亞之媽韓國美食 (已結業)

一向比較少食韓國野經朋友介紹而泥到呢間亞之媽幸運地早到因為係我地坐底之後突然出現１０幾人等位　炒年糕唔錯有點酸酸甜甜而且份量都幾大好有胡椒味既湯唔好胡椒既人可能唔會喜歡但對我泥講就幾好飲korean pancake呢個真係好好食佢唔會好油但係好脆最後仲有飯呢個只係一般冇乜太大既驚喜美中不足係我地都未食完佢地已經開始收野趕我地走我都明白佢地有客人等位但客人未食飽都應該俾多點時間客人唔會話特別推介呢間

海鮮溥餅無海鮮(只搵到一粒1/4 個一毫子大既墨魚),石頭鍋豬肉飯無豬肉（只搵到兩條棉花棒頭咁大既豬肉絲), 純豆腐辣湯竟然有牛肉( 我同男友唔食牛，佢menu 中英都表示係純豆腐, 一食完收晒野,問都唔問就print 單叫我地埋單，但係餐廳唔滿出面都沒人等位的！

去尖沙咀果間韓式料理＂亞之媽＂諗住請個friend食生日飯，順便吹吓水！吹水就無喇，嬲到呀！ 話說我地6：30去到，叫咗兩款牛肉飯，賣相唔得，味到尚算ok!最不好係一食飽，果個老板娘就即叫個伙記同我地講話坐夠一個鐘就要埋單！ 但我地埋單個時間係7:10！慘過食快餐！兩個碟頭飯加一碟餃子，盛為$180！咁嘅價錢配咁嘅服務.

當日要趕睇演唱會,我同Mr.J決定係尖咀「韓國街」快快食個韓式快餐~其實都正中我下懷,因為本人極喜歡食韓國菜,如果係韓式快餐更好,因為有好多款式選擇,價錢又平~以前一諗起韓式快餐,第一時間會諗起明洞express,價廉物美,但自從佢搬左,地方逼逼咁,又要同人搭枱,冇得自己搵位,所以都好耐冇去~金巴利街既一眾韓菜店都想試好耐,爭扎於亞之媽同對面漢城,見亞之媽有兩個鋪位,應該多d位,就去左呢度~坐低見菜式都幾多,炸醬麵,牛肋骨飯,泡菜炒飯,辣炒公仔麵等等都好吸引,真係花多眼亂~價錢嘛,同明洞express差不多啦~點菜之後,即送上我至愛--泡菜~3款分別係醃大白菜,醃翠玉瓜同埋大豆芽~我最欣賞翠玉瓜,酸酸辣辣,翠玉瓜又甜又爽口,越食越開胃~我點左餐牌上一道牛仔骨飯,好了,牛仔骨先上枱,但等左良久都未見飯,忍唔住問問侍應,原來係唔包飯!吓,咁點解叫做牛仔骨飯算,唯有另點一碗白飯,盛惠十蚊,感覺總係被騙了~說回牛仔骨,出奇地分量頗多,最少都有6大塊,塊塊又腍又鬆化,醃得好入味,呢個要一讚~Mr.J同我都鍾意辣豆腐鍋,所以都試下~因為工作關係,係韓國逗留過一段時間,食左好多餐韓國餐,都略知道何謂

今日突然好鬼凍, 係尖沙咀經過金巴利街個頭d韓國餐廳. 諗住食d韓國野暖下.見到亞之媽有牛血湯, 所以入去試試.有3款前菜加一碗牛血湯, 味道一般啦. 裡面有好多牛血料, 雖然唔夠辣, 但食完個人暖哂, 不過價錢$80貴左少少. 服務都幾ok, 其中一個女店員係韓國人, 驚我唔飽仲想我前菜.環境就好似普通韓國餐廳, 無咩裝修, 店舖較小, 只有數毎座位. 不過 直接見到後卷, 應該要關好後門.亞之媽一般水準啦.但無其他人講得甘差, 而且有熱誠, 希望佢地繼續努力.

