亞參雞飯 (又一城)

營業中

休息中

原來又一城除咗food Court之外，仲有一個corner位有平民美食，今日睇完戲就嚟咗呢度食亞參雞飯。既然主打海南雞梗係要叫返碟嚟試吓，油飯入口夠香夠油潤，海南雞啖啖肉，入口滑嘟嘟唔會乾爭爭，個人就最鍾意點甜豉油～清湯入口亦夠晒甜～肉骨茶散發香濃藥材味，入口甘甜，排骨咬落鬆軟有肉香，熱辣辣煲仔上飲完全身暖笠笠！嚟到點可以唔叫咖吔多士，脆口多士配上一片厚牛油，在上一層咖吔醬，超邪惡但勁好味！仲有爽彈蝦餅，食到一粒粒蝦肉，唔錯！今晚點嘅兩款飲品都幾好飲，香茅薄荷特飲散發獨特香味，剛好可以沖走肉骨茶嘅藥材味；薏米水飲落甜甜地又有薑味，夠晒暖胃！

📍亞參雞飯 (九龍塘)九龍塘達之路80號又一城L2層28號舖亞參去骨海南雞飯跟清雞湯：餐廳貼心將海南雞去骨，令食客方便進食，無論雞皮定雞肉兩者口感好嫩滑亦吾乾添，配合埋三種醬料點用，味道相當配合。另外雞飯飯粒明，在濕與乾之間，裝得幾滿。而清雞湯咸味岩岩好，整個set推薦大家order~新加坡喇沙米線：個人認為依款喇沙湯底岩晒喜歡重味既朋友仔，由於湯底極濃郁咸咸辣辣，再配以米線食，味道好惹味！至於配料包括有蝦、豆泡、雞蛋等等，所以食落吾會太過單調啊！香煎手作蝦餅：有驚喜既蝦餅！蝦餅以煎非炸方式煮，令食起黎吾會太油膩太罪惡感。蝦餅好爽口又彈牙，仲充滿蝦既鮮甜味添！再配以辣醬食，味道更好！班蘭咖吔多士：多士烤得幾脆口，牛油吾算多，所以食落亦吾會太漏，反而變得香口。但班蘭醬略為不足，吾太食到有甜味。柑桔特飲(凍)：由於個人口味喜歡酸，特意order柑桔。味道多酸，亦會有甜既味道，岩晒一邊食主食一邊飲。馬來拉茶 (熱)：沒有茶澀味，已調教好甜度，甜甜得又吾會過甜，奶同茶比例剛好，味道香濃，口感香滑。

朋友勁鍾意食海南雞飯所一定要帶佢嚟呢度試吓99分嘅海南雞飯九龍塘呢間分店都幾大好多食客都係外國人見到呢張poster 想即刻飲返杯拉茶同埋食咖央多個杯好靚味道不錯朋友嗌咗凍嘅都話好飲必試！好香脆補返張近鏡先，好邪惡但好好食呢個鳳尾蝦春卷都唔錯不過油咗小小到主角海南雞飯雞嘅份量真係好多嫩滑而且本身入味所以$91 都唔算太貴覺得個油飯勁好食好香有3款醬薑蓉、辣醬、甜醬油我最鍾意辣醬有啲泰式嘅感覺、辣辣哋幾好食最驚喜係呢個可能因為天氣凍、覺得飲肉骨茶好正個湯好香胡椒味、蒜頭味因為係可以見到佢將啲蒜頭煲溶晒T字骨都好好食推介大家試呢個

