亞參雞飯 (The LOHAS康城)

營業中

休息中

最近走咗入去新市區日出康城找好野食，今個下午便試一試呢間既下午茶精選手絲雞湯河，見佢個圖都幾吸引好似好抵食，不過見咗真身你就會發現都算係幾大出入，因為啲雞絲真係小咗啲😅，個雞湯係夠味既，河粉都好夠份量和真係好滑，反而重點雞絲就唔多滑有點「鞋」口......下午茶還包了杯飲品，當然就會試特色南洋咖啡，個杯幾精緻......但又係細杯咗點，心想這個價錢都算吧！應該會再幫襯的☺️還叫了份班蘭咖央多士，好濃味又鬆脆，因為要熱食一上枱沒影相就食了，值得一試😋

今日係復活節假期第一日，一行二人，到到康城商場涼冷氣， 出去抖抖氣，約下午6點已經肚餓， 最後選了亞參海南雞飯店試試，之前係第2區已經想試，點了1) 招牌海南雞飯好有馬來西亞特色，雞湯好濃雞味，一啲都唔油，海南雞夠滑，油飯香口，配醬汁味道剛好，有水準2) 馬來咖哩豬扒飯少少辣，好有椰汁味，配埋薯仔，食得出keep到馬來特色，讚3) 凍柑桔特飲(跟飯另加$10)唔夠冰，但好有金桔味，下次要叫佢加冰4) 凍香茅薄荷特飲(跟飯另加$10)如果食完辣野，飲呢個薄荷香茅特飲又解辣，又解渴，又唔太甜，正，推介而家香港地竟然仲有連鎖餐廳冇加一， 真係難得，會再光顧!

我是海南雞飯迷見到新開張就去左試食食過將軍澳同又一城兩間唔知係心理作用定點覺得將軍澳呢一間係好食啲又一城嗰間雞皮超級肥好多皮都唔食得湯冇咁好飲但係將軍澳呢一間湯嘅味道好好料好足 有好多冬瓜同磨菇味道有啲似酒樓嘅冬瓜盅 好味既雞肉超級嫩滑 係雞胸肉都好嫩滑而雞油飯軟硬亦剛好🥲幾香有三款醬料可以揀 叫多左個炒通菜菜就正常發揮啦 都好食既整体係幾好既 會一去再去👍🏼👍🏼👍🏼👍🏼👍🏼👍🏼😌😌😌😌

知道康城開咗個新商場😳✨所以同朋友嚟行街🤤午飯就決定食我最鍾意嘅海南雞飯❣️呢度啲海南雞飯好高質😋好好味💯💯💯建議大家嚟康城行街就試吓啦🤤1.亞參去骨海南雞飯 $88 💯🤤❤️呢個飯係用咗雞味特濃嘅三黃雞👍🏻肉質非常之嫰滑👍🏻睇得出烹調方法用咗好多心思肉汁鮮嫩豐厚👍🏻🤤再點埋三種秘製醬料各有風味，而我最鍾意嘅就係點辣醬👍🏻呢個套餐仲會配埋一碗雞油飯同清雞湯🤤嗰雞油飯飯粒分明🤤雞湯味勁濃入邊仲有啲蘑菇同埋湯料🤤Feel到係勁新鮮😌😋😋😋成個飯都好好味😋令人難忘👍🏻終於尋覓到99分的海南雞飯❤️🤤2.香烤豬肉串🤤✨追加優惠✨好好味👍🏻必食記得要點埋佢配嘅辣醬😍呢個豬肉串外脆內軟😆好好味呀！配埋個薄荷特飲👍🏻

以咁嘅價錢，食物質素算唔錯。雞飯喇沙其實食得過。可惜啲員工嬸嬸講嘢倔無尾音，問多句就好似怪你阻住佢做嘢咁。幾好食都打節扣。試過兩次外賣兩次堂食，有lunch time有晚市都有同感。

1️⃣🧈鮮牛油🧈咖咉多士✝️，好味甜度適中😋；2️⃣🐔海南雞飯，🐔好嫩滑，油飯好香軟硬適中， 🐔湯香濃👍🏼🤤😋，3種汁醬都用心製作；3️⃣🐮巴東牛肉飯，香辣，不會死辣， 伴菜的炸魚仔都好香脆；4️⃣魚餅都好味喎；5️⃣蝦春卷就👌🏻。

周末食午餐 點了海南雞飯冬瓜草菇湯 都清 夠味海南雞 好多皮 又鞋口 麻麻地 但味道係不錯的個油飯 就好好味 唔會好油 軟硬適中 好易食晒成碗飯3個調味都無乜特別跟餐要了凍咖啡 唔會好淡 仲好濃味服務態度幾好

我因為聽朋友講, 亞參的海南雞飯好好食, 所以便去了.真的, 他們的海南雞飯好香, 好滑, 我好滿意. 我下次都想買隻雞返屋企做節, 和帶埋亞仔去食, 因為我個仔好鍾意食海南雞飯.回來後, 本來沒有打算寫食評, 但當我隨意看看在openrice的食評時, 卻發現有人覺得他們的服務態度不好.但這個我不太認同, 我覺得他們OK丫, 是踏踏實實在做野的人.尤其是高高瘦瘦短頭髮嗰個女仔, 我覺得她幾好, 好用心去聽人地的要求, 並且盡力去完成.

