井上日本料理 (已結業)

今日個日替係關東煮加三文魚頭 真係難食到無朋友 無光顧成年 無諗過水準咁差 唔會再翻黎食Terrible food and service, I won't come back again anymore... really bad experience😑

我好鍾意食牛肉鍋，出去食日本野而間餐廳有得叫嘅情況下，我都係會試食嗰間餐廳入邊嘅牛肉鍋。食咗咁多間，井上係我心目中係有一個不可取替嘅地位。雖然餐廳嘅入邊嘅環境唔係話非常之好，人多時少少迫，但整潔度都係足夠嘅。我覺得唯一不足嘅係，佢有時出菜的而且確係比較慢，有時甚至要追單先有得食。我諗唔同人有唔同口味，而我覺得呢一間嘅牛肉鍋取勝嘅地方，係佢嘅份量同價錢都係成正比。個餐上枱嘅時候係熱辣辣嘅，牛肉有好多，面頭仲有一隻生蛋，你可以按你自己想食三熟嘅程度去處理隻雞蛋。通常我就會整到佢半生熟，之後就撈白飯食。成個鍋入邊除咗牛肉之外，仲有好多菜，豆腐，冬菇。有一個重點就係我好鍾意食佢入邊啲粉絲，啲粉絲煮到入晒味，好爽口好好味！呢間野下晝食飯時間都比較爆滿，而價錢嚟講，一個鍋大概$60-$70全包，我覺得性價比都算係咁㗎啦！

星期天，元朗區到處都很多人，加上是午飯時間，大部分食店都有人等位。路經井上日本料理，不需要等位，就入座。這是我的第一餐，不想吃得太油膩，所以點了雜錦海鮮鍋定食。雜錦海鮮鍋定食🥘有蝦、青口、 蟹柳棒、帶子、鮮冬姑，豆腐還有很多青菜和粉絲，食材新鮮，湯底清清地，不過略為鹹左少許。定食包括一碗白飯、一碗麵豉湯，一碟小食、一杯飲品，都只係$60，免收加一服務費，既飽肚又抵食。店內衞生尚算整潔，服務員的態度良好，執行力快。

😆搵唔到想要的餐廳咁岩見到有位就入左黎，叫左個滑蛋雞丼，飲品蜂蜜青檸柑桔話梅茶（夠開胃又好似好潤喉咁bo). 跟餐小菜酸辣八爪魚（幾有味）配翠肉瓜（又幾）爽脆.個飯可惜蛋不太多，但起碼夠滑配埋香菇（單獨食至味出）洋蔥（淡淡味）雞（夠滑）碎紫菜，味道夾得岩岩好,d飯都幾多下（同幾濕），岩埋男士食。個湯就普通味噌湯。佢今次入座，上餐都快，熱度夠熱，但下次會試其他餐，鍋物睇上去都讚讚的

呢間之前食超過20次，今日攞位時已經發現樓面好生面口話時說攞飛時個NUMBER寫錯左，我好心提一提個落梗單既店員店員顧住繼續係電腦落單，講左句「得啦～好快有位」然後好無奈出門口等位～轉手以前ORDER凍檸樂一向有ZERO提供，落單時寫明要ZERO(望一望樓面啲人當時有八成覺得應該係轉手了)重點來了。。。飲品送了，但不是ZERO。。。。由於有合理懷疑轉左手，所以問水吧小姐「有無ZERO啊」，而呢位小姐竟然係唔可以清楚講到說話(有啲似係嚴重痴脷筋)好～唔緊要～咁我唯有問男店員A，「我想問有無ZERO啊」，男店員A「有」，然後一手放埋左罐可樂係一邊，但無人拎ZERO，好～都唔緊要～再問店員B「我想問可唔可以拎過罐ZERO俾我，因為另上個杯冰開始溶。。。」店員B好似聽唔明咁。。然後我再問「有無無糖可樂啊?」佢話要入過POS水吧先會整過～好。。。咁我問「咁我要點樣落單啊？你張落單紙無得俾我揀ZERO，我落單時寫左要ZERO」然後店員B就去問水吧小姐～傾完15秒既結論係「我地凍檸樂只可以配呢隻(紅罐)可樂」真係O咀～我唔係唔飲有糖可樂。。。但點解溝通可以咁差你可以同我講「我地無ZERO」「只可以配

