二鍋頭 (嘉芙中心)

營業中

休息中

近排好常約朋友食飯😚😚😚今次揀左任食二鍋頭惹味雞煲、黑豬手煲同火焰鴛鴦鴨煲，仲有得任飲任食火鍋。淨係食果3個煲都好抵。我地先黎個二鍋頭惹味雞煲，由於我唔食得辣，所以揀左BB辣😚，見辣雞煲都紫洋蔥、京蔥、指天椒、乾辣椒等等配料，夠惹味，雞件醃得入味，份量都唔少！我地encore 左1次添。黑豬手煲都係唔錯，豬手炆得好入味同好淋，骨膠原十足😍😍，再配黑椒辣得黎有另一風味。食完d惹味煲之後我地就開始打邊爐，我地全女揀左藥膳煲，邊爐材料都幾多，用紙點既大多數係肉類、海鮮類，而凍櫃都有丸類同蔬菜菇類，仲比我見到出前一丁添🤣。

適逢二人限聚令的結束，我們決定一家人去吃火鍋。經家人推介下，位於尖沙咀的店舖除了能品嚐火鍋外，還能夠吃店舖獨家的其他鍋物。而我們便決定了去吃，該餐廳名為「二鍋頭」。我十分喜愛該餐廳能夠任吃鍋物，例如嫩滑雞煲，玫瑰露鴨煲和膠質很重的豬手煲。我認為所有鍋物也相當有特色。因此我們每款也點了兩次😂再者到火鍋方面，我們當天點了「牛魔王」，這是店舖誠意推介的M6牛肉，非常新鮮。明顯能吃出該牛肉不是急凍，而是新鮮的。而其他海鮮也相當新鮮，例如鮮蝦魷魚等。而餐廳的自助區提供的食物也很多，我特別喜歡自助區的炸魚皮，炸魚皮酥脆可口，加上火鍋湯底的配搭也相當合適，因此我也到了自助區不斷補充魚皮😂😂若大家喜歡同時吃鍋物和火鍋，便不能錯過了，誠意推介大家來嘗試一下！

今日去尖沙咀做運動，做完運動約咗幾個朋友一齊打邊爐，真開心。同朋友食火鍋最好就係約任食，食得更盡情 ，唔使就住就住。去咗二鍋頭，因為價錢幾抵食，週六六點半前入座都係每位188元。雞煲，鴨煲，豬手煲任食， 食完雞煲，鴨煲，就可以自選湯底打邊爐。我哋試咗雞煲，鴨煲，好惹味。湯底選咗藥膳湯，火鍋材料豐富，有紙仔點菜，蔬菜就自己出面攞。打完邊度仲有雪糕雪條任食。火鍋配料中我最鍾意肥牛，任食嚟講非常高質。另外就係海蝦，脆鯇魚腩同鱔片，好新鮮。當中嘅脆鯇魚腩我推介，非常爽脆。

前幾日同朋友一齊黎食左呢間任食雞煲火鍋，因為朋友好鍾意食雞煲。黎到發現原來呢個餐仲有包埋鴨煲同埋豬手煲任食，但因為我唔係特別鍾意食鴨同埋豬手，所以就無試到啦。二鍋頭惹味雞煲今次叫咗大辣雞煲，雞煲色、香、麻，樣樣都做得好出色。雞件煮得好滑，雞亦都吸收大量辣汁，仲可以無限添加。就算呢個價錢淨係任食雞煲我都應該會再黎食，何況佢唔只得雞煲。我同朋友兩個人都食左兩大煲雞煲。自選火鍋食完咁重味嘅雞煲，火鍋反而想食翻清淡一啲，所以叫咗個番茄薯仔湯。湯底好清甜，可以保留到食物本身嘅鮮味。任食嘅配料都有好多，有各種唔同嘅肉類啦、餃子啦，芝心丸、牛丸等等，仲有生根同響鈴呢啲火鍋必備配料，連海鮮都有得食！有魷魚、帆立貝、蜆等等。呢間嘢其實真係幾抵食，又雞煲，又火鍋，全部野食嘢飲都可以任叫。好特別嘅係飲品櫃有一支支蒸餾水拎，所以唔太好甜飲嘅我就主要飲蒸餾水。我見其他人好似有即斟嘅啤酒飲，不過我就無飲啦。最後發現原來仲有雪糕食，但因為都太飽，所以無食到。下次有機會黎嘅時候要記得留肚食下啲雪糕同雪條先。

