人生有限杯.串燒店

營業中

休息中

酒店３樓新開的一間燒烤分店，主打串燒，選擇很多，價錢又不算貴，所以晚上的人氣不錯。靠窗邊的位置挺有氣氛的，能看到尖沙咀街景。鹽燒西班牙五花腩（１０元／串）性價比很高，五花腩很大的一片，也挺厚的，燒得焦嫩的。豚肉荔枝卷（１５元／串）豚肉加上了荔枝肉，吃起來更嫩滑多汁，多了一份水果的清甜。鹽燒雞腿肉（２０元／串）雞腿肉大大粒，保留了大量的肉汁，雞皮燒得香脆。椒鹽燒雞尾（２０元／串）這是一整個上的，挺特別。連著雞皮，吃起來油香很足，皮脆肉嫩的。汁燒雞隔膜（２０元／串）汁燒的口感沒那麼乾，吃起來挺多汁的，而且口感比較彈牙。麻糬豚肉卷（２０元／串）加了麻糬口感非常軟糯，又有肉香。免治雞肉棒（２８元／串）雞肉棒配上生蛋黃，口感更滑嫩又有蛋香。鹽燒雞頸肉（２８元／串）這裡燒得比較焦香，肉味較濃。山椒鰻魚汁燒白鱔（４８元／串）吃起來像蒲燒鰻魚，不過口感會比較彈牙。日式秘製汁炸雞全翼（４８元／隻）秘製汁感覺加了點柚子，吃起來會挺解膩的，而且炸得外脆內嫩。焦糖菠蘿鵝肝醬多士（５８元／份）一共兩件，跟菠蘿的搭配挺特別，吃起來特別多汁，鵝肝有油香，多士香脆。椒鹽紫菜泰式辣醬九肚魚（６８元／份）非常有驚喜，新鮮

見到佢地尖沙咀新開咗分店，當然要同朋友去感受吓新場啦，餐廳座位寬敞，設有吧枱位置，可一邊欣賞師傅精湛手藝，一邊品嚐美食！餐廳主打串燒，價錢非常親民，每串$10起蜜糖燒菠蘿串燒一定要有菠蘿🍍菠蘿燒得剛剛好，有焦香味但Juicy惹味燒雞腳筋第一次食雞腳筋，口感有啲似雞軟骨，微辣口味超惹味豚肉荔枝卷豚肉軟腍，加上香甜嘅荔枝，剛好平衡油脂感汁燒雞膈膜推介！橫膈膜部位肉質夠哂彈牙爽滑九肚魚用椒鹽及紫菜一起酥炸過嘅九肚魚，非常香口，配埋泰式辣醬一齊享用夠晒特別蒜蓉欖角燒蟶子蟶子都幾大隻，肉質非常彈牙，加上蒜蓉欖角及粉絲調味蒜蓉燒蠔燒蠔望落唔算好大隻，但肉質飽滿，加上蒜蓉風味十足山椒鰻魚汁燒白鱔鰻魚汁配白鱔絕對係最佳組合，白鱔肉質彈牙墨魚滑＋紫菜十大蝦呢款好特別，以卷物方式用紫菜包住墨魚滑及大蝦，外層香脆，內層亦有彈牙肉質，口感層次豐富鰻魚飯團如果怕只吃串燒不夠飽，建議可以點埋呢個飯團，飯團跟紫菜有一層膠片分隔非常細心港式蜜糖多士夾雪糕呢個超有驚喜，有啲似港式嘅奶醬多，但內層轉左做雪糕，麵包外層帶有烤過的蜜糖，非常邪惡餐廳整體氣氛不錯，不過可惜餐廳暫時未有酒牌，但現時可自攜酒精飲品！

