概是一半有餡一半空心 👍🏻他的原味雞蛋仔都需要$26 其實是頗為進取的一個定價 不過味道是沒有令人失望的

好唔好食唔使多講，基本上週末都要排30分鐘以上，已經知佢幾出色。想分享既係佢哋既態度。我用OpenRice 落定單，話要60分鐘後取，其實當日係落大雨天氣唔好，根本唔多人，最後只用左10分鐘已經可以拎。但我本身真係預左40分鐘後去拎，所以都知個雞蛋仔應該都擺左半個鐘以上冧晒。我埋到去拎，店員叫我等一等，因為凍左，整過比我☺️呢份對客人既態度真係現今少見，至少香港而家好多餐廳都無服務可言，呢種態度真係值得支持

每次經過筲箕灣東大街都會見到有一間超長人龍嘅舖頭，呢間舖頭淨係買兩樣嘢，但係每次排隊都要等超過30分鐘以上，到底有啲咩魔力呢？講返今次已經唔係我食第一次呢間舖頭嘅雞蛋仔同埋格仔餅，呢度嘅雞蛋仔同埋格仔餅都係即叫即整，每次整好咗都係新鮮滾熱辣。😋雞蛋仔同埋格仔餅都有其他口味俾你選擇，例如係朱古力同埋黃金味，但我最鍾意都係佢哋嘅原味，而今次我都黎介紹吓。🥰建議大家係開舖前15分鐘去到已經可以開始落單，等嘅時間只不會超過30分鐘。雞蛋仔外脆內軟，入邊每一粒都有蛋香味，坊間好多雞蛋仔食落去完全冇味，但係呢間就蛋味非常濃郁，勁正！😋原味格仔餅都好驚喜，熱辣辣嘅格仔餅已經將牛油溶化晒，配埋花生醬同埋煉奶，口感非常豐富，外脆內軟，食嘅時候要小心唔好滴到周圍都係。🤤份量都幾足夠，兩個人分一底格仔餅同埋雞蛋仔就Perfect啦！😆

我細細個就聽過佢個名🤪食完午餐終於黎試下，大概兩點，人流唔算多，唔洗等好耐。朱粒雞蛋仔 ($40)簡單D講，外脆內軟！(記得唔好同膠袋焗住佢呀，會淋架！)朱古力餡仲好似流心咁又曖笠笠，令人食完晏都想繼續食><不過，佢係有D偏好甜，食完要飲水~下次都會想試埋佢嘅格仔餅結論🫰外脆內軟🫰飽肚⚡️偏甜⚡️少貴 (但值得一試嘅👍🏻）🎡餐廳資料餐廳名稱：低調高手大街小食餐廳地址：筲箕灣東大街76A號地下B3號舖

終於食到呢間每次放工都見到好多人排隊的小食店😋😋見今天午餐時間沒太多人排隊，我立刻決定午餐加餐，叫了一個經典的港式小—格仔餅😍1. 原味格仔餅外皮非常脆，和一般街邊賣的粗製濫造的格仔餅不一樣，我真的好久沒有食到這麽脆的格仔餅了，中間還有點煙韌，格仔餅本身做的非常出色。最重要的是他有加砂糖！砂糖是格仔餅的靈魂，但不知道為什麼好多店都不加，只加花生醬和煉奶，沒有了砂糖脆脆的口感，格仔餅即時失色不少。唯一不足是我覺得花生醬太少，對我這個花生愛好者來說遠遠不夠，下次要試試看多花生醬😋小建議，如果有香蕉花生醬味就好了😍❤️❤️❤️❤️這店還有賣其他口味的格仔餅，用「甜」、「酸」、「苦」、「辣」、「鹹」做主題；「甜」就是我吃的花生醬煉奶味；「酸」是蘋果味；「苦」是巧克力味；「辣」是辣肉腸加芥末味；「鹹」是鹹蛋黃味。味道都非常特別，像辣味我真的難以想像辣的格仔餅是什麼味道😂😂😂

