影片
同朋友食飯大家都想飲下酒食串燒就岩晒 一邊串燒加啤酒 一邊傾下計第一時間就諗起之前食過呢間人生有限杯大部份串燒每串其實都只係$18 $28 好抵食仲有最平$10 真心任你點叫食到飽飽都得 //蒜蓉燒生蠔(兩隻)//生蠔大隻入口鮮甜爆多蒜蓉加上蔥花同辣椒 味道一流 //牛油果卷//牛油果既新鮮甜配上豬肉既鹹香上面仲鋪咗蛋沙律同紫菜 口感好豐富 //牛小排//牛小排夠香油脂豐富 //牛舌//牛舌牛味濃郁 肉質彈牙 //咖哩牛舌手抓餅//呢個好特別 可配油炸鬼或手抓餅我地選擇左手抓餅 配手抓餅真係一流手抓餅入口外脆內軟咖哩香濃微辣 食得過癮牛舌味濃郁 口感軟淋 //鹽燒雞中翼//雞翼火喉控制得剛剛好燒至外皮金黃脆口但仍然Keep到雞肉嫩滑鎖住肉汁 //鹽燒雞皮//雞皮燒得非常香脆 //鹽燒赤雞頸肉//鹽燒雞頸肉有咬口 //免治雞肉棒//雞肉及雞軟骨的比例恰到好處保留爽脆的雞軟骨口感沾滿月見汁更惹味 //五花腩//五花腩層次分明 性價比高//豬肋肉//濃厚肉香 味道非常濃郁 一點都唔膩 //荔枝卷//荔枝同豚肉好夾荔枝味道清甜 中和左豚肉既油膩感//鰻魚飯團//鰻魚大件 飯焦好香有咬口 //蜜糖燒菠蘿//燒菠蘿鮮甜多汁加上蜜糖燒過可謂甜上加甜可以中和了食左甘多肉之後既飽膩感 //Sapporo Premium Draft生啤買一送一//買一送一呢件事真係會令人忘記價錢 愈飲愈多
繼續閱讀
🆕 尖沙咀新分店📌 新的餐單推出了各款嶄新、獨特的風味菜式且價錢亦為親民化。 串燒最平$10有交易🤝🏻啤酒做緊買一送一🍻岩晒放工同friend子鬆一鬆！（注意‼️$10-$20 每款要兩串起）🍢樟樹小青椒 $10/串 - ok 辣，嗜辣者必試！🍢免治雞肉棒 $28/串橙紅嘅日本蛋黃加埋醬油味道，富香蛋，又令免治雞肉棒肉更滑溜～🍢鹽燒牛舌 $28/串 - 薄身但燒完唔韌🍢牛小排 $48/串 - 多肉汁，有嚼感🍢鹽燒西班牙五花腩 $10/串 - 爽口唔乾～🍢豚肉荔枝卷 $15/串 - juicy又香甜～🍢麻糬豚肉卷 $20/串 - 煙煙韌韌嘅口感～🍢黑松露燒雞肝 $15/串- 好香糯～🍢豚肉牛油果卷 $28/串 - 有少少滑溜口感🍢味醂魚干 $38/份 - 乾身但唔硬，燒得香甜入味，配沙律醬～🍢芝士年糕 $38/份 - 係燒唔係炸～I like it~🦪蒜蓉燒蠔（兩隻）$48 - 蠔肉好嫩～🍘鰻魚飯團 $38/份 - 成件鰻魚放喺頂好吸引！ 飯焦幾香有咬口，鰻魚大件特別滋味～ 🍜明太子忌廉烏冬 $58/份 - 忌廉好香濃，加埋隻日本蛋撈勻食更香滑！🍺SAPPORO 啤酒 $48 🍻買一送一 ‼️‼️🍹桔仔薄荷鴨屎茶 $28/杯 都好fresh呀！
繼續閱讀
上次同朋友係中環分店食完，已經想再食😆知道尖沙咀開左新店，實在太好喇🤣新店有吧枱，可以一邊食野傾計，一邊望住廚師係火爐燒肉🔥🥩餐廳又播住大家都熟悉既歌🎶成個vibe都好正啊！價錢一樣咁親民，最平有$10起既串燒！餐廳職員都好友善，即叫即燒，上菜速度都算快🌟🥢鹽燒雞腿肉我本身都鍾意食雞腿肉，果然無失望😻雞皮燒得好金黃香脆又啖啖肉多汁，記得要order🫰🏻🥢鹽燒牛舌芯牛舌芯燒得岩岩好，厚薄適中夠彈牙，肉質又唔韌😁🥢鹽燒和牛牛小排係濃厚牛味🐮再簡單加少量鹽燒就已經好好味🥢紫菜鵪鶉蛋卷鵪鶉蛋一串3粒，加埋紫菜同埋沙律醬好香好滋味❤️🥢焦糖菠蘿鵝肝多士圓固碌既菠蘿好甜，中和左鵝肝嘅膩感🙂↕️//唔係煎既鵝肝，鵝肝入口好幼滑，多士又好脆，一份兩件好抵食😍🥢墨魚滑紫菜大蝦呢個新品擺盤好精緻🌟第一次食墨魚滑係用香脆既紫菜包住，裡面仲有蝦肉，好特別😆沾上明太子醬，更加美味～//醬有少少辣，但我呢啲bb辣都食唔到既都可以接受🥢汁燒雞隔膜呢個真係想食夠10串😂無誇張！