但馬屋 (創紀之城五期(apm))

營業中

休息中

今日同朋友都早收工所以決定去APM嘅但馬屋食火鍋我哋揀咗最平嘅$199果個餐我哋分別揀左千夜鍋同埋美肌鍋千夜鍋係用鏗魚黎製作嘅香味都足夠不過如果係追求重口味嘅人可能覺得唔係太啱啦美肌鍋係雞湯底 香味真係好濃郁唔好以為雞湯就係清淡 試過你就知好好味㗎叫完餐後店員會首先送上兩碟牛肉同埋一碟豚肉最平嗰個餐啲肉嘅質素都十分之好我覺得係連鎖火鍋店來講比較高質嘅一間牛肉夠淋身唔鞋口 不過肉味當然唔夠本地牛好味另外全肉都十分之出色我哋覺得甚至比牛肉更好味而係外面都有一大個自助區可以俾你拎嘢食包括一啲貴價嘅菜：羽衣甘藍、蟲草花、秋葵另外亦有一啲肉類嘅選擇：好似雞脾肉、魚柳同丸類另外亦有四款飲品俾你選擇：雜果賓治、橙汁、蜂蜜雪梨、果汁不過張枱就稍為有點兒細放完菜、肉同碗之後都比較少空間不過相對地佢嘅餐具設計都比較細小所以都勉強擺得落

今日有d開心事，捉埋朋友去打邊邊賀一賀先。放左工6:30黎到，時間有限，櫈都未坐暖，立即撲出去拎野食，撞岩有d岩岩要refill，之後無再補影了，急急食野要緊，放題嘛唔敢攞太多配菜，因為主角係食肉嘛，雖然我地係食最平既澳洲產長期穀飼牛放題套餐$199，但牛既質素不錯，色澤同脂肪比例都好靚。之後一碟就一般般啦，睇彩數，但整體好ok。廚房係open型式的，所以見到，每次有人order 牛，先用機切d牛俾客人。唔怪得咁新鮮。豬都唔差，只係我比較喜歡食牛好多款湯底，我選左蕃茄湯，有d酸酸甜甜，d配料滾一滾已經充滿蕃茄味。已經唔記得order左幾多碟，總之食到勁飽都仲要食埋個雪糕先肯走。

今日天氣又涼左，再次喚醒左打邊爐既慾望今次去左觀塘apm呢間但馬屋，之前試過一次唔錯，覺得啲湯底幾特別，所以又黎食多次我地六點半就到左，好彩時間尚早，一去到就可以入座我地揀左嚴選牛肉放題火鍋美肌鍋湯底我就揀左美肌鍋，感覺好多女士都會幾鍾意呢個鍋~個湯入面仲有雞肉~千夜鍋朋友就揀左呢個~落左單之後好快就上左一碟豬肉同兩碟牛肉岀去拎野食同飲品～除左呢幾款，隔離仲有茶包，下面仲有個凍櫃放左啲可樂，茶，荔枝汁等等野食選擇唔算好多，但其實加埋啲肉，食落都超級飽芝心丸我至愛既丸，入面既芝士分量岩岩好，食幾粒都唔會膩啊響鈴打邊爐必需品, 不過略嫌唔夠脆~然後就不停食食食⋯⋯到我最期待既Haagen Dazs雪糕碎朱古力真係好好食，忍唔住食左兩球Overall 食物新鮮，座位都舒服，但略嫌張枱細左啲，侍應服務好好，好主動幫我地加湯同清枱上既碟

小友常常大嚷要吃任食火煱放題，一直不好此道的我就借了聾耳陳隻耳裝作聽不到。不過經以時日計，最後還是經不起他的苦苦哀求，和他來到這裡吃了一頓....選餐的動作很簡單，只要從這個任食組合揀一個出來就可以了。不過最麻煩便是不能每人各點自己想吃的，若選定一個餐後就全檯人就都要吃這個....聽太太說，其他很多吃火煱放題的地方都是行這樣的點菜政策的。不愔此道的我，算是上了一課了....今天我們點的是算為中上價位的日本產黑毛和牛放題。大人差不多三百大洋一個人，小友有半價，可以任食和牛火煱片，也算抵食的....湯底相反就可以各自選自己喜歡的。我和太太心有靈犀，不約而同點了以雞湯作底的美肌煱。湯呈米白色，有不少的枸杞粒浮游終湯中。裡頭亦有一兩件煲至跡近軟爛的雞件....接下來的例行動作，便是偕小友出去巡一圈看看有甚麼吃，以及拿個碗來混醬一番....菜蔬的選擇蠻多的 ---- 翡翠苗、津白、油麥菜、金菇、粟米、腐竹、芋片、響鈴....甚至連較少見的蟲草花也有；至於肉方面，芝士腸、貢丸、雞肉、魚肉塊等也有不少的....醬料有四種，我只挑了日本醬油作底，再灑上蔥花、炸蒜粒及紅椒，就僅此而已....未開口，侍應

