令和居酒屋

營業中

休息中

今日又嚟同朋友食黃店慶祝生日啦 揀咗旺角嘅呢間令和居酒屋閒夜晚嚟到都超級多人呀 如果想食嘅朋友就記得預先book位啦清酒廣島生蠔 大大隻新鮮生蠔 原隻浸落清酒幾秒然後就可以放入口喇 生蠔嘅鮮甜味加上濃濃嘅清酒 口感清爽 夏天一流呀日式炸雞 送酒必備嘅炸物 外皮炸得超香脆入面係嫩滑多汁嘅雞肉 一嚿接一嚿完全停唔到口石燒新鮮鮑魚＋a5和牛 會有專人喺你面前即場烹煮 日本a5和牛好厚切 脂肪分佈得啱啱好十分平均 牛肉係好靚嘅粉紅色 真係賞心悅目 咬落去油脂非常豐富又唔會漏 簡直係入口即溶 新鮮鮑魚有咬口 而且鮮甜味十足黑威士忌可樂 酒精濃度偏高 不過混合咗可樂 味道冇咁粗曠 男士至愛

好鍾意食串燒，但係出邊一般居酒屋單點都比較貴，要食得飽人均起碼$300。朋友之前食過，介紹我哋旺角呢一間日式小店，門面裝修一眼就知道佢係居酒屋，餐廳面積唔大，的確有日本風情。食物選擇類型多，串燒，和牛，鍋物，涼拌小食等應有盡有。我最喜歡清酒生蠔將新鮮生蠔浸在酒中數秒，鮮味中夾雜酒香，互相輝影。生蠔新鮮大隻，絕對不是劣質貨。蜆湯是另外一樣我喜歡的大蜆鮮味肉厚，蜆湯鮮甜。燒茄子🍆簡單又滋味淋上日式燒汁，絕對是平民美食😆石燒牛在我們面前即燒，香氣迫人，肉質juicy，價錢合理這絕對是一間平民價錢性價比高的居酒屋🏮雖然價錢不貴，但食材絕對不用劣質，員工態度有善，回頭光顧率高👍

早幾日去旺角，行到身水身汗，見到家門口幾靚嘅居酒屋，諗住入去試吓，入到去之後店員打鼓，好友日本嘅氣氛，我哋叫咗燒物同鍋物食，燒物做得幾香口，幾香幾好味，鍋物嘅海鮮食落好新鮮，下次都會再去。

真係超耐冇去旅行 好掛住我嘅家鄉日本 今日就嚟到旺角嘅呢間令和居酒屋度懷緬一下餐廳貫徹日式居酒屋一貫嘅裝修風格 用咗好多木加上枱凳又夠擠迫 超有氣氛燒芝士魚餅 外皮燒得夠香口 魚餅煙煙韌韌好似日式魚蛋咁 入面夾有流心芝士 大滿足呀堂煮壽喜燒 香港餐廳好少可出現呢種有專人煮嘅壽喜燒 竟然呢度有價錢仲要唔貴 真係點都要食下啦餐廳用上日本和牛色澤非常靚 肥瘦適中 索曬壽喜燒醬汁 醬汁偏甜同牛肉嘅鮮甜味互相輝映 再加上日本蘭王雞蛋 更加令味道昇華日式芝士蛋糕 芝士味唔錯 口感偏向實淨 配上大大粒嘅日式紅豆 口感好綿密青檸薄荷梳打 青檸味濃郁酸酸地 加上有汽嘅梳打水 感覺好夏日又夠解渴