二鍋頭旺角店咁旺，依家尖沙咀有開多間分店一定要嚟試下～ 雖然佢最出名係任食雞煲， 但佢個牛魔王任食美國極黑和牛都非常值得推介！淨喺2百蚊就有得任食雞煲，鴨煲，豬手同埋羊腩煲呢個賣點，已經吸引唔少大食朋友黎食餐飽呀～仲要喺可以食晒咁多款，可以重覆，又可以每樣都試！食完再自選湯底打邊爐個胃細啲都招架唔住呀🤣至於個牛魔王放題呢係 啱啱講嘅嘢再加上任食極黑 美國和牛呀！ 每位仲送返一客澳洲m6和牛添～ 呢個喺2人份量雞煲，夠晒野味，啲雞唔會太老但入晒味呀。食完即刻叫番個和牛先！睇個樣就知呢碟牛有幾正，我最中意牛小排，油脂香味濃郁！食多幾碟都喺咁正，$298喳真喺抵。海鮮類有蝦，帶子，蜆，大大粒嘅墨魚仔～ 另外叫埋鵝腸，豬潤呢啲我至愛內臟配料就大滿足！

以前食過呢間嘅旺角分店，記得嗰陣相當抵食，任食雞煲加打邊爐。近排上網見到有尖沙咀分店新開，尖沙咀對我來講又比較就腳，所以就同埋朋友去食啦。任食雞煲+鴨煲+豬手煲+火鍋+飲品 $198呢個價錢真係不得了，咁多樣嘢任食，滿足晒幾個願望，都只係$200左右。不過其實我主要都淨係食雞煲同火鍋嘅，但呢兩樣都夠做啦。鍾意食辣嘅我就揀咗大辣嘅雞煲嘅。嗰種麻辣味真係好好食，麻香十足。唔係因為我唔鍾意食芫荽同鳳爪，呢個都有得揀走芫荽同走鳳爪嘅。雞煲入面有好多雞，雞髀位又有，雞翼位又有，雞嘅其他部位都有。雞髀位同雞翼滑就正常嘅，但係佢其他部位嘅雞肉都好嫩滑，呢個真係有驚喜。本身第一煲雞煲份量都好多，我哋以為自己食一鋪就夠啦，但因為佢嘅味道實在太香太開胃，所以我哋又叫多半煲。有得揀半煲呢個安排真係幾好，唔使驚食唔晒，個胃食完都仲有空間去食火鍋。同埋佢唔係就咁加啲雞件入去個煲到嘅，而係成個煲換過，包入味。平時食其他地方嘅雞煲加火鍋，都係就咁加湯落雞煲入面就當係火鍋湯底，但呢個幾特別，有好多個唔同火鍋嘅湯底俾我哋揀。因為雞煲本身好濃味，所以我哋食完雞煲之後都想食返啲清淡少少嘅湯底，就揀咗番茄薯仔湯底。呢個湯底比

終於等到恢復晚市堂食可以到十點鐘，而且最緊要係放寬返可以4人一枱，所以朋友嘅約會終於可以成行啦。今次試左呢間朋友介紹新開嘅"二鍋頭", 佢唔似出面啲餐廳，通常都係只係得雞煲同任食火鍋咁基本，喺呢度仲可以試埋個"火焰鴛鴦鴨煲"同"黑椒豬手煲"添。。。未計火鍋都已經有三款唔同嘅特色煲畀我哋任食，如何人多可以試哂三個煲之後，仲可以係8款唔同火鍋湯底中揀返個打埋邊爐添。我哋一嚟到就梗係試下個招牌二鍋頭惹味雞煲先啦，雞煲嘅辣度今次我哋就揀咗個中辣，佢嘅辣度同麻味，都覺得好適中又唔會過咸，而且雞肉肉質鮮嫩個醬汁亦都非常入味。第二鍋我哋就試"火焰鴛鴦鴨煲"，職員落單時都特別再詢問我哋是否都係三人份量，還是需減至二人份，咁又可以試多幾款亦都唔怕浪費，非常甜心！所謂嘅鴛鴦鴨煲就係用新鮮鴨再加臘鴨去炆製而成，入而仲配埋鴨掌添，呢煲係個人認為中最出色最有驚喜嘅一個煲！試完呢兩個煲我哋就飽飽地，冇試埋嗰個黑椒豬手煲，唯有下次再試，我哋就直接跳到去食火鍋啦，火鍋湯底我哋就揀咗蕃茄薯仔，番茄味都好濃，而且仲有新鮮番茄同埋薯仔係埋入面，由於已經開始飽嘅關係我哋就隨便點咗幾款再向出面雪櫃度攞咗少少蔬菜，整體都真係好新