去泰國前，見到但馬屋有個<<冬蔭美鍋>>一人鍋推出左，好似好正。 呢度環境走簡約日式風格，有種小清新的感覺~ 揀左食邊種價位既牛肉之後，<<冬蔭美鍋>>就上枱， 一人一鍋其實都幾好，可以自私食。 睇下D料都好豐富，有蝦架，冬蔭湯味都幾濃。 好快牛肉、豚肉就送埋上黎， 我個人就鍾意食牛，肥瘦均勻，又鮮又薄身。 不過豚肉都唔錯咖~ 揀好食邊種價位既牛肉之後，就可以出去個自助吧拎食物， 各類型既蔬菜、丸類，麵類，甚至魚肉都應有盡有。 仲有個醬油吧，可以自己DIY抣醬 仲有個任飲飲品吧，有個最愛既罐裝烏龍茶。 每個人都有個木兜仔黎裝料，自己想食乜就拎乜。 最後食埋個哈根達斯雪糕，清清口腔入面邊爐既熱氣及油氣，咁就圓美喇。

觀塘APM冬蔭功火鍋湯底放題My family and I went to a Japanese shabu shabu restaurant called "Tajimaya" (但馬屋) located in Shop 22, 4/F, APM Millennium City 5, 418 Kwun Tong Road, Kwun Tong觀塘觀塘道418號創紀之城五期(apm)4樓22號舖.The restaurant is decorated in clean, fresh minimalist style with wooden decor with greenery and circular glass balls pendant light.Both of us ordered the Thai style Tom Yum Goong hotpot soup base set (冬蔭美鍋) which costs HKD$199.Customers can unlimitedly enjoy Australian grain fed beef(任食澳洲長期穀飼牛) and

攞飛等位既定義是什麼🤔？？？7:06分攞左飛 去到同我講下一個號碼就係我地 我地只係四人枱 等左個幾鐘（等左1小16分）都唔入一張四人枱 我有圖為証 可以不停入2人枱 然後再入book 左枱既人 門口位四眼帶位女士話book 左8點既人因為早左到 都要俾人先 嘩嘩嘩！！ 即係門口攞飛既人一枱都無得入 我當然明白係要等位 人多要排我都知 但我唔係十幾人 唔係星期六、日 點解喺個幾鐘頭都唔入一張攞飛既四人枱呢⋯⋯ 經理既回覆都係一樣 我問佢有無投訴電話可以打 佢俾個QR code 我 一開 係叫我填意見書火🔥都黎既時候叫我填意見書 真係好有創意😭

去過日本但馬屋，見香港都有，諗住去試吓。電話訂座時服務好好，仲特別同我講5個人的話，如唔介意得4個細鍋或者1個大鍋的話，建議我地坐卡位，舒服d。等我地滿心歡喜咁以為服務好好，好似日本一樣。點知到左門口，阿姐話無卡位，訂左都無辦法，一定要坐4個+2個檯。同佢講訂位時唔係咁講，係佢地同事建議坐卡位，但佢完全無理，淨係話佢地今日安排入座遲左，而家無卡位，我地無得揀。好無耐，但係都要接受，不過我覺得服務態度可以好少少咯⋯⋯ 未入座就要我地揀湯底同牛肉，我地揀左90分鐘穀飼牛放題。坐抵後第一碟牛都幾靚，但食完之後追加就等左好耐，同3個唔同嘅waiter追左3次先有，仲要黑我地面。到差唔多70分鐘就要我地埋單，90分鐘見我地食緊雪糕都要我地即走。老實講，我地等牛肉黎都等左唔止10分鐘啦，外面又唔係有人等，食埋杯雪糕先走都唔得，我覺得好唔fair咯。咁嘅服務態度好差咯⋯⋯其實餐廳裝修同埋食物都好ok，淨係服務有待改善咯⋯⋯

