任你點車仔麵 (已結業)

附近出名嘅車仔麵多多想食嘅一間太多人排 太肚餓入咗呢間食🤪好多唔同款餸揀 見隔離枱都大大碗 好似唔錯🤓👉🏼鮑汁炆花膠($12)、手打墨魚餅($12)、日式糖心蛋($11)、腩汁粗麵($8)花膠係比較特別嘅車仔膠餸 太高級了😂都炆得幾入味 有咬口 無炆到淋晒🤩墨魚餅彈牙 味道都ok糖心蛋都唔錯 生熟程度啱啱好夠蛋黃凝固🤤個麵底都ok🤓唔太淋整體份量幾多 好多舊大舊花膠同墨魚餅！幾抵食又唔駛等好耐仲有幾款例如豬軟骨都係店舖推介 可以試埋🤪

剛開張既時候黎食過一次晚餐, 今日突然好想食車仔麵所以特登過黎深水埗食估唔到當日得個2-3枱客, 今日竟然要排隊?! 後來知道應該係因為X記無開等左約10分鐘後有位, 叫左小辣湯底, 白蘿蔔, 豬腸, 花膠碗粉一黎即刻飲啖湯先啦, 嘩! 好似係小辣湯底加左無限水咁, 淡到不之了白蘿蔔好清甜架, 但完全係唔入味既, 應該係剛白烚好...豬腸食完成個鐘之後個口都仲有個浸味明明上次黎食都幾好, 唔知係咪今日新年太多人搞唔掂, 定係D老師傅放哂假, 感覺係好求其自問係一個唔浪費既人, 但今次真係頂唔順, 我食左半碗已經唔想再食了

媽咪今日突然話想去深水埗行下，於是我地就簡左之前食過既呢間任你點車仔面食lunch，我地三個人每人叫左一碗三送，然後大家再交換，變相食多左幾款送！叫左河粉同韓式粉絲做底，份量好多。其中手打墨魚餅同豬大腸都好正😝我地仲話下次嚟每人都叫一份手打墨魚餅，咁就唔洗分。媽咪叫左杯凍奶茶，她讚左好多次話杯奶茶好飲，我諗真係應該好好飲，因為她對奶茶既要求好高，而且好少咁讚不絕口。埋單三個人都係121蚊，性價比好高，而且仲食得好飽。

新年本身想到深水埗食蝦子麵，可惜冇開到。唯有轉黎 ig 都幾多人 like 既任你點車仔麵，點知新年都要食到嘔，係難食唔係飽果隻嘔，中晒伏。叫左都幾多餸，鲍魚，魚皮餃，水餃，蘿蔔，豬紅。其他餸冇咩特別味，但個汁明明叫左酸辣就得個辣，冇酸味懷疑係咪搞錯左，我哋食個時成日聽到廚房出錯單，所以有呢個可能 。最後因為太淡加左咖哩汁食，但可能因為咁，加上奇怪似變質左既韭菜餃，番到屋企嘔左兩輪。間唔使會因為啲野太難食而胃部不適，今次又一次中伏，深水埗真係食開果啲就算，不可隨便試新野。

深水埗有好幾間人氣車仔麵 今次來試試主打平價花膠 餸比較新式的車仔麵檔下單時只需要用marker在過了膠的餐牌圈圈就可以 頗欣賞這種比較環保的做法這次點了招牌的餸鮑汁炆花膠很大一片 甚至比手掌還大很厚身 口感較彈牙 可以更入味 但真的很抵食日式豬軟骨燜得很入味 比花膠入味得多軟骨煮得很冧吃完豬軟骨和花膠 嘴有張住的感覺 充滿骨膠原日式叉燒大大片 比較厚切有口感 肥膏較少 有些位置相對較鞋口日式糖心蛋蛋黃真的有糖心的效果 蛋白滑滑的手打墨魚餅入口質地很彈牙

