任你點車仔麵 (已結業)

今次和老佛爺試呢間近期頗有人氣小店，除味道不錯外，店內墻璧任由你發揮寫寫畫畫，表達心聲。食品種類都後多，大路的不在話下，連花膠鮑魚都有，每款餸7至13元，麵底9元，飲品加7元起，我和老佛爺分別點了魷魚，豬皮，豬紅 魚皮鮫，台式腸，貢丸，墨丸，紫菜...等，飲品跟了汽水奶茶。上餐也快，餸也算多，但沒有青蔥感覺好似差減d野，我加了沙爹汁，味香濃，咖哩魷魚好野味，豬皮吸了沙爹汁，很好味，但吾夠淋，而整碗湯吾係咁夠熱。老佛爺嗰碗以丸為多配清湯加腩汁，湯有牛味，最出色係墨丸和貢丸，墨丸好鮮有多墨魚肉，貢丸好有肉香和多香菇。两人消費 107， 人均約54元，不過不失。

今日十一點係深水埗做完嘢就決定去食啲嘢🙊經過仼你點車仔麵就記得之前食過感覺都唔錯，而且早餐供應仲去到11:30🙌🏼就決定入去食翻個早餐先😍早晨全餐都只係$32，係超級超級平💯我就嗌咗薯粉+魚肉春卷，仲會配火腿煎蛋加牛油方包同餐飲🥰薯粉大大碗，有咬口但係又唔會好難咬，魚肉春卷都大大條，好彈牙添☺️湯底我就揀咗腩汁😍好味💕火腿煎蛋加牛油方包就無乜特別，同普通茶餐廳食到嘅一樣🙊提一提大家，煎蛋係可以轉炒蛋的😋

讓香港人表達意見的牆很多，但餐廳也有倒是第一次見。不過我可是為了這裡的花膠而來，聽聞又大塊又便宜。各式各樣的意見點了一個番薯粉＄９＋花膠＄１３＋豬軟骨＄１３＋自製水餃＄１１＋生菜＄７＋蘿白＄７番薯粉非常煙韌，配辣應該很好吃，所以我又加了店家特製辣醬，辣度適中，而且帶點醋酸，加了後跟番薯粉簡直完美相配。花膠性價比極高，兩大片口感ＣＲＥＡＭＹ都是＄１３！水餃雖然只有兩粒，但非常多餡，韮菜豬肉非常多，頂著厚度適中的餃子皮，意想不到的高質車仔麵餸。生菜跟蘿白也是爽甜，不過蘿白有些渣，但份量超多，足足有４大顆！豬手$30 有六大舊，全都炆得非常入味又軟稔，入口即溶，而且份量非常多！好吃！

深水埗是出了名的平價美食之都，這次試了任你點車仔麵店，出乎意外的有質素，價格也相宜，令人非常滿意傍晚的晚飯時間，人客頗多，但餐廳位置寬敞、整潔，環境不錯車仔麵最重要是餸菜的款式及味道，這裡有很多不同款式的餸菜選擇，想不到連花膠都有！！我點了一碗花膠、蘿白、溏心蛋米粉，花膠炆得入味，值得一讚！蘿白夠甜沒有根，溏心蛋也在水準之中，整體實在不錯朋友點了牛腩、日式叉燒及豬皮，酸辣湯底，值得一提的是湯底令我們留下印象！辣椒夠香夠辣，加上生蒜更是惹味！愛辣的朋友一定要試！朋友說豬皮及牛腩非常入味，日式叉燒也很有風味，想不到普通車仔麵店也能有拉麵店水準！另外試了小食鮮蝦卷，即點即炸非常新鮮，蝦卷彈牙有鮮味，可以一試整體對這間餐店的評價不錯，而且價格相宜，有機會可以再試！

今日出開深水埗行黃金電腦商場，梗係係附近揾食喇！深水埗出名多平靚正嘅野食嘛😆經過見到任你點車仔麵好似唔錯喎，於是入去試下鮑汁花膠+瑤柱牛腩+豆卜油麵鮑汁炆花膠：舖頭主打喎梗係要點黎口試下啦😆真係好抵，$13可以食到大大塊嘅花膠，炆得又淋又入味，仲好滑嘟嘟👍🏻唔係係度食過都真係唔信可以用$13買到花膠食😂瑤柱牛腩：真係好好味，好淋豆卜：我食車仔麵同打邊爐通常都會點，因為豆卜吸收晒湯汁嘅精華，無得輸😆

同男朋友都好中意食車仔麵見深水埗呢間都幾多人食 試下叫左一碗沙嗲湯 一碗腩汁份量都好夠 每樣餸都有幾舊 麵底都好多咖哩豬皮好入味 豬腸炆得好林好重味蘿蔔超甜酸齋同酸齋汁分開上 幾特別 但都好味瑞士雞翼炆得好林 都好入味 好食佢個腩汁其實真係算幾夠味 飲左好多啖😂而且底下仲有幾舊細細塊既牛腩 好正可惜米粉煮得硬左少少 索唔到啲汁 食河粉可能會正啲埋單一人4十幾蚊 三餸麵價錢算ok啊 連埋野飲 而家好多車仔麵都要5十蚊 佢算幾抵食👍🏻