這街的菜館晚上來過幾次,感覺是像韓國人的＂劈場＂多一點,日間到來的感覺是有點不一樣.能吸引到入店全因門面看上去簡單乾淨,不像一般的昏昏暗暗看牆上一系列的推介,真不知吃什麼好.環境光猛感覺乾淨,沒有日積月累的油煙味.泡菜----午巿在小店當然不會奢望有多款泡菜供應,其實這裡有三款供應已算不錯！當然質素平平是另一回事.辣泡菜只得強烈酸味！味道比豐園自家製的差天共地.孢豆角及芽菜也是用麻油來調味,爽爽的質感倒是不錯.燒牛肋骨飯----一客有五件牛仔骨份量算是不錯,微甜的醃料也很對路,肉質軟稔帶有肉味確是不錯.雖貌似珍珠米,但這飯粒吃起來黏性重軟身欠米香.連我這個愛吃米飯的飯桶也完成不了.本來還想多試一客湯但最後還是選擇止蝕離場.

開場白唔講咁多,直接評^^(事先聲明我唔是咩對食好高要求既人)本身諗住要對面間漢城食野,點知果段時間咁岩close緊,就去左呢間아줌마,原因係夠大,座得舒服前菜是kimchi,薯仔同菠菜,整體黎講味道ok,係普通既kimchi,薯仔同菠菜叫左串魚片湯($60)同辣炒年糕($60)串魚片湯...個兜好pro好靚,但係味道完全2回事魚片同普通魚片冇分別,湯比普通湯更差,好多味精辣炒年糕要左小辣...但唔食得辣既我都仲係覺得好辣不過呢個當然唔是劣評既理由d辣炒年糕既辣醬好稀,稀到好似水咁,d年糕就好似食粉咁,一d咬口都冇...如果想食好食既辣炒年糕建議再行入小小去間有掛住韓國國旗既小店,賣韓式小食的,只是$28 比其他店貴又唔見得比人好食,真係有d失望...總結來說,想食正宗韓國食物既話,去아줌마只會浪費錢同浪費你個胃既quotaPS:只屬個人意見不喜勿插

昨天同朋友路過間間都好多人排隊, 呢間又新開既咪試下囉, 我地點左土豆豬骨湯+韓式冷麵，韓國靚姐侍應見我地d野未黎攞左幾碟小食比我地，味道都相當唔錯，食物係等耐左小小，但我個人覺得真係值得等下，因為好好味道，而且亦好正宗，我都去過幾間既韓國餐廳，門口好似好正宗咁又收到好貴，但唔係好食囉，但呢間我覺得價錢合理，食物亦好味，個豬骨湯都真材實料，唔係得一兩件豬骨就算，而且侍應亦幾熱情，真係唔錯，係一間值得再去既韓國餐廳

媽咪想食韓國菜，一心帶佢來金巴利街，揀了亞之媽，就中計了！我倆坐二人桌，旁邊有一桌四人已差不多吃完。我和媽一坐下，侍應就好"熱心"咁同我地推介招牌菜，我就好有禮貌地話再諗一諗。我媽咪年紀大，睇得慢，過了幾分鐘，同我講「不如叫泡菜湯……」點知那個侍應即刻飛撲過來話 「要泡菜湯嘛！」然後落單！ 我即係火到0黎話「我未睇完gar！」佢先至死死地氣話「好，你慢慢睇…」就在這個時候，一個疑似韓國人老板娘突然向我旁邊的四人說︰「唔好意思呀, 你地食左兩個鐘啦！我地韓國人食飯一個鐘gar jar ！都差唔多啦，食左兩個鐘！」居然咁樣逼人地走！真係從來未見過咁樣趕客，茶餐廳都不會咁衰啦！我真係睇到目定口呆！四人唯有埋單走人，咁0既服務，當然唔俾貼士啦, 那個侍應收到錢仲要話「0岩0岩好喎」！極其過份！至於食物質素，真係好普通，款式少，所謂招牌菜的豬肉也不覺得好味！老板娘(亞之媽？)，而家你在香港做生意，唔係在韓國呀，咁樣態度，無人會再幫襯！

