二鍋頭 (嘉芙中心)

營業中

休息中

突然之間好想去食打邊爐，見到尖東呢頭開咗間新嘅火鍋店，見過價錢都好吸引，就入咗去試一試。啲店員都好有禮貌，安排我哋入咗之後同我哋介紹可以任食雞煲鴨煲豬手煲，但係我哋兩個女仔邊可能食到咁多嘢，就揀咗個最穩陣嘅雞煲試一試。雞煲我哋揀咗食小辣因為我哋驚太過辣頂唔順，上菜之後雞煲浸味真係香氣撲鼻，幾鍾意食佢哋雞煲入邊嘅鳳爪，同平時嗰啲酒樓嘅鳳爪都係一樣。食完雞煲之後我哋就叫咗麻辣湯底火鍋，一上菜嘅時候比佢個辣椒真係嚇親左，因為冇得比我哋揀辣度，但係好彩啲辣椒都唔係太過辣。火鍋配料方面擺放都幾衛生，refill都幾快。除咗自助嘅火鍋配料之外，仲可以喺餐單上面去選擇，個人最鍾意係佢個墨魚滑。