平日的一個星期四中午，第二次來位於將軍澳康城的亞參雞飯，為的就是再次品嘗他家的雞絲湯河。這次與家人來，所以多點了幾款菜式試試。熱辣辣的湯河送上桌面，迫不及待地就往嘴裡送，正啊！濃濃的雞湯～跟第一次一樣地讓人驚艷。爽滑的河粉伴著雞香味，不但一點都不油膩，而且鹹淡適中，雞肉嫩滑，確實是店裡必試之物👍🏻 另一款讓人印象深刻的是咖央多士，咖央的微甜與牛油的微鹹，夾在脆熱的多士中間，絕配！再看看家人點的海南雞飯，(圖中的雞油飯已吃了幾勺) 賣相相當不錯，無骨海南雞的分量一點都不吝嗇，家人邊吃邊對它的味道讚口不絕。不稍半刻，豬手就上桌了。哇，好大一盤～(吃到一半才記起拍照)，肉確實嫰，不過剛剛的河粉加雞湯已經滿足了我的大半的胃了，看來這分量，下次豬手可以點半份就夠了😂另外的幾款小食，不過不失，倒是可以說說它的環境，座位舒適，就是點了一份豬手，而且上菜快，桌子顯得有點小了。總的來說，這家亞參值得再來！

听讲康城有一間亞參雞飯，同同學一齐來試下。真係出乎意料嘅好味！雞好滑好嫩，雞味非常濃郁，又有油香！油飯好入味飯粒分明！湯絕對沒味精！依家好多出名嘅海南雞飯，除咗食到嫩滑之外，其實雞味真係食唔出，呢間餐廳做得唔錯，抵讚！仲有，啲姐姐服務都好好！雖然好多人排隊，但係佢哋都好熱情。總之呢間餐廳我啲都好鐘意！

叻沙湯底不錯,幾有新加坡食到的風味,海南雞飯無咩特登,唔算好食,重點係某個侍應阿姐服務態度很差,連基本禮貌都沒有, 黑口黑面粗聲粗氣,對話似係訓斥食客,似唔多想做咁,不知所謂,就算野食ok都無下次。完

今日經過亞參雞飯，見到佢有句口號《尋覓99分海南雞飯》，見佢講到咁巴閉，就試下先。入到去，一睇menu，成88蚊，少貴，不過都係試咗先。個餐嚟到，飲咗個湯先。幾有驚喜！除咗有啲草菇之外，個湯都好重雞味。加分！開始食飯啦，個油飯都唔錯，好夠味。海南雞都好滑，重點係雞翼都去骨，加分！ 至於海南雞嘅靈魂所在，就係果三隻醬汁到。三隻醬汁都太重味，甜嘅太甜，鹹嘅太鹹，辣嘅太辣。扣好多分！結論 :環境7/10食物6/10飽肚6/10CP值4/10完全稱唔上99分嘅海南雞飯！個湯值15蚊，個飯值50蚊左右！

第一次嚟康城食嘢就揀咗呢一間餐廳果然冇失望喎老實講餐廳唔算好坐位置有啲迫夾不過香港餐廳係咁上下佢裝修新淨望落都幾舒服我叫咗個招牌海南雞飯（$88）老實講$88都唔算平但我又覺得值得喎首先講吓佢個油飯粒粒分明好香但又唔會好油啲雞夠滑又有雞味呢樣真係好重要至於個湯雖然雞味唔濃但用嚟送飯都幾唔錯熱辣辣重點好食過K11過江龍好多好多有比較之下就覺得呢間好好食另一半嗌咗馬來咖喱雞撈麵睇個樣都知好食啦鍾意佢有秋葵夠健康不過啲雞就頗多骨而且個咖喱都真係幾辣食得辣先好嗌呀個面就好彈牙好啱做撈麵我就鍾意海南雞飯多啲嘞佢依家$38兩個小食好抵我哋嗌左烤豬肉串熱辣辣 甜甜地都算好食但就冇乜豬肉味唔算好推介馬來斑蘭咖央多士就必試啦脆卜卜中間嘅醬一啲都唔吝嗇好好味我加咗$10要個馬來咖啡已經嗌左少奶但都好鬼甜麻麻地......另一半嗌咗馬來拉茶但佢都覺得太甜整體來講環境都尚算靚，但位置比較迫服務幾好，姨姨都好有禮貌食物都幾好食架，但就唔算好平缺點飲品比較麻麻地整體來講我覺得呢間都係好食嘅餐廳將來嚟康城我都會再食㗎提提大家呢間係太興集團嘅餐廳黎～

侍應對客人嘅禮貌連基本都冇。排咗一陣個侍應先兩手fing fing 行都唔行過嚟，塊面勁黑咁問有幾多位講完之後仲樣衰衰咁叫我哋企埋一邊🤷🏻‍♀️其實店入面本身都有空位而我哋有三個人所以係兩人限聚下要分開但係其實問下可唔可以分開都可以掛過咗一陣後面有兩個人嚟咗佢就即刻邀請同安排嗰兩個入去坐⁉️仲要無嘗試過同我哋交代...本身已經聽講啲食物唔好味，態度仲要咁差，唔會有下次！

超正！好滑嘅海南雞，真係好似餐廳嘅標語咁：99分嘅海南雞飯。喺香港，好難食到咁好味嘅海南雞飯。加一份芽菜，就同馬來西亞怡保海南雞飯好match喇。建議餐廳可以再加D菜色，畀食客多D選擇。一定會再返黎食。