亞參雞飯 (又一城)

營業中

休息中

今日星期六周圍都超多人、落嚟又一城見到亞參有個下午茶餐，諗住睇吓個餐牌，有個四眼仔好熱情咁走來問我幾多位，咁就是但啦入嚟試吓，結果，點咗個咖喱雞飯，出餐速度好快，平均等咗兩三分鐘，個咖喱雞簡直有驚喜，啖啖肉，食到好滿足，今晚返去都唔使食飯喇，杯凍檸茶茶味又夠足，食到一半期間，姓黎既侍應，過嚟同我講依家做緊優惠，follow 社交媒體網站送嘢飲一杯，呢位同事好有耐性咁幫我去撳，令到我攞到兩張飲品券，可以下次再嚟用，一餐簡直好滿意，侍應嘅服務態度都好好，希望佢哋繼續努力！

呢間餐廳嘅海南雞飯實在令人失望，得三塊雞肉，仲要有一塊係雞皮冒充雞肉。雖然知道下午茶嘅份量會少啲，但咁嘅品質真係接受唔到。點解我哋唔可以有更多嘅雞肉享受呢？海南雞飯係一道以雞肉為主角嘅菜，應該係鮮嫩多汁，食落去令人滿足，唔係咁少得可憐。仲有，佢哋嘅通菜更加令人失望。通菜應該係炒得有鑊氣，鮮嫩可口，但呢度嘅通菜就只係「綠」熟，好似冇經過炒咁，完全冇味道，只係自己點醬就算。呢種嘅處理方法完全冇可能接受，我哋應該食到嘅係熱騰騰嘅炒通菜，而唔係咁樣冇經過烹調嘅青菜。總括嚟講，呢間餐廳嘅海南雞飯同通菜都冇達到應有嘅水平，冇可能再有第二次。我哋應該享受美食，而唔係被呢啲低劣嘅食物所欺騙。我哋期望餐廳能夠尊重我哋嘅味蕾，提供真正美味嘅食物，而唔係咁樣偷工減料，令人失望。海南雞飯啲雞肉得3塊，雖然話下午茶份量，但啲海南雞係鑲金嘅？ 衰到有一塊係雞皮扮雞肉。通菜完全就係「綠」熟再自己點醬，唔係炒有鑊氣果種。總體而言，不會再有第二次。

今日再嘗試亞叁，我一同5人黎到，好多人排隊，我地都等佐陣，之後負責排隊同事問我地如果快入座可能要分開坐，如果要一起就要等一陣，比我地選擇，我地要求做埋一起，所以等佐一陣。距地見到我地有個婆婆，知道我地要等都要坐埋一齊，於是拿坐張凳叫婆婆坐住等，好好同事，值得等，有教養品牌服務。

一入到就有一位侍應安排入座，效率都算唔錯！然後二維碼點餐，期間我朋友想加配小食，見到餐牌寫住$39兩款小食，甘我地就自己打算點，搵唔到$39兩款小食嘅優惠，咁就舉手搵侍應，有一位姓郭嘅（應該係呢度嘅經理）我見名牌有個IC兩個字，就過嚟迎接我哋，速度都好快，佢就教我哋喺手機度落，然後幫我哋轉價錢，態度都好好，另外我朋友點咗海南雞飯，期間冇嗌嘢飲，就順便問埋嘢飲點樣轉價錢，佢都好樂意咁答我哋，而且好細心咁教埋我哋點樣落單，最後仲推介咗我哋食嗰款南洋包，真係好好食，冇介紹錯！個海南雞真係做到好滑，正！值得一讚！😋😋

我把信用卡忘在餐廳了。打電話給工作人員，她向我保證他們已經為我保留了它。我剛去餐廳拿信用卡。那位姓郭的女工作人員非常友善和友善。我真的很欣賞如此優質的服務。太棒了！