Never ever be adventurous - especially when it comes to Korean food.Date/time of visit: 8/7 Friday 7pmReason for going: My friend just returned from Toronto and she wanted to try out some Korean food. I usually do my homework to come on Openrice to search for most popular places, but this time I wanted to try my luck. And guess what, I failed completely.It was 7pm and we hurried as we walked to the "Korean Street", in hope for some unoccupied seats during the start of the dinner period. As rec

今晚同一班好姊妹去食飯, 之前見過呢間好似好多人, 所以今次就試下. 店面唔大, 但尚算乾淨. 一行6人叫左以下幾檥野:1. 燒牛肋骨 x 2呢個非常好味, 好juicy, 忍唔住要encore2. 土豆豬骨湯豬骨有好多, 土豆得兩三粒.....入面放左一d香葉, 但我唔鍾意隻味3. 串魚丸湯呢個清清地唔錯4. 泡菜炒飯冇乜泡菜, 炒得唔夠乾身, 不過朋友覺得好好味5. 海鮮煎餅呢個都幾好味, 煎得外脆內軟, 不過冇乜海鮮6. 石頭窩飯呢個都唔錯, 有飯焦7. 炆豬蹄肉好似係店中名菜, 其實即係切片豬手之類. 配以生菜同泡菜, 都幾特別, 可以一試野食不過不失, 但服務就真係級差. 我一個人先去攞位, 本舖無位, 叫我過隔離舖. 俾左張大枱我. 坐低之後一陣, 問我幾時齊人. 好難答實, 只可以話己經黎緊. 睇佢好似有d想叫我返出去等人囉.....如果有規定人數先入得, 係咪應該一早講? 隔一分鐘又走黎同我講, 入座起計只可以食一個鐘. 望下出面, 都冇人等位, 都係個句, 呢d野都係應該入座前講定, 而唔係等人坐低先黎講囉. 況且好多出名餐廳都會俾人食個半鐘, 得一個鐘, 即係同朋

向香港我都去過好多間韓國菜館食飯, 不過真係估吾到今晚食既 Lee 間 "亞之媽韓國美食" 我真係可以話係向我食過咁多間當中最難食既一間. 之前同朋友行過韓國街見到佢門口有咁多人等位,又見係新野, 咁就話下次去試下啦. 點知....唉....錯晒!!!真係勁難食!!! 我從來未食過咁難食既泡菜, 咁無誠意既前菜, 吾比好過比. ><牛肋骨都叫OK既, 不過年糕就真係估佢吾到, 成碗野搵左好耐先搵到個三舊仔年糕. 真係有D似坤人. 對食物無咩要求既人, 就可能會覺得OK既!!!普通...Lee 間其實係一間快快快餐廳(快快快餐廳意思: 指落左單, 食物到左檯就馬上倒落口, 之後就比錢走).我地食左一半就停左口唸住等一陣先再食落去, 點知....D服務生就行左過離問左三次要吾要. 明明見我地D野食食左一半, 我地又未叫結帳, 吾洗問咁多次要吾要呀. 好啦....我繼續食既時候又有個服務生問我地檯上既野要吾要. 我向到食緊架, 你吾係睇吾到呀!!!等左一陣之後, 有個服務生過離同我地講, 我地只可以坐一個鐘(由入座起計). 嘩...點解入座個時你吾講明呢!!! 見出面多兩三個

