二鍋頭 (嘉芙中心)

營業中

休息中

任飲任飲2.5小時的確完美追求！獨有雞煲/鴨煲/豬手煲口味配搭深受港人喜嗜小店「二鍋頭」上桌即叫即抄乾脆利落，熱辣辣雞煲辣度能自行簡選，啖啖肉且秘製醬汁嘅魔力越食越香又惹味，食慾胃口量增之餘兼肉質鮮嫩份量整得啱啱好好有鑊氣！慢慢滾滾下精華盡現想食就encore之餘同三五知己朋友聚會實屬之選任食任飲之制自選蕃茄薯仔濃湯鍋材料都幾豐富，尤其係剔紙必食牛類、丸類、水土魷、炸物魚皮絕對值得一戰，加上自助區仲有其他食物種類配備，相對整體以一個平價的價錢！

雞煲叫咗小小辣，但都好夠麻，入口超香，雞肉亦嫩滑，係有水準嘅雞煲！邊爐方面升級叫咗和牛任食，總共有4款牛，美國極黑和牛，牛頸脊、牛小排，仲有一客澳洲M6和牛，全部都好牛味，加上升級價錢唔貴，性價比都幾高～其實即使唔升級，本身啲美國肥牛都好好食，大大塊一片，唔似有啲舖頭會碎濕濕咁見佢餐牌仲有得升級海鮮拼盤，睇落都好吸引，但已經太飽食唔落啦！仲有唔叫雞煲可以嗌鴨煲或豬手煲，都好特別，下次可以嚟再食，試下其他兩個煲先！

之前係旺角食過一次，覺得好抵好正。有日收工見到尖沙咀都開左間，於是約fd過來食。.🌸任食2.5小時 $198.<二鍋頭惹味雞煲>order左小辣，非常惹味，雞肉鮮嫩多汁。食完之後 侍應會過來問要唔要再加d雞肉，或者試下豬手煲 還是直接上湯底。服務態度極佳。.我地揀左上番茄薯仔湯底。侍應會過來收雞煲鍋，然後重新比個湯底我地。.火鍋配料好多選擇，而且好新鮮。海鮮或者肉類需要寫紙落單，蔬菜飲品類可以行出去拎。.嘢飲方面都唔少選擇，而且都係比較細枝，貼合需求，唔會話飲唔曬浪費。

限聚令終於都寬, 今日同中學同學黎呢間火鍋雞煲放題re-U呢度啲野食質素好, 員工服務態度都好好~入門可以嘟安心出行或者寫紙仔都得~我地放工好肚餓, 一坐低就叫左個雞煲先, 佢有得揀辣度同埋加唔加鳳爪,  我地就加左~好快就上左個雞煲, 職員幫我地搞勻啲雞之後等2-3分鐘就食得~個雞煲嘅湯底調得夠味, 香料落得夠足, 雞肉又好入味, 正呀!鳳爪都好正, 唔會難咬, 第一次食雞煲鳳爪, 一啲都唔失望食完個雞煲職員黎問我地要唔要加, 我地幾個選擇困難想食又怕食唔晒佢就建議我地加多半隻, 任食嘅唔怕啦! 真係好nice!食完兩轉雞煲就叫左邊爐, 佢有沙嗲, 辣湯, 芫茜皮蛋 等等湯底揀, 我地食完heavy雞煲就揀左個清湯湯底, 無咁大罪惡感佢有張紙仔填叫肉類, 海鮮類等等, 自助區都有好多丸類同菜類選擇~肉類我推薦牛肉, 牛味出, 雪花分佈平佈, 醬料區仲可以拎生雞蛋黎點添~當然唔少得有雪糕雪條啦~ 

-🔸任飲任食雞煲火鍋 $198/人-收工約咗細妹去尖沙咀行街，行到攰攰哋又肚餓就醒起好耐冇食過雞煲，呢間二鍋頭星期日至四都只係$198，任飲任食2.5小時都幾抵！上到去環境空間都幾闊落，而且夠冷氣唔會焗到一身味。一嚟叫咗個雞煲先，我哋叫咗小辣啱啱好，又過癮唔會太辣食唔到，而且香氣十足，雞件都好嫩滑，仲好特別地係有鳳爪的～食完兩個雞煲之後再叫湯底打邊爐，非常貼心咁係成個煲換走而唔係重用同一個煲咁油膩！肉類同海鮮係用手寫紙落單，款式都幾多㗎！仲有自助區有唔少火鍋配料，例如各式丸、蔬菜、菇類、炸魚皮同響鈴都應有盡有，飲品都有齊各類汽水、果汁，絕不欺場。我同細妹都食到捧住個肚仔走～