陪老公兜完一轉深水埗黃金電腦場睇野腳仔累，又諗唔到附近有咩可以食當晚餐，唯有行出路面睇睇街角位幾間麵食舖有無好選擇。經過呢間叫任你點既車仔麵店，舖外放左一幅搶眼既易拉架，係佢地既點菜單。停下腳步再仔細睇睇，款式都幾豐富兼發現有D特色餸菜，好似鮑汁炆花膠、糖心鮑魚、酸齋、日式糖心蛋。除左車仔麵食之外，還提供其他精選小食。既然老公都鍾意食車仔麵於是我地就決定入去試試。搵好位坐低就可以開始動手配搭屬於自己既車仔麵，老公好快手用筆圈好其中4餸配腩汁油麵底，有咖喱魚蛋、咖喱魷魚、鮑汁炆花膠加菜心。自己就心多多圈完又改下，諗足十幾分鐘先決定好要點響鈴、同樣係鮑汁炆花膠、糖心鮑魚配生菜米粉底。講返麵底足足有多至十款選擇，湯底除左基本腩汁之外，仲可以改選麻辣、酸辣、蕃茄湯而且不用加錢!諗諗下4餸好似唔多夠喉，於是追加兩款小食，分別係紅燒豬手同我最鍾意既手打墨魚餅同老公開心share。先前點既車仔麵唔駛等好耐就上檯有得食，大大個碗裡面每款餸菜份量頗多，完全可以話見唔到碗入面既麵底，老公果碗既咖喱味特別濃郁飄香，聞起上黎都即刻開胃晒。特別值得一提當然係佢地既鮑汁炆花膠，吃起來質感軟稔兼夾入味，大大片入口感

今日專程去試吓深水埗任你點車仔麵😛網上話好多自家製正餸，頂另一間深水埗車仔麵大佬🤨期待❗️入到鋪頭，裝修同落單方法都似果間既，仲闊落啲，坐得好舒服，店員好有禮貌。叫咗兩碗車仔麵，上菜第一個感覺，一條菜都冇，一粒葱都無😅😅我係葱怪，所以有d扣分。我叫咗沙嗲汁，不過佢落得太多，所以第一啖飲落去好鹹🥺餸同面嘅份量超級多，好大份，抵食。到食餸，就出事了😅點解全部都無味既😂😂😂 蘿蔔完全冇味，豬腸都係🥺叉燒好瘦好🥾，花膠無味，墨魚餅無傳說中好食，一般，手工餃子都好普通。好難得幾個餸加埋一齊，但全部分開晒既無味😂但係湯底又好咸，唔識形容總括嚟講，唔會食下一次🙈真係sorry。可能上網睇食評講得太好，期望太大，所以到食嘅時候好失望🙍

是日返工前要黎深水埗幫隻豬買啲野🙇🏻‍♂️🙉買完適逢已屆午餐時段🙉早前經過呢間車仔麵店一直都想品嚐一下🤤🍜還掂連早餐都未食一於黎醫返飽餓扁既腩仔先🤪🍜位於深水埗福華街既任你點車仔麵🍜喺深水埗站D2出口行過黎亦夠哂方便就腳😆呢度簡約而盡帶地道車仔麵特式既環境裝修🤪🍜在牆上滿佈食客留下既筆跡亦盡顯歡迎程度☺️受歡迎之餘經濟實惠既麵餐😆🍜亦吸引唔少回頭客及學生上班族黎幫襯😆🙇🏻‍♂️自選車仔麵小肥因太肚餓既關係🤤🐷🙇🏻‍♂️重手左一口氣叫左八樣餸🤪🍜(諗起都覺自己痴Q左線😂)有鮑汁花膠、柱侯牛腩、日式溏心蛋、秘制豬紅、清甜蘿蔔、枝竹、菜心同埋豆腐卜🤪大大碗上枱自己都嚇親🙉🍜😂以油麵做車仔麵底係必然之選😆先要重點推介一下鮑汁花膠🤤🐟13蚊既餸竟然有大大舊花膠食😱而且花膠煮到夠哂入味滑嫩充滿膠質彈牙😆😋除左只能說老細對客足料用心做生意都唔知講咩好🙉😂柱侯牛腩夠爽口之餘煮得夠腍嫩😋而秘制豬紅夠哂結實唔腥唔會一夾即散亦要一讚😆🐷嫩滑蛋香濃郁既溏心蛋☺️🥚溏心蛋更煮出100分既絕佳溏心效果🤩🥚蘿蔔食落鮮甜Juicy之餘🤤吸收湯中精華最大功臣😆就非枝竹及豆腐卜莫屬了🤤配合鹹香微辣既特製沙嗲汁帶出更多鮮味☺️