第一次食雞隔膜真係好好味！入口同朋友一齊哇一聲，好有嚼勁油脂又夠香😆燒汁好好味！我第一啖係覺得好似係日本食串燒果種味道👅真係要趁熱食！🥢豚肉荔枝卷薄薄嫩滑既豚肉片卷住鮮甜既荔枝，呢個配搭好特別🙂↔️🥢芝士年糕 最近再次愛上左食芝士年糕，入口好煙韌，仲有d炭燒香味🥰🥢鹽燒西班牙五花腩以為五花腩係好油好肥，但竟然一啲都唔油😳🥢蒜蓉燒蠔建議趁熱食，蠔都算大隻🦪蒜蓉既量都算多，如果係蒜蓉迷應該會幾鍾意🥢焦糖雪糕三文治簡單用焦糖多士夾住厚厚既雪糕，食完串燒再食呢個甜品係完美既ending 📍人生有限杯.串燒店尖沙咀赫德道4號Hotel Hart 3樓#人生有限杯 #串燒 #高質 #尖沙咀 #尖沙咀美食 #香港美食 #foodiehk
繼續閱讀
今晚同班姊妹終於搵到一間串燒店可以瘋狂飲酒🍻兼食到舔舔脷！呢間尖沙咀赫德道新開嘅「人生有限杯.串燒店」嗌咗勁多嘢圍返都係每人三舊水左右😎真係好味又抵食😋.店內裝修走日式工業風🤩燈光暗暗地幾有feel😜中間吧枱可以睇住師傅即燒👍上菜速度都幾快❗️.🍢 必點推介1️⃣ 明太子忌廉烏冬（$58） 將蛋黃吉穿+忌廉+濃郁明太子混合😍鮮味到爆炸😍烏冬吸晒醬汁好好食😋2️⃣ 牛舌 $28/串厚切牛舌燒到剛剛加少許檸檬汁好彈牙又多汁😍3️⃣荔枝豚肉卷 $15/串油脂香濃豚肉包住清甜荔枝肉食落一啲都唔膩😋4️⃣燒生蠔🦪陣陣蒜香☺️蠔身夠厚帶子位好鮮甜 $48/2隻5️⃣鰻魚飯糰🍙飯糰燒到表面帶焦香😍鰻魚塗上甜甜地鰻魚醬再用另上既紫菜包住食😋 $38/個6️⃣焦糖雪糕多士 $48外脆內軟嘅多士夾住冰凍雪糕🤩焦糖甜香實屬飯後甜品必嗌👍除咗以上特別推介仲😂五花腩、雞腳筋 、雞肝 雞心、墨魚鬚蒜蓉豆皮 雞泡魚干免治雞肉棒 翠玉瓜同淮山都燒得好鬼正😍當中不乏10蚊雞串燒🤪超抵食❗️飲品點左荔枝檸檬梳打 $28荔枝甜香加檸檬🍋酸爽清新解膩👍飲完即刻想encore😂
繼續閱讀
同朋友喺尖沙咀行完街，想搵個地方飲嘢傾偈，發現咗呢間隱藏喺樓上嘅串燒店🫡座位有分吧枱同普通枱，我哋揀咗Bar枱，感覺氣氛好啲😮💨因為實在嗌得太多嘢食，分享幾樣個人覺得必點嘅~-🍖【肉類】厚切牛舌夠晒外脆內嫩，灑少少岩鹽同檸檬汁已經好正，仲好多汁😚另外必嗌嘅仲有免冶雞肉棒，外皮燒到微焦，點埋蛋黃汁超邪惡😆🦑【海鮮】蒜蓉燒蠔夠大隻肥美，味道夠鮮甜，蒜香十足另外泰式墨魚鬚彈牙得嚟唔會韌，配泰式醬汁微辣又開胃🥸仲有九肚魚，見到餐廳話必食，食落外皮脆卜卜，魚肉好嫩滑，好有驚喜🥹🍆【蔬菜】茄子燒到軟淋，食落好入味，蒜蓉香氣撲鼻，配上口感豐富嘅菜甫，一流😚🍜 明太子忌廉烏冬 ($58)忌廉汁creamy得嚟唔膩，明太子鹹香突出，烏冬彈牙有咬口，份量都好足！🍨 焦糖雪糕多士（$48）多士面頭嘅焦糖燒得金黃又脆口，配上凍冰冰嘅雪糕，冷熱交融好過癮😁🍹 特色飲品我哋嗌咗兩杯$38 cocktail，檸檬荔枝whisky果香清新，酒味唔會太濃，而青檸菠蘿gin酸甜清爽，解膩一流，重點係價錢真係好抵😆成間店嘅氣氛好輕鬆，價錢中等，食材新鮮，特別係海鮮類同牛舌真係值得encore。最正係可以一路食串燒一路飲嘢傾偈，不知不覺就坐咗成晚～
繼續閱讀