任你點車仔麵 (已結業)

朋友帶我去食 個人認為好好食 因為唔太識分味唔味精之類既野 自己覺得好食就想介紹環境都唔錯 幾企理仲要食物味道好好 個湯底都好惹味同埋12蚊舊花膠又真係幾抵食 值得專誠一去

深水埗真係好多好嘢食。呢間食車仔麵既小店，唔洗特別加錢就可以食番薯粉。我揀咗韭菜餃，估唔到一粒要兩啖先食得哂。而且咬落好足料，滿滿的韭菜。佢啲餸菜都有好多選擇，唔係剩係食拉麵先有糖心蛋，食車仔麵都有得加🥚😛食完碗麵唔會口乾乾，無味精就最啱食😛😛p.s 果日食既時候鋪內仲播埋懷舊英文金曲😛😍應該遲下過開黎會再encore😬

今日吾肚餓，但朋友又未食飯，去左食車仔麵我就要左份菠蘿油皮好脆，吾易碎好大舊牛油，但原來芝士同牛油吾太夾沙嗲公仔麵，糖心蛋，好夠味日式叉燒，好厚身大部分都ok 價錢又吾貴

早排網上見到有間可以+12就有份花膠，就bookmark 左佢。今日就去試試，係深水埗D2出口一出左轉行11分就見到。門面似茶記，一入不會有餸菜揀之後入座，有別於一般車仔麵鋪。點左花膠、豬軟骨、白蘿蔔+腩汗+沙爹汁-花膠勁大塊，仲有2大塊，但最後食到有點滯.....食唔晒-豬軟骨夠「淋」都唔錯，但有DD臊味，可先浸係湯一段時間會無咁明顯。-白蘿蔔無渣，清甜。-沙爹汁好多仲可自行加炸蒜、辣椒油/醬、醋

是日午飯時間，想起任你點。之前幫襯，食物還好，可能始終上晒媒體，出咗名，唔憂做。買個外賣都唔得閒理你，單都填好，等收銀小姐收錢，都等咗成10分鐘，叫人收張單啫！老闆幾有心做都好、食物幾好都好，服務唔好就無須幫襯(對我呢講啫！)。咁又係嘅，“阿生，幾十蚊，車仔麵咋！搵Team人招呼你好唔好！”所以唔好對自己咁差喇，一粒鐘食飯時間，來回公司20分鐘，等製作又15分鐘，等埋個外賣10分鐘，得番15分鐘食碗新鮮熱辣號車仔都，陣間俾舊花膠鯁死，上埋新聞就無謂喇！

睇網上飲食推介見好大塊花膠，好吸引，專抽時間來試。地方易找，好近地鐵。餸都有幾多選擇，有平有貴，但有設最低消費25元。用筆直接圈幾環保，容易睇，又唔怕剔錯一場來當然要點招牌花膠啦，點知失望，係碎花膠，廣告就一大塊，實物就係碎，分量算多，但無用，最大個塊都得手指尾咁大，無口感。豬軟骨全部都硬，完全唔軟，煮得未夠時間，無一條係軟。日式叉燒，超肥，入口全肥油味😰，增肥咩😥總捨得溫泉蛋好食，其他就好失望

十分有驚喜的車仔麵，性價比高，又加左好多特色近期流行既餸，例如溏心蛋 日式叉燒等等，整既餸更加不是求其亂黎，睇得出好有心思製作，加上湯底本身唔油冇味精，38蚊食到4餸真係超抵食過完全唔想食番隔離離既文x，但人客始終不多(因為不及對方出名，覺得好可惜，所以少有地上黎寫食評支持下)當日叫左個 炸魚皮 蛋白魚腐 芝心獅子狗 蝦卷 薯粉 酸辣小辣炸魚皮份量多 都有成5,6塊，係新鮮，不是千年油炸，浸極都唔爛果種，好味芝心獅子狗 ok幾有芝士味，係自製既，唔係吉x家流心果種蝦卷 好彈牙，不過可惜冇剪開，一啖就食哂一條蛋白魚腐 好正，漲卜卜，唔係街買既平價魚腐能比美湯底本身冇味精，所以食完完全唔口喝，無膩感，酸辣湯底配薯粉好夾，薯粉好彈牙，唔會煮過龍而淋左，非常欣賞(食完個身唔會有好大味，唔知點解食文x係會好大味)另外，今次不是第一次食，之前都有黎食過，都寫番d評價比大家參考下啦手打墨魚餅 墨魚味同墨魚粒粒都好足料，但如果再彈牙d就更好，整體黎講都係好味蒜辣雞翼尖 蒜辣味好香好惹味，翼尖都好淋，有好多隻，抵食九菜餃好大隻 好足料，不錯，但就未至於好好食，而且8蚊得2隻，小貴，如果9或10蚊有3隻會

