亞之媽韓國美食 (已結業)

媽咪想食韓國菜，一心帶佢來金巴利街，揀了亞之媽，就中計了！我倆坐二人桌，旁邊有一桌四人已差不多吃完。我和媽一坐下，侍應就好"熱心"咁同我地推介招牌菜，我就好有禮貌地話再諗一諗。我媽咪年紀大，睇得慢，過了幾分鐘，同我講「不如叫泡菜湯……」點知那個侍應即刻飛撲過來話 「要泡菜湯嘛！」然後落單！ 我即係火到0黎話「我未睇完gar！」佢先至死死地氣話「好，你慢慢睇…」就在這個時候，一個疑似韓國人老板娘突然向我旁邊的四人說︰「唔好意思呀, 你地食左兩個鐘啦！我地韓國人食飯一個鐘gar jar ！都差唔多啦，食左兩個鐘！」居然咁樣逼人地走！真係從來未見過咁樣趕客，茶餐廳都不會咁衰啦！我真係睇到目定口呆！四人唯有埋單走人，咁0既服務，當然唔俾貼士啦, 那個侍應收到錢仲要話「0岩0岩好喎」！極其過份！至於食物質素，真係好普通，款式少，所謂招牌菜的豬肉也不覺得好味！老板娘(亞之媽？)，而家你在香港做生意，唔係在韓國呀，咁樣態度，無人會再幫襯！