五要素食堂 (已結業)

趁六點後禁堂食前的最後一天，趕尾班車湊湊熱鬧在外吃個晚飯突然有點想吃丼飯，便來到The One的Fifth Element Shokudo點了一客美國黑毛和牛丼和熟成厚切牛舌丼◭美國黑毛和牛丼 $88 🅙🅙🅙🅙/5黑毛和牛厚薄適中，入口嫩滑和牛邊燒得焦香，更能帶出牛香一口牛肉，配以珍珠米及沙律菜，口感豐富同時沙律菜亦能解油膩感◭熟成厚切牛舌丼 $88 🅙🅙🅙🅙/5牛舌切成粒狀，有咬口但並不韌，調味不錯份量算不錯，加上炸蒜片，火箭菜生鮮爽口幾種食材混在一起，很配得來◭Iced Americano $38 🅙🅙🅙🅙/5⚎⚎⚎Recommendation 🅙🅙🅙🅙/5⚍⚍⚍

好好珍惜有得外吃的日子, 相約朋友係公司附近食LUNCH, 發現THE ONE 都有抵食LUNCH地方, $78起1個SET, 有前菜和湯, 份量仲大大份!叫了一個豬面肉手打意粉, 見到圖中意粉既形狀已經好感興趣, 好似2條飲管咁, 手打意粉確係彈牙好多, 而且醬汁帶酸, 好開胃, 相當唔錯!朋友叫了一個PIZZA, 睇賣相好似意大利食到既PIZZA, 有炭爐焗出既風味, 又脆又煙韌, 超正呀!最後再加了窩夫, 好飽, 不過好滿足!

今日同朋友行得攰就打算是但入間餐應食野，見哩間都多野食揀，就同朋友入去食飯順便抖下。雖然都係好小事，不過我覺得有提供口罩袋都係一個加分位！ 我唔知食咩好，就揀左佢個人氣no.1黎食，試下睇下好唔好食。燒美國黑毛和牛飯（$88）一上到黎，份量都唔錯，仲有個湯送。個湯唔錯既，唔係普通既面鼓湯。食完個薯仔沙律，就正式食個主菜！d牛食落幾好食，同個醬配搭得幾好！而且d牛冇燒得太燶，味道啱啱好，唔會食到成口都係燶味。佢仲有一小塊檸檬一齊上，俾我可以調一調個味，令鮮味再出d ! 我自己覺得個飯都幾好食！宜家食完都覺得係尖沙咀既餐廳黎講上菜價錢份量同味道都ok! 值得再番黎食！

呢間係西式日式餐廳，是次係平日晚飯時間食，場內幾乎滿座餐廳會採用手機落單，Waiter 主要係外國人同朋友點左以下食物：❣️美國黑毛和牛丼青森溫泉玉子牛肉煎至剛好，唔會過韌，牛味濃醬汁有柚子香，整體既配搭唔會越食越膩口❣️味噌大蝦手打扭紋意粉意粉醬汁好香，但越食越覺得偏鹹手打意粉似長通粉，好特別，意粉口感唔係硬身，都帶有煙韌感，好掛汁❣️煙肉配風乾蕃茄薄餅夫後悔點左呢款小食窩夫被焗至燶身食落會有苦味，整體配搭又過鹹，唔推薦點呢款👎🏻總括而言，餐飲體驗一般般😌

經openrice訂座有折就試試佢，日式fusion價錢合理，天氣唔太凍嗰陣可以揀坐outdoor，靜靜地撐抬腳📍美國黑毛和牛沙津今次喺5分飽情況下試左呢個沙津，份量絕對同價錢成正比。和牛上枱時微暖，熟成度交左比廚房決定，大槪7-8成熟，肉汁唔算多但和牛味好出。第一次試呢個combo，沙津嘅黑醋醬可以話係今次MVP，非常夾。追求重口味嘅朋友，呢款未必太適合，但想食又唔想有罪惡感嘅朋友，不妨一試夜晚大概7:00到都8成full，bk枱就穩陣啲👍🏻

同朋友去The One食飯, 本身想去Dazzling Cafe, 但每人最低消費一杯飲品, order比飲品價錢貴嘅食物都唔計🤷🏻‍♀️, 好奇怪嘅policy…所以改變地方去呢間餐廳!雖然餐廳鋪位比較細, 但Menu option幾多。首先一讚嘅係所有食物都熱辣辣!!! 真係即煮嗰種, 所以上菜時唔會所有嘢堆埋一齊👍🏻旨辛味噌黑豚腩丼 $78黑豚腩份量多, 醬汁撈飯好食煙豬面肉風乾蕃茄手打意粉 $108意粉煙韌有口感, 略嫌豬面肉比較肥靜岡柚子胡椒雞翼 $60新鮮即炸, 香口惹味火腿蘑菇薄餅9吋 $108餅底厚度濕度適中, 餡料豐富整體質素好高, 服務員有禮, 一定會encore!