之前好多人介紹過哩間車仔麵，朋友同我都想試下佢有咩咁特別😂落單好特別！佢地俾張過左膠既餐牌我地，用marker 圈底要咩，抺左又可以俾下個，幾環保！☺️仲有佢地服務態度好好，讚👍🏻～番薯粉加腩汁、日式叉燒、南乳豬手、蛋白魚腐、日式溏心蛋同炸魚皮～豬手好淋好入味，叉燒好似日本拉麵店整既，好食，有2大塊！隻蛋好流心😍魚皮都炸得好脆👍🏻～油麵加沙嗲汁、鮑汁炆花膠、墨魚餅、咖哩魷魚、芝士獅子狗～❤️花膠有2大塊，好多骨膠原，好抵食！👍🏻墨魚餅係食到墨魚粒，好彈牙好有咬口！😋一咬開個芝士獅子狗，好多芝士流出黎，正！

行過路過，唔好錯過...見到門口推介$12花膠，冇唔食嘅理由la😋唔係好肚餓，叫左淨餸，4餸起...食左花膠，墨魚餅，豬大腸同水餃，沙嗲湯底花膠真係好抵食，墨魚餅有咬口，豬腸一般啦。至於手餃，相比下有少少遜色。最抵讚係店員個個用心服務，態度一流，好有禮貌👍🏻👍🏻👍🏻👍🏻👍🏻我中意

深水埗出名多平民野食，是日無聊自己出去逛時，見到有間車仔麵有花膠食，又唔貴，就走入去試吓。一坐低待應就比咗個過咗膠既menu我，我以為口說落單，之後才知道是用水筆直接圈，咁就可以循環再用，比其他大部分同類舖頭仲用緊紙寫來說環保多了，讚呀！而單就會用磁石掛在牆上，不怕食食吓整污漕，這種小心思很貼心。 除咗花膠之外，糖心蛋和日式叉燒也是比較特別的選擇，不過我唔想變咗食日式拉麵咁（真係可以揀拉麵㗎），所以叫咗花膠，蘿蔔，牛腩河粉（清湯加腩汁少辣）。大大的一碗，花膠好入味，亦好有膠質既感覺，而且都幾多，好似用三定四大塊。賣相就麻麻地，一pat野咁。牛腩炆得好腍，連有一舊瘦既都唔痴牙。蘿蔔超級甜！好好味，應該有用冰糖之類一齊煮過。食到好飽先38蚊，算抵食。下次有機會我會encore。

平時去開深水埗都會食另一間好多人排既車仔麵由於果間真係太多人排, 有時要等成差唔多一個鐘之前係灣仔試過唎間車仔麵都唔錯, 所以再黎深水埗唎間試試我就揀左花膠, 瑞士雞翼, 同埋紫菜湯底上次揀左小酸辣, 唔係幾食到酸味, 今次就叫左中酸辣中酸辣既酸味就出d, 同埋見到d酸菜絲, 不過就辣好多同埋上次小酸辣都唔太覺有蒜頭, 中酸辣就見到好多蒜碎食落好香口, 不過食完蒜個口就好臭花膠同灣仔食果次一樣好大抽, 好滑, 好入味瑞士雞翼都好入味, 好濃既瑞士汁味同埋都好滑紫菜浸到食完都仲係好爽口

香港到處都係車仔麵肯定有間食開有感情呢間算係我食過之後返尋味好多次既一間因有樣餸另你愛不釋手答案就係.......在後頭☝🏻·同大眾車仔麵一樣自己寫落單紙落單格局企理座位闊落好多配菜任你加～·今次湯和撈各叫一款可以一次過食晒兩款😋·<豬軟骨花膠牛丸乾撈油麵>豬軟骨燜得好入味主角花膠超大件😻燜得稔滑又多骨膠原真心覺得唔食走寶🤤牛丸就一般沒太特別·<牛肚花膠湯薯粉>牛肚大大件好爽口花膠就不用說必點薯粉配湯最適合🤩·<總結>大件花膠真係一試難忘你唔係唔試呀嘛？

