低調高手大街小食

營業中

休息中

低調高手大街小食名符其實的低調高手👍🏻筲箕灣一帶的美食街高手如雲🙆🏼‍♀️，隱藏不少美食高手，低調高手大街小食是其中一家。小店售買港式雞蛋仔🥚和格仔餅🧇，假日總是人龍滿滿👯👯👯。雞蛋仔的口味各式各樣。在聚多選擇中，小篇偏愛原味雞蛋仔🥰，因為最易品嚐到雞蛋仔自身的雞蛋香。低調高手的雞蛋仔每一份都是新鮮叫製，雖然等待時間有點長，但絕對值得！😍雞蛋仔接上手是熱辣辣的，外殼內軟，每一顆都是飽滿的金黃色的！口感鬆脆，每一口都充滿濃濃的雞蛋香，令人忍不住一口接一口！🤤

前幾日經過低調高手，平時總見長長人龍，今次竟然剛巧無乜人排隊，立即把握機會買咗原味雞蛋仔同格仔餅。呢間小店一向係排隊名店，位置低調但名氣十足。原味雞蛋仔外層香脆，內裡煙韌，蛋香十足，每一粒都飽滿唔鬆散，啱啱好嘅甜度令人一口接一口停唔到。格仔餅則有微焦香，口感鬆化，食落有淡淡奶油味，唔會太重手。食住熱辣辣嘅街頭小食，感覺好輕鬆，仿佛返到以前中學放學嗰種無憂時光。小店嘅用心，從味道就感受得到，唔需要浮誇擺盤，用實在嘅味道就夠令人回味。下次再見少人，一定會再買多幾款試！

喺低調高手大街小食到食咗佢哋嘅原味雞蛋仔同埋格仔餅，真係有驚喜！原味雞蛋仔賣相吸引，每粒細細粒，色澤金黃，咬落外脆內軟，仲帶住陣陣雞蛋香，味道夠晒正宗，唔會過甜，食到最後都唔覺膩。雞蛋仔嘅質感係嗰種啱啱好嘅鬆軟，真係做到經典街頭小食嘅精髓。至於格仔餅，用料新鮮，外層烘得香脆，內裡鬆軟有嚼勁，加埋少少糖漿，甜而不膩，香氣十足，口感層次豐富。最令我印象深刻係，無論雞蛋仔定格仔餅都係即叫即整，熱辣辣送上手，仲透住股人情味。呢間小食店雖然細細間，但氣氛好親切，價錢亦都好抵食，性價比極高，都真係一定要試下！

「低調高手」近年來聲名大噪，吸引不少人慕名前來朝聖，據說熱門時段平均要等上三四十分鐘才能買到一個雞蛋仔 ⭐️😳 我正好下班經過該店，看到人流不多，便趁機點了個原味雞蛋仔試試～ 🤭原味雞蛋仔$28 屬正常價位。若選擇其他創新口味如鹹蛋黃、朱古力等價格就升至$40-42元。作為一款街頭小食，這種定價相對進取、性價比較一般 🥲拿到雞蛋仔的第一印象是十分新鮮，剛出爐的熱騰騰，散發出陣陣蛋香，香氣撲鼻而來，很是誘人～😋 外觀顏色均勻，咬下一口外皮酥脆。內部並非特別飽滿，空心感稍強。雖然整體吃起來不錯，但味道屬中規中矩，並沒有驚艷之處🤔總的來說，如果將「低調高手」雞蛋仔視為一款普通的港式小食，那麼它的表現是合格的，但若以「必吃」、「打卡名店」的標準來衡量，則稍嫌過譽。與市面上其他口碑不錯的雞蛋仔相比，尤其考慮到其名氣和排隊時間，「低調高手」雞蛋仔並沒有明顯優勢 🤔如果剛好經過，又不用排隊的情況下，可以一試。若然需要排上大半小時，這樣的體驗就顯得不太值得。畢竟香港的雞蛋仔選擇眾多，並非只有「低調高手」一家能提供這種水準的味道 🙊🙊

夾餅同埋雞蛋仔都好值得推介，每次到筲箕灣必定一定會試因為本人鍾意食原味，所以每次都係揀返原味！其實買咗之後可以周圍行吓，大概等30到40分鐘就有得食，買咗就要即刻擺落口，如果凍咗就唔好食！

近排食過最唔好食最差嘅雞蛋仔，普通街邊/連鎖店冇咩名氣嘅雞蛋仔，都好食過佢，仲要平一截。之前一直聽人話佢點點點好食，仲要嚟到，都真係見到好多人排隊。本身見到28蚊一底原味雞蛋仔咁貴，有啲卻步，但係把心入橫都係試一試啦唔試就只可一試就發現中曬伏，成底雞蛋仔拎上手已經有啲輕，中間空心嘅部分遠畀實心多 又唔算話脆，蛋香又唔係好濃，如果你話係 12蚊一底我都覺得可以接受，而家成28蚊真係有啲食水深囉，唔建議☹️