見到網上介紹花膠車仔麵, 大大塊, 專登搭車去深水埗試下。去好多人食野, 好彩唔洗點排隊~座位比較窄~想放個袋都無地方不過D員工都幾好人, 我點左餐佢都比我轉位無黑面粉麵同湯底都幾多選擇, 有韓式粉絲揀。點左麻小辣韓式粉絲配花膠,芝心波波丸同墨魚餅。個鮑汁炆花膠係就係大塊, 但係唔夠霖, 鮑汁味完全被麻辣湯遮蓋。。。。麻辣湯有一層油係面, 好油膩。。。墨魚餅味道一般, 無咩驚喜以食車仔麵來講都幾多野揀, 菜式都有創意, 但味道就無咩驚喜~

只可以話差到無得再差本身我係朋友介紹  話抵食  咁今日就同男友一齊去試下中午去到人唔多    叫左2碗車仔面    叫完餐都好快黎到黎到發現我男友個碗D送同佢圈既有出入就講左句:: 「我叫個個係雞翼黎  不過唔緊要啦」 但個男侍應就好有禮貌話即刻換但隔離個男人頭收銀婆係一開始幫我地落單佢就一路細細聲係度UP話自己無落錯  之後又罵個男侍應話:: 「要加2蚊架WO  做咩唔同人講  你食左佢啊?」 由於我就坐係收銀隔離  佢講咩UP咩我都聽到晒 當然我唔排除佢係故意講比我聽最後我係自動加2蚊即使有可能係我男友圈錯左送 你可以光明正大同我地講唔洗做到咁核突   我黎食飯都無必要受氣  除左態度問題  同時一路食係一路有烏蠅飛D送我都唔覺得好食 只係普通野  價錢份量黎講係深水埗有更多好既選擇間野唯一好處係唔洗排隊

放工都九點幾，本來想去深水涉食x方餃子🥟但係去到已經9:45 過了last order🤨見對面新開咗間車仔麵，好彩十點先last older ，店員亦很有禮，格局有D似x記，裝修簡潔！馬上叫餸先.........車仔麵竟然有我至愛嘅花膠🤨🤨$12 有二塊大花膠另外點了魚旦，腐皮加生菜底，中麻辣🤪🤪湯清而帶點麻，不會太油，花膠沾上麻辣湯下次會試墨魚餅和溏心🥚！花膠

星期六下午到深水埗逛逛，順便到網絡雜誌介紹的車仔麵店試試，聽聞有$12花膠及手打墨魚餅下午二時半很多人，店員招呼坐下後立即奉上餐牌環境以方枱為主，單排坐位適合獨自來食麵的我😆看完餐牌想找張紙剔...奇怪為什麼一張紙也沒有原來店內用白板筆直接畫在過膠餐牌上感覺好潮 哈哈畫好後交給店員，店員便會把餐牌交給收銀一次過落單但落單時便聽說花膠售罄是想我下次再來吧點了名氣手打墨魚餅($12)、日式叉燒($12)、豬紅($8)、蛋白魚腐($8)油麵隨便影了一張相就開始食，好想試下墨魚餅每個餸份量都不少，墨魚餅同魚腐都好大舊，各食2舊都飽飽墨魚餅: 一定要食，每件都好大件，彈彈肉，好香日本叉燒: 較日本拉麵店的厚身及瘦，不會好似日本拉麵咁有大半片肥膏豬紅: 正常，沒有怪味放單的小磁石又一次展現了小店的心思，店內播著舊歌，好岩70後80後另外值得一讚店員的服務，坐了半小時見到店員對於新客照顧周到，教授老一輩的客人如何下單，我見到街坊們被哄得好開心車仔麵不一定自己招呼自己落單拿麵，也可以坐著舒服聽歌食麵食完覺得除了食物，歌曲及店員的熱情更值得推薦