勁高性價比嘅人生有限杯係尖沙咀開咗分店啦！👏🏻連勁嘴刁嘅媽咪每食一串都大讚好味有驚喜！😍仲有$10-20區嘅串燒，每兩串或以上就可以叫～😉豚肉荔枝卷🐷招牌嚟嘅～荔枝多汁同豚肉難以想像咁夾！🤤月見免治雞肉棒🍳🐣豉油加生蛋黃估唔到咁簡單同雞肉棒食真係最佳拍檔！🤝🏻韓風燒牛肋肉🔥🥩個韓風醬燒到個牛肋肉勁香～鹽燒豬肋肉🧂Simply adding salt已經令豬肋肉勁惹味！豚肉牛油果卷牛油果🥑熟到好淋，係嘴裏溶化～蒜蓉燒蟶子🧄食到媽咪要encore! 🙀芝士年糕🧇唔鐘意食芝士嘅媽咪話點condensed milk🥛好好味！鹽燒和牛牛小排和牛一聽就知係正嘢，有質素保證～👍🏻日式秘製汁炸雞全翼🍗勁大隻！！食唔晒～ 外脆內軟！墨魚滑紫菜大蝦🍘呢個好特別，脆脆嘅紫菜包住墨魚滑同大蝦好有驚喜！鰻魚飯團飯團啲飯🍙係脆㗎！鰻魚味濃郁～蜜糖粟米媽咪話燒出嚟嘅粟米🌽好甜，焦焦哋好惹味！泰式燒墨魚鬚🇹🇭🦑泰國人嘅媽咪approve個醬！焦糖雪糕多士🍞🍨呢個勁正～依家諗起都留口水🤤要快啲食因為雪糕會溶！百香果梳打🥤有原粒百香果籽，好足料！桔仔薄荷鴨屎茶🧃薄荷味濃，鐘意薄荷嘅必點！菠蘿可爾必思🥤呢杯同樣足料，全部$

人生有限杯串燒店—日式人氣串燒店，多次與朋友到訪，依家係尖沙咀都有開設新分店，餐廳裝修設計以簡約幽暗風格為主，整體環境唔會過於嘈吵，適合同朋友一齊傾偈聚餐🔲 餐牌上有接近50款形形色色日式串燒、燒海鮮、居酒屋熟食，並有各種酒類飲品等，串燒類推薦燒墨魚鬚、五花腩、雞軟骨；海鮮類推介燒蠔、蒜蓉蟶子等，整體所有食物都屬於水準之上，而且餐牌上有非常多種特色飲品、酒精飲品選擇，好適合鍾意食串燒，加埋飲酒嘅朋友✨

📍性價比高嘅$10起串燒開到去尖沙咀！喺尖東N1出口行2分鐘就到，呢度嘅環境更加舒服，仲可以坐吧枱睇店員即燒串燒。「$10區」串燒試咗未食過嘅鹽燒芥蘭頭，一上到嚟係切到白色一粒粒，同平時食開嘅芥蘭唔同樣，口感爽口又幾Juicy！「$15區」嘅黑松露燒雞肝口感軟腍，入口化開，但係覺得個醬汁冚住晒黑松露味。味噌松板豬爽口好似食豬頸肉咁。「$20區」叫咗鹽燒雞腎、黑松露金菇卷、雞中翼同雞隔膜，雞翼比較surprise燒到個雞皮仲係好脆身，雞隔膜就估唔到都有好多雞肉同埋食落脆脆地，有啲似雞髀肉mix雞軟骨嘅感覺。「$28區」啲嘢食最啱我哋口味所以嗌得最多，叫咗免治雞肉棒，同幾款鹽燒系列(牛舌芯、雞頸肉、豚肉牛油果卷同豬肋肉)，今次個牛舌超出色烤到焦焦地咬落去係脆！如果出埋厚切版就好了。蒜蓉控必食菜脯燒茄子($38)同蒜蓉燒蠔($48)，多蒜到𢳂走咗少少蒜蓉先食。另外SAPPORO啤酒做一送一，唔想飲酒呢度都好多梳打同茶類可以叫。

最近朋友約我去咗「人生有限杯」尖沙咀新店，有室外及室內位置，中間有個圓柱位可以坐着看師傅製作串燒，不過我哋一行四人都係坐返枱方便傾偈。講返串燒，都真係好多款，$10起有五花腩、翠玉瓜、粟米、菠蘿等等。每串串燒都烤得好香，外皮烤到微焦，但裡面嘅肉質又嫩又多汁。非常超值！而其他價錢嘅串燒都好好味！特別係免治雞肉棒，配上日本蛋，沾上蛋汁味道真係一絕。除了串燒，店裏嘅小吃都好有特色。墨魚滑+紫菜+大蝦，製作成卷物大蝦的形狀，口感超棒。還有蒜蓉粉絲元貝及燒生蠔，吸收咗蒜蓉嘅香味，吃落去蒜香四溢，根本停唔低口。飲品方面，有好多選擇。我試咗百香果梳打，酸酸甜甜，喝落去好清新，搭配串燒一流。

