但馬屋 (創紀之城五期(apm))

營業中

休息中

觀塘APM其實都有好多唔同嘅嘢食，特別有一層好多日式種類嘅食品，有一間就係主打90分鐘火鍋放題，價錢都唔貴，所以出面係排滿晒人。等左一陣可以入座，見到佢出面主打冬陰公湯底，所以大家都揀咗呢個湯底。冬陰公湯底味道好香濃，比想像中嘅調味更加自然清新，同埋攞啲配料落去都會給個冬陰公湯底嘅香味，真心不錯！日本產黑毛和牛，同埋豚肉都係任點任食，我我哋揀嘅呢個等級都算係中高價錢，$289一位，但係啲黑毛和牛真係比較好食，俾貴少少都無所謂。啲花紋分布真係唔錯架！豚肉都好OK，冇乜特別多餘嘅脂肪。當然唔少得出面入嚟嘅嘢食，都有好多唔同嘅菜可以選擇，感覺都幾健康。鍾意澱粉質都有幾款粉面可以選擇。配料同埋飲品都係自助嘅，自己出去拎就OK。不過記得食得晒先至好拎！因為食食吓啲牛同埋豬都會好快飽㗎啦最後甜品有Häagen-Dazs，口味仲要係好獨特，唔係淨係一味得雲呢拿士多啤梨朱古力，直情係有藍莓、焦糖、芒果等特色口味任食，食得多雪糕都回本了。