是晚得閑同亞妹出街食飯,今次我們就選了這間亞之媽,去到仍是6點幾未夠7點,故等位的人仍都不是太多,一陣就有位了,看看店子雖然細細地,款式選擇唔太多,不過仍是由韓國人經營,心諗應唔會好差的了!是晚兩人只叫了兩款,我和妹就已飽了,未能再吃其他,惟有下次再試!走的時候就開始多人等位,想試的朋友就要早點到了!!好快便可上菜先來前菜,泡菜~太酸,大豆芽~OK,豆角+少少牛肉~有DD麻油香味,唔太油OK石頭鍋飯(可選牛、雞、豬)可選其中一款肉配,我們撰了雞肉,這石頭飯來到的時候,是由服務生拿來,他手持辣醬,問我們要多少辣度,因為我唔食辣,故不需他加進去,由我們自行加進,不過好奇怪點解唔係用泡菜而係加辣醬 , 飯剛好不是太焦,可惜我唔食辣,妹話加進去更好味!海鮮煎餅,熱騰騰的來時每件煎餅都已預先切好,唔使你拉出來,大小適中,不過吃了幾片都唔見有海鮮,只吃到一片入面有少少似八爪魚的嘢,好多葱,夾住蛋煎香後帶點煙刃同少許辣的感覺,算唔錯!直得一讚係店入面的碗仔,拿來時夠熱,感覺好乾淨,可惜的係可能服務員太忘,沒有加茶給我們!!

某天打開NEWS, 介紹TST一間新開韓菜館~ 韓菜大愛既我! 愈睇愈想食仲要係公司附近!!! 決定一試究竟!!!一入門口就有位店員好禮貌問幾多位~ 我:一位! 眼見幾張空枱但店員就指一指一張有客人既枱, 示意我坐呢張! 反正一個人~無差點左個石頭飯~肉有三款選擇! 牛,雞,豬, 唔食牛唔好豬既我就簡我最愛既雞肉啦馬上上左三碟泡菜~~~辣白菜~過酸又唔夠辣, 薯仔~甜甜地.OK, 蘿白絲~呢個冇咁酸都冇咁辣唔係等左好耐, 主角來了!~ 店員一樣禮貌地問我要幾多辣醬! 過後開始幫我攪拌一路店鋪彌漫住石頭飯既香氣, 流口水啦!!! 快啲快啲, 唔理熱唔熱既我立即把飯放入口果夠熱,睇一睇個底! 飯焦喎!!! 但係好似過焦, 反而有啲硬, 味道亦冇想像中好可能抱太大期望啦...但又唔係差既...都夠大碗, 可以2個人食! 因為價錢不算便宜~反而下次想試其他但邊食身後感覺店員不時走過黎, 感覺怪怪! 眼見店員把門牌翻轉! 原來三點店鋪落場, 走時已過三點~但店內仲有幾枱客

牆上掛左好多韓國圖畫好有韓國feel，我一坐底侍應即放底熱荼同餐牌，杯荼荼味好特別有D似飯焦味，侍應話係韓國荼，午餐$40-$60一份，我點左牛肋骨飯($50)，午餐跟一碗蘿蔔牛骨湯，仲有三款泡菜，蕃薯泡菜甜甜地好好食，辣泡菜就酸左少少，牛肋骨飯黎到份量好多，牛肋骨跟一碟汁，個汁酸酸地仲帶有少少生洋葱辣味，個人認為唔點汁已夠味，牛肋骨醃得好好而且牛味好濃，間中有D肉帶有少少肥仲香口，飯就似日本珍珠米，蘿蔔牛骨湯有少少胡椒幾好飲以韓國餐廳黎講$50食到呢個質數巳好抵，而且侍應服務態度又好，點菜時我問長問短都好笑容詳細解答，中午時間見香港人客較多，隔離枱都有一枱韓國客聽講呢度牛肋骨同豬肉都好多客人點，揾日有時間再黎試下食完就過隔離新世界韓國超市入貨，係超市職員口中先知原來呢間餐廳係新世界超市個韓國老闆開，餐廳D泡菜全部係韓國整好再送黎餐廳