天氣開始涼 和朋友都想打邊爐 無奈APM吉野家太多人 難以搵位而且一直想試試這間但馬屋 每次經過但馬屋都看到很多人在等位所以我們決定5點多接近6點就來取位大約等了15-30分鐘就可以入座(建議先用app - GULU取位 會比較方便)在入座前約15分鐘 店員會先問要哪個套餐及湯底我和友人分別選了美肌鍋 (因為看見很多人都選這個鍋),藥膳麻辣鍋(想養生)環境方面:但馬屋的環境十分整潔 但略嫌檯太小 放不了太多食物而且提供的碟子也很小 裝不了太多食物放火鍋料的櫃子頗小 大約只有一個橫向雪櫃的尺寸飲料則要蹲在地下取 有點不太方便食物方面:藥膳麻辣鍋湯底不錯 散發著很香的味道 食落也不會太辣而美肌鍋則與普通雞湯沒有分別 食到最後幾乎食不到湯底的味道 可能太淡牛肉與豚肉都是好吃的 起碼有牛味 而且不會太硬看見職員會不斷用機器切肉 (我們選的是$199套餐)另外 菜類方面居然有篙筍 因為很少火鍋店有 而且還有羽衣甘藍甜品方面:有4種味道的haagen dazs雪糕可以任食職員會在離座前15分鐘放下帳單提醒結帳及預留時間食雪糕我與友人都很想食咖啡味的雪糕 但走近雪糕櫃才發現咖啡味見底了非常難刮至豌中

朋友係觀塘嗰邊做嘢就佢喺附近食嘢，聽講最近有間日本好出名嘅火鍋放題嚟咗香港，就係觀塘APM有一間分店，就去試一試。見到個門面都好有日本特色，係用咗木係色調嘅設計，感覺較為舒適。等待了一會兒之後入座，立即選擇冬陰公湯底，因為係特別Menu裏面感覺較為限定，唔知幾時會冇，所以試一試佢啦。一上枱隻橙色幾勁，但係唔會太深，試咗一啖湯，冬陰公味都好香，好似真係食緊冬陰公湯！可以加啲青檸味道就更加清新。$289嘅餐，主要嘅分別就係有唔同嘅肉，日本產黑毛和牛，牛肉唔同價錢已經好唔同，呢款牛肉嘅脂肪分布比例特別平等，仲有好香嘅牛油味添！不過其他嘅豚肉就同普通價錢嘅套餐一樣。出面有好多唔同嘅材料同埋配料任君選擇，我哋攞咗好多粟米、蕃茄、金針菇、冬菇、蓮藕、公仔麵、彈牙墨魚丸等。獨立拎嘅仲有烏冬同埋豆腐等等，當然一次就試唔晒咁多樣嘢。同埋留返個肚食雪糕，有Häagen-Dazs，四隻味，選擇算多，味道特別，最好就留返幾個字瘋狂食雪糕啦。仲有出面飲品都係自取，可以係出面飲品櫃慢慢揀。

觀塘APM其實都有好多唔同嘅嘢食，特別有一層好多日式種類嘅食品，有一間就係主打90分鐘火鍋放題，價錢都唔貴，所以出面係排滿晒人。等左一陣可以入座，見到佢出面主打冬陰公湯底，所以大家都揀咗呢個湯底。冬陰公湯底味道好香濃，比想像中嘅調味更加自然清新，同埋攞啲配料落去都會給個冬陰公湯底嘅香味，真心不錯！日本產黑毛和牛，同埋豚肉都係任點任食，我我哋揀嘅呢個等級都算係中高價錢，$289一位，但係啲黑毛和牛真係比較好食，俾貴少少都無所謂。啲花紋分布真係唔錯架！豚肉都好OK，冇乜特別多餘嘅脂肪。當然唔少得出面入嚟嘅嘢食，都有好多唔同嘅菜可以選擇，感覺都幾健康。鍾意澱粉質都有幾款粉面可以選擇。配料同埋飲品都係自助嘅，自己出去拎就OK。不過記得食得晒先至好拎！因為食食吓啲牛同埋豬都會好快飽㗎啦最後甜品有Häagen-Dazs，口味仲要係好獨特，唔係淨係一味得雲呢拿士多啤梨朱古力，直情係有藍莓、焦糖、芒果等特色口味任食，食得多雪糕都回本了。

