人人和平小飯店 (已結業)

今日係睇左KOL既介紹嚟呢度食飯，本身懷着期待嘅心情來到，12點來到時候已經要等位，確實係多人食飯嘅，同行兩人等咗大概10分鐘就入座都唔算好耐，坐左響餐廳既中間位，尚算舒適既。今日叫咗佢嘅鵝汁飯，燒鵝下庄，同例牌叉燒。先嚟咗叉燒，今日嚟嘅叉燒都偏瘦，份量正常，但同出邊食嘅正常叉燒味道差唔多，性價比唔高。鵝汁飯正常發揮，唔係特別好食，又唔係特別難食，值得一提嘅係佢用砂鍋裝住，會有啲飯焦，令整體味道提升👍。燒鵝嚟到係較熱嘅，但啲皮唔夠脆，比起其他連鎖店來講算係好食，肥瘦適中，送飯一流。今日整體來講算係OK既，但比起KOL既推介來講，算係遜色咗少少，可能係人多既關係？如果有下次，可能未必會再叫叉燒，轉食下其他嘢。

💛聽就聽人講得多，終於透過區既團購試到，佢地既燒味的確係出色既😋嗌左半斤叉燒同半隻鵝，雖然黎到凍左，但都食得出原底味道係正既！叉燒夠冧夠香，叉燒汁唔會太甜而且夠香，送飯一流😋😎燒鵝就真係打開盒汁已經聞到個味，雖然凍左但食落層皮都係脆既！！有機會堂食熱辣辣一定仲正🤤加上隻鵝唔算太肥亦唔係太瘦，所以食落都真係停唔到口😋加埋酸梅醬就更惹味！真係有機會要堂食！疫情下更加要多d支持香港既良心店💛

鮑參豐盛盆菜配滷水鵝 6人份 $1388材料: 墨西哥鮑魚，野生海蝦，海參日本瑤柱甫，花膠，金蠔，花菇，貴妃雞，元蹄，髮菜，鯪魚球，炸魚蛋，枝竹，蓮藕，芋頭，魷魚，豬皮，蘿蔔.同早兩日食連鎖快餐個盆菜，價錢貴$1000，用料，賣相當然好好多！不過根本冇得比較，正如我都唔會拎過酒店盆菜去比啦！無食過其他餐廳相若價錢的盆菜，純以這個盆菜比較，我覺得性價比都唔錯。.首先要講隻元蹄，原隻上勁大隻，夠腍夠入味。海蝦好大隻而且爽口，滷水鵝夠大件，枝竹豬皮夠入味，芋頭幾粉，蘿蔔好腍。整體食物大家都好滿意，最重要係大家圍埋一齊摷，一齊嘻嘻哈哈食得開心！

之前聽佢既盆菜聽得多，今年終於有機會食。鮑蔘豐盛盆菜盆菜擺盆好靚，真係符合佢既名「豐盛」，裡面有鮑魚、海參、海蝦、花膠、金蠔、瑤柱甫等等，而且每個食材都好大舊，絕對會比到你驚喜。底盆就有髮菜、鯪魚球、蓮藕、炸魚蛋、枝竹、芋頭、魷魚、豬皮、蘿蔔，全部都好入味，好好食😋。元蹄完全超乎想像，好大個，整得好淋，好味程度爆分。值得加分既係佢既醬汁，一落盆菜個刻已經嗅到佢既香味。佢既盆菜係可以加錢加量，我地8個人就叫左8人份，都食唔哂🤣。

朋友介紹有間嘅叉燒非常好食叫我一定要去試就係呢一間飯店啦枱面張紙已經有介紹佢嘅推介名菜咁我亦都見到佢有個「和平禦寒三寶」所以今日食咗冬天以來第一個羊腩煲呢個羊腩煲十分之足料啲羊腩好大嚿但唔會好靭塊皮都有成4-5cm真係超級個叉燒真係好值得我特登過嚟食呢個湯羹都好好味海鮮味濃郁帶子粒亦都好鮮甜呢個叫做懷舊琵琶豆腐個口感同味道都好幾特別未食過嘅，值得一試仲有嗌咗個海蜇同埋時菜個生炒糯米飯🍚唔記得影都好好食總括而言「和平禦寒三寶」好抵食，三樣都好必點

