任你點車仔麵 (已結業)

今晚同事講起呢間車仔麵就決定去試下佢既「$12花膠」一出深水埗D2出口轉右行十幾步就到呢到好多款麵同餸選擇，最少簡3餸1麵我叫左鮑汁花膠、蒜辣雞翼尖、咖哩魷魚、豬軟骨薯粉，酸辣小辣（$50）花膠薄片但好大塊，雞翼尖好香蒜味帶點辣好好味，薯粉比較林，小辣都幾辣大少叫鮮蝦卷、蛋白魚腐、韮菜餃，薯粉，麻辣小辣（$36）鮮蝦卷好味、魚腐口感似厚身腐皮另外叫左一份手打墨魚餅（$30）推介墨魚餅，彈牙有鮮味，入面有粒粒墨魚，好好食另外再叫左凍檸茶（$7）同凍華田（$7）好想讚呢到既員工，個個都好有禮貌老闆、落單小兄弟、傳菜姐姐全部都好nice餐廳既牆上寫滿客人既留言好窩心

車仔麵深水埗，多不勝數。有名牌的，有街坊的，也有車軚人星的。今日天氣35度高温，不想排隊，找了一間直入有位座的店食個醒神車仔麵。入到去待應禮貌地帶領入座，這是估不到的。遞上餐牌，大大的，很多項目，看見有些說拿手自家製的就選了。最後揀了韮菜餃，咖哩魚旦，牛肚，炆冬菇， 炸蝦條配河粉，麻辣汁小辣。韮菜餃皮薄多餡，韮菜新鮮無腥味，很好味，牛肚淋中有咬口，很入味。魚蛋選用細粒的，正常。炆冬菇爽口入味。河粉不太淋，煮得剛剛好。座位相對的似自修室，獨自或兩三個人食飯的也是不錯。

深水埗車仔麵店林立，要突圍而出當然要花些心思。這間車仔麵店推出＄12 鮑汁花膠吸引顧客成功打響名號！除了花膠，其他食物味道又如何呢？今次選擇了三餸粗麵。牛柏葉爽口、彈牙，吸收了湯底的麻辣汁，但湯底不夠惹味。日式叉燒厚切很大片，脂肪比例較少，肉質一般，切合其性價比。蛋白魚腐味道清淡，跟平時吃到的差不多。吃完車仔麵，忽然心思思想試手打墨魚餅。墨魚餅光速送到，一碟5件，雖然彈牙但上枱時已經放涼，不是熱騰騰。外皮再煎耐一點會更加香口！

花膠好食，墨魚卷好食，服務態度優秀，雖然比普通車仔面貴，但都食得過，老闆同服務員服務態度好好，希望可以繼續keep住，香港見少買少既服務態度，下次可以再去試其他野食！

今日第二次去食， 同樣都係叫酸辣薯粉，加花膠墨魚餅溫泉蛋， 兩次都係叫小辣，上一次嘅小辣好似大辣咁，今次就識中。墨魚餅同上次一樣，好彈牙好有口感好好味。 花膠比上次大咗，但係冇咁入味反而冇咁好食， 冇上次咁滑身。 溫泉蛋都比上次退步咗，都係冇咁入味，醬油味淡咗。講真好食嘅車仔麵唔多， 做埋早餐嘅就更加少， 希望有進步空間，下次再黎可以好似第一次咁好食。 最後，員工服務和禮貌都很好， 希望水準可以維持不變。

在深水埗的街頭，一人一麵，車仔麵實為上選。來到出名有花膠的車仔麵店，小人豈會錯過。叫得花膠車仔麵，雖然還有牛腩及豆卜等，重點自然落在花膠之處，誰料大塊是大塊的，吃下竟有點似茶樓棉花雞的棉花般感覺，比起之前吃過的花膠扒相距甚遠。不過小人覺得只是一碗車仔麵罷了，又夫復何求呢。回說牛腩，有肉感有肉汁；豆卜浸兩浸更加吸盡湯汁，小人竟覺得食味比花膠更甚。湯汁濃淡適中，小人喝了不少；麵質亦可以，軟硬得宜。馳名的花膠反而比了下去。