今日去左又一城食海南雞飯。我哋點左主菜，加$10就可以加配一杯飲品，仲有個追加優惠，兩個小食都係$39，而且全日免加一，好抵食。新加坡喇沙米線：蝦已去殼好有蝦味，魚片切成條狀夠彈牙，豆腐卜、芽菜、通菜同米線滲透晒個湯既精華，成碗呈金黃色，賣相討好。湯底充滿咖哩香、椰香，配以新鮮南洋香料精心烹調，香辣惹味。亞參去骨海南雞飯（配雞香飯及清雞湯）選用雞味特別濃郁的三黃雞，雞肉有啫喱膏，雞脾位特別嫩滑；無添加清雞湯有豐富的椰汁及雞骨香；雞飯香更以濃濃的雞湯煨煮、粒粒分明。食雞又點少得薑蓉，辣醬帶鮮辣椒香，黑豉油很醇厚，果然係99分海南雞飯。香煎手作蝦餅（3件）蝦肉爽口又新鮮，即叫即做，配上甜酸醬，無得輸。班蘭咖央多士（4件）濃香幼滑的咖央醬加上薄切牛油，好邪惡。柑桔特飲：加左話梅，酸酸甜甜，好解渴。薏米水：用薑特別淆製而成，喝後很暖胃。

🐔海南雞飯套餐附送左油飯同埋雞湯，雞肉已經去骨，肉質都唔錯🙆🏻‍♀️雞湯亦都唔會太油膩，裡面有少少冬瓜粒，整體份量都好足夠🐟酸辣亞參魚店員會即場用個爐heat住，魚嘅肉質都幾滑，唔會太多骨，食起上嚟都好方便相比條魚配菜反而令我更加impressed😙有幾舊茄子、唔少秋葵同埋好多洋蔥絲😝吸晒酸辣湯汁好開胃🦐鳳尾蝦春卷佢係網紙春卷，味道都唔錯🤔略為油咗少少🍞班蘭咖吔多士 一份有四小件🍞裏面有塊鮮牛油同埋少少班蘭咖吔醬，多士烘到好脆🫶🏻好香口🍊柑桔特飲味道酸酸甜甜，就算叫咗小甜都唔會太酸，幾fresh🥤馬來拉茶見到唔少comment都話態度麻麻地🤔但係當日餐廳員工態度都唔錯👍🏻

職員服務態度勁差！係職員面前佢都可以扮睇你唔到，問佢嘢態度好似覺得你好煩 好耐冇食到一肚氣！由於入去食前有問清楚小食優惠係咪只限外賣，問清楚堂食有冇，職員勁西咁答有。咁咪入去食，費事煩。行到入去同職員講幾位，佢好似視而不見咁，最後竟然係由食緊飯嘅職員安排位置。坐落想點餐，嗌職員冇人應，過咗陣終於搵到行過嘅職員，佢勁快咁話係QR code度落單。見到隔籬枱都想落單，問個職員點落，對方又係好快咁話喺QR code度落單，根本都講唔清楚，隔籬枱客完全聽唔清又要再搵過職員過嚟，然後個職員先發現冇俾個QR code對方。係點餐個陣發現冇小食優惠，職員話你叫咗系統會自動同你扣，咁照嗌啦，嗌完發現系統冇扣到，呢個時候野食上齊另一位職員先話要叫主食先會有優惠⋯⋯ 咁我講返問咗兩位職員都冇人同我講過優惠係要嗌正餐先有，好彩其中一位好啲嘅職員幫我改返張單個價錢。去到埋單其中一個職員語氣勁似質問我張單點解係呢個價錢，咁我解釋返件事，佢語帶質問係邊個職員同你咁講，好彩當初我入嚟有留意到職員名牌個名，仲有唔係每位職員都有名牌，如果冇留意真係百口莫辯，同埋你同事都改咗張單啦仲要質問我，而家係店方冇解釋清楚，反過嚟

今日星期天来了又一城影院帮衬古仔的《明日战记》看了一个中午场。一点钟左右，刚刚好肚饿，影院旁边就是亚参，没有等多久就坐下来叫了一个去骨海南鸡饭（$91），和一个喇沙米线（$83）。海南鸡已去骨皮嫩鲜滑，配3个酱料，鸡饭和冬瓜鸡汤也不错。米线的味道比较浓郁，里面的料还算足。另外叫了一个柑橘特饮（$10）和马来拉茶，（$10，感觉比较甜了一点）还有一份马来斑斓咖央多士（$27），吃不了带走。下次有机会会再试试别的样式，总体评分3.5 out of 5。

