任你點車仔麵 (已結業)

新店少人 要食快d食 遲下實排長龍真心好食 抵食 服務態度一流希望keep到Ps 墨魚餅有埋墨魚軟骨 掂無冰奶茶 掂涼拌黑木耳 推薦 有花椒八角味 正牛丸有牛味🤣 任你點車仔面 潛力店

有時間都會出深水埗執下平野，今日落去發現係福華街新開左間車仔麵鋪，由地鐵站行去都係3分鐘左右，地點超方便。呢度地方算大，裝修企理簡單，環境舒服光猛。Menu呢度除左有車仔麵之外，仲有兩餸飯、牛角包、菠蘿包同小食等等...至於車仔麵，仲有成四十幾款餸任你選擇tim蒜辣雞翼尖＄20呢個蒜辣雞翼尖味道夠，不過口感就差少少，雞翼尖比較淋身鮑汁炆花膠＄30呢個花膠好抵食，大大舊，食落超入味，口感又軟淋車仔麵（6餸1麵）$52呢碗車仔麵大大碗好抵食，揀足6個餸先係五十零蚊。瑞士雞中翼醃得超入味，雞翼食落又爽口日本糖心蛋做到真糖心，口感味道都一流，唔配拉麵配車仔麵同樣出色至於呢個手打墨魚餅，外面煎得香脆，咬落爽口彈牙而呢舊魚片頭就超大舊，抵食又彈牙整體黎講，成個車仔麵都好味抵食，湯底腩汁都好正

近排好少去深水埗，今日去開發現原來開左間車仔麵店。可能新開關係比較少人，店面乾淨企理坐位舒適，加左唔少分。依家愈開愈多車仔麵檔，但係真係好食既少之又少。就算出名好食，做耐左都每況愈下，名氣尤如死亡之吻。我叫左碗腩汁蘿蔔牛腩糖心蛋幼麵，蘿蔔牛腩常見既餸，但係糖水蛋呢個通常拉麵先會見到作為大膽既年輕一代，緊係要試下港日混合菜首先，碗麵一放低第一個感覺就係抵，餸多到差唔多蓋過碗麵 不過好唔好食先係最重要。飲第一啖湯 唔太差清甜唔會油膩，蘿白入味但係可以再煮冧啲，個人比較鐘意入口即溶而牛腩唔會好似橡筋 ，不過不失。到溏心蛋最驚喜既一個餸，估唔到一間車仔麵店可以比起拉麵店更好食，值得一試整體黎講 性價比高既良心小店 32蚊碗3餸車仔麵，真係叫做高質。如果有機會再去希望試下佢既花膠同牛角包

今日行開深水埗見到新開左間車仔面 一於就試下 有沙嗲 又有酸辣 最後叫左麻辣 好驚喜 食唔停口 芝士獅子狗好好食 羅白唔會死甜好似浸左糖水咁 見佢仲有好多餸同唔同野食 下次再黎試其他

今天再去食位於深水埗嘅任你點車仔麵，牛腩好高質，手打墨魚餅外脆內軟，蘿蔔好淋，麻辣湯位改咗配方好香好濃，整體水凖提高咗好多。其實香港有好多好味車仔麵，有一啲住打靚料配清湯，另一啲就濃味湯底配質素一般嘅料，而且仲會好重味精。要找一間料靚又湯底正嘅車仔麵，除咗大角嘴嗰間車品品，我覺得任你點很另一間必定一值嘅選擇。佢地除咗一般車仔麵應有嘅餸，仲有好多特別嘢，好似花膠同埋豬軟骨，都算係幾出色嘅配撘。我個人認為好味過隔離街嗰間米芝連推介嘅X記車仔麵，非常值得一試👍🏼

哈哈，已經食過幾次，實在太好味😂😂食過麻辣湯，今次就食腩汁幼麵，😋😋個腩汁好濃，唔似平時果d ,比少少汁你就算，而成個湯都深啡色既腩汁，好好味。😁😁😁今次叫左鮮蝦卷，幾彈牙喎，😁蘿白大舊又多，無渣又甜的，好食！仲有唔少得我既例牌菜.....秘製豬頸肉😂😂😂好鬼正！店員又好好人，次次去買野食都好有禮貌😊😊😊😊

今日黎深水埗揾個朋友，跟住為左揾個地方好好坐低傾下偈，上openrice就見到呢邊有新舖頭，於是就去左簡下有邊間好食，行行下見到呢間舖個名叫任你點車仔麵，見到平平地就簡左呢度開飯喇。車仔麵黎得車仔麵舖一開始就緊係要揀個車仔麵先喇，呢個車仔麵個湯底真係好清，入口唔會好口渴，而且料嘅份量絕對唔會小，真係有啲令人驚喜。鮑汁花膠花膠真係好大塊，好有口感，夠晒足料，加埋佢本身果種淡淡嘅咸味已經好令人滿足，而且仲要超平，12蚊咋。。。自家製牛展牛展係餐廳自家製，一夾起非常亮身，入口令人感覺厚身好夠肉味，不過入口都唔粗身。自家製日式叉燒日式叉燒入口夠厚身，而且唔會有死咸味，肉又夠晒結實，餐廳真係好俾心機做。自創牛角包漢堡牛角包夠鬆脆，入裡再加入餐廳自家調製嘅料，入口好有醒胃，牛角包嘅鬆脆同埋調料令人難忘，好小有餐廳會提供到咁特別嘅牛角包漢堡。手打墨魚餅而家出街食份手打墨魚餅閒閒地都6,70蚊，呢度24蚊咋。。。而且啲手打墨魚餅片片都真材實料架，入口件件都口感結實又夠彈牙今次嘅體驗都算幾好，比起一般車仔麵嘅舖頭所有野都做得好更到位，食材亦都更加新鮮，有機會都要再黎先得

可能係新開張關係，晚餐時間7點鐘都無乜人，係因為見到花膠所以被吸引入去，結果真係無限驚喜。$12一份鮑汁花膠絕無渣流攤，有3大塊，鮑汁味其實唔係好覺，但好入味，招牌之作真係必食，墨魚餅厚身彈牙有驚喜，蘿蔔夠甜有揀過無渣。可惜粗麵比較一般。熱奶茶，夠香、濃、滑！茶杯更用上傳統茶餐廳厚身杯，令口感更滑順！$40三餸麵仲有野飲，新張期內9折只係$36，今時今日真係抵食到不得了！真係估唔到深水埗會值得推介！

見到新開張，仲話新開有九折呀。買左碗 燘花膠 + 豬頸肉 + 芝心獅子狗，哈哈，花膠好多呀，成兩大塊，好正呀🙊🙊😋😋😋佢d秘製豬頸肉，嘩，超淋，佢整到好似豬腩肉甘，好好食😝😝獅子狗就一般，不過花膠同豬頸肉必食😋😋😋另外湯底我要左麻辣 ( 小 ) ，好香呀，好味！因為我外賣的，分了湯，河粉仲好多呀！😝員工既態度又好好，好有禮貌！一定會有下次😛😛😛😛😛....................