不嬲都聽喺東區住嘅朋友講低調高手嘅雞蛋仔好好食，於是難得經過呢一頭就去咗買，佢有幾隻味道，而我覺得最特別嘅就係鹹蛋黃，但係我自己都係偏愛甜嘅雞蛋仔，所以就揀咗呢一款：朱古力雞蛋仔。聽講平時都幾多人排隊等，難得今日唔係好使等，覺得自己真係好幸運。拎住喺條街食嘅時候，我就打開佢個袋，盡量令到佢「呼吸」一下，如果唔係好快就變淋，咁就一啲都唔好食。咬落去嘅時候，啲朱古力粒溶咗，所以雞蛋仔變咗做流心，成件事真係勁邪惡，但係好正！如果俾我揀多次我都係會揀朱古力味。

用app 訂了外賣 ,我早到了.都知多人排隊 , 然後佢就比左個一早整定好哂嘅雞蛋仔我 , 係凍嘅 ,係超難食.上次都有用app 訂 ,同樣都係早到,但佢係將下一個整好嘅雞蛋仔比我 ,係熱嘅 ,的確係幾好食.質數如此參差 ,時好時壞 ,我唔洗突登搭車入黎食啦 ,求其買個普通雞蛋仔咪算 .你多人咪慢慢整囉無人吹你 ,但你比個凍嘅雞蛋仔我就唔ok 囉.

最初吸引到我注意嘅係個鋪頭名，覺得好好笑。後來見到好多人介紹，原來一個搞笑嘅店名背後對於產品相當認真。去筲箕灣東大街掃街，第一間就係幫襯佢，因為聽聞要等好耐。結果係預料之內，條人龍真係好長，食咗好多小食返嚟都未到我。但係人就係咁，越等得耐對件事越有期待。雖然佢有好多選擇，但係我都係揀咗原味雞蛋仔。未試之前覺得雞蛋仔都應該係差不多味，所以唔咁期望太高。除咗攞到雞蛋仔嗰一刻有啲興奮之外（終於到我啦！），第一啖放入口真係有驚喜。雞蛋仔外層超級脆，而多蛋漿嘅部份入口即溶。呢個口感我喺第二度真係冇食過，可能我幫襯過嘅，多數都係整定喺度保暖。不過呢度嘅雞蛋仔需要5分鐘之內食晒，因為佢凍咗就已經冇咁好食。雞蛋仔雖然係一個好普通嘅小食，但係要整得好就唔容易。無論材料、食譜、師傅嘅經驗、烹調嘅程序等等都相當重要。推薦大家試試😋

每次嚟港島一定要食呢間雞蛋仔！ 做到外脆內軟，裏面超鬆軟而且一定係即刻整俾你仲係熱辣辣推薦！但假日比較多人，每次嚟都超多人排隊建議大家出去行一行，先嚟拎😂😂價錢尚算合理

假日店舖外排住長長的人龍，旁邊每人手拎住雞蛋仔或者格仔餅。所以都唔執輸買返底嚟食，等候嘅時間都比較需時，即叫即整。📍黃金格仔餅拎上手熱辣辣，賣相睇落誠意十足。格仔餅外脆內面鬆軟，內餡夾滿 滿滿的鹹蛋黃，鹹蛋黃食落一粒粒，亦有實淨鹹蛋黃心，整體食落更有口感。同時配有砂糖、煉奶、花生醬，同鹹蛋黃配襯，甜鹹相宜，完美融合。😋小店完全唔孤寒，幫你搽滿大量嘅醬。食完之後，袋底仍然有大量醬汁。食落極大嘅罪惡感，每一啖都係卡路里、脂肪記得同人分享🤰🏻!

離屋企太遠 呢區真係好少去 🥹每次黎親都一定會食😬食左咁多年都好滿意既低調高手👍🏻今次難得去呢區掃街食野就當然會幫襯下比完錢排隊 大概等十分鐘左右就有即叫即製 依然熱辣辣蛋香十足 脆皮 入面都夠飽滿一粒一粒 一陣食晒 好滿足 下次黎到一定再食😋😋😋