人愈大 愈知道健康既重要性飲食習慣亦會選擇食得健康d所以今次同媽咪食日式火鍋呢間但馬屋湯底有多種健康口味美肌鍋、藥膳麻辣鍋、甘露鍋、意式蕃茄芝士鍋、千夜鍋：～美肌鍋濃縮雞精華，含豐富骨膠原，滋補美容～藥膳麻辣鍋麻辣配以6種藥材，幫助新陳代謝～甘露鍋甜鼓油喚醒疲倦身體能量～意式蕃茄鍋濃厚芝士味配搭抗衰老既茄紅素～千夜鍋鰹魚精華，配菜有護眼抗氧化高纖的羽衣甘藍食材配菜新鮮健康及飲品甜品多選擇：配菜：秋葵、松草花、木耳、腐竹、蓮藕、甘菇、粟米等等除櫃內多種罐裝飲品，亦有近排大熱減慢吸引可樂、還有賓治、竹蔗水、橙汁蘋果汁等等，應有盡有揀選黑毛和牛豚肉套餐而我最喜歡就係呢度特別口味既Haggen Dazs 雪糕：拖肥、焦糖、咖啡及比利時朱古力成為今晚開心滿足又健康晚餐之選

最近開始涼涼地，lunch同d同事去打邊爐！但馬屋一人一小鍋，咁就可以揀自己喜歡的湯底，唔洗爭！時間有分60 mins或者90 mins，lunch時間有限，所以我們揀左60 mins套餐。因為一早電話book左位，所以唔洗等。嚴選牛肉豚肉盛合午市定量套餐這個套餐好抵食！只是$79！餐配一盆肉，好滿足有齊牛肉和豚肉。薄切關係，焯幾焯就食得。出面還有丸、腸仔、菇類、蔬菜、豆腐和烏冬等任拎！飲品有茶、汽水、果汁任飲！藥膳麻辣鍋湯底我就揀左麻辣，初頭以為日式的麻辣不會怎樣辣，估唔到都夠辣！有驚喜喎！基本上唔點其他調味料都已經好夠味！喜歡食辣的推介！有好健康的羽衣甘藍！這個豆腐芝士丸超好味！食多幾粒都唔覺膩，重點係任食架，好少地方有！有Häagen-Dazs雪糕任食，記得最後要爭取時間出去拎！食到好飽，加埋一，每個人$90都唔洗！好抵食!

我見好多人推薦美肌鍋就點左，但覺得無乜特別，唔太濃，少少咸味，可能係因為食材新鮮，唔想蓋過咗啲味。醬汁有大阪燒汁好好味，唔點豉油啦！以為最平既牛質素會好差，勁多雪花肥膏果款，點知唔係，冇乜肥膏，啱晒我呢啲唔鍾意食肥既人，仲砌的好薄，滾20秒食得，豬肉仲好食。我見佢有一座大機砌片，感覺好專業。甜品有Haagen Dazs 雪糕🍦，以為又一定係d唔想食既味啦，普通既朱古力，呍呢嗱，士多啤梨，點知原來有我鐘意食既味呀，焦糖脆餅同曲奇雲呢拿，仲有藍莓同芒果紅莓，我食左4球，我覺得佢好有心思，迎合大眾口味。$179有意想不到的食物質素真係抵食，上鍋速度快，員工服務好，一定唔會唔理你，有一個員工仲過黎幫我「筆」雪糕添。

行完apm又係時候搵食，揀左食但馬屋，貪佢一人一鍋又係放題，位位按人頭計就得。牛肉方面要左澳洲穀飼牛（$199），不食牛的朋友亦有豚肉可選，而且自助bar也有其他野食，價錢係抵食嘅。湯底自己揀左冬蔭功湯，鍾意佢酸酸辣辣夠開胃。飲品雪櫃自取，一般汽水，韓式飲品都有，仲有我自愛的無糖飲品烏龍茶醬料拿左芫荽，豉油，溝麻醬，正！牛肉都幾好，厚薄適中，encore亦黎得好快無漏單。豬肉略為有點鞋口，一般豬肉片嘅口感。個爐火力夠猛，滾得夠快，牛肉兩三秒就熟了。豬肉片滾耐少少都ok。自助bar有芫荽，勁新鮮，正仲有好多其他菜，但個盤太細啲菜又好長，攞嘅時候有少少狼狽。都係呢啲一粒粒嘅易攞，粒芝士魚腐好食，蓮藕勁正。侍應會按湯底加湯，不怕越打越稀最後因住時間出去排隊拎雪糕啦，哈根大師任食食飽飽再飲番杯熱茶，完美大滿足