亞參雞飯 (又一城)

營業中

休息中

兩日前去到又一城，本身諗住去麥當勞，點知最頂層嘅麥當勞，原來早幾年前已經搬走咗，而家變咗呢間，一場嚟到就直入啦叫咗個咖喱豬扒撈麵，匙羹上面嗰啲係馬拉盞，超香蝦乾味道，我唔夠食，叫店員攞多一碟俾我講吓個咖喱先，唔係辣嗰隻，係甜甜地，小朋友都啱食，非常容易入口，而且好香，薯仔煮得好淋，配埋啲咖喱汁好好食，原來豬扒仲淋，煎到少少香口，都幾好食，個麵呢都唔錯！撈埋啲咖喱汁好容易清哂一碟佢。但唔知點解佢放啲秋葵落去，完全唔夾酥炸鳳梨蝦，其實都唔錯，中間除咗有蝦之外都有蘿蔔片，增加咗少少口感，個蝦尾炸到好脆都可以食埋，但係$29真係唔值⋯試一次就算

諗住主打海南雞，食佢個海南雞飯實無死啦，仲要下午2點去食，佢個海南雞好巴閉係無tea set架，要正價甘叫，$91都唔係平呀，仲佢$45既質素都無，是但去間茶餐廳都好過佢。職員又無乜禮貌，真係茶餐廳既服務。好彩唔洗加一。重點係個餐，隻雞d皮勁肥，食落口有d顆粒甘既脂肪係皮上面，皮下就成舊肥膏😓明顯無處理好，雞皮又淋patpat完全唔爽口。d肉又鞋到一個點，我煮俾貓食既都嫩過佢，湯又無乜味。唯一係個飯正常。太興集團既都係食唔落口。

今晚和朋友第一次去這一間，朋友遲到我在外面等，店員看到叫我先入去坐著。手機沒電，胆粗問店員，他很好人，借了自己的power bank給我。全程也努力的介紹菜單，因為當中有一個老人家。食物及價錢合理，海南雞好吃好滑😋，其中一名朋友居住星加坡二十多年也說味道不錯，其他食物其實都好有地道東南亞味道。吃完後回家沒有覺得口乾，相信佢地落味精不是太多要做到惹味的東南亞菜葉不落味精係香港真的難得我會再次去是因為的服務，在香港現在 的情況要做到賓至如歸真的很難，難得這位點嘅這麼熱情招待。🥰

好伏，差評，十分差唔好食又唔夠汁，豬扒得兩舊細嘅，賣相差，一打開見到已經唔開胃好差，十分差！！！食隔離沙x王仲好，$39白咖喱豬扒飯仲好食又大塊，利申全自費真心好食

服務態度冇都預咗， 食物水準非常之惡劣， 門口仲講話99分海南雞， 一分就差唔多， 成碟雞有七成係肥膏同埋皮，斬得非常之肉酸， 冇曬油飯又唔通知，送咗出嚟先同你講， 101蚊所以唔係貴， 但係做衰過$30 頹飯,

今日特登黎到九龍塘記得有亞參我就沖左上去1:03等位 我一個人 1:17點了食物 米線1:37我問係咪漏單 冇人理 1:44終於有得食其間我點了一杯柑桔特飲，嘩酸咸苦出晒黎，我肯定水吧冲錯左因為內有2粒話梅，我杯比較深色而且很少冰，我有禮貌地請職員給我加點糖水，佢話柑桔特飲唔會有糖水，佢話係咁酸架啦，我想換過杯佢又唔比我，我試找其他職員幫我佢都願意先幫拿走杯飲品但又比那位職員叫退 又黎同我講冇得加糖水 冇得換。我覺得好似黎乞食咁做錯左又唔補救😡我只好離開唔飲，都唔好講個米線好冇食，我比完錢走左 大家自己諗下仲敢唔敢去啦

通常唔好食嘅嘢都唔想特別寫，本身寫食評只想分享美食感受，但真係覺得阿參既然已開了咁多分店，又有客源，為何不弄正常些，普通水準也談不上，真的超難吃。下單叫了2個主食2杯飲品，先上了咖喱雞撈麵，碟子崩了一大忽，麵條一看便知道煮太透了，救命已心知不妙，果然質素如表面，雞肉還算是正常味道，咖喱汁和阿參醬都不合格，好像是一個不懂煮食的人亂煮出來的味道。撈麵差不多吃完飲品及喇沙還未到，一直保持催促，等了好久後喇沙終於到了，誰知道這麼簡單的食物也是沒有味道的，麵條一半熟一半不熟，魚片、蝦肉、豆卜等全部冇味😩，飲品終於也到了，味道正常，但唔知點解咁簡單嘅嘢要等咁耐。本身都沒有太大期望但沒想過差成咁，其他枱客人也是和我們差不多面色，唉，希望好好改進一下吧，太傷食客的心。補充一下，店員服務態度是很好的，這個是值得讚揚。

服務態度出名差👎，呢個都算，如果有澳牛既質素，串得起，就叻仔，但咁既垃圾食物都學人串，叫不可一世舉頭寫住「尋覓99分。。」，絕對係漏咗個字，尋覓「負」99分。。叫個包，等咗一個鐘唔到，全場就係聽住個廚房點樣係度XYZ@&$啲樓面，好，廚房咁醒，就睇下煮啲乜出嚟，點知等咗成個鐘都出唔到個包，仲要出嚟啲垃圾，一堆有性格既垃圾最伏係啲特飲，好想叫杯水，唔該，但叫都唔會有人理，都係快啲食完快啲走算咁既食物質素，咁既服務態度，

入到去坐低無人理你，想落單同我講QR code落單又唔俾QR code 我,等左一輪先有，食物是ok的，加左$10要杯斑蘭咖啡好重味想加糖漿，問個侍應話廚房裡面溝好晒，無糖漿加，聽到都o晒咀，隔離枱聽到都笑，原來呢度D廚師甘有性格唔俾人加糖，之後隔離枱叫左杯熱飲問佢攞糖，又係同佢講加左係裡面…..

