影片
開飯介紹
餐廳環境乾淨，位置不多。提供2個小時任食任飲雞煲及鴨煲，而火鍋則提供8款湯底，如沙嗲鍋、川椒麻辣鍋、藥膳鍋。特別推介冬蔭功鍋。而配料亦十分豐富，有美國肥牛、鮮鵝腸、海蝦等。
繼續閱讀
附加資料
任食火鍋
營業時間
今日營業
17:00 - 23:45
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
以上資料只供參考, 請與餐廳確認詳情
有關獎賞計劃
返完工要食返夠本補充生命值，沙田呢間火鍋店簡直係喪食天堂呢個套餐有好多煲選擇，大胃先食秘製牛雜煲，坊間罕見，濃味過出面啲小食店牛雜超入味，牛膶唔嚡好索汁，牛肺牛肚好爽彈食完牛雜煲就嗌烤魚，有勁多口味揀，今次就試醬香味 ，有勁大條清江魚啖啖肉好有醬汁香，冇乜骨好滑溜，如果有多個胃都想食多煲本身仲想食埋雞煲、豬手煲、牛尾煲，真係食唔到咁多，唯有留肚打邊爐，嚟個鴛鴦湯底—香茜皮蛋鍋同越式香濃牛肉鍋，兩種湯底都好特別爆多芫荽勁令人興奮，越式湯底酸酸地咁好開胃既然係任食，火鍋配料可以喺QR code度任落單牛板腱、羊肉、滑牛等等好值得食，好鮮紅彈牙。海鮮都有唔少選擇，青口、蜆、帆立貝、魷魚、墨魚仔、墨魚滑等等通通任食勁爽出面都有自助區，可以自己配醬料，亦有響鈴、魚皮、麵食任攞。配料自助區都有好多蔬菜、丸類等等任夾任食，好多丸款式都好特別，仲有豆製品同菇類都有得拎飲品都係有選擇嘅自由，有汽水、涼茶、茶飲、果汁等最正係有啤酒，打邊爐隊啤係好重要嘅儀式嚟最後都有自助雪糕，有好幾款雪糕，包括本地品牌都有，值得留返個胃食
繼續閱讀
同事好鍾意食牛雜，加入晒啲關注組，我就淨係鍾意食牛腩牛筋同埋牛肚，放工落雨俾佢捉咗我去食魔鬼牛雜煲，放工鬆一鬆嘆罐啤酒都好嘅。位於旺角的二鍋頭，一走進去就感受到熱情氛圍的火鍋餐廳。店內的裝修以溫暖的木色和簡約的設計為主，燈光柔和，輕鬆用餐環境，增添食慾。這裡的滋味無限火鍋放題，牛雜煲、烤魚、雞煲、任食超過100款火鍋配料、任食「A餐」精選牛肉，無限時火鍋放題套餐絕對值得一試。魔鬼牛雜煲尤其是他們新推出的魔鬼牛雜煲，賣相非常誘人，牛雜的色澤鮮明，配上自家獨特香料，炒起來香噴噴，讓人一看就想立刻品嚐。牛雜的質素相當不錯，牛肚和牛筋的口感滑嫩，牛心配上濃郁的湯底，牛腩令人回味無窮。同事食到牛雜幾種主要部位，津津有味。牛肚質地韌性十足，口感滑嫩，吸收湯底的味道。牛筋富有膠質，咬勁十足。牛心肉質緊實，適合喜歡嚼勁的人。牛腩肉質鮮嫩，牛腸風味濃郁。牛肺質地鬆軟，口感獨特。牛雜煲辣味和香氣恰到好處，讓人一口接一口。