92
18
6
港鐵深水埗站 D2 出口, 步行約1分鐘 繼續閱讀
所有分店 (3)
電話號碼
24883338
開飯介紹
主打平價大大塊花膠及其他新式車仔麵餸,如日式糖心蛋、手打墨魚餅。湯底汁醬可自由選擇,有酸辣、咖哩等。 繼續閱讀
營業時間
今日營業
09:30 - 23:00
星期一至日
09:30 - 23:00
付款方式
AlipayHK 支付寶 現金
座位數目
80
其他資料
加一服務費
當面支付
食評 (142)
陪老公兜完一轉深水埗黃金電腦場睇野腳仔累,又諗唔到附近有咩可以食當晚餐,唯有行出路面睇睇街角位幾間麵食舖有無好選擇。經過呢間叫任你點既車仔麵店,舖外放左一幅搶眼既易拉架,係佢地既點菜單。停下腳步再仔細睇睇,款式都幾豐富兼發現有D特色餸菜,好似鮑汁炆花膠、糖心鮑魚、酸齋、日式糖心蛋。除左車仔麵食之外,還提供其他精選小食。既然老公都鍾意食車仔麵於是我地就決定入去試試。搵好位坐低就可以開始動手配搭屬於自己既車仔麵,老公好快手用筆圈好其中4餸配腩汁油麵底,有咖喱魚蛋、咖喱魷魚、鮑汁炆花膠加菜心。自己就心多多圈完又改下,諗足十幾分鐘先決定好要點響鈴、同樣係鮑汁炆花膠、糖心鮑魚配生菜米粉底。講返麵底足足有多至十款選擇,湯底除左基本腩汁之外,仲可以改選麻辣、酸辣、蕃茄湯而且不用加錢!諗諗下4餸好似唔多夠喉,於是追加兩款小食,分別係紅燒豬手同我最鍾意既手打墨魚餅同老公開心share。先前點既車仔麵唔駛等好耐就上檯有得食,大大個碗裡面每款餸菜份量頗多,完全可以話見唔到碗入面既麵底,老公果碗既咖喱味特別濃郁飄香,聞起上黎都即刻開胃晒。特別值得一提當然係佢地既鮑汁炆花膠,吃起來質感軟稔兼夾入味,大大片入口感覺滑口又帶點膠質精華。另外響鈴都非常薄脆堅挺,而且店家還會細心分開另上,確保不會浸在湯內變軟,食前亦可以在湯面快速翻捲一下才吃別有另一番滋味。大大只紅燒肥美豬手一碟四件,盡情咬一口絕對沒有瘦韌或者偏骨感,不膩之餘還可以嘆到鎖留皮層內既豐盈醬汁,食後唇齒留香。手打墨魚餅出品厚薄適中,外層只係輕輕炸至略呈金黃色卻不會殘餘太多油份,食落有一份新鮮墨魚肉之爽滑回彈之感,卻又帶丁點腥味又或重油份味道。 繼續閱讀
(以上食評乃用戶個人意見 , 並不代表OpenRice之觀點。)
是日返工前要黎深水埗幫隻豬買啲野🙇🏻‍♂️🙉買完適逢已屆午餐時段🙉早前經過呢間車仔麵店一直都想品嚐一下🤤🍜還掂連早餐都未食一於黎醫返飽餓扁既腩仔先🤪🍜位於深水埗福華街既任你點車仔麵🍜喺深水埗站D2出口行過黎亦夠哂方便就腳😆呢度簡約而盡帶地道車仔麵特式既環境裝修🤪🍜在牆上滿佈食客留下既筆跡亦盡顯歡迎程度☺️受歡迎之餘經濟實惠既麵餐😆🍜亦吸引唔少回頭客及學生上班族黎幫襯😆🙇🏻‍♂️自選車仔麵小肥因太肚餓既關係🤤🐷🙇🏻‍♂️重手左一口氣叫左八樣餸🤪🍜(諗起都覺自己痴Q左線😂)有鮑汁花膠、柱侯牛腩、日式溏心蛋、秘制豬紅、清甜蘿蔔、枝竹、菜心同埋豆腐卜🤪大大碗上枱自己都嚇親🙉🍜😂以油麵做車仔麵底係必然之選😆