亞參雞飯 (又一城)

營業中

休息中

今日第一次去呢間餐廳，一入內坐低已沒人理，我自己用QR CODE點餐，本來都正正常常，但其中一樣小食我等左成50分鐘，期間覺得奇怪，已問左職員4次都沒人跟進，只叫我等，有一兩位職員甚至只係望一望我就行左去，完成唔知咩情況，我一度想唔食走，因為太晒時間。去到最後問第五位職員先話係甩左單，到真正上到枱係60分鐘！！等一份小食等左足足5～60分鐘，真係離晒譜，呢間食店的職員態度好差，其他未試過，但至少不會再幫襯又一城

Come over for a late lunch. Tried to get a seat but the waitress’s attitude was so poor. No one cleaning the empty tables. After a while I decided I had enough and went next door instead. Not going to waste my money in a substandard establishment.

和同学一起逛又一城的时候，路过了这家店，觉得价格还算是能接受，就进来解决一波晚饭，我点了，马来咖喱猪排饭，我同学点了一份最经典的亚参鸡饭，还配了两份小食，个人觉得这两份饭的味道还不错，至少配得上这个价格。

開咗好多分店嘅阿參雞飯，終於有機會食到。位置在又一城food court 入面的一間獨立舖。是食馬來西亞、新加坡菜。海南雞飯必食，有雞味，雞肉嫩滑，配三款醬料。飯味道適中，唔會太油，夠乾身，粒粒分明。這個喇沙又係必叫喇沙湯底味道濃郁好夠椰香味有蝦、荳腐卜、魚片、芽菜、雞蛋米線淋咗少少多士好脆，咖央唔係太甜，配埋鮮牛油，好食。炸魚餅，我覺得唔好食。香茅薄荷特飲，味道夠清新，不太甜柑桔特飲，甜酸味適中。總結：茶餐廳格局，座位舒適，衛生。晩飯時間客人少，不擠迫。海南鷄飯不是特別出色，但可以接受。因為我係重口味人士，所以特別鍾愛湯底濃郁嘅喇沙米線。阿參的喇沙米線和海南雞飯可以媲美Chatterbox，但阿參價錢比較便宜。有機會我會再幫襯阿參。

我其實一向很少食馬來西亞餐廳，但是上個月食了數碼數碼之後，就對馬來西亞餐廳改觀，是日我去了九龍塘逛街，見到有這一間馬來西亞餐廳於是試一下，當時我點選了一個下午茶餐， $38的雞絲河粉，然後再點選了多士，再加多個肉骨茶，因為要泊車夠$200 ，所以再加多一碟30多元的通菜，四樣東西加起來吃完之後不覺得好味，也不覺得飽肚，是不是敗筆呢？肉骨茶80多元，但是出來的效果只得兩條骨，裏面只得幾個豆腐卜，而且味道一般般😅

諗住行又一城攰攰地 搵個坐得舒服d既位食個飯 行入黎又無人打招呼 好啦 搵位坐啦 明明成間野勁多位係要叫我坐埋去搭檯 我係要自己坐埋一邊 個職員就係要叫d客坐過黎😂心諗係咪挽野好啦 野食黎啦 又黎錯左 比左隔離檯d野食我 仲要黎錯3次 好心問佢係咪黎錯個職員話「你張飛擺出d丫麻」我即時講話「姐係原來係咪我錯？」個職員扮聽唔到就走左去大家千其唔好幫襯 不知所謂餐廳 野食又唔係好食價錢又貴 服務極差 食個肉骨茶80幾蚊 甘既質素 出面大把

今晚又食下東南亞野先 🥰今晚叫左 馬來咖喱豬扒飯 同 咖喱雞撈麵當然唔小得 #斑蘭咖央多士 另外加多個 鳳尾蝦春卷飲品叫左較清爽既 薏米水同 香茅薄荷特飲馬來咖喱豬扒飯同咖喱雞撈麵，咖喱汁夠香濃撈麵及送飯一流，但可能巧合今次雞肉以雞翼為主，雞肉略為唔夠熟斑蘭咖央多士非常鬆脆，配合鮮油同濃厚咖央醬，必食推介👏👏👍🙆‍♂️🙆‍♂️🙆‍♂️鳳尾蝦春卷中規中矩，外皮炸得夠脆口，唔會太油。個人評價： 總結 3/5星