朋友介紹，當然要黎試下，反正最近就是喜歡到處食飯，舒緩一下抗疫疲勞。由地鐵站走過去，在北角與炮台山的中間，地點不算方便，秋天享受著清風還好，夏天就要考慮清楚啦。沒有預先book位，但是都有位，服務很好很貼心，把我帶到安排的卡位，尚算舒服。禦寒三寶正在做promotion. 有枝竹羊肉煲，招牌叉燒和生炒糯米飯。另外亦叫了百花釀蟹鉗。最後，想點甜品的時候，捧上紅豆沙，亦算貼心。可惜的是紅豆沙，還沒有成沙，有點水稀稀。不過整體還可以，值得再戰。

雖然在北角住了3-4年，但如果沒有朋友介紹，應該也不知道這家小飯店的存在。餐廳位於較少人流的堡壘街，名字易記又有趣，簡簡單單的道出希望人人和平的願望。和平四寶飯 這次光顧是在午餐時段，特別點了可以一次嚐多款燒味的和平四寶飯，畢竟燒味可是這裡的得意之作。四寶飯有叉燒、燒鵝、咸蛋、貴妃雞/醬油雞，雖然價錢($72)比平常茶餐廳貴一點點，但是份量都很足，而且味道不錯吃，比起附近的燒味店好吃多了！台式魯肉飯 跟平常吃到的魯肉飯很不一樣，不是肉碎，也不是立體長方形的肉條，看起來比較像小顆肉塊。雖然吃不到台式的味道，醬汁比較中式，但是喜歡肥豬肉的我覺得很下飯，而且還伴有4條青江菜，讓午餐可以多點纖維！總結：比平常茶餐廳/小炒店多付一點點錢，卻能吃到較高質與創意的料理，會想要繼續回來嚐嚐其他菜式！

好耐之前已經想去，不過因為地點係北角，比較遠，所以一直未有機會去，今次終於約到朋友去試下，結果出乎我意料，居然有黃店咁好食。晚餐時候，大概7/8 點，客人唔算多，唔洗等位。整體質素好好，各款菜式都係高水準。炒飯出色，鵝汁融入飯粒，飯炒得算乾身，配料豐富。叉燒都非常好食，有咬口，係市面上少見既蜂蜜口味，甜而不膩。服務態度一流，侍應好積極提供服務，仲會幫手推薦菜式，好有禮貌。下次會再去，會叫多幾個朋友，可以試多幾個菜。

呢間燒味舖十分之出名，就連我住新界都想過嚟講到朝聖一下😋難得嚟到講到食燒味飯，梗係要豪一豪，叫咗四寶飯😋啲飯一嚟到就流晒口水，真係太耐冇食過燒味飯呢個四寶飯喺邊，叉燒係呢間舖頭最出名嘅，我覺得有正常發揮得咸蛋就望落去都覺得好食另外一提，我哋嗌左杯凍檸茶，我哋覺得唔夠甜，想問吓店員有冇糖漿。店員同我哋講原來佢哋唔用糖漿🤓

喺臉書見到朋友食小菜，好似幾得咁！打聽下知道係呢間人人和平飯店，咁啱夜晚揸車過海拎野比人之後要搵飯食，又同老公想返舊居睇吓！咁好自然就嚟咗呢間飯店trytry!門口睇茶餐廳格局，早午餐價錢大眾化，可惜晚餐就一啲都唔大眾，平均2 人叫2 餸加白飯$400 元落樓！今日嗌左個燒腩仔加斑頭腩煲！個餸鑊氣十足，燒腩仔可能燒起左成日，未見香脆😌整體來講成間裝修都係茶餐廳格局！食物水準有嘅，但係服務就麻麻哋！一是無妨，但應該唔會encore 😆

人地叫外賣叫2盒，去到夾梗話叫左3盒，要比3盒錢，D態度衰到冇人有，叫D伙计比menu,扮聽吾到，講幾次先话，冇咼，上網睇，離Q哂谱，平時已经態度差，呢間店真糸離哂譜，已经吾系笫—次