自從冇得去旅行之後喺香港已經食咗好多次日本菜。上個星期夜晚去呢一間一定要讚一讚，佢性價比極高，每樣小食價錢20多元起，就算叫好多款式嘅食物人均都唔使$200。令我最喜歡嘅係佢嘅串燒，平時出邊食串燒嘅價錢係呢度嘅一倍，要食得飽可能每人要$300，佢呢度款式選擇多之餘仲好抵食。最鍾意佢嘅燒牛舌，入味又唔會好dry。其他串燒味道都係水準之上，唔會好油同燒到好老。另外佢個沙律我都覺得有誠意，一般去日本餐廳食沙律都係芝麻醬配一啲好頹嘅菜，佢用上沙律菜仲加埋流心蛋，見到花左心思。食呢類型嘅日式居酒屋一定要叫酒精飲品，我叫左鮮檸檬燒灼梳打，上枱就已經知佢係打卡必備，用咗差唔多一個檸檬做裝飾，啱啱開頭飲嘅時候酒精味會比較濃，後來啲冰融得7788就會變咗好香嘅凍檸水。餐廳面積細細，真係有種日式居酒屋嘅感覺；上菜速度快，價錢又合理，下次經過旺角，都要book mark住呢間餐廳👍

今日出咗旺角行街行到好攰好肚餓 路過令和居酒屋 又被佢門外吸睛既燈籠吸引左入去一入到舖頭就聞到香噴噴既燒肉香味另外伴隨住嘅係儀式感好重既歡迎擊鼓聲同視覺上好似置身日本居酒屋嘅decoration食物種類好多 我地點左串燒、燒物、鍋物 當然 仲有係居酒屋唔少得嘅日本生啤🍻一黑一白既Premium各具特色 口感一樣順滑海鮮拼盤好快就上菜 店員為我們講解食物之餘，亦幫我們悉心燒好食物，因為佢話好多客人都唔太掌握海鮮點燒，所以通常都會主動幫手 真係非常細心除左即燒既海鮮好食之外 燒物嘅質素亦唔錯 唔會太咸 保留原有鮮味 一拎出黎已經聞到好香另外值得一讚嘅係舖頭既餐具都好靚 同店員閒談間發現原來所有餐具都係精心物色過既 果然靚既餐具同食物配合起來 食落都特別開心

今日終於到呢間日式料理餐廳 特登喺2個星期之前book 定同女朋友食是關有幾次walk in 都要等好耐 所以無等到今日終於可以試試佢叫左小量燒物 一夜干 和牛石板燒 壽喜燒(Sukiyaki) 仲有兩杯野飲飲品有時令既 菠蘿沙冰 而我叫左杯 薄荷威士忌梳打 無諗過咁大杯 食到最後先飲哂 燒物叫左 玉子燒 牛舌 燒鳥拼盤 燒飯團 燒玉子燒新鮮燒起 熱辣辣而牛舌唔會燒得太乾 而且帶有小量脂肪 係上品燒鳥拼盤有 手羽 雞皮 白蔥雞肉串 免治雞肉串手羽 即係雞翼 雞皮位置好脆 有少量咸味 佐酒一流雞皮 香脆 又係佐酒一流而白蔥雞肉串同免治雞肉串 充滿左 滿滿嘅日本味一夜干 雖然係經過左 一夜風乾 但係仲保持到水分多 肉質軟嫩 而無腥味而石板燒呢 店員會左我哋要幾多成熟 然後會喺我哋面前用石板黎燒熟我地叫既係 A5和牛(200g)，燒和牛又點可以唔叫飯 所以我地加左個蟹膏飯A5和牛 脂度足夠 脂香十足 配上蟹膏飯 已經滿足了壽喜燒 果邊 叫左A5日本黑毛和牛(200g) 花紋超靚 幾乎可以入口即溶配埋其他配料 今次已經食到好飽