嚟到又一城，好多餐廳都好貴🥲揀咗一間價位可以接受，又好似幾有特色嘅星馬菜～夜晚唔算好多人，坐卡位都好舒適😄我哋叫咗一個亞參去骨海南雞飯 ($91)～雞香飯整得幾好，粒粒分明亦都幾香，雞湯就都幾濃味，不過略油少少～啲雞都幾滑，份量亦唔少，食完一個應該都會覺得幾飽😗叫咗雞飯可以用優惠價$39加兩款小食，都相當抵😗首先叫咗個班蘭咖央多士，咖央醬好味，椰香味重，唔會過甜，不過如果牛油可以多啲就更好😆另一個小食係特色秘製炸魚餅～我覺得呢個幾好食，香茅味好重，同埋口感都有啲彈牙，辣辣哋好惹味！另外仲叫咗一個馬拉盞通菜 ($33)😆呢個味道就唔錯，通菜爽，馬拉盞都好惹味，但相對油就多咗啲～仲可以跟雞飯用$10加杯嘢飲，柑桔特飲好酸🤣不過我覺得好開胃，幾好飲～有好多人話服務差，但因為都係手機落單，好少接觸店員，呢樣我就不予置評喇～食物味道就都ok😄

亞叁雞飯 🐔禮拜五 Happy Friday 又一城周圍都好多人等位食飯，所以決定食冇乜人嘅亞叄，味道同平時差唔多，但職員服務態度麻麻。不過咁啱坐窗口位望住溜冰場都幾開心- 海南雞飯- 小食(咖央、豬肉卷、魚餅）

今日中午12:05叫了一份海南雞飯外賣，職員話等10至15分鐘。等候期間見堂食不斷有上餐，在等了20分鐘後，追問還要等多久，職員話入去睇睇。期間又係見堂食有不斷上餐。那職員一去無回頭，終於等到30分鐘仍然未有，已經不能再等，因為趕時間，同職員講要取消外賣，並投訴為什麼要等這麼久，而其間一份外賣也沒有出過，見我前面在等的外賣員和我後面的外賣客也一樣等了很久。職員竟然一聲不響，完全沒有道歉，只顧到收銀處退錢給我然後就行開了！這是什麼態度！你哋餐廳不想做外賣生意就不要做！.上OpenRice 看才發現原來這間餐廳最出名的就是服務態度差！

夜晚諗住帶媽咪食下海南雞飯，去到本身好快有位，佢比啲位都要搭檯，繁忙時間明白既，但係佢比我地個張檯，個個人隔離有放袋，我地示意比職員知道，佢完全不理，跟住又話安排出面既坐位比我地，但當我地行番出門口，門口職員叫我地再排過隊，係完全無溝通。之後入座，我地自己點餐，都無野既，點知黎左2盤海南雞飯，因為我要油飯，我坐出面，媽咪坐入面，我個個黎先，媽咪個個黎後，於是到既時候，因為我地個位係6座位，中間個2個位，本身諗住讓開比佢擺，佢遲遲都唔擺低，我問佢我要點做先幫到佢，職員用一個都幾無禮貌既語氣命令我：“你推你個盤推入去，你將白飯同碗油飯交換咪得羅”如是者我自己動手去做。坦白講野食唔特別好食，招呼亦唔特別好，我唔係要咩帝皇級享受，我要番基本既尊重同招呼，就係咁簡單。

一山還有一山高既態度差之王 呀參啲呀姐 大大聲講嘢不特止 仲要唔收枱 我地點食 ！！！ 大佬呀 雖然我唔係要高質服務 不過正常人嘅禮貌佢哋都無 即係佢哋唔正常 如果淨係收八達通現金 請標明 喺呢間嘢食唔知以為欠咗佢

