但馬屋 (創紀之城五期(apm))

營業中

休息中

好耐冇同屋企人打邊爐，一直都想試壽喜燒加火鍋set, 第一次黎到但馬屋。叫左日本產黑毛和牛放題套餐$289首先係壽喜燒，牛肉極新鮮，冇雪味，又切得夠薄但有口感。先燒，加紅酒汁已好入味呀。除左黑毛和牛，仲有豚肉非常不錯的。肉可以任叫，我地就食完先再倒湯打邊爐。任食火鍋配料，有面，蔬菜，魚雞肉，丸類等。飲品方面都有唔少選擇，鮮橙汁，汽水亦有。最正係Häagen-Dazs雪糕自助，咖啡，白桃，雲尼拿回晒本。

早陣子我不斷上網搵一啲食和牛火鍋放題嘅餐廳，因為食和牛燒肉食到厭咗🙈 我save咗幾間，其中一間就係但馬屋啦～上網睇唔係好覺有人食最貴個個日本產特選黑毛和牛套餐，無人影個款牛出嚟，咁通常呢啲都少少驚伏嘅，於是我地叫咗$289個個套餐我地個煮法就揀咗個期間限定嘅壽喜燒，之後再變番火鍋。個壽喜燒湯底係玩紅酒風😳 好特別，聽店員講係佢地自己研發，出面無得食，不過放心食完唔會醉咗🤪首先店員會將一舊和牛嘅脂民放落個鍋到燒，等啲油脂出哂嚟之後就再洋蔥落去炒香佢，然後就再塊和牛放落個鍋到燒。輕輕燒咗一兩秒，再將炒香咗嘅洋蔥放一塊係肉嘅中間，然後捲起塊肉，倒少少紅酒壽喜燒湯汁落鍋到，令塊肉入味，煮大概幾秒就可以夾出嚟食～😋壽喜燒一般都會配生蛋嚟食，店員話佢地採用日本無菌雞蛋，所以食落放心好多，尤其男朋友經常無啦啦肚痾，不能夠輕易食生蛋，但呢個食完無問題👌🏻成個食法咬落好好食好惹味！我自己本身唔鍾意食洋蔥，但咁樣煮完之後個洋蔥入哂壽喜燒味，腍腍地，令到塊壽喜燒牛咬落個味清新啲。塊牛係和牛嚟講係肉味比較濃，如果想食腍身嘅就要煮短啲時間第一盤上嘅配菜有兩款比較特別，一個係已經燒過嘅豆腐，另一個係冰菜。燒過嘅

難得兩個都放半晝，可以岀去行下街☺️係APM巡下食咩好，經過見到但馬屋，兩個又好肚餓，決定入去食返餐配料幾多，乾淨企理飲品方面，係一渣渣放係度自己斟。有蜂蜜雪梨揀，感覺健康啲，唔駛成日飲汽水。另外仲有蘋果汁，雜果賓治同橙汁午市叫一盤肉，再食配料都夠哂飽一人一鍋，可以試多幾款湯底，又夠衛生仲有大師雪糕食雖然已經好飽，但點都要食埋個甜品先至完美家嘛😋午市淨叫一盤肉，加埋一都係七八十蚊個人。岀面食個飯都差唔多。但呢到仼食，食到飽，仲有甜品，所以CP值唔錯👍🏻

今日食早場，食最平個餐，$198+10%,唔貴，亦唔係食頂級牛，但我真係好鍾意甜是油湯底，由於我本第唔食牛，但好彩佢都有豬食，上菜快，配料選擇多，有羽衣甘蘭依d希有蔬菜，最重要係有哈根大，重要係花生味，唯一唔好係得90分鐘 冇時間傾計，掛住食

近年開了很多這些一人一鍋的火鍋店，這天我如常為了醫飽肚，跟一班朋友到這餐廳用膳。我選了豬骨湯底，朋友則選了蕃茄湯底。他的食物種類頗多，而且蔬菜10分新鮮，也有些特別的食物，如造型可愛的煎餅。算是非常抵食的一餐。

朋友請食飯去了打邊爐，這裏主要是一人一鍋，今次就點了這個壽鍋燒，以先燒肉及後打邊爐的食法，店員耐心教我們怎樣燒肉不至太焦。燒和牛滲出牛油香味，肉質腍滑，肉味都幾濃郁，而且燒出油脂所以牛肉不會太油膩。不過之後加湯打邊爐，湯底就比較油而且有紅酒醬汁的咸味。豬肉片薄薄一片都好快就碌熟。還有些雜丸、芝士腸、雜菌及蔬菜，全部都要自取任食。飲品就有jolly shandy、無糖茶、雪梨水及汽水等等。雪糕就有哈根大師，有四款口味，有我至愛的夏威夷果仁。

踏入流感高峰期，最怕被傳染，尤其是對我這些有潔癖的人來說最怕食人口水尾，所以這間但馬屋是我最仲意的打邊爐場地，一人一鍋，非常衛生。我們就揀了紅酒風壽喜燒及日本產黑毛和牛放題，燒熱鍋放上和牛再加點紅酒醬汁，燒至帶焦香，和牛肉嫩夠薄，煎廿秒就可以食。之後可以加湯打邊爐，火鍋食物全部可以在外面自取，有大量蔬菜包括生菜、皇帝菜，另外有龍蝦丸、魚旦，魚片及雞肉，款式不算太多，但質素不俗，當然最值食的都是和牛。甜品是Haggen dazs，有四款口味，食了幾杯。

自己一人一煲 假自私烚吓烚吓 可以簡鐘意既湯底（意式蕃茄芝士鍋 走芝士）無咁肥又衛生。個plan係$299既日本產和牛及黑䐁套餐放題 走豬肉😂 最近d豬既新聞比較多 唔係話佢d咩 只係自己唔想食咁多豬肉住 ， 講返薄切肥無想像中咁好食但唔差 而且可以無限叫，乜都值哂。尾場花生味Hagen dies雪糕好香好鬼正，如果想食多幾隻味要先食左其他先再食花生味，因為花生味會蓋左其他味🤩🌹環境算舒服 4人行最fit ，如果太大班人又唔介意坐迫d都可以去trytry .....