已經好耐冇食過日本嘢❤️見到有一間人氣好高好似幾正嘅居酒屋就決定嚟試吓😍門面睇到佢哋日式和風嘅感覺好濃即是感覺已經有啲興奮我哋今日算比較早到所以人流都唔算特別多 亦唔使排隊🤣坐到埋去店員都好有禮貌咁樣推介我哋今日牆上面有啲日本直送嘅特別推介😛不過男朋友話今日特別想食日本和牛所以主打主菜都要左兩樣都係牛肉我哋串燒方便要咗燒牛舌兩串, 仲有一串黑毛和牛,應該係接近牛脷芯嘅位置所以特別林而且好厚切❤️另外就要做一個燒雞嘅拼盤,入面total有五種全部都燒得好香而且好多汁, 而且價錢唔貴👍good 特別鍾意免治雞肉串仲叫左有一種叫北海道花魚一夜干❤️好多魚肉 燒得非常香口🤣我不嬲喺居酒屋都覺得呢啲用嚟送酒好正仲有推介燒飯團同埋玉子燒😎🤪燒飯團本身嘅顏色佢哋已經整得非常好😛食落去仲卜卜趣添玉子燒就係每一個女仔都必嗌㗎, 甜甜地🥺到主菜方面我哋首先就要左一個石燒A5日本黑毛和牛,店員好貼心咁樣幫我哋煎 ,而且熟成度仲可以有自己選擇添❤️見到牛肉嘅花紋油脂分布都非常之好😎我哋就咁落咗少少鹽 入口即溶, 配啱啱食嘅燒飯團就覺得好夾, 我記得呢一個價錢都唔算話特別貴, 另外仲加咗蟹膏飯野菜沙律同埋味增湯, 因為

日式居酒屋💛令和居酒屋位於旺角的洗衣街，門面做了個日式瓦頂，掛滿日式燈籠🏮，餐廳內牆上亦掛了餐牌。每當有客人入內，都會擊鼓歡迎😗，很熱鬧的感覺，充滿了日本feel~推介石燒A5日本和牛，店員會在你面前將和牛放上，和牛在你面前「滋滋滋」地燒，非常治癒！和牛牛味十足，油脂分布平均。4人我話一定要至少點200g，因為150g的話，每人只得1-2塊，完全「唔夠喉」😩。清酒廣島生蠔🦪，食法好特別，將新鮮的生蠔放入清酒🍶。蠔隻鮮味之餘，亦帶着酒精的後勁。其他小吃亦十分出色，玉子燒，燒油甘魚鮫，可樂餅都十分美味。十分懷念同朋友去旅行，無需擔心香港的時光。

每日放工都會經過洗衣街，留意左令和居酒屋好耐🏮 門面及室內裝飾有去咗一轉日本嘅感覺，燈光柔和，牆上掛滿日式餐牌，擊鼓 greeting 好正。燒和牛他他食物一樣有驚喜，燒和牛他他，生吃和牛肉特別滋味，味道濃郁，入口即溶。豆腐海葡萄沙律前菜豐富開胃，豆腐營養價值高，入口滑嘟嘟，海葡萄沙律令層次更加豐富。雜錦天婦羅🍤炸蝦天婦羅特別吸引，大大隻蝦，肉質彈牙，炸得非常薄脆可口。配合埋其他野菜天婦羅，感覺滿足。石燒美國安格斯扒聞到其他食客好香嘅燒肉味，我都忍唔住點了一客石板燒，美國安格斯扒勁大塊又新鮮，店員服務周到，燒得剛好， medium 生熟度啱啱好。牛肉顏色粉嫩，油花分布平均，熱石板燒加點調味醬汁，香噴噴令我們很期待，牛肉甘香，肉汁豐富，肉質有口感，送蟹膏飯同吃一流。北海道燒魷魚一夜干一場嚟到當然要試吓最新推介，北海道名字已經夠晒份量，賣相都相當吸引，燒魷魚係我Baby最愛，一夜干是日本漁民保存海鮮的做法，鹽水浸泡醃制入味再風乾。魷魚鮮味豐富，最適合佐酒，燒得恰到好處，極之推介！令和魚生丼賣相驚艷，好足料，魚生新鮮份量多，有海膽、 吞拿魚、 三文魚籽 、帆立貝、 牡丹蝦 、油甘魚。我最愛是