逢月必食日本菜😋1. 伊佐目鯛刺身（半條）：外皮略燒過，帶香味，配上魚肉味濃厚，作為前菜一流2. 磯燒北海道帶子：帶子肉厚，炙燒後肉質較結實，配紫菜點醬油當飯團口感食，下酒一流3. 網燒安格斯牛：肉排燒約7成熟，口感嫩滑，店家入貨品質有保證，一流既下酒主菜4. 上善如水（清酒，300ml）：1-2人飲酒推介，300ml岩岩好，口感清，酒味溫和，配刺身、肉食皆宜最後，作為老食客謹代表店家同本人呼籲：之前得罪各舊客既惡經理已走，老食客可放心回歸品酒啦🤣

開始等左20分鐘，我朋友嗌嗰個魚生飯🍣，同埋我嗰個洞庭烏冬都冇嚟，之後，催單點知原來佢漏單😡，再隔咗一陣跟住佢個魚生飯就嚟了，佢魚生飯食完，烏冬都冇嚟到😞。我當然內心上好嬲啦😣。點可能你朋友食完你都未食架唔通眼甘甘睇住佢食嘢流口水咩🤤😅？(朋友等埋你食另計).催咗幾次單個侍應都話煮緊喇,而家諗到都嬲喇仲要我寫返出嚟，我特登嚟openrice註冊就係要講呢樣嘢出嚟，咁大個人仲未咁嬲，食一餐咁嘅飯。 最後一個人搭返西鐵去尖沙咀食左個麥當勞算😞。嗰個"朋友" 最後我有冇搵佢，你估下。

元朗日本餐廳多，但我最鍾愛井上。原因有二，第一是店舖面積小，人情味濃。第二就是性價比高，食物質素不錯。今日返元朗，特登嚟食個 lunch。午市套餐價錢由50幾蚊到百幾蚊都有，真係豐儉由人。我太太叫咗豬軟骨拉麵，豬軟骨雖然大舊，咬落啖啖肉，夠腍，仲有脆骨添。而我就叫咗角切魚生飯，貪佢有咬口。魚生起碼有四種魚，再加八爪魚，青瓜同壽司蛋。我就覺得係 perfect match! 餐加多6蚊可配沙律 or 三文魚壽司。埋單都係$130多啲，抵到爆。

叫左個雜錦魚生碎丼 魚生分量少到喊 成碗都係用wasabi加豉油送 另外仲叫左個滑蛋鰻魚丼 點知個魚生丼都食完都未到 咁就問下侍應 原來鰻魚飯要等耐啲 落單個時又冇同我地講 啲魚生仲要勁唔新鮮 不過三文魚都ok 另外佢啲壽司好唔抵 個侍應態度真係有待改善 menu上面寫話所有丼物都會送一碗麵豉湯加一個沙律 咁落左單無耐就有人送左一碟沙律一碗麵豉湯嚟 放低咩都冇講就走左 咁我地就有疑問 點鮮叫左兩個丼 得一份嚟 問返個侍應 佢竟然話鰻魚飯個前菜會同個飯一齊上 你個鰻魚飯已經唔係正常時間內準備好 你都唔俾個前菜客人食住先？ 仲大大聲話前菜同個丼係一齊上？ 咁依個仲叫前菜？ 唔係小菜或者伴碟？ 上第一份既時候又唔講？ menu上面又唔講清楚？ 然後一句話兩個丼唔同咖就走左去？ 依間野仲要有加一 加一服務費換嚟受氣？ 依個侍應既態度加上唔新鮮既魚生飯令我決定唔會再嚟依間野用膳 各位見到依個食評既人可以三思一下先再決定你地會唔會去依間餐廳