早排食過旺角店嘅雞煲已經覺得幾得諗住happy friday同爸媽出街食飯講起佢地都想食雞煲即刻就諗起二鍋頭上openrice book位發現原來尖沙咀開左新鋪一於試下新場先一嚟到探熱填資料就可以入坐新場好大好開揚店員介紹有咩食嘩 原來呢度仲多款式完全係upgrade版 好正呀大食家族要出動喇第一轉就食雞煲先成隻雞嘅份量揀左小辣 雞煲keep住有水準雞肉嫩滑又入味食完之後又心思思試埋尖沙咀先有嘅黑椒豬手煲因為仲有太多野食所以就點半份豬手炆到起晒膠質 咬落Q彈又充滿黑椒香食完半份意猶未盡呀重頭戲嚟喇為食嘅我地揀左好耐都揀唔到因為龍蝦海鮮盤同牛魔皇兩樣都好吸引最後我地決定嚟個mix我地揀嘅係298牛魔王放題超高質牛肉任食 呢個價錢抵到癲左再加點龍蝦海鮮拼盤好豐富呀牛魔皇放題首先會上一份澳洲M6和牛之後就任食呢幾款美國牛美國SRF極黑和牛 牛頸脊 牛肋條 牛小排食回本完全冇難度平時M6同SRF極黑和牛出面食一碟細嘅講緊起碼三百蚊呢度你食兩round已經有賺焯十秒乜都唔洗點好香甜嘅牛味 油脂豐富 睇啲紋就知海鮮拼盤有本地龍蝦 蟶子皇 南非鮑魚 生蠔 翡翠螺樣樣都好新鮮 另外仲有好多款配料任點任

舊同事約我食晚飯，聚吓舊，佢帶我嚟食火鍋，佢話好抵食，$198包雞煲、火鍋放題及啤酒汽水。雞煲可以自選辣度，一上枱，乾花椒麻香撲鼻，醬汁濃郁，香辣惹味，雞肉亦嫩滑，好味呀～😋店員說一般火煱店，待客人食完雞煲後，只加清湯做火鍋湯底；但這裡特色是讓客人，另選新湯底打邊爐，我們選了「芫荽皮蛋湯」。火鍋放題這部份，除了點心紙點食物；還有自助區，有多款飲品、蔬菜、丸、炸魚皮、響鈴及雪糕等，好豐富。海鮮都有不少選擇，好啱我，活海蜆好大隻、白鱔片彈牙、脆肉鯇肉片好味；仲點咗豚肉、美國肥牛。雲吞及水餃蝦肉餡料爽口，點了二次😋。鮮滑牛肉，好嫩滑。雖然已經好飽，但係都要食返杯雪糕😆。

終於可以四人一枱食飯, 早幾晚就同咗屋企人去咗二鍋頭尖沙咀新開嘅分店食雞煲, 呢度無論雞煲定邊爐, 飲品定甜品都係任食嘅, 食都食得開心啲喇~🐥 雞煲煲方面可以揀雞或鴨煲, 我哋就揀咗雞煲~ 雞煲可以揀要唔要芫荽同鳳爪, 我哋兩樣都要~ 辣度都有好多選擇, 我哋食「小辣」, 對我呢個食米線叫開清湯/十小辣嘅人嚟講已經係max, 辣得好過癮~ 一開頭嗰幾啖冇咁辣嘅, 之後越食嗰陣麻辣味同香味就越出~ 最尾嗰幾啖好辣XD 啲雞肉除咗好香辣之外, 啲肉都幾滑咖~🍲 邊爐邊爐方面, 湯底都有好多選擇, 啱啱食完個又辣又重口味嘅雞煲, 而家就叫返個清淡嘅清菜豆腐煲中和吓先~ 入面係有好多西生菜同豆腐咖~ 叫餸方面, 部分係寫紙仔落嘅, 部分就可以係自助嘅, 選擇都好多咖~ 我最鍾意係「鮮牛肉」, 真係又香又滑咖; 魚片都好脆; 牛肉豬肉都好鮮; 丸方面最愛芝心丸; 連菜都有好多選擇咖~飲品同雪糕選擇都唔少, 不過聽聞旺角分店仲有熟食選擇, 希望尖沙咀遲啲都會有喇~另外呢度坐得好舒服、空間好大、店員都好好服務同好有禮貌！