呢間鋪頭真係好有心！一定要讚！無論係點餐嘅餐牌還是擺單嘅小磁石，全部都好有心思！主要係食車仔麵，但都會有飯食。有一個基本價錢再加餸嘅錢。好多選擇，最適合厭尖嘅我！我叫咗一個咖喱湯底，味道好好，一定要試手打墨魚餅！朋友嗌咗花膠，都係三十幾四十蚊 ！一定要題嘅事，入邊嘅員工都係超級好禮貌，無論係上菜定話係點餐都會超級好態度咁樣招代你！唔小心比錯咗位，都係人之常情，一般都係擺低你自己再調，但係佢哋會好好咁幫你擺番好！

平時大家去深水埗食野，食黎食去都係啲連鎖米線乜哥或者咩記等等。今次同女去搵其他米線餐廳試食🤤呢間任你點位置有啲隱蔽，不過非常近地鐵站，D2上去右邊就搵到，裡面格局都幾大，唔洗逼逼貢我就點左鮑魚 糖心蛋 墨魚餅 清湯 河粉 加杯凍奶茶 我覺得最出色就係呢隻鮑魚仔 其他車仔麵檔通常都無得點 而且幾入味😋 糖心蛋都做得唔錯 蛋黃唔會太熟無左流心 墨魚餅都好好食 相當出色👍🏾囡囡叫左呢碗有獅子狗 日本叉燒 墨魚餅 同酸齋 米粉 值得一讚係個日本叉燒 做得好似平時拉麵店果隻咁 唔會太硬 好易入口最後要提既就係呢個辣油 同平時果啲味有啲唔同 落兩滴 好開胃👍🏾食完埋單都係$10x 抵食😆😆😆

琴日食完炳記，夜晚走去深水埗買野，見到個名幾得意就行左入去，入到去有樣野係少見，係車仔麵既待應好有禮貌，呢個值得讚，我點左花膠、豬軟骨、豆卜、薯仔粉+奶茶奶茶算好飲，其他都唔錯，係豆卜有少少縮，另一讚係價錢唔係問題，佢比得番個個價值既野已經好ok,cp值唔錯

男朋友難得有idea去邊到食，當然聽佢講啦（一年先得一兩次嫁）地點唔算難搵，深水埗D2出口一分鐘就到，簡單來說，即係好多野食的前一條街，近石硤尾個邊。店內裝修簡潔明亮，就係街坊風格。車仔麵竟然有紅薯粉，當然要試下啦。煮得剛剛好，唔會湖口，煙煙unun👍🏻👍🏻👍🏻我點左四個餸：1️⃣豬大腸🐖洗得好乾淨，重帶有少少肥膏。無so 味，又容易咬開2️⃣白蘿蔔🥕車仔麵好伴侶，用黎吸收湯底的味道。煮得夠淋又無揸👍🏻👍🏻👍🏻👍🏻3️⃣蛋白魚腐，處理得好好，咬落無油味（一般街你啲，一啖咬落去，會有油跑出黎）4️⃣手打墨魚餅，厚得黎彈牙不完全是街市買返黎的墨魚膠👍🏻👍🏻👍🏻5️⃣湯底為左配合紅薯粉，點左麻辣小辣。睇圖都見到上面個pat 蒜蓉，係咪好東門feel呢🤣味道都像，不過我自己都喜歡💕但是下次我會比較想試返一般車仔麵style，油麵咖哩汁😝童年感覺6️⃣其實我重點左個餸淨食-鮑汁花膠（$30@）但係掛住食，無影相（唔怕啦，好多人都有放相上黎，真係一樣樣的♥️有兩大塊同手掌差不多大的花膠，再加少少碎塊🔺味道是不錯👍🏻不過如果一個人黎食的話，我建議當做車仔麵的餸，唔好單點，有啲濟😅7️⃣蒜蓉真係非常多，食完會成晚都有陣蒜味飲品方面

車仔麵午餐試咗日式叉燒，好大舊，好有口感。而隻糖心蛋，居然好有酒味，，而且好流心呀而雞翼滷水就唔太入味，唔夠軟。咖哩魷魚好脆口，但咖口哩汁有點兒辣。拉麵🍜份量好多，好飽