員工服務態度友善，親切有禮，比起名店的員工好得多。店內所播放的亦是本土地道經典歌曲，譚詠麟、草蜢、劉德華、beyond，大家耳熟能詳，勾起共鳴。一早就已經話過，浪費時間去排一間車仔麵，根本沒有什麼意思，因為那一間車仔麵，其實掩着眼睛也不會認出是那間有甚麼特別，好像也沒有什麼菜式是特別都會令你非常深刻😏。坦白說，之前經過這間車仔麵店，也覺得是極其類似那間著名車仔麵，因此沒有的起心肝內進，但是友人提及之下，其實距離辦公室不遠，一試無妨🤷🏿‍♀️，所謂試就50/50，唔試就0。真是有趣，有一間店舖成名之後，不論旺角深水埗，立即有很多相類似的餐廳，內進之後，發覺這間餐廳亦與名車仔麵店有點兒相近，先是座位，有些面壁座，有些圍着中間；然後就是餐牌，使用大大塊餐牌，但是亦都是叫顧客直接用筆圈上自己喜愛的東西，然後交給店員即可。先前也見到這間車仔麵，賣點好像是花膠車仔麵，都不知道究竟是揶揄它奇怪，定還是覺得抵食夾大件😏。這店好像更加大，由於看見門口那張桌子沒有太多人，又夠闊闊，內裏還可以見到不少座位。店內空氣流通，看見大電視的在播這間「任你點車仔麵」的特輯，有點浪費大電視，但又卻能讓我了解更多有關任你點

平時都知道深水埗有好多唔同嘢食，今次就無啦啦經過，見到呢間車仔麵，見佢環境都幾舒服，而且價錢唔係好貴，所以就決定試吓！都有好多唔同種類嘅餸揀，最特別之處係有鮑汁花膠做餸！不得了呀！真係二話不說就叫咗！佢食落仲有d粘粘地既感覺！正呀！而呢個餸都係$12咋！至於仲有其他都好食既餸都要提下個墨魚餅！幾彈牙又幾厚身！😎佢仲可以加溏心蛋架都好好食！最開心嘅事係佢可以揀薯粉，真心正呢間真係可以返去再食過因為真係平靚正！

呢排成日見到有人講呢間車仔麵今晚就黎試下啦黎到唔駛等位坐低一睇,都幾多野食架喎唔想食車仔麵仲可以食飯啦,仲有菠蘿包餐喎網上見好多人講車仔麵,咁就一於試下啦車仔麵揀左花膠,有1大片,但應該揀小食會好D,因為係麵度,變左花膠無咩味.但好大片都好滑另外揀左日式叉燒,都係好大片,但比較瘦糖心蛋好好食,好夠味另外仲揀左小食,雞翼尖啦,雞翼啦雞翼尖份量都唔少,幾辣下雞翼就未夠入味,但幾大隻下加飲品都好抵飲

上個月去開深水埗，見到呢間新開車仔麵，本黎都覺得無咩特別，又係好像一般車仔麵咁，點知居然俾我見到有得揀酸辣粉麵底，唔係薯粉加湯個種，係真係酸辣粉個種，所以諗都唔諗就去食，估唔到老闆咁有創意同識食，有得揀酸辣粉已經令我對餐廳大大加分。我叫左個酸辣粉底，軟軟綿綿有嚼勁，酸辣味道夠過癮，酸辣度適中，再加埋入味的雞尖、軟身的魚腐、爽口的豬紅、大大片的肥牛等，令到成個酸辣粉升級，比起一般無菜的酸辣粉更豐富。之後仲叫左自家製日式叉燒，煮得入味又唔會軟爛，同日式拉麵店的叉燒相比都唔差；花膠就夠軟身，炆得入味，食得出有用心煮；墨魚餅爽口彈牙，雖然會有少少油膩，但都可以接受；雞翼夠肥美，鹹度適中，一個人可以食哂一碟。