同男朋友兩個人去任食雞煲。平時啲雞煲係任食配料打邊爐，今次終於可以無限添食雞，夠晒惹味！雞煲嘅味道濃郁，質素OK。如果雞肉可以走油就應該會更加香口啦。黑椒豬手煲都好重黑椒味，而且豬手夠晒淋亦都好煙韌！我覺得好歡喜嘅係佢勁多打邊爐嘅配料。蔬菜粉面丸類，仲有海鮮添。我哋叫咗一個沙嗲湯，佢呢隻沙嗲湯係似馬來西亞嗰款，食得出有蝦米味。我哋揀左$29x升級左食和牛放題，和牛啲雪花好靚，牛肉味都好重！好可惜前面食得太多雞煲同豬手，所以叫唔到太多和牛。最後覺得驚喜嘅係佢真係好多甜品同埋嘢飲。我好鍾意馬蹄爽，估唔到喺呢度都見到佢。佢啲韓式嘢飲都好好飲。餐廳仲送咗一人一支消毒酒精添。

終於都可以出街食晚餐，而家可以出街食個飯都雖然感恩，所以今日即刻同老婆出去報復式行街，行到攰就去左呢間二鍋頭報復式食番個打邊爐放題先。餐廳環境非常乾淨企理，雪櫃位擺放食物都好整齊，可能係新開既關係，樣樣野都好新淨，感覺非常好。經餐廳侍應介紹之下，叫左牛魔皇套餐，真係無介紹錯。首先未打邊爐之前就已經可以任食雞煲，鴨煲同豬手煲，我地首先叫左雞煲食，有幾樣野值得一讚，首先份量啱啱好，唔會太多啱哂我地兩個食完再試其他野，另外d雞全部都啖啖肉，唔會好似其他任食既雞煲咁d雞又瘦又少，最後就係味道少少辣夠哂入味又惹味之後個牛魔皇拼盤，上枱果陣對眼真係發光，竟然任食都有咁高質素既牛供應，三款任食既牛全部都入口即溶，牛味非常豐富，實在係食唔停口，今晚我都數唔到叫左幾多碟，完全抵番哂。其實其他火鍋配料質素都唔錯，叫左幾款海鮮例如蜆，海蝦，脆肉鯇魚，墨魚仔都好新鮮，菜同冬菇味道都唔錯，今晚真係好滿足，下次要試下龍蝦海鮮盤套餐先得。

好耐都冇食過雞煲，行過尖沙咀見到哩間新開嘅二鍋頭未試過，一於同朋友一齊試吓。一坐低店員同我哋講可以三款煲任食，分別係雞煲、鴨煲、豬手煲，第一次見放題店有咁多選擇，好難揀咁一開始我哋就叫咗個雞煲，小辣加鳳爪，雞件啖啖肉，好惹味，肉質嫩滑，少少麻少少辣好正。兩個人去食二人份量雞件啱啱好，因為要留肚食下其他煲食完雞煲我哋又叫咗個火焰鴨煲試吓，店員落咗啲酒落去再點火，啲鴨件有淡淡的酒香，無咩鴨羶味，入邊仲有鴨掌同支竹，入晒味，好想即時叫碗白飯食完鴨煲之後，決定轉下口味開始打邊爐，食咗濃味嘅煲，咁我哋就揀個清淡嘅湯底-蕃茄薯仔濃湯。佢嘅煲物已經咁正，估唔到火鍋都唔錯，起碼有30款以上嘅火鍋配料可以選擇，出邊亦有唔同嘅飲品、蔬菜、丸類可以自己拎。咁多款火鍋配料我最鍾意食蜆同埋水餃，估唔到係火鍋放題都有咁嘅水準，隻隻都脹卜卜好鮮甜，水餃亦都好真材實料，每粒都有蝦肉食完火鍋梗係要食甜品啦，估唔到雪糕都有咁多選擇食物種類太多，樣樣都好味，已經約埋朋友下次要再試埋個豬手煲。總括呢間二鍋頭係一間性價比超高嘅雞煲火鍋放題，值得下次再食多次補MENU

尖沙咀有間新開張既火鍋店，非常抵食亦非常高質，尋晚任飲任食系列，但質數卻令我驚訝！因為性價比相當高，平日夜晚黎未加一前200蚊搞掂！食過堅係好食。食火鍋前還可先住任食雞煲，鴨煲，豬手煲等！當晚我先食雞煲後食豬手煲，2者都勁得！汁醬做得好入味又相當惹味，雞件肉質keep到嫩滑感，而豬手個黑椒味非常突出，豬手既骨膠原好似食 jelly咁，味道超好！之後就再無限order配料食火鍋，選擇非常多，海鮮類質數都好正，什至海蝦都有，蝦肉勁爽彈，好有質感！非常鮮味。蜆肉亦都無沙好乾淨，肉質飽滿。美國肥牛都係好食之一，再配上蛋汁，青葱！好有 feel呢！！飲品選擇亦都夠多元化，啤酒汽水少見既品種都有好多款！真心抵食好食。店員招待都夠細心，必會再食！