今日黎到尖沙咀，試下岩岩係呢度新開的人生有限杯.串燒店，呢度主打平靚正串燒，係呢個時候居然仲有$10、$15同$20串燒系列，咁決定同大家試一試。[$10 串燒系列]一開始諗$10 串燒只係Gimmick，點知原來都好有誠意，首推一定係豬腩肉，油分足夠，肉質唔會鞋，調味有少少微辣。牛油粟米一大舊，味道有少少焦香，加埋牛油好香口，栗米肉都夠甜。脆肉瓜同燒菠蘿每串都有四舊，燒得夠Juicy唔乾，而且都入味。[$15 串燒系列]至於$15系列的串燒選擇都好豐富，首推一定係豚肉荔枝卷，一串有3舊，豚肉燒得香脆，裏面的荔枝夠甜同Juicy，食完即刻要Encore。之後仲叫左墨魚鬚同埋味增松阪豬。墨魚鬚肉質夠Q彈，仲好有誠意俾埋泰式辣醬夠晒惹味。松阪豬肉質爽脆，食落好似豬頸肉咁，配埋味增醬又有另一番風味。[$20 串燒系列]$20 串燒系列剚有唔少選擇，首推係雞中翼，佢將肉拆開，所以好容易就食到，而雞肉都保持鮮嫩，雞皮香脆。而雞皮好似整到一層層塔，本身都燒到夠香脆，我建議可以撈埋蛋汁一齊食。其他特色串燒推介免治雞肉棒，雞肉中帶雞軟骨增加口感，配埋生雞蛋汁真係無得輸。另外仲有呢度先有的墨魚滑大蝦卷，

人生有限杯.串燒店（尖沙咀）地址 ：尖沙咀赫德道4號The Hart 3樓🍢呢度嘅串燒都好出色叫咗幾款同朋友一齊食雞肉棒點埋生雞蛋 入面有少少雞軟骨，好有口感🐥雞翼燒得好好 雞翼入面仲保持肉汁 外皮香口🐷荔枝豚肉卷豚肉嘅香味滲埋入去荔枝卷入面 好配嘅組合 🐣雞肝 內臟位置燒得啱啱好 冇內臟既奇怪味道🐥雞頸肉雞頸肉好爽脆 係我最鍾意食嘅部位牛舌芯爽口彈牙 調味適中 係成條牛脷最嫩滑嘅部份鰻魚燒飯團搽上簡單醬油外面燒得香脆 簡簡單單已經好好味

唔係第一次食「人生有限杯.串燒店」，自從食過一次，覺得超級有驚喜，就返兜咗幾次！今次喺尖沙咀擴充營業，嗱嗱臨9秒9，見字即book！地點真係唔算難搵，就喺The One後邊，地鐵站D2出口轉過彎就係！呢次裝修有點驚喜！一行入門口就係巨大半圓形吧枱！可以睇住師傅席前燒串燒！🤩雖然係新開張，但係啲師傅全部都喺其他分店過嚟，全部都好有經驗👍身為一隻肥妹鬼👻試勻晒佢所有燒物，今次精選8款返兜之選：➊ 鹽燒西班牙五花腩 一開波就嗌咗六串，你就知我幾鍾意佢，價錢又平，夠晒鹹香，送啤酒一流！🍻➋ 鹽燒鮮雞皮燒雞皮唔係度度都有！燒到脆卜卜！又係送啤酒之選😆➌ 豚肉荔枝卷用豚肉包住荔枝肉一齊燒，果汁喺燒嘅途中，慢慢滲入豚肉，既有果汁嘅甜香，又平衡到豚肉嘅油膩感🐷➍ 黑松露金菇卷如果你要我嫌嘅話，就係略嫌黑松露唔夠大粒！但係金菇卷極度難包，手工+1，有別其他燒物，佢用咗燒汁慢烤，特別有另一番滋味😌➎ 鹽燒牛舌心牛舌肉質細嫩，外層有彈性，內里柔軟多汁，用嚟燒一流！👍➏ 焦糖菠蘿鵝肝醬多士之前冇食過，今次特登試吓！初頭以為係鵝肝…冇留意係鵝肝醬😂不過最特別係個焦糖菠蘿！原來同鵝肝醬都幾match！➐ 蒜蓉燒蠔