夜晚7:30先到，估唔到仲有花膠食～若果平放花膠，可以蓋過大半碗面, 真係超大塊。花膠用豬、牛骨湯燜得入味，沒有腥味，煙韌有咬口。花膠營養豐富，含大量膠原蛋白，女生最愛！吃車仔麵當然少不了豬紅，味道有點偏甜。這裏的選擇很多，竟然有日式糖心蛋！糖心蛋賣相漂亮，蛋白凝固而蛋黃仍然呈膏狀。蛋黃濃郁有香味，蛋白軟滑入味～下次來可以點日式叉燒、日式糖心蛋、蟹柳再配拉麵！想不到車仔麵店可以配搭出一碗日式拉麵～haha

行完街大约8點係時候醫肚，朋友話附近有車仔麵幾好就去試下。韓式粉似薯粉，幼身d。我忙記點湯底，但有叫咖喱魚旦，食落似加左咖喱汁的清湯，不是我喜歡的那種，還可以。花膠$12好抵，好大片，夠淋身，好味。糖心旦也是必叫的，車仔麵少見之配撘，ok呀！咖喱魚旦算係辣，小朋友食唔到。片頭大件。無冰奶茶好飲。食完不會口喝，不似有味精。總體好。服務也好。下次會再去食。要試下酸辣同埋腩汁湯底。朋友說粗麵好味，下次要試埋。

我係睇完網上雜誌，來試試佢個花膠既😂聽聞係好大舊❤所以沒有多諗喇！馬上點餸，點左花膠、魚皮餃同豬手。過左膠既餐牌，客人落完單伙記會抺左佢，用完可以再用，幾環保。抵讚好！花膠方面的確無呃人係好大舊，但其實係無咩味道的，好淡。豬手就一般啦，都入味既，但有點硬身。魚皮餃都一般，最出事係個湯底....我覺得係難食的。個辣味係唔夾個湯架😂

港人睇港字~  點餐用水筆圈，夠環保，我鐘意~一坐低，即叫個招牌既鮑汁炆花膠同手打墨魚餅食開地道野既人當然識叫多個蒜辣雞亦尖食味道蒜辣岩岩好，軟滑仲好腍回食率係95% 如果餐牌有得揀埋多辣就再正啦~始終食雞亦尖都係越辣越過癮~多汁爽口入晒味，膠質豐厚唔油膩有膽識既人就造就左特式~30蚊，有人整好既晒、送擺埋係你面前，咁都唔食真係走寶啦!!至少有三塊大大塊，一個女仔齋食花膠都飽足成日啦~認真睇到功夫十足啦~你估真係獨食難肥咩，下一次唔叫一大班人番來食真對唔住自己嬲嬲地，竟然唔記得影手打墨魚餅... 真係堅好食，整得又彈牙又香，為左張相~一定要再食多十萬次!!我仲特特畫左幅靚畫係收銀附近塊板既左下角，係女仔食野樣~因為我哩個post去食既人記得過去望兩眼~其實我仲叫左個外賣番歸比家弟食日式豬軟骨+日式叉燒飯$42，配凍檸樂+$4由深水番屋企要30分鐘，一打開個飯盒，d叉燒同豬軟骨多到呢3、4大舊豬軟骨、成5、6塊大叉燒，食到一個大男孩都話飽到上心口豬軟骨又軟又入味，同日式餐廳比，日本真係輸9條街至於叉燒個味其實同豬軟骨個味係一樣，因為係同一個汁，如果可以再切薄d就再開心d~番到屋企個飯仲暖