🔎任你點車仔麵 #車仔麵系列📍深水埗福華街147號地下-【大份又抵食嘅車仔麵】X記長期都大排長龍 等我有心機排隊先再去食 但隔一條街嘅任你點長期滿座又唔洗點等位 絕對係我嘅好選擇最低消費3餸1麵 淨餸最少4款配料由$7-13不等 當中呢到有主打平價大大塊花膠都只係$13 我唔識分好定唔好 但煮得幾淋份量又多 可以一試我食左兩次都係叫淨餸 (盡量減酮)淨4餸已經好多 叫埋野飲都好夠飽 減酮恩物呀～試左以下呢幾款：鮑汁花膠 豬大腸 牛腩 蘿蔔 豬紅 鮮魚片頭 蘿蔔都大件清甜 不過有根少扣分，豬大腸夠淋夠入味還不錯跟餐冷熱飲味都係＋$7 都幾抵整體d餸都唔錯 湯底都有幾款可以次次唔同#90sfoodieshare_深水埗 #食在深水埗

Do you know the dried fish bladder is such a luxurious food in Chinese cuisine? And do you know how cheap it is to order here? Of course it sure isn’t the top quality but it sure is the best valued little cart noodle I can get! And, it has a low energy value! Good to keep fit and have some protein intake!

都唔記得係第幾次幫襯任你點不過今日有點時間就上黎打下食評為大家推介下呢間高質車仔麵當日有少少唔舒服，所以無叫到沙嗲汁，同埋叫左清湯底今次叫左四個餸，蝦卷、魚腐、豬頸肉同埋佢地既皇牌 - 手打墨魚餅蝦卷同魚腐就係出面入既貨，不過都正好係我喜歡既質感同味道，都算合格有餘豬頸肉每次都俾好多份量，而且每條豬頸肉都好大條，好爽口又容易咬，唔會咬到牙都甩個種手打墨魚餅就有兩大舊，真係好彈牙好鮮味！仲食到墨魚粒，好新鮮唔會有異味仲有值得一讚既係呢度既職員服務態度幾好幾主動，最難得係成班都係後生仔！收錢時會同你講哂多謝同埋講BYEBYE

以前好鐘意食呢間車仔面，甚至覺得好食過同區某間出名既車仔面，所以特登番黎回味下，點知大失所望🤦🏻‍♂️🤦🏻‍♂️講左湯底先，今次第一次試呢個蕃茄湯，點知出到黎好似羅宋湯咁，同埋一陣酸茄味，有d蕃茄蓉但同樣係得陣酸味，食落完全唔係個回事🤨面底叫左韓式粉絲就冇乜大問題既，講講d餸，紫菜都叫正常，花膠就唔知點解有一大堆碎，完整既就好細塊，同埋食落唔夠軟身同彈牙，煮得唔夠耐偏硬😐至於豬軟骨都係同樣既問題，唔係講笑第一下咬我諗係咪我叫錯定佢比錯d骨係勁硬，呀婆食既話真係牙都甩咁隻，好少可食車仔面會有咁大反應但今次真係超級失望，希望會改善下啦🤮🤮

係深水埗區，最出名果間車仔麵都未及呢間好食，因為有一次食完晚飯行下消化下，一路行四圍望，見到有一間車仔麵，門口望過D食物，所以今日唸起就又專登去食，竟然出乎我意料之外⋯⋯非常好食仲要唔貴有得玩有得食的塗鴉在食牆上留言👏👏👏 「日日幫襯任你點啊媽晚飯唔駛煮」當然呢句係我既留言😬佢昵到有個board比D客人食完留言，好有心思，有得玩，又得食，👏👏👏👏👏一食之下估唔到係甘有水準，仲要又平又抵食，花膠大大隻，13元😨😨😨😨甘抵，仲要好多件仲係入味又夠腍⋯⋯其他更加唔使講，自制墨魚餅，彈牙又多墨魚，口感爽口一流，流心蛋正到暈，包魚、豬軟骨，咖哩尤魚，魚皮餃、牛腩、魚片頭，樣樣好食又夠味，應該爽口的爽口，應該腍身的夠腍，味道口感一流。，而且食完也沒有口喝👍👍飲品——無冰凍奶茶仲係調較得好出色🍋茶味道又係茶夠香濃好飲✌️✌️唯一係位置偏辟左，如果係前一條旺D果條街，否則一定係大殺車仔面之皇👍👍👍下次想食車仔麵的時候我又唸起呢到😋😋👍👍

20190619 今日離開深水埗買零件，上openRice搵吓有咩好嘢食先，一條友來來去去都不外乎幾樣野食。最後揀咗間車仔麵入嚟試吓 擇左3餸1麵墨魚餅 （店主無推介錯，彈牙夠大件，咬落啖啖墨魚肉蘿蔔（夠淋無渣，好多件）花膠（$13 有3件花膠仔，又抵食有夠入味，膠味重）紅薯粉（雖然有點太淋，但個質感係正既）汁我就擇左沙嗲汁，下次再Try下其他醬汁先+幾蚊有凍飲，份量夠又夠大碗，埋單$50唔使，而且餐廳環境都乾淨企理