平安夜嘅尖沙咀，周圍都人頭湧湧，間間餐廳都排晒長龍見到呢間日式西餐唔使排咁耐，就試下呢間～瑪格麗塔薄餅 ⭐️⭐️⭐️好普通嘅Pizza，番茄醬同芝士都唔夠，味道還可以，但薄餅邊又硬檸檬胡椒薯條配特製丘比醬 ⭐️⭐️⭐️新鮮熱辣辣炸出嚟嘅粗薯條，但醬係特製丘比醬，食落似藍芝士，其實唔多夾美國黑毛和牛丼 ⭐️⭐️⭐️⭐️最好食都係美國黑毛和牛丼，和牛加蒜片都入味，飯吸哂醬汁，好味凍靜岡草莓拿鐵 ⭐️⭐️個名同埋個樣都吸引，但事實好一般，得成杯拿鐵，唔關靜岡草莓事，但有少少粉紅色，完全係無味

性價比偏高嘅日義fusion菜😍🇯🇵🇮🇹圍番一個人都係$100左右🤓厚切牛舌丼真係好抵食又好好味😋牛舌粒粒都好厚又好香牛味 再加埋啲蒜片一齊食 超正！仲叫左個比安卡pizza🍕 (其實我都唔知咩嚟😂)上面啲火腿薄得嚟又烤得好香脆 有少少似燒乳豬皮🤣啲芝士食落都幾重奶味 估計係啱啱發酵冇耐就比人攞嚟整pizza🤣So far野食我都好滿意 不過叫左野飲佢冇上比我地催完都冇幫我地睇下 食完都仲未有 呢個位幾激氣😡

見到開飯啦好評好多，所以都忍唔住要特登去尖沙咀試吓，我見到網上面推介牛肉飯最多，見到個價錢都唔平，但如果好食嘅，貴啲有咩所謂啊！既然價錢都唔平，我就叫咗最貴嗰個，價值$158嘅日本A4牛匠岩手和牛扒丼。我都唔係好知道咩係牛匠岩手😛😛不過最緊要係好食呀嘛牛扒飯來了。佢嘅牛肉味好香，而且切咗片，見到中間係5成熟狀態，咬落去都好香牛肉味，上面仲有啲炸蒜片撈飯。所以整體感覺都好香口。唯一你估唔到嘅係佢嘅飯入面加咗牛油，令到成件事更加突出。就好似食緊牛油煎牛扒一樣。另外套餐仲配左洋蔥湯同埋薯仔沙律,佢嘅洋蔥湯入面有啲黑胡椒，所以都幾香。薯仔沙律就係充肌嘅😂😂😂😂。

去完THE ONE 行街，搵咗間性價比好高嘅餐廳食飯🍝✨fifth element shokudo ✨環境都唔錯，坐得好舒適👍🏻我哋叫咗靜岡柚子大蝦手打闊意粉🍝份量都好夠，手打闊意粉非常有誠意😍好煙韌，好好味。柚子汁配意粉好開胃。大蝦爽口彈牙，食完想再encore🤤$118 食到手打意粉真係非常好👍🏻除咗意粉，我哋仲叫咗美國黑毛和牛肉丼配清森溫泉玉子🥚黑毛和牛肉片燒得啱啱好，好香口，厚薄熟度適中🤤易入口，好好味👍🏻旁邊仲有勁多火箭菜，食完濃味既和牛肉，食番啲菜refresh 一下🥗成碗飯撈埋啲溫泉蛋同埋啲醬汁食，真係好好味☺️我哋仲叫咗檸檬胡椒薯條配特製丘比醬🍟薯條好香脆可口，上面有胡椒，又有檸檬味中和薯條嘅油膩感，好正😋個特製丘比醬都好夾🥰最後呢度杯飲品我都係超級推薦比大家🥤我哋叫咗凍靜岡草莓拿鐵🍓🍓超級好飲我勁鍾意！佢有士多啤梨蓉同埋牛奶混合埋一齊，仲有士多啤梨乾粒，所以飲落去個層次好豐富好正✨絕對要試！大家去完The One行街絕對可以試吓呢間🥰