又難食職員態度又差啲餡又咁少又唔脆21分落單去到40分先有雞蛋仔攞到返嚟雞蛋仔唔係熱而係暖嘅比$28食空氣職員態度10分惡劣收錢嘅時候向我嘆氣即使顧客不是上帝也不應該這麼惡劣的態度對待客人

一年多沒有吃原味雞蛋仔和格仔餅，今天試了完全沒有雞蛋味、沒有牛油味、沒有質感。格仔餅沒有花生醬味，品質非常一般，不會再吃。不值得等候20分鐘，收銀態度也不友善。總括係失望而回。

好好食嘅雞蛋仔同格仔餅🧇很推薦！嗰日等咗20分鐘左右，對佢期望好高，拎到係超熱辣辣，小心真係會辣手！拎嗰陣已經覺得佢好香，已經知道佢一定好食🤣果然冇令我失望！雞蛋仔好重蛋味🤤而且真係好脆🤭格仔餅叫咗佢多醬，真係俾咗滿滿嘅醬，雖然好肥好邪惡，但係真係好正一入口滿滿嘅花生醬，仲可以叫佢切開兩份，好方便同朋友share。另外，可以打電話過去叫定，咁就唔使浪費時間等，畢竟都係人氣店都要等一段時間。

呢間經過成日d人排隊！到了下午茶時間！見到今日冇人排!就去買個試!格仔餅有花生醬及煉奶，入口味道剛剛好！不太甜，軟軟的！份量也大，大家可以即時食到熱辣辣格仔餅！

【前言】其實都糾結左好耐 到底出唔出post 好因為低調高手都變咗高調高手 好多人都識但佢一直係我心目中number 1️⃣所以都決定為佢寫個post 啦😎-最近發現每個人對「好食」既雞蛋仔原來有唔同準則今次講下我又點睇啦 以下係我覺得唔ok 既👇🏻❌ 唔脆 而且唔係即叫即製❌ 無蛋香 (有啲蛋漿甚至係苦🤮 個間仲要係知名店)❌ 口感實的的 唔軟熟 (大佬我唔係要食waffle 呀嘛)❌ 咬開成舊都係實心 唔係一半空心-低調高手完全無中以上地雷 💣而且食過好多次 每次水準都好穩定佢既脆口係薄脆口感 暫時未係其他地方食過類似口感佢既蛋香係一出地鐵站已經離遠聞到佢既口感係軟棉棉 蛋漿岩岩熟唔會overheated 最重要亦係我最重視既 就係咬開一半空心一半實心 -食左幾粒先記得影 // #相機無得食先

一心嚟食新鮮脆卜卜嘅夾餅和雞蛋仔，一齊落order，等咗成四個字先，叫我Number去取，雞蛋仔就脆卜卜，夾餅就淋謝謝，原來夾餅一早整好咗放喺度等雞蛋仔，做好咗就冇叫我哋去取，夾餅攞嘅時候又凍又林，不知所謂，以前老闆喺度嘅時候都會夾餅俾我哋食先，然之後再等雞蛋仔，而家呢班人完全係浪費食物

服務態度完全唔得明明係輪到我食個雞蛋仔，而佢明知道係我，但係就唔叫我去攞，啲服務態度好差之後啲蛋漿又唔夠，根本唔係食緊雞蛋仔，而係食緊脆卜卜嘅嘢我係因為社交媒體網站宣傳而幫襯，但係覺得中晒伏，大家千祈唔好去幫襯！好彩我住得近，如果嗰啲住得遠嘅人真係會覺得嘥晒時間坦白講比較之下南山邨嗰個好食好多，仲要又唔使咁貴，態度都唔會咁惡劣啦，但呢間就似住自己多人幫襯，個態度就串串共，仲要買到咁貴，但係嗰個雞蛋仔根本就唔足料！搵人笨

諗住‘’路過行過唔好錯過‘’見冇咩人等就試吓你有幾底調嘅雞蛋仔，等嘅人唔多，我前面只係要等3個籌，我落咗單俾咗錢應該預計等一陣就輪到我76号架啦，等咗陣聽到下個叫号就到我，等吓又未叫我号碼等吓又未叫，叫到79都未叫我号碼，叫埋82都唔叫我号碼，唔對路，就問吓到我76未？！跟住佢話 ‘’未！就到！‘’，要我問至做我嗰份雞蛋仔，真離普，咁就唔好輪籌啦！仲要大熱天時喺到等你整咁耐，籌号碼到都唔做，要問至開始做。終於黃金雞蛋仔到手，食落口感係脆（係基本），唔過份甜，但佢用嘅係咸蛋黃粉，分佈唔均勻，可能因為佢用粉做喊蛋味嘅關系，大部分冇咸蛋味，有啲就太喊，唔似人哋舖做嘅會真正咸蛋黃做餡，價錢就真係唔值呢個價，所以試一次就夠，唔會再返轉頭食。

終於有得網上下單啦👍🏻唔使熱辣辣等到中暑‼️‼️今次買咗原味雞蛋仔，係半空心嗰種雞蛋仔。外層香脆，餡料單薄，淡淡蛋香味果種。不過一定要趁熱食，凍咗就會擗晒。