最近多番出嚟食晚飯，皆因午市同晚市係食物方面都會有分別，晚市當然比較多款式口味選擇，咁樣一邊食心情特別好，今晚又去咗旺角呢間居酒屋飲飲食食已見店內坐滿食客就知人氣旺盛，餐牌上有多款日式料理菜式，前菜小食、炸物、沙律、燒物、刺身、一品、壽喜燒以及石板燒等美食夠晒吸引，點番幾款美食逐一享用先來有前菜麥粒味噌青瓜，入口清爽又帶點味噌香甜味再來有日本直送炸池魚仔，炸得香脆可口，同時食到池魚仔肉質鮮甜又惹味咁都要飲杯鮮檸檬威士忌梳打，配上十多片冰鎮檸檬片，飲落透心涼串燒有我至愛嘅啖啖肉燒雞棒同煙肉車厘茄串，食落滿口肉汁囗感十足之後有呢款石板燒美國安格斯，而且份量足有250g安格斯肉質肥美飽滿，店員已切件塊放便逐件放上石板燒，陣陣肉味滲出，一邊燒住再視乎肉質燒熟程度再淋上醬汁燒一燒就可以上碟品嚐，熱辣辣嘅安格斯牛肉，入口香嫩肉味濃厚，油脂香甜食得滋味最後有蒲燒鰻魚丼係必點美食之一，豐厚嘅燒鰻魚肉，肉嫩飽滿又香脆配啖飯特別好食，不知不覺又享用完一餐美食。

三文魚籽丼$199 絕對係物有所值嘅一款丼飯👍🏻三文魚肥瘦勻稱，入口又滑又新鮮，粒粒三文魚籽豐富晒成個丼嘅口感，而且一d腥味都無，配料同飯嘅比例係完美🥰極度推薦👍🏻二人前石燒火鍋套餐（松）$688成個套餐基本上冇嘢可以挑剔😙當中我最鍾意嘅係，石燒日本A4和牛🥰廚師會先問我地鍾意食幾成熟，然後即席喺我哋面前燒🥰入口超級鮮嫩嘅和牛，唔需要任何調味已經可以好impress我地☺️海鮮鍋物嘅配料都食得出係好新鮮嘅食材👍🏻廣島蠔肥美多汁，入口滑嘟嘟，十分滋味😜雜錦天婦羅都十分不錯🥰作為炸物但係就一d都唔油膩，而且炸粉好薄，入口香脆😋荔枝薄荷梳打+蜜桃薄荷梳打呢兩杯梳打我地都十分之滿意🥰超級多薄荷葉，入口好清新，絕對係一杯好好嘅消暑解渴飲品🥰

首先，我上星期經過想食但冇位，唸住支持黃店，帶我媽食好野，今次我就book枱食，我兩個係提早左10分鐘到餐廳，7點多未滿座，大概一半人左右，但佢偏偏就比左個會冷氣機滴水既位我地坐，兩個位都會中招，我成餐飯，個頭同臉已經中招十次以上，已經叫人抹水叫左5次以上，但係係冇人理我，可能想快啲趕我走，可以返枱快d啦，總之第一印象已經好差，d冷氣機水都唔知多唔多菌，滴落我d野食度，希望我媽食完冇事。我叫左兩set石燒加兩set蟹膏飯，其中一set係海鮮，一set係200gA5和牛，再叫左一串牛舌，一串雞軟骨，兩杯幻彩蝶豆花檸檬梳打，加加埋埋都7百幾蚊，我寧願去一田買塊和牛返屋企燒。石燒海鮮：👎👎職員佢地燒埋，但燒到甩皮甩骨，痴哂底，最嘔心既，當佢夾d海鮮上碟果陣，跌左一舊係枱面，仲仲仲要夾返上碟，好污糟，衛生太差啦！最後d帶子比佢燒到爛哂...石燒A5和牛:👎👎👎話就話A5，但一上枱就見到係變左色，明顯擺太耐，連幾多成熟都冇問我就燒，而且食落勁多筋，咬都咬唔開，差過自己係一田買，3百蚊一個餐，200g牛，燒埋比你食，真係唔好期待禁高。串燒：不過不失牛舌同雞軟骨係普通野，太普通冇影梳打：正常成餐飯，