食物質素非常普通，但侍應態度非常差。侍應係兼埋做收銀𠴱位。食物上得慢就算，最O嘴係有個炒飯都未到，佢就同入嚟嘅客人講，指住我哋呢張同隔離𠴱張枱講陣間會合併我哋兩張枱，叫佢哋15分鐘後再返嚟。What ?! 我而家食快餐？ 啲嘢未嚟哂就預我哋15分鐘後走？然後隔離枱啲人食完，佢就即刻叫頭先嘅客人嚟，又好大聲咁講，一陣就幫你合埋張枱，但當時我哋係仲未食完㗎。到我哋食完都即刻埋單，我朋友叫佢擺低張單先，佢竟然話：「吓？咁都要㩒機計？唔係呀嘛，每人咪$xxx」但其實我朋友只係未睇到張單幾錢。真係未見過咁無禮貌嘅人非常差嘅經驗強烈建議大家唔好食呢間

元朗出名多野食~尤其日本料理餐廳好似最多又出名大大件井上好似都開左好多年本來今次無諗住食但menu好吸引 張相既三文魚好靚於是就決定左依間！裝飾都幾靚架有和風感 環境都算衛生！🍣火炙三文魚丼$70雖然實物同menu相有d出入無張相咁豐富咁靚 仲幾細碗添但$70有前菜有湯有主食同野飲個飯仲要有埋玉子燒~都食得過既既~燒三文魚好厚好大塊 燒得好香!仲有蟹籽撈飯😍蟹籽份量都好多下飯就係壽司醋飯黎加埋豉油wasabi好夾好開胃👍🏻👍🏻

只需$698加一既4人餐🍣，食到可以做飽鬼🤪係元朗屹立不倒多年係幾好，咁多年今次係第二次食，元朗實在太多野要試魚生新鮮，有甜蝦、三文魚、吞拿魚、墨魚油甘魚。壽司亦有4款牛油果、三文魚、北寄貝玉子等等共12件🍣天婦羅炸蝦🍤，蕃薯🍠，南瓜，茄子🍆出色，粉薄又脆☝🏻，燒牛扒🥩、魚生沙律、海鮮窩湯很鮮甜、三文魚炒飯+4杯熱飲。咁多野食比起散叫平得多，見到有生蠔，下次要試一試先得

井上屬於元朗區數一數二嘅日本料理店，店舖在西菁街很容易找到，今晚和朋友一齊去試，他們的刺身很新鮮，今晚叫了個池魚刺身非常鮮甜美味，油甘魚頭鹽燒非常好食，泡菜豬肉野菜鍋也很美味，店舖環境很干淨，服務員很友善產品知識很豐富，和朋友去元朗食日本菜最佳首選，以後再試試其他產品

鍋物份量好足， 食到食唔晒， 味道以此價錢來計， 好抵食。 魚生的尤魚好鮮甜。 星期六午市第一之來食， 見到12 點至 2點多都好爆下， 似乎大家都知道好抵食， 平日都好多人來食， 下次來都會再來

外觀睇落好high class既日本料理餐廳，門外既直立餐牌寫住d生蠔and刺身既價錢，望落幾貴下。因為其他餐廳都多人，最後揀尼間。叫左豬軟骨鍋物($78)，雞扒豬骨湯拉麵($58)。豬軟骨雜菜鍋物最有驚喜。有4大件豬軟骨，份份都有番咁上下份量，平時去其他餐廳食，一係就細細件，一係就碎既，終於食到真正既豬軟骨。豬軟骨入味，有芋絲，紹菜，金菇，豆腐x2，冬菇x2，加$28配烏冬(但唔加已經夠飽)。芋絲唔係平時打邊爐買既盒裝咁，似米線既粗度，口感似薯粉，不過冇薯粉咁有咬口，唔錯。湯底較拉麵湯底濃dd，但食完唔覺得鹹。照燒雞扒既照燒汁甜甜地，同平時食開既有d唔同，尼個燒得好脆，加埋d汁好惹味。拉麵幼身，即使慢慢食d拉麵，浸落湯都唔會變軟。總體，其實仲有好多價錢中等既食物，eg鍋物/定食/拉麵/烏冬(最低$58)，另有壽司/刺身/炸物，不過冇試。服務好，而且唔駛等好耐已經上菜，即使係dinner時間。