食過好幾次，個麻中辣好好食揀麻辣同時可以照加牛腩汁，好開心的麻得來夠香，有翻大陸食嗰種香味，仲有粒粒芝麻，一大匙薑蓉，成件事好令人掛住同埋唔好勁辣，唔會辣到食唔到其他嘢嘅味另外糖心蛋都係每次必點的好好食肉食就推介豬軟骨，同叉燒比，豬軟骨份量比較多，水準穩定。叉燒要睇運數，有時肥有時瘦。魚腐同韮菜餃都幾好食。豬紅合格。價錢十分經濟，有時叫3個送都係三四十蚊。老闆員工喺忙亂中都有禮貌，幫手搵位追送，加分飲品呢，我覺得正常凍奶茶已經ok冰鎮未係咁大分別整體都係令人好上癮的麻辣車仔麵不得了

一般車仔麵，來來去去也是雞翼、牛腩、豬紅、蘿蔔。開店約四個月的任你點車仔麵，名副其實讓你逐樣餸點選，超過四十款餸當中最出位的是花膠，而且店子保證湯底無味精，多款食物堅持自家製作，我今天就點了他們用鮮豬腩位自家製的日式叉燒，用慢煮方式超出10小時製作，肥瘦適中，果然腍滑而有咬口，可媲美一般日式拉麵店。售價$12 的鮑汁炆花膠很大件，補充骨膠原，有黏口的感覺，好養顏喔！ 另一碗點了店子主打的手打墨魚餅及咖哩魷魚，個人不喜水魷魚，還好咖喱算惹味。而墨魚餅果然名不虛傳，食得出真材實料及有彈牙感，讚呀！ #hkfoodblogger#hkfoodies#食評分享#餐廳食評#深水埗美食#車仔麵#獨自開餐

「車仔麵」可謂平民美食，深得普羅大眾之喜愛，深水埗約有二十多間車仔麵檔，競爭十分之大。從雜誌得知，這店以「花膠」做招牌的車仔麵，今天終於可以一試其實！食客可用水筆自行在過膠餐牌上點出食物，可謂十分環保。麵款有十款之多，而車仔麵餸的價錢，會因應款式而有所不同，豐儉由人。我點選了花膠、豬腸、墨魚餅配蕃薯粉。先將沙爹醬拌勻，湯底頗為入味。兩大塊的花膠稍欠味道，質感有點潺，欠缺應有的彈牙口感，入口感覺似魚肚，怪怪的，所以我深信一分錢 ，一分貨的道理，這不是我杯茶！墨魚餅用墨魚手打製作而成，口感彈牙得來又帶點實，吃到小量墨魚粒，感覺真材實料！豬腸沒有腥澀味，可見清洗得十分乾淨，滷水汁很入味，即使浸在湯麵中味道也不會沖淡，而且豬腸份量頗多，值得一讚！蕃薯粉軟腍度適中，合格。凍朱古力味道較淡，喝不到濃厚的朱古力味道，比較失望！平心而論，車仔麵整體不錯，但以「花膠」作招徠，希望突圍而出的話，那就要下下苦功了！

因為係網上面見到心郁郁，有花膠真係一個好大吸引力。即刻去食下。點左花膠（由好多件細花膠拼成）真心膠！味道都好夠，另外大腸居然有十幾件但我略嫌唔夠入味，魷魚都唔錯都係唔入味，油麵麵量真係好多，我食左一半就飽。唯一要彈嘅就真係個湯底個味唔太夠濃，如果再濃啲真係冇得彈！朋友個個都話讚！另外本人認為味道嘅話文記稍勝。另外私心推介另一邊嘅街邊檔車仔麵，真心正辣汁惹味到爆！價錢都十分相宜！要排隊叫餸叫完會拎去你個位到

因為工作關係要去深水埗，對我來講呢個地方真係幾遠，所以要揀d特別嘅野來食下，係x假期見到有12蚊花膠，就决定係你啦最少要叫3個餸，我就叫左花膠，豬紅同豬大腸然後食車仔麵點可以唔叫粗麵同腩汁嫁，仲加左沙嗲醬花膠好大塊，不過我覺得未夠淋，不過呢個價，完全收貨豬紅同大腸幾好食，無咩特別，份量都幾多個麵真係好多，可能我細食啦，仲有好多麵食唔曬不過我覺得最好食嘅係同事叫嘅響鈴，因為d湯汁好濃，響鈴索晒啲汁，真係好好食😂😂😂