雞煲雙乳雞煲（咸牛乳，腐乳）再來說說雞煲，除咗重慶麻辣雞煲惹味，選擇相當多元化，滿足不同口味。特別想食新增雙乳雞煲咁新奇嘅嘢，梗係要試吓啦！咸牛乳和腐乳的搭配使雞肉更加鮮嫩，口感層次分明，咸牛乳，腐乳口味，兩者都幾平衡，每一口都令人驚喜。酸菜魚酸菜魚也是餐廳的一大亮點，新鮮的魚肉嫩滑，鮮美味道，湯底較為濃稠，味道醇厚，口感豐富，帶有微微的油脂感。搭配豆卜蔬菜吸收湯汁酸辣精華，質感脆嫩爽彈，一食愛上。旺角店限定龍躉生蠔魚湯鍋雖然可以免費升級鴛鴦湯底，但比我發現有限定的奢華龍躉生蠔魚湯鍋，淨係飲湯都滋潤無比，不能錯過。鮮甜的湯底，龍躉的魚肉鮮美，熬製的湯底味道濃郁，帶有海鮮的鮮香，十分美味。龍躉和生蠔，特別適合喜歡海鮮的人士。任食超過100款火鍋配料任食「A餐」火鍋配料Set A 精選牛肉：牛板腱西班牙豬梅肉紐西蘭羊卷肉從精選牛肉到新鮮海鮮，應有盡有。特別是牛板腱和西班牙豬梅肉，質素都非常高，肉質鮮美。龍躉生蠔魚湯鍋可口，味道相對清純，能夠突出配料食材本身的鮮味，適合各種口味的人。牛板腱、各種蔬菜、海鮮等配料，增添風味和口感。川椒麻辣溏心皮蛋、玫瑰牛展滑順和豐富的川味小食。自助區汽水啤酒任飲至於自助區的汽水和啤酒更是讓人放鬆心情，隨意享用。甜品餐後的甜品同樣不容錯過，雪糕和乳酪雪條是最佳的收尾，清爽可口，完美地平衡了火鍋的濃郁味道。
繼續閱讀
呢間餐廳主打無限時任食牛雜煲、烤魚、酸菜魚、牛尾、豬手同雞煲再加火鍋放題，點都有野岩食，我見到6人或以上仲可以用兩個爐👍🏻 玩法係牛雜煲、烤魚、酸菜魚、牛尾、豬手同雞煲可以無限叫，我同細妹兩個食，每次就可以點一個煲，食完店員會成個煲拎走，再點另一樣，食到夠就可以點火鍋，記得叫左火鍋就冇得返轉頭點雞煲烤魚等等。火鍋都有3個餐揀，咁我地揀左A餐，平啲之餘覺得以上嘅煲都夠我地食👍🏻我地食唔晒全部煲，其他靠大家再試😎值得稱讚，店員好有效率亦友善教我地點揀餐，上菜速度都好快👍🏻醬香惹味雞煲
雞肉好入味，醬香濃郁，帶點甜甜嘅回甘，唔辣，食落好惹味！仲有鳳爪芫荽，正😆秘製火焰牛尾煲
火焰效果係幾驚艷🙈 牛尾肉質軟腍，骨邊嘅筋位好juicy。湯底濃郁帶少少辣（有得揀辣度），倒左少少酒，食落都幾香同惹味！香辣味清江魚烤魚
烤魚有6款口味（包括新加嘅冬蔭功同蕃茄口味），我哋試咗香辣味清江魚（辣）。店員介紹兩款魚都冇乜刺，而海鱸魚魚肉較滑身、清江魚就厚身啲。成條魚肉咁食都幾正😍 肉質都算滑，烤得外皮微焦，香辣醬汁入味，正常辣但唔會死辣～鴛鴦湯底火鍋（蕃茄薯仔濃湯鍋及懷舊沙嗲鍋湯底）