呢度嘅海南雞飯，好正宗，D雞肉夠嫩滑但唔會唔熟紅卜卜👍，份量亦唔少，湯同飯都好好食，D醬汁都唔錯，不過橙色酸辣汁如果甜返少少更好食，加$10 配埋大大杯香茅特飲，$108，都算抵食👍👍

今日同朋友去又一塘食lunch ! 好多間都要等位。去到亞參見仲有位，就試吓佢！我哋分別叫咗一碗新加坡喇沙同埋海南雞飯，另外加多加吔牛油多士，同埋兩杯馬拉奶茶。首先講吓碗喇沙，味道都OK嘅，但D餸份量比較少😅！一隻蝦片開兩邊，加埋得一隻，仲要係好薄嘅🤣！ 至於份海南雞飯，朋友指定要雞胸肉，出奇地滑！👍🏻👍🏻👍🏻！另外，份叻吔牛油多士好香脆👍🏻👍🏻👍🏻！我哋食晒飯同面先食，都仲係好脆。

我個人認為亞參雞飯的海南雞飯好味，但是我在吃飯期間看見兩個職員當眾吵架，其中一個仲要無戴好口罩，啲口水到處飛，吵足30分鐘都不停，職員態度不好，希望啲職員態度會改善。

新年約咗咗表姐拜年同食飯，佢鍾意食海南雞，尤係亞參雞飯，所以就去咗九龍塘又一城分店食。餐廳裝潢時尚，佈置得好有新年氣氛。亞參雞飯主打馬來西亞、新加坡地道美食，海南雞飯更標榜「尋覓99分海南雞飯」。亞參去骨海南雞飯，海南雞選用雞味特別香濃的三黃雞，肉質嫩滑，肉汁豐腴,配以雞湯、香茅、、班蘭葉煨煮的雞香飯，雞滑飯香味道一流，飲埋冇味精嘅清雞湯，真係99分海南雞飯！新加坡喇沙米線，食村豐富，有蝦、魚片、雞蛋、豆腐卜、芽菜、通菜。湯底以新鮮南洋香料、混合不同辣椒和椰汁精心烹調而成，色澤金黃，味道香辣。香煎手作蝦餅，煎至兩面金黃色的蝦餅鮮香味美，肉質彈牙。馬來班蘭咖央多士，咖央醬挺有層次，入口椰香 先跑出，然後斑蘭香及蛋香 襲來。香脆多士內有牛油，讓咖央醬味 道更豐厚立體。美祿味淡咗啲。南洋咖啡，咖啡帶有輕微焦糖香味，濃郁夠味！

太耐冇嚟又一城，原來之前m記個位已經變化好多亞參雞飯係又一城其中一個好選擇☺️以上係凍拉茶，茶味夠重👍🏻薏米水都有幾多薏米☺️招牌亞參去骨海南雞飯配雞油飯及清雞湯呢個係真係岀色嘅🤤雞採用三黃雞，所以雞味起香，而且雞肉十分嫩口，肥瘦均勻，又唔會淡淡肥肓，再配三色醬，無敵😇雞皮顏色都靚雞飯唔會勁冧，做到粒粒分明蝦餅🦐有三粒，咬落都幾彈牙，表面煎到金黃色，都唔錯👍🏻斑蘭咖央多士麵包係馬來西亞🇲🇾真運到港😆斑蘭味好岀，幾甜😋配上厚牛油🧈係十分邪惡🙈但超正，麵包焗後幾香☺️分店限定明爐酸辣亞參烤魚個人認為$128有明爐魚，價錢幾抵味道酸酸辣辣🌶️係幾開胃嘅，share食都不錯

好耐冇同舊同事食飯。難得新年快到，就先約大家出來聚一聚，所以，就選了方便大家工作地點的九龍塘。我自己比較喜歡新加坡美食。所以，就選又一城二樓阿森雞飯。店裡職員好有禮貌，好快就幫我們搵到坐位。我打開菜單一看👀，馬上被呢個無骨海南雞飯套餐吸引。朋友就選左肉骨茶套餐。兩個套餐份量非常足夠，除左有主食以外，仲可以點一個小食，飲品方面，亦有不同特飲選擇。正。👍海南雞飯-雞油飯非常美味，最正喺無骨雞肉，啖啖肉，而且雞肉嫩滑。仲配以一個雞湯，湯裡邊又有蘑菇，仲非常清甜。💖肉骨茶，份量十足，肉骨唔少，肉骨茶非常夠肉味。加央多士，超正，可能有椰子香甜味再配以牛油，鐘意甜品，一定喜歡，但多士略嫌未夠脆身。鳳尾蝦卷，蝦肉鮮味，外脆內嫩。我特別要稱讚一下，香茅薄荷凍飲，我本人並不鍾意有Soda飲品，怕氣太多，但係這個凍飲完全無呢個問題，香茅同薄荷，味道非常搭配，超正👍。享受了一頓美味晚餐。我下次都會跟朋友一齊再嚟一次。