可能舖頭十一點半先開門，11點九入去啲員工未瞓醒？明明見到你都會行開，招手左5分鐘先行過來，然後點菜會期間講講吓會突然間行開，搞到我唔知仲講唔講落去好…..勁尷尬😅然後我要轉一個大背，擰轉同佢繼續講。落完單又唔知係咪真係落完。粒聲唔出就行開咗。上菜嘅時候，明明我一個人坐，但將食物擺喺我對面個位😅😅😅😅然後海南雞飯上枱嗰一下，將個雞飯盤撞到我。😂😂😂😂我係咪得罪咗人🤣🤣🤣🤣我自問係一個正常冇西面嘅客人，並且第一次為咗服務而寫食評…

今日放假，早上開車來九龍塘又一城逛逛，已近中午時分，就上去food court嗰層打個圈，打算只來個輕食座一會便是了！突然見到亞參的招牌，勾起了我想吃喇沙的心癮，就走過去吃一碗吧，再加我至鍾意的咖央多士！喇沙奉上来帶著陣陣香味，一嚐口湯便感到花生味加海鮮味道，但是温度稍不夠熱度，而麵條質感過腍過軟！幸好蝦本身夠大隻又爽口，而咖央質素還算合格，脆口而牛油和咖央醬比例剛好，吃飽了總算大至滿足了自己的肚腹！

原本打算食$38 雞絲湯河 不過賣到17:30，我哋17:40去到。叫咗個免加一嘅$89海南雞飯🤩份量同味道都比想像中好🤓雞油飯好香有薑黃味都重雞湯好清甜 有冬瓜添 唔重味精味海南雞份量合理 亦唔會鞋加$10 叫左個南洋咖啡☕️唔會太甜 香濃綿滑

之前一直都好想去依間食，想試吓佢個海南雞飯。所以都對佢有啲期望。當日叫咗海南雞飯套餐同一杯柑桔特飲。雞香飯同清雞湯味道唔錯，個湯都有少少雞味。但可惜主角 - 碟雞唔得。啲雞肉口感唔得，咬落去冇乜口感。啲肉太軟，軟得來有啲「霉」感覺。至於杯桔柑特飲，實在太酸了。我本身都鍾意食酸野同飲酸野嘅人，但佢酸嘅程度實在頂唔順，而且亦唔好味。環境尚可，由於我係星期日下午去，所以較多人，需要排隊。但總算唔洗排好耐，大約等咗5分鐘就有得入。

經開又一城，突然想食海南雞飯，諗起有間亞參，於是走去試下。環境唔係好大，遇著食飯時間都要排長隊，好彩咁啱有張2人枱，服務員比我地插隊入先同老公一齊試下海南雞飯，呢間既雞係用三黃雞，雞味係濃郁啲，通常整海南雞都會過冷河令到雞肉雞皮收縮增加口感，但就會皮肉分離，呢間皮肉分離無咁多。三個醬中最有驚喜係薑蓉麻油，個麻油香到係一食就成口爆發麻油味，一試難忘。油飯味道都好香濃，好味，但略嫌有點過膩，整番爽身少少會再加分。拉茶幾好飲，雖然無港式茶味咁濃（其實我幾怕太濃茶會瞓唔到覺），但少少偏甜，有南洋奶茶風味，呢樣加分

因為其他餐廳等唔到位，所以就入咗嚟亞參雞飯食下午茶餐，都等咗差唔多半個鐘先入座入到去好肚餓，唔好諗咁多，即刻叫咗個下午茶餐最優惠係凍嘢飲唔使特別加錢，包括特飲薏米水、美祿可惜去到主食，即係碗雞粉，就唔係幾得，一嚟到就見到成碗都係油，肯定唔係嗰啲無激素雞嚟，不過咁嘅價錢，係咁上下啦，仲要係又一城，好難有再平過佢嘅嘢食。碗河粉真係肥咗少少，怕肥，下次應該唔會再食。如果貪平嘅話，都不妨一試

原來去洗手間要先埋單！ 重點是極低質素的客戶服務。 令人反感。 你在倒你公司米。 服務員阿姐。 原來去個洗手要埋單先呀?！ 嘩！乜原來D客戶服務可以差到咁！ 我所有隨身物品仍在。 吾通你驚我為左38元而放棄隨身物品？D服務真係差到爆！ 連解釋都懶。 真係可悲！

D waitress服務極差，揚手叫佢地，3、4個waitresses都係會兜口兜面當見你唔到，甘既服務質素連茶記都不如，仲可以出言話返D客轉頭。宜家尼D歺店四圍都有，佢收甘既價錢,唔會再幫襯了