!!!!!人生 有限杯 串燒舖越開越多🤤由 旺角分店就開始ggg持⬆️係因為有次電話冇電急住借chargespot⚡️發現嘅宵夜勝地🤣最近連尖沙咀都開埋 好就腳🤤好難唔撐❤️‍🔥即叫即燒 仲要最$10起有交易🤝🏻最愛的生啤仲有買一送一🍻收工必劈 消除疲勞🎐🎏$10區鹽燒西班牙五花腩香燒翠玉瓜蜜糖燒菠蘿🎏$15區椒鹽雞軟骨泰式燒墨魚鬚豚肉荔枝卷🎏$20區鹽燒燒雞皮仲追加左蒜蓉欖角燒蟶子⚡️明太子忌廉烏冬 雪雪雪❄️宵夜 黎講 香港人最高評價 ：爽！又平又好食 任叫荷包唔痛 肚煲收獲滿滿 人生必須盡興❤️‍🔥

串燒間唔時都會食，菜式好多時都大同小異, 估唔到今次菜式有驚喜wo! 價錢又幾抵, $10-$20/串嘅選擇都幾多, 質素都唔錯。叫咗超多野食, 埋單先人均3舊水ja。🔸咖哩牛舌油炸鬼必試! 咖哩幾正宗, 少少辣咁幾惹味, 牛舌夠淋, 油炸鬼點咖哩汁真係冇得輸。🔸蟹粉日式豆腐豆腐味濃, 內裡夠juicy, 蟹粉味好濃郁, 每一啖都食到蟹粉同櫻花蝦, 滿足 🔸芫茜雞絲手抓餅手抓餅熱辣辣, 食落酥脆, 雞絲帶少少辣味, 加上新鮮芫茜refresh下, 幾有風味, 推介! 🔸黑松露燒雞肝 (上面嗰兩串）雞肝creamy, 味道濃郁再加上黑松露風味, 先$15, 抵食 🔸椒鹽+紫菜味 +泰式辣醬+九肚魚九肚魚炸得輕身配上小辣嘅泰式辣醬, , 幾過癮🔸白酒忌廉煮蜆清油煮蜆就食得多, 換咗做西式煮法有新鮮感, 蜆肉夠大隻鮮甜!🔸鹽燒芥蘭頭第一次食芥蘭頭, 食落係淡淡嘅清甜。🔸雞油炒雞毛菜香港好少可有得食, 用雞油炒完嘅雞毛菜幾香, 唔覺肥膩🔸鹽燒鮮雞皮超脆雞皮, 必點🔸紫菜鵪鶉蛋卷鵪鶉蛋味好出, 個人幾鐘意🔸港式蜜糖多士夾雪糕多士甜甜脆脆咁, 夾埋雪糕會一試愛上! 大推! 🔸汁燒雞隔膜 肉質緊實

尖沙咀有好多食肆，好多好食嘅都係隱藏係大廈裡面，呢間串燒店彌漫住燒肉嘅香味，港日fusion嘅氛圍即刻令人放低一日嘅疲憊。 🐷五花腩燒到邊緣微焦，油脂滴落炭火嗞嗞作響，加上豬肉本身嘅鹹香，調味撞出驚喜；🐷味噌豬用咗紅味噌，甜中帶酒香，配冰凍啤酒一流。🐓雞皮脆到似薯片，灑上七味粉食到吮指🐓免治雞肉棒混入秘製調味，蘸月見汁，食出童年回憶🐟白鱔厚切到似日式鰻魚，魚皮脆到「咔嚓」聲🦪元貝原個扇貝，加上港式粉絲同秘製蒜蓉燒，懷舊嘅味道🥦蔬菜類有心思🌱蘆筍卷香脆嘅豬肉包住滿汁嘅蘆筍，爽嫩交織🌱芫荽雞絲手抓餅根本係港版墨西哥卷，芫荽份量多到似深水埗菜檔，香口惹味人均$350左右，坐喺開放式吧枱睇住師傅用炭爐即燒，好適合一班friend飲住啤酒gathering。總評：3/5