估唔到中菜館會敢於發聲，而且星期日都有下午茶優惠。燒味餐單封面好吸引，出面食隻淨雞脾都要呢個價錢，唔貴。另一張下午茶餐牌平均$4X，感覺抵食既。燒鵝米粉- 感覺湯底係傳統中式既湯底，食開米線鋪麻辣的我會覺得有d dry。- 我從未食過咁正既燒鵝－－層皮非常脆口，d汁保留係燒鴨皮度，非常juicy（個人認為唔點酸悔醬更好）。服務- 由我坐低到落單有兩個待應非常關心我，好似怕我會餓親咁。- 到食飽，待應主動前來收拾。- 起身埋單走人，待應仲話下次多d幫襯。整體感覺唔似前面其他人寫得咁差，可能每次唔同，以上僅作參考。

食物真係好一般。但係最大問題係服務唔掂，叫咗食物有啲耐未到，諗住搵人跟單，揚咗幾次手都被當透明。講完，敷衍一句，又等咗20分鐘😑😑😑都唔知係唔係想做生意，個場又唔係坐滿人，都咁嘅景況。

上個月,一早約定老公同老爺喺大前日(13-6-2021 Sun)晚出街食飯,我睇咗呢間,就book定,原本想book7點,但呢喥話只可book6或8點,咁又係嘅,人哋要返枱o架嘛,咁就6點啦.我哋準時去到,坐喺最入面嘅卡位,睇完menu,要咗:2. $280.00一窩嘅茶樹菇螺頭燉雞湯落單時,我問一盅分到幾多碗?亞姐答5,6碗喥,而端上嚟時,亞姐醒目地將佢放喺隔離枱幫我哋分.湯渣唔少,湯嘅顏色好深,亦都好熱,呢個圓肉味濃,豬肉好腍好鬆軟,正.味道: 4.5分4. $195.00嘅黃豆醬枝竹麵筋炆班頭腩煲枝竹炆得夠腍,班頭腩啖啖肉,麵筋好重豆味.呢個份量好多.味道: 5分3. $38.00一隻嘅百花炸釀脆蟹鉗,要三隻呢個飲宴至食到嘅菜色,呢喥可以散叫了.一上枱,老爺已經讚佢炸得靚,口感正常爽,冇問題. 味道: 5分1. $218.00細嘅和平燒味併盤睇見蜂蜜叉燒個樣好靚,食吓先,佢係半肥瘦,鬆軟,蜜味又好夠,好正,好耐冇食到咁正嘅叉燒喇,不愧為招牌燒味.味道: 5分燒肉係燒腩嘅位,口感鬆軟,但有啲膻味,皮就有啲脆有啲硬.味道: 4分爽木耳酸中帶辣,ok嘅.味道: 4分爽海蜇重麻油香,但鹹

今日同屋企人共4個人去食晚餐，打算補食呀媽節飯，呢間幾年前食過係唔錯嘅，但係今次去就差左好多我地叫左個4人餐再加左2個餸，加加埋埋有成10道野，3個字唔夠一次過上曬，完全唔理你食唔食得切同張枱擺唔擺得落，佢張4人枱又細，擺到擺唔落都仲想夾硬擺低，可能因為我地冇訂位，佢想逼我地快D食曬唔好阻佢返枱掛講返野食，海蜇超咸，好似擺粒鹽入口咁，個蟹肉羹好水，而且好重味精，我要一路飲，一路飲茶送，個燒鵝係正常嘅算唔錯，煎米粉好硬，而且個汁唔岩我口味，自己轉左去點燒鵝個汁即刻好食好多，豆腐煲係正常嘅，只係味道偏重，咕嚕肉嘅菠蘿唔錯，其他我冇點食就唔評論，重點係，一路食，一路口渴，意味住味精應該冇少落，好彩佢地嘅茶真係好飲，我飲左好多杯，20分入面有10分係俾佢壺茶嘅，其他嘅勉強俾個10分，真係冇以前咁好食，冇比較冇傷害而且超失望，最後想講嘅係佢嗰度冷氣完全不足，食完成身汗，有個別幾個服務員好悔氣，應該唔會再去啦