喺九龍塘上完堂，上黎food court醫下肚，見到有間亞參雞飯，門口排緊隊，諗住過睇下啦，5分鐘左右就安排好位置，真心唔算等太耐，門口有位四眼待應都幾好禮貌帶我上去坐，我問佢有咩好介紹，你就介紹我：梗係試下我哋個海南雞啦⋯⋯仲主動幫我落單！唔使5分鐘就拎到我面前！賣相就唔差，食落去仲正，碟雞超滑！配埋個汁，好好食！走嘅時候個侍應仲主動同我問係咪冇介紹錯？老實講，真係冇介紹錯。下次要帶埋我老婆過嚟試吓

晚上去又一城戲院睇戲，貪佢戲院比較鬆動闊落，當然就喺又一城食埋晚飯先入場，上到樓上 food court 睇嚟睇去冇咪啱食，見到隔離有亞參雞飯，就入去食個海南雞飯啦～我同朋友入去，啲職員已經唔多理客人，用QRcode落單又有啲嘢落唔到，咁叫侍應啦，佢就好唔耐煩話用QRcode落單，我就話落唔到我朋友想食嘅小食，問佢係咪無，佢話有之後拋下一句咁我幫你落囉，客觀而言海南雞飯係幾好食，雞滑有味，飯又香，湯都好飲，服務就衰過無服務，見有部分侍應生好似當啲客係仇人咁。

咖喱鸡饭，就是白切鸡加热一点，泡在咖喱汁中，咬开后，里面冻的。部分鸡肉有一点生，没有全熟。咖喱味道很淡，马铃薯是炸过放比较久的，入不到味道。秋葵未斩掉根部。咖喱汤汁也不浓郁，不太像自家调制的，有预制菜的味道，米饭不弹，没有嚼劲，比较干，比较硬。不推荐尝试。店员自己安排座位失误，入座后又来问我几位，门口排队客人较多，店员因此当客人面斗嘴吵架，互相埋怨。之前在其他店铺吃粉面饭都还好，不知为何如今质素这么差。

諗住九龍塘可以平小小食個tea叫咗個$48咖喱豬扒撈麵set～出餐幾快 仲幫我我哋轉二人卡位味道方面，個咖喱辣醬好過癮惹味我哋仲加咗$39兩種小食豬肉串ok，個多士牛油太大舊，唔建議叫Overall性價比都幾高嘅

入去坐低 5:38pm叫左野食，一路等左15分鐘個海南雞飯都未拎到出黎，我相信一間專賣海南雞飯既舖頭應該一早準備好海南雞同飯唔洗慢慢煮下麻？等左15分鐘5:55pm同左阿姐講，唔知係咪真係有幫我地問廚房，過左20分鐘5:58pm終於有個阿姐係廚房拎住兩盤海南雞飯出黎不過唔係俾我地 係俾隔離遲我地10分鐘入座既客人，我即卡大大聲同阿姐講我等左廿分鐘啦喎點解係俾佢地先？ 佢先死死地氣抽一盤俾我 搞到我成個乞衣乞佢飯咁。亦令人懷疑究竟頭先個阿姐係咪真係有幫我追廚房個飯？ 快快趣食完埋單，拎定張信用卡出黎，埋單櫃台姓郭既阿姐叫我自己用自助埋單埋，話唔收信用卡。下！？你台面成部信用卡機擺左出黎，而且你都擺明見到我想用信用卡俾，你同我講唔收信用卡？ 擺明唔想幫客人手收錢姐？ 有冇咁懶啊？以後不會再光顧！