成日行The One經開呢間靚靚日本西餐廳一直好想試，今日終於第一次嚟開餐喇餐廳唔算好大，十張枱左右，不過都算坐得舒服闊落。掃QR code可以直接落單，上菜速度都好快手。點咗個美國黑毛和牛丼配青森溫泉玉子，和牛半生熟好嫩口好有牛味，調味恰到好處，個汁同埋炸蒜片配飯食真係一流！另外我哋揀咗靜岡柚子大蝦手打闊意粉，大蝦非常夾口，闊意粉煙韌易掛汁，令人忍唔住會一啖又一啖好快食晒小食叫咗個檸檬胡椒薯條配特製丘比醬，薯條炸得好脆好香口，同麥X勞嗰啲完全唔同級數，個醬汁同薯條好夾。最後點咗杯凍靜岡草莓拿鐵，草莓係新鮮榨，層次好豐富好creamy。想不到日式西餐廳都可以做到咁出色，下次一定要encore👍🏻

今日同阿媽去尖沙咀, 諗住睇燈飾, 順路去呢頭食嘢, 商場好多嘢行, 附近的燈飾都好靚見到去呢間餐廳咁多人，就決定入去食啦😆😆見到佢又有pizza又有丼飯， 仲有扒餐🍗🥩🍖咁我今日呢就叫咗個：日本a4 和牛匝岩手和牛扒丼 配埋溫泉玉子，佢仲有啲火箭菜同埋有啲蒜片喺面，個溫泉蛋嘅熟度啱啱好，上到碟畀我哋介開一刻，當啲蛋汁留咗出嚟，再撈落啲珍珠飯度，直頭有啲似台式燉飯嘅感覺，但係佢仲冇咁膩，同埋鮮味啲佢嘅和牛片亦都比我想像中多， 食得出佢有啲炭燒味，同埋佢唔會太熟， 一食落去就感到啲油脂，充滿住成個口，跟住個牛嘅咬感都好鬼正！！我再加多咗杯熱朱古力配泡沫鮮奶， 上碟嘅時候佢仲會擺得明治朱古力喺側邊😍😍邪惡嘅我，就將成粒朱古力放咗入個朱古力入面嚟飲😜😜😍 佢唔算好濃我鍾意，同埋好重鮮奶味，我相信係明治全脂鮮奶，所以好滑好好味😆😆呢間鋪頭嘅裝修同埋食物都好適合打卡，下次人多啲我諗住試埋佢個pizza都好似幾好食！！

之前行The One, 都已經心思思 想試下呢間以簡約裝修, 日本木色做主題嘅日式西餐廳佢個門面好闊, 跟住有好多嘅丼飯，日式嘅pizza，同埋手工意粉🍕🥗🍜🍝佢嘅間隔好別緻，唔會令到你有迫傑嘅感覺呢間舖頭係會畀個q r code你自己落單好方便， 唔使怕有個人企喺你側邊等你叫嘢食， 自己又可以慢慢揀餐廳都好貼心，放咗一支大水同埋口罩套，餐具同埋洗手嘅酒精搓手液畀我哋咁我哋今日呢就叫咗味噌燉熟成牛舌配意大利軟包， 佢有8片意大利軟包， 佢烘到熱熱地， 跟住仲好貼心確保，每一個麵包上面都會有少少嘅牛油， 跟住呢佢個牛舌厚得嚟，煮得好冧，好有肉味， 將個麵包點落去佢個醬汁度，簡直係超級好食佢有個男店員好有禮貌，成日會問我哋有啲咩需要，主動嚟幫手

今日同朋友食飯，宜家冇得番家鄉，咁就唯有去食日本野吊住條癮！所以揀左哩間日式西餐廳！地方唔算大，不過勝在夠乾淨企理！環境開揚！而且午餐冇限時，同朋友傾到幾點都冇問題！午餐menu選擇好多，有意粉、薄餅、飯、沙律！想食咩都有！美國西冷牛扒配薯餅+沙律（$168）因為今日唔想食飯就點左哩個食！5成熟既牛扒保留左牛既鮮味、肉汁豐富，咬落啖啖肉又唔會覺得好難咬！佢提供埋個醬俾想食辣既野調味。最令我驚喜係個薯餅，本來以為係普通麥記薯餅，結果原來係紫薯薯餅～個沙律非常開胃！好適合冇咩胃口想食野既人做開胃菜！食完覺得唔錯！都算係一個同朋友吹水既好地方！

如果想食日本風味而兼有西式餐廳感覺，我諗到Fifth Element Shokudo，喺The One 3樓。外面裝修較為平實低調，晚市時間見餐廳都多人用餐。一於試吓人氣黑毛和牛丼，薄切牛肉四五片，有牛味，但有啲硬身。晶瑩珍珠米，入口軟滑，彌補不足。整體份量唔算好大，女士就啱啱好，食得晒。蟹肉静岡大葉手打扁意粉，值得讚！因為手工做嘅闊條意粉，質地幼滑，咬落煙韌，有黏性，加上鮮味蟹肉及磨菇的香濃醬汁，調味適中，份外入味，冇得彈。食過返尋味，希望餐廳可以繼續保持水準。