亞參雞飯（Kowloon Tong)小編平時都好少食新加坡🇸🇬或者馬來西亞🇲🇾菜 下午茶經過又一城見哩間幾旺場 即刻試試～😛😛⌖ 雞絲湯河🐔🍜💰$38湯河嘅湯底係雞湯 不過都偏淡口 面頭有幾條通菜🌿同埋蝦乾🦐 雞絲老身唔嫩滑 完全無味🤥🤥 比例上好似成碗都係河粉 如果冇跟湯底一齊入口 真係好淡。。重口味人士慎選 唔推薦😥😥⌖ 餐飲：柑桔特飲🍊💰$0超酸😣😣 根本係好多柑桔加水嘅味道💦 入面仲有一粒話梅 特飲來講係唔合格😬⌖ 餐飲：馬來拉茶🧋💰$0甜味適中 有茶香👃 唔錯！⌖ 三款小食優惠（斑蘭咖央多士 x 鳳尾蝦春卷 x 亞參雞翼尖）💰$55🍞咖央多士有驚喜 餐單指明多士係由馬來西亞空運直送🇲🇾 麵包甜甜地 攤凍到超脆口 中間夾有牛油🧈同埋咖央醬 少少邪惡得來又好夾🤤 推薦！蝦春卷🦐正常發揮 配埋泰式酸辣醬都OK～🐔雞翼尖極失望 完全冇味 仲有浸雞氣味。。 雞毛亦冇處理好 隔離嘅馬來咖喱醬雖然本身調味唔錯 蛋同雞翼尖唔太夾 原價要$22 6隻來講真係好唔掂！⌖馬拉盞通菜🌿💰$33見呢個價錢好抵食🤩 餐牌重要標榜係泰國空運直送通菜🌿 點知期望太高🥵 撈埋隔離嗰醬都係好淡口 唔似係炒出黎

標榜「尋覓99分海南雞飯」，好明顯佢未尋覓到🫠 因為突然想食海南雞飯，所以就去咗好就腳嘅又一城。無服務其實就預咗㗎啦，但係落單個QR code又真係load極都load唔到，唯有請人幫手落單，個侍應居然喺手上無其他嘢做緊嘅情況下，隔住一張枱都唔行過嚟，要知道今時今日戴住個口罩加上咁嘅距離，其實真係要嗌先會聽得到🙄食物好快就送上，幾乎係三分鐘內嘅事，想食快飯嘅話係好事嚟嘅。望落去好似還可以？食幾嚿又再望真啲先⋯哈囉雞毛～ 當場想嘔返出嚟🤢其實清乾淨啲雞毛好難咩？呢個狀態連好幾年無食過嘅M✖️都不如。不過咁，佢雞肉係真滑嘅，抵唔抵消到啲雞毛呢？（我就唔得喇）最後食剩半碟左右⋯話明海南雞飯，個飯當然都好緊要。食落油香味都唔錯嘅，又食多幾啖再睇真啲⋯佢無呃我啊，油飯真係好～多油㗎🙂 多到聚咗一層油喺底𠻹～ 食到呢度，當然就收晒手啦。仲有杯無影嘅凍拉茶，叫咗少甜都甜到剩係可以飲面嗰浸，又係剩係大半杯。唯一隊晒嘅係碗正正常常嘅湯。總結：「我尋覓咗個2️⃣9️⃣分嘅海南雞飯」

👦🏻中學果陣，成日同同學去又一城嘅Food Court食午餐同晚餐。畢業咁多年後🎓，終於黎個舊地重遊，驚覺舊時McDonald’s 已經唔係Food Court，舊舖位變左幾間唔同既餐廳，今次就黎到亞參雞飯試下招牌菜海南雞飯好唔好食先😋。🌟海南雞飯海南雞嫩滑，足料，雞皮有啫喱，但唔會至於太肥膩😋。雞湯食得出係老火湯，好重雞油味，加左冬瓜令到湯底唔會太油👍。至於重點推介係個雞油飯，簡直驚世之作，雞油飯吸收左雞湯精華，配以香茅同班蘭葉，令到個飯好香，值得推介👍😎。