諗唔到食咩走咗嚟食，安排咗我入座之後個職員話轉頭俾QR code，點知最後無返過嚟，你唔記得就唔好應承我啦阿姐。咁我唯有叫人過嚟，但係我舉手同嗌唔該嗌咗10分鐘，幾個職員都扮聽唔到睇唔到，要我用大約90分貝超大聲咁嗌唔該，先至望過嚟，而家喉嚨沙沙地有啲痛。等咗一陣，杯凍檸茶終於嚟，但係阿姐拎到嚟，倒到成枱都係茶，又飲少幾啖，個阿姐又應承換過杯俾我，結果同頭先一樣，冇咗件事。之後有個大大聲粗粗魯魯男經理拎個海南雞飯過嚟，個雞湯倒瀉晒成個盤都係湯，連隻匙羹都有。大家冇咩事都係唔好嚟呢間，搞到冇晒胃口，建議行幾步平平地食麥當勞都冇咁嬲。

餐廳位於又一城頂樓food court之中，都好易搵到。今次去食下午茶，佢既下午茶有五款，我就揀左雞絲湯河，配香茅班蘭茶。另外再叫左個班蘭咖央多士。出餐時間十分鐘左右，食品溫度唔太熱。雞絲湯河湯底唔錯，雞絲亦鬆軟，唔似係啲過份雪藏雞。香茅班蘭茶幾有特色，成支香茅放左入去，一開頭唔知，仲以為係飲筒🤣味道唔錯班蘭咖央多都好味，不過就係衰在唔係熱。我地帶埋Bb去，職員都好細心安排坐位，又會逗下Bb玩👍🏻

又一城一向多連鎖餐廳，咁多間最貼地又好坐就係阿參。佢價錢又唔會好似其他高檔餐廳咁貴，但又貼近food court價，至少有人serive又唔洗自己出去捧盤。.❃ 亞參去骨海南雞飯 $91呢個set配油飯，個油飯好香雞油味又滑溜，咁濃味超中意，有d驚喜。然後去骨海南雞就皮偏厚，但至少d肉都好嫩，所以整體我都好滿意。.❃馬來咖喱雞飯 $78雞肉份量唔算多，不過79蚊合理，而d咖喱汁都算幾香辣，唔錯。.❃新加坡肉骨茶 $86由於油飯好好食，所以呢個我都轉左油飯加10蚊。肉骨茶好香好濃郁，胡椒味重，而d肉骨都好稔，一咬就爛，不過我自己私心都係中意馬來西亞式果隻肉骨茶。.❃馬拉盞通菜 $33諗住咁平嘅？原來係普通烚通菜，然後側邊放一pair馬拉盞醬比你自己撈，呢個可以唔洗嗌，除非你好想食菜。.以上的set 仲可以+優惠價$39配兩款小食，我分別揀左咖央多士、炸蝦春卷、扎肉、豬肉棒。呢個可以加39蚊配小食真係太好，可以比我試埋其他野！正，仲有得加10蚊跟野飲。岩哂我！

收工唔知食咩好係又一城行左一轉最後見到亞參，一見到亞參就心思思想食咖央多😙😙所以同朋友去左食因為係happy Friday 所以仲叫左個新加坡喇沙面同海南雞飯講真我真係好喜歡食喇沙湯面，所以都有啲講究亞參個喇沙湯面偏辣，椰子香味就較淡，而且佢係用米線做底，唔係面和米粉兩面底的料方面有魚片，豆卜和蝦整體黎講算不過不失😉而海南雞飯就一般油飯，唔會太油膩，算香口的而雞就是拆好晒骨的，啖啖肉，雞皮夠滑，肉和皮一齊食都唔會覺得肥膩👍🏼一口一啖肉🥰🥰🥰🥰🥰坐係露天位置，對住溜冰場，可以望到樓下溜冰場可以邊食邊睇人溜冰都很不錯👍🏼

諗住都有一段日子無食，咁就係外賣平台落個新加坡喇沙米線啦，連平台費$76.7之前都食過ok既，但今次呢.. 佢啲蝦得2 隻（1隻開邊，正確黎講只有1 隻蝦…）仲要其中1 隻有一大塊殼未剝… 而湯底又唔夠濃…. 價錢都唔平，應該有排都唔再食lu…