尖沙咀都開了一間火鍋店「二鍋頭」，本身只有旺角有，尖沙咀更有多款限定包括新推出的黑椒豬手煲，也有海鮮套餐及任食和牛等可以升級，非常吸引。原來雞煲，鴨煲同埋豬手煲都係可以任食，幾款食晒都得，不過我哋胃口有限，今次就試吓黑椒豬手煲，都幾香，仲有少少辣味，啲豬手皮好有彈性！補充骨膠原！食完仲可以自選湯底八選一，我哋就揀咗冬陰功味，初初比較清新香辣，越食就越辣啦。肉類同埋配菜選擇都多，大部份肉類都係用點餐只選擇，我哋就揀咗牛柏葉，肥牛，黑豚肉，連比較特別嘅雞公子都有得食，整體花紋分報適中，都算新鮮。 當然如果想食在高級少少嘅牛就可以考慮升級套餐。出面都有好多各式各樣嘅蔬菜品種，同埋丸類食物，種類繁多，亦都有好多唔同嘅配料去做豉油醬汁，最主要就係食到最後有唔同嘅雪條同雪糕，我最鍾意就係嗰個奇異果味雪條，好特別呢！亦都有好多飲品揀！

朋友超鍾意食火鍋，約咗佢喺尖沙咀晚飯，佢帶咗我嚟呢間喺樓上嘅火鍋店一齊烚吓烚吓😆我哋叫咗$198嘅「二鍋頭惹味雞煲，連2.5小時任飲任食火鍋」，湯底就揀咗「芫荽皮蛋鍋」😋「二鍋頭雞煲」先上，要咗小辣，估計落咗好多香料嚟煮，非常香口惹味，仲聽到隔離有幾台人客都話好味😆，「雞煲」好快就比朋友同我掃清光，好多火鍋店就會加水/湯入雞煲，然後客人就開始打邊爐；呢度唔一樣，店員姐姐係就將雞煲收走，換上早前叫嘅「芫荽皮蛋湯底」嚟打邊爐，咁就有全新口味👍。呢處基本每樣食材都新鮮味美，其中特別出色嘅有：美國肥牛、白鱔片、活海蜆、鳳城水餃、鮮蝦雲吞，真材實料非常yummy, 另外就係各種蔬菜都相當新鮮，讚😋仲有，店員服務好好，又好禮貌；火鍋朋友同我過咗一個愉快又飽飽嘅晚上😋

二鍋頭尖沙咀新店🎊今次嚟新店食晚飯 環境更開揚舒適-🆕黑椒豬手煲 $198/位平時成日食雞煲 試吓新嘢先聞到黑椒味勁香呀！滿滿一煲豬手 豬皮光澤誘人✨食落軟彈煙韌 充滿膠質黏感好惹味 食到 lam lam脷😋豬手處理得乾淨無咩毛 食得好放心我啲骨膠原又準備增生喇😍食完豬手煲就另上湯底打邊爐麻辣火鍋湯底好有驚喜 辣度有啲料到👍🏻材料夠哂新鮮 我食咗唔少海蜆同鱔片 尼個價錢可以任飲任食2.5小時超過80款食物俾你揀員工服務態度慇懃 值得再嚟！