先要重點推介一下鮑汁花膠🤤🐟13蚊既餸竟然有大大舊花膠食😱而且花膠煮到夠哂入味滑嫩充滿膠質彈牙😆😋除左只能說老細對客足料用心做生意都唔知講咩好🙉😂柱侯牛腩夠爽口之餘煮得夠腍嫩😋而秘制豬紅夠哂結實唔腥唔會一夾即散亦要一讚😆🐷嫩滑蛋香濃郁既溏心蛋☺️🥚溏心蛋更煮出100分既絕佳溏心效果🤩🥚蘿蔔食落鮮甜Juicy之餘🤤吸收湯中精華最大功臣😆就非枝竹及豆腐卜莫屬了🤤配合鹹香微辣既特製沙嗲汁帶出更多鮮味☺️ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-04
266 瀏覽
讓香港人表達意見的牆很多,但餐廳也有倒是第一次見。不過我可是為了這裡的花膠而來,聽聞又大塊又便宜。各式各樣的意見點了一個番薯粉$9+花膠$13+豬軟骨$13+自製水餃$11+生菜$7+蘿白$7番薯粉非常煙韌,配辣應該很好吃,所以我又加了店家特製辣醬,辣度適中,而且帶點醋酸,加了後跟番薯粉簡直完美相配。花膠性價比極高,兩大片口感CREAMY都是$13!水餃雖然只有兩粒,但非常多餡,韮菜豬肉非常多,頂著厚度適中的餃子皮,意想不到的高質車仔麵餸。生菜跟蘿白也是爽甜,不過蘿白有些渣,但份量超多,足足有4大顆!豬手$30 有六大舊,全都炆得非常入味又軟稔,入口即溶,而且份量非常多!好吃! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-02
218 瀏覽
深水埗是出了名的平價美食之都,這次試了任你點車仔麵店,出乎意外的有質素,價格也相宜,令人非常滿意傍晚的晚飯時間,人客頗多,但餐廳位置寬敞、整潔,環境不錯車仔麵最重要是餸菜的款式及味道,這裡有很多不同款式的餸菜選擇,想不到連花膠都有!!我點了一碗花膠、蘿白、溏心蛋米粉,花膠炆得入味,值得一讚!蘿白夠甜沒有根,溏心蛋也在水準之中,整體實在不錯朋友點了牛腩、日式叉燒及豬皮,酸辣湯底,值得一提的是湯底令我們留下印象!辣椒夠香夠辣,加上生蒜更是惹味!愛辣的朋友一定要試!朋友說豬皮及牛腩非常入味,日式叉燒也很有風味,想不到普通車仔麵店也能有拉麵店水準!另外試了小食鮮蝦卷,即點即炸非常新鮮,蝦卷彈牙有鮮味,可以一試整體對這間餐店的評價不錯,而且價格相宜,有機會可以再試! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-27
204 瀏覽
今日出開深水埗行黃金電腦商場,梗係係附近揾食喇!深水埗出名多平靚正嘅野食嘛😆經過見到任你點車仔麵好似唔錯喎,於是入去試下鮑汁花膠+瑤柱牛腩+豆卜油麵鮑汁炆花膠:舖頭主打喎梗係要點黎口試下啦😆真係好抵,$13可以食到大大塊嘅花膠,炆得又淋又入味,仲好滑嘟嘟👍🏻唔係係度食過都真係唔信可以用$13買到花膠食😂瑤柱牛腩:真係好好味,好淋豆卜:我食車仔麵同打邊爐通常都會點,因為豆卜吸收晒湯汁嘅精華,無得輸😆 繼續閱讀
(以上食評乃用戶個人意見 , 並不代表OpenRice之觀點。)