鴛鴦湯底唔洗加錢，健康啲可以一邊淥菜，一邊淥肉👍🏻 蕃茄湯正常，懷舊沙嗲鍋湯底會濃味啲。我地覺得A餐火鍋配料都夠豐富，本身佢有自助吧夾菜、丸、澱粉質咁，qr code落單嘅都有滑牛、帆立貝、蜆等等，其實我地食前三個煲都好夠飽，火鍋都唔係食左好多野🤣不過點飽都好，都要食埋雪糕做甜品😆🫰結論🫰選擇豐富！對比其他火鍋店食多啲高級牛肉，我寧願食多啲雞煲、牛尾、烤魚等特別嘅煲😎🫰無限時任食，贏左！🤣🫰openrice有coupon可以睇下岩唔岩用～餐廳係2樓，要行樓梯，不過其實左手邊私人大廈有部𨋢都可以到餐廳（我地搭𨋢落去先發現），但大廈寫明食客唔用得🙈CP值：8.5/10
繼續閱讀
再嚟二鍋頭啦，佢哋旺角、尖沙咀店推出左最長7小時牛雜煲烤魚雞煲火鍋放題套餐🤣可以無限量任食牛雜煲，雞煲，牛尾煲，豬手煲、4款口味烤魚任食，最後仲可以打邊爐🍲🐣雞煲我哋揀微辣，都適合完全唔食得辣嘅人😛 除左醬香惹味雞煲之外，仲有幾款口味包括重慶麻辣雞煲、辣酒東風螺雞煲、泰式冬陰雞煲、雙乳雞煲（咸牛乳，腐乳） 。🐮秘製火焰牛尾煲，加玫瑰露燒香左先食，好濃郁既酒味！🐟烤鱸魚有麻辣、酸辣、香辣、冬陰功、醬香、蕃茄湯幾款口味，我哋要醬香味，條魚俾我想像中大條，啖啖肉😋其實食完三個煲已經好飽，不過佢仲可以轉做打邊爐，我哋揀咗鴛鴦湯底胡椒豬肚雞同埋芫荽皮蛋，胡椒豬肚湯夠入味，另外叫左豬肚放落去煮，芫荽皮蛋湯底清淡啲，可以balance返唔使樣樣嘢都咁濃味😂火鍋配料選擇都好足夠。最後我哋食咗四個鐘先走，傾吓偈坐吓飲吓嘢真係唔錯🤣無限時真係好爽，中途食到飽飽地都可以抖下先再食，仲有紅白酒任飲🍾🥂真係飲飽食醉😚
繼續閱讀
同親朋友約食飯都想搵啲坐得耐無限時既餐廳, 咁啱比我發現依間可以食足最長7小時既火鍋放題店, 有齊牛雜煲烤魚雞煲任食, 平日去容易搵位, 叫左個滋味無限火鍋放題套餐先叫左個重慶麻辣雞煲小辣, 店員幫手再炒熟雞件, 仲要份量都幾多, 每件都啖啖肉, 小辣辣度比平時食到既弱小小, 不過雞件都算幾入味食完雞煲就叫左嫩滑酸菜魚, 都係叫左小辣, 我地怕太多所以叫店員比半份我地食住先, 估唔到半份都比想像中多, 除左魚片之外, 仲有豆卜、雲耳同薯粉, 酸菜味唔會好濃, 個味道剛好又唔會太酸太咸, 魚片質感滑溜, 有埋薯粉配食好夾食完個酸菜魚, 開始打邊爐啦, 叫左旺角店限定既龍躉生蠔魚湯鍋, 湯底好足料, 厚切龍躉片加埋四隻生蠔, 店員提醒生蠔唔洗灼太耐, 食落幾鮮有蠔味, 龍躉啖啖肉火鍋配料除左可以用QR掃二維碼叫肉類同小食之外, 係自助區都有好多款丸類、菜類、麵類選擇, 醬料、飲品同雪糕雪條都係自助形式自取環境乾淨衛生, 坐位都坐得闊落, 最緊要係任飲任食無限時, 唔洗食得趕頭趕命, 可以一邊傾住計慢慢食, 物超所值!
繼續閱讀