-係尖沙咀行行下街, 諗住揾野食之際, 俾一個派傳單既男仔”吸引”左, 佢好有熱誠咁, 所以我地跟左佢上樓. 哈!-間店都算大, 好光鮮, 好乾淨, 應係開業無耐! 入到去既感覺係好舒服!-一坐低, 就好詳盡咁介紹有咩餐俾我地揀.-價格都係大眾價, 食物質素好同多選擇, 有TICK TICK 紙同埋出去自己夾既… 當我地係出面夾既野食, 手持一碟, 再諗住夾多碟時, 有服務員過黎話幫我地拎一碟番去先. 呢下真係好impressed. 雖然當晚唔多客, 但佢的確無意務去幫我地, 真係有D唔好意思. -講番野食, 醬料方面, 應有既都有, 炸蒜, 炸蔥, etc…-淨係菜&菇都有好多款揀. -先叫左個小小辣既雞煲🐓, 對於完全唔食辣既我黎講都OK, 好野味, 雞肉是滑身的, 唔”鞋”, 值得一讚! 雞煲可以揀要唔要香菜同雞腳. -食完雞煲就換湯底， 唔係就咁淋啲湯落個食完既雞煲到，揀咗豬骨湯鍋，真材實料！有粟米蕃茄紅蘿蔔加豬骨！ -服務員人定時幫我地倒骨及換杯碗碟. -海鮮有蝦🦐, 魚🎣等等...賣相是新鮮, 食落亦好有鮮味.-重頭戲當然是靚牛🥩. 牛頸, 極黑, 牛小扒, 澳洲M6. 我

依一排都好少約朋友出黎食飯，但就心思思想去打邊爐同埋食雞煲，咁見朋友放假，就約左佢去尖沙咀二鍋頭到食火鍋，依間火鍋店可以食完雞煲後再叫湯底打邊爐，而且配料飲品，都係任飲任食，價錢仲要係$218，所以非常抵食我就選左中辣雞煲雞肉食落好嫩滑，肉汁豐富，我建議要自己炒多幾炒，焗一焗，就會更加入味食完雞煲後就叫左麻辣湯底打邊爐湯底又麻又辣，非常吸引墨魚滑大細可以自由調製，我就整成大大粒，食落彈牙肥牛唔會有太多肥膏，肥瘦適中，有牛肉味仲叫左海蝦(大大隻，仲有蝦膏)，海蜆(食落冇沙)，鵝腸(爽口，最好就放1秒左右就拿上來，完全唔會覺得難咬)最後甜品就有雪糕同雪條選擇，雖然已經好飽了，但見到甜品都要食埋先，我就選左芋頭雪糕，食埋就大滿足了

平時食黎食去都係雞煲羊腩煲今次我要試下新野 就係黑椒豬手煲!!!今次過咗二鍋頭喺尖沙咀新開分店 二鍋頭係火鍋仼食 $198/位 火鍋前有雞煲鴨煲羊腩煲同豬手煲揀今次揀咗黑椒豬手煲 真心骨膠原滿滿的一晚😍豬手皮軟彈煙韌真心係好入味食完豬手煲揀咗川椒麻辣湯 湯底令我好滿意平時食得太辣 但今次川椒令湯底非常香口 有麻有辣 令我食得非常開胃食材種類多達80種之多而且好多都好新鮮 特別係海鮮類👍🏻洗得乾淨之餘 又大隻 真係食到好飽 以呢個價錢 真心非常抵食👍🏻

之前已經同朋友去過旺角嘅二鍋頭火鍋打邊爐，最近知道佢哋喺尖沙咀開咗新分店，趁着晚市放寬堂食，小編即刻同朋友去咗打邊爐🍲餐廳環境闊落，店員都非常熱情有禮貌，食物質素同樣唔錯，值得一試_今次試嘅係任飲任食2.5小時 $218有選擇困難症嘅大家就啱晒啦，一個價錢可以食均火鍋、雞煲、鴨煲，仲有特製黑椒豬手煲，火鍋更超過80款配料，同朋友都係食到飽一飽非常滿足_今次我哋就叫咗雞煲，辣度選擇了中辣，味道香口惹味有驚喜_食完雞煲就可以打邊爐，餐廳提供八款湯底選擇，今次我哋就揀咗川椒麻辣鍋，大家可以每次喺紙仔內選擇10款配料，小編覺得佢哋嘅海鮮都幾新鮮，另外仲有其他肉類丸類選擇，味道唔錯🤣_至於其他蔬菜等配料亦都可以自行出去拎，呢度汽水同埋啤酒都係任飲㗎☺️_直到最後梗係要食返杯雪糕畫上一個完美句號，雪糕款式都好多，以呢個價錢來講CP值非常高，下次會再和朋友來試