今日Happy Friday 跟三五知己打邊爐食雞煲，我食過旺角店都唔錯，我係何文田一架小巴直落就到，勁方便。見到雞煲鴨煲仲有豬手煲任食，已經好想開動了。當然不能錯過麻辣雞煲，辣度我哋揀bb 辣，見到配料有紫洋蔥，指天椒，爆香後已經聞到濃濃的香辣味，雞塊都算多，而且醃得好入味，肉質都好滑，仲有鳳爪，皮很入味。仲有黑椒豬手煲，加入不少黑椒，很惹味，豬手去毛很乾淨，皮夠軟綿，膠原豐富，岩曬女仔食，仲有份量都算多。另外食完雞煲，豬手煲就要打邊爐啦，叫了藥膳湯底，湯料有紅棗黨參，很滋補。紙上點配料又得，外面凍櫃的配料都一樣可以拎，肥牛，丸，蔬菜等都唔錯。記得留返個肚食下雪糕，都有不少口味，飲品同樣選擇多多。星期五既關係食2小時，所以都好抵食，又雞煲又邊爐，我們都飽曬。

呢幾日都係尖沙咀做嘢，到咗今日終於搞掂，可以早D收工，約埋一齊去食火鍋，我諗起尖沙咀都有二鍋頭，一於去，上到去都係17:30每人都去攞啤酒，飲番幾談傾吓偈，先來個雞煲，雞煲好快已經食晒啦，唔係個個肚餓，而係好好味呀再嚟多個雞煲，輪到個鴨煲，店長用玫瑰露酒淋落去，然後點火D香氣和火焰好特別，跟住豬手煲，霖之中都有啲咬口，再整多個豬手煲，食完豬手煲之後打邊爐，我哋用咗紙仔佢點咗白鱔片，牛肉牛肉係M6和牛，超正海蝦、花枝片、青口、海蜆好新鮮好鮮甜帆立貝、吊桶仔、墨魚仔、豬頸肉撩得好入味水土魷、羊肉片、再去自助區自選炸魚皮、炸響玲、菜，尖沙咀二鍋頭係新張無耐，環境好好舒服，地方好乾淨，店長同店員工作態度一流值得嘉許。

相信很多食客都喜歡雞煲！惹味的味道令人大快朵頭。聽朋友推介尖沙嘴這間集雞煲，鴨煲，豬手煲及火鍋一身的餐廳。（二鍋頭）今天就慕名前來一飽口福。餐廳位置舒適，明亮的大玻璃窗將外面風景盡收眼底！相信在此環境下用餐味口都會好些自助區有任飲之飲品！還有各款用來火鍋的配菜！任君選擇！打頭陣的是我喜歡的雞煲，服務員上餐時會溫馨提示！色香味四溢的雞煲令人垂涎欲滴！BB辣的程度剛好滿足我的味蕾！超正！鴨煲也入味，上餐後再澆上玫瑰露酒！頗有創意！黑椒豬手煲也受小妹的喜愛！悶得香噴噴的豬手！吃起來滿滿骨膠原。好像同時感到皮膚又美又滑了呢？享受雞煲，鴨煲，豬手煲之後！火鍋的節奏立即開始了！M6 和牛成了我的火鍋菜餚！此款和牛令人齒頰留香。各款新鮮海鮮也任吃任點！朋友的推介的確令我大飽口福！飽餐之余，最後吃上杯雪糕慰勞我的第二個胃！滿心滿足

之前食過旺角店，覺得好抵又好食，今次見開左分店就即刻來尖咀店試下。我地先選雞煲，仲有鴨煲，不過我都係鍾情食雞煲，之後可以再重選湯底，再打邊爐，唔係用雞煲既湯！雞煲好入味！份量夠多！洋蔥勁甜，俾我食晒！之後，我地重新選了川辣湯底，叫左小辣。我地加左少少錢，食牛魔皇套餐，牛肉質地都幾好，仲有和牛，正！海鮮都好新鮮，魚都有幾種選擇，蝦和蜆都好新鮮彈牙！而有些菜、丸是自助形式去拎，飲品、雪糕都多選擇，下次一定會再黎！