店內掛滿達摩、招財貓等等嘅日式燈籠 🏮牆上仲貼咗各種酒嘅招紙近門口處安放咗個太鼓每逢有新客人店員就會擊一下鼓真係營造到熱鬧嘅居酒屋氣氛而且價錢好親民～【令和玉子燒】玉子燒烙上店名「令和」賣相好可愛呀 🥚深黃色嘅玉子蛋味頗濃口感非常綿密【鮮檸檬 Highball】型到爆哂燈嘅檸檬 HighballHighball即係威士忌加梳打水估唔到咁 classic 嘅酒都整到充滿創意有咁多冰凍嘅檸檬超清爽 🍋【限定石燒盛】石板燒即叫即燒好吸引而家有 3 款新嘅石燒盛我哋點咗鮑魚及 A5 和牛鋪滿哂成塊石板呢 😍A5 和牛嘅份量有 150g厚身嘅和牛肉質軟腍亦都勁有牛味 🐮落少少即磨鹽簡單調味就夠我覺得鮑魚都幾難燒好彩呢度有店員代勞燒埋啫 🤣食落彈牙火候啱啱好！【日本黑毛和牛鍋燒烏冬】朋友見啲牛唔錯就點咗個和牛烏冬除咗和牛仲有溫泉蛋材料都幾豐富【清酒廣島生蠔】將廣島生蠔浸落杯清酒度先食咁樣生蠔就有陣陣清酒酒香 🍶好特別嘅食法呀不愧係居「酒」屋【令和魚生丼】另一個朋友就點咗魚生丼有甜蝦、三文魚、油甘魚、帶子、吞拿魚、海膽、三文魚籽同蟹籽再配多件令和玉子魚生嘅種類同數量好澎拜海膽大大片味道鮮甜 🤤【五色

是夜和朋友選了位置方便的令和居酒屋聚餐，店前掛滿了燈籠，裡面非常熱鬧，入座時店員更會擊鼓，很有氣氛～ 先來了清酒廣島生蠔🦪 每隻都很肥美！先擠上一點檸檬汁，將生蠔放入清酒的杯子內再乾杯🍶 生蠔很鮮甜，和清酒是很好的配搭呢五色刺身有牡丹蝦、油甘魚、帆立貝、三文魚和吞拿魚。牡丹蝦份量十足，蝦肉晶瑩剔透帶點黏口，讓人垂涎三尺點了一份鮑魚加A5和牛的石板燒套餐，由店員即場烹調，香氣撲鼻🤤 石板的熱力將和牛的肉汁鎖住，吃起來焦脆多汁，充滿肉味，加一點鹽調味就可以了。鮑魚同樣香口惹味，軟淋又不失嚼勁，必點🐮🐮飲品點了梅乃宿 桃酒和Suntory 生啤🍺 桃酒on rock，入口很濃醇，充滿白桃果泥🍑 甜甜的很適合女生。Suntory生啤大口喝很冰爽暢快～當然要叫點東西送酒，這份白蔥豚肉串烤得很香，白蔥咸香多汁，果然是人氣之選 ！令和玉子燒的賣相很美，燙了令和二字在玉子上，暖暖甜甜的不錯吃令和魚生丼相當足料！除了蝦、帆立貝、三文魚和吞拿魚外，還有滿滿的海膽、三文魚籽和蟹籽，口感豐富。另一主食點了和牛鍋燒烏冬，份量十足，和牛蠻嫩滑的，簡單又好吃。