人生有限杯很香港一直都幾受歡迎，今日我就去到佢哋位於尖沙咀嘅分店食飯。餐廳提供一系列嘅港式串燒，當中包括雞肉，牛肉，海鮮以及少少特色小食。鹽燒雞腿肉雞腿肉入口肉質彈牙，表面經過燒烤之後，帶有少少香脆嘅口感。牛舌心牛舌入口有香濃嘅牛肉香味，入口唔算太過肥膩。豚肉荔枝卷豚肉入口比較油膩，配埋荔枝剛剛可以中和呢一股油膩嘅感覺。蜜糖多士夾雪糕依一個甜品幾有心思，多士烤得好香脆，配埋蜜糖，味道非常出色。整體嚟講，我覺得餐廳每種食物都幾有心思，當中唔少嘅小食更加係發揮創意製作而成。

餐廳地方夠大，有開揚嘅室外座位，有落地大玻璃可以望到街景嘅室內位置，仲有可以睇到師傅燒烤嘅吧頭可以坐。串燒以價錢分類，簡單清晰，仲有一啲特別嘅小食、沙律、主食及甜品，飲品方面亦好多元化，有清酒、果酒、雞尾酒及無酒精飲品，當然唔少得嘅當然係生啤買一送一喇。十蚊區🥢惹味燒雞腳筋：Q彈爽脆，超好咬🥢樟樹小辣椒：微辣中帶鮮甜🥢蜜糖燒菠蘿：清甜無渣，食到最尾可以清一清味蕾嘅好搭檔🥢鹽燒芥蘭頭：清甜爽脆15蚊區🥢泰式燒墨魚鬚：鮮爽墨魚鬚再蘸點泰式甜辣醬，風味加倍🥢豆皮包蒜蓉：豆皮包裹住充滿蒜蓉香嘅餡料，喜歡蒜頭嘅朋友必叫之選20蚊區🥢鹽燒雞腿肉：啖啖肉🥢鹽燒鮮雞皮：脆卜卜中帶煙靭，食落亦唔覺肥膩。🥢紫菜鵪鶉蛋卷：煙肉包裹住鵪鶉蛋，面頭沾滿紫菜絲，層次口感豐富🥢鹽燒日本銀杏：串燒必叫之選，口感Q彈28蚊區🥢鹽燒牛舌心：爽彈juicy 🥢鹽燒鮮雞頸肉：質地爽滑帶肉香，並灑上清香紫蘇葉，增添風味48蚊區 🥢山椒鰻魚汁燒白鱔：皮香脆，肉嫩爽彈juicy，脂香豐盈惹味小食68份🥢墨魚滑紫菜大蝦：香脆嘅紫菜包住爽口彈牙嘅墨魚滑及大蝦，超好味🍹手打檸茶$28🍹桔仔薄荷鴨屎茶$28兩杯飲品都好清新爽香，飲落解油解

同朋友去搵好野食！今次發現左呢間好食又抵食既串燒店！啲串燒最平$10都有一串，特色d既小食就大概$48-$68，同fd 傾下計食下串燒都幾正！餐廳位於系K11後面，位置方便！鹽燒五花腩$10$10串幾抵食，不過鹽燒味同孜然味幾濃味下。鹽燒牛舌芯 $28牛舌芯爽口，相對五花腩無禁咸，鹽燒味出啲。鹽燒雞腿肉 $20雞皮燒到好脆，雞肉滑又juicy，推介！墨魚滑+紫菜+大蝦 $68創意小食，紫菜包住墨魚滑同大蝦，再去炸，貌相好似壽司，配埋明太子醬好好味。蒜蓉燒蠔2隻 $48$48有2隻都ok，啲蠔都會好細隻。鹽燒和牛牛小排 $48一分錢一分貨，牛小排肉入口有少少油脂，肉都好嫩。豚肉蘆筍卷 $28港式蜜糖多士夾雪糕 $48呢個見好多枱都有叫，特別叫左一份，味道不錯，不過呢個自己整都好簡單😂百香果梳打 $28食串燒通常都要叫飲品，呢杯甜甜地幾岩配串燒。桔仔薄荷梳打 $28呢杯就fresh d帶甘桔酸味，意外地好飲。