同朋友行apm，咁岩經過呢間野，所以決定入黎食下。有分60分鐘/90分鐘，但因為我地一陣有野做，所以決定食60分鐘算。佢有5個湯底可以簡，我地簡左美肌鍋，感覺食完皮膚都靚啲湯底內有幾粒杞子&雞。首先會上一盤肉，肉類無得任食，但其實配菜可以任食。竟然連秋葵、羽衣甘藍、蟲草花都有，勁飲品方面都可以任飲，有罐裝飲品，亦有橙汁、雪梨水等。甜品方面有哈根大雪糕，有四款口味任揀，包括士多啤梨、朱古力、藍莓、焦糖。雖然肉類唔係任食，但總括嚟講好好味，服務都好好，可以再encore

餐廳注明規定用餐時間是90分鐘，但接待員一直處理2人檯，2人以上的檯等待超過90分鐘以上，那請問90分鐘用餐時間是有什麼用呢？***極度提議不餓時才來啊！***

Lunch 又想吃飽飽，又要平平地，必然選擇當然是＜但馬屋＞，Lunch定量肉套餐就啱哂女仔，蔬菜飲品雪糕吃到飽，定量肉最低$79起~$79豚肉加牛肉，顏色賣相一定over$79呢個價，雪花平均，豚肉好有豬味叫美肌湯底，入面仲有雞件，一窩有哂豬牛雞! 可惜食食下有強哥係爐底爬出，嚇到我成家人彈起! 不過經理好醒目，立即同我地調位~ 我都知食肆好難免，不過真係諗起到嘔心~

雖然喺香港一年四季都可以打邊爐，不過喺凍冰冰嘅天氣， 打邊爐嘅想法就更加強烈。其實觀塘區都有幾間日式火鍋店， 但我比較鍾情於這一間。但馬屋一來比較就腳， 二來光d 感覺乾淨d。今次三個人嗌左三款湯底： 甘露， 藥膳麻辣同美肌鍋。 唔差都唔算好高質， 不過一人一鍋任食都不能要求太多。 美肌鍋內有完隻鳳爪載浮載沉，個畫面好有恐怖劇feel 。餐方面叫左澳牛set , 以這個價格來計，牛嘅質素還可以。 其它配菜不算多，大概二十幾款。 雪榚係哈根大師， 有4 種味道， 跟我上次來吃時不同， 應該係會不定期轉吧！

放假中午行經apm, 搵食搵到但馬屋。裝潢好新。兩個人都要嗌左同一款餐，方便計數。穀飼牛肉、黑豚豬任食唔嬲，不過要又侍應拎嚟，當然佢地有佢地策略唔會一口氣比太多啦，無非都係唔想食客浪費食物。枱上有一人一個小盤，比我地出去pantry任夾蔬菜同各式粉麵。嗰盤唔大，想行少幾次夾多D，記得要出salad bar嘅技巧，生菜圍盤邊，粟米底.. 不過我做做唔到啦😂除左食，仲有任斟任飲。飲飽食飽，仲可以任食各口味雪糕。埋單每位149，放題限時60分鐘，一樣覺得抵到爛。當然，食得快梗係好世界啦😂😂😂

一直以黎都想食但馬屋好耐，每次都因為見到鋪頭外面有條長長嘅人龍而卻步。今日晏就11點45分黎到，未開店已經有七至八人喺度等侯，好誇張。我哋選擇咗60分鐘最為貴一款放題，平時食壽喜燒湯底就食得多，呢度就選擇左美人鍋同意式芝士蕃茄鍋🤔湯底唔使5分鐘就已經上枱，好有效率。美人鍋湯底較淡，似老火湯味，味道還可以，都冇咩特別。而意式番茄芝士湯，個人覺得番茄同芝士味都唔夠濃，味道還可以，稱唔上好飲。而自助吧都有唔少選擇，不過個位太狹窄，最多只可以容納三個人夾食物🤔配菜都冇咩特別，都係蔬菜，丸，蘿蔔等等大路野。而我比較鍾意嘅係佢個醬汁，好似有個醬汁叫大阪燒燒汁，酸酸地，無論係配麵定係肉都非常夾🥰個醬汁完全令到肉類昇華，冇食過一般火鍋豉油。湯底平平無奇，肉類唔係特別鮮甜，食物味道都非常一般，價錢亦都比較貴🤔如果下次再食，我會嗌返最平個一set就算啦～

日本產和牛及黑豚 成人$299放題套餐由$179至$329不等 我揀左有黑毛和牛肉、嚴選牛肉、日本產黑豚肉既套餐 和牛既雪花紋好靚 牛味唔算太重 黑豚肉脂肪部分偏多 有啲似五花腩 脂肪香較濃 日式火鍋黎講呢個套餐既肉質都算唔錯👌🏻.湯底方面總共有5款可以揀 清啲既有千夜鍋、甘露鍋、美肌鍋🥛濃味既有藥膳麻辣鍋🌶 意式蕃茄芝士鍋🍅不過其實日式火鍋啲湯底普遍都唔太濃郁.配料區既配料就無乜特別 雪糕係haagendazs雪糕 順帶一提 雖然用餐時間限時90分鐘 但職員叫我地埋單後都無即刻收走啲野 服務態度👍🏻