乾杯串燒居酒屋 (漆咸道南)

營業中

休息中

上網買左COUPONS, 淨係BOOK位都要等成兩個月又話放題!! 點知係自助形式!! D野放到凍哂!! 又唔REFILL!! 仲要有D野係限食!! 所有野都勁難食!!! 痴線架!!!先講下有乜野係限食, 有牛肉粒, 一人一串; 燒蝦, 一人一隻, 似炸蝦多D; 蠔, 一人一隻, 腥到爆 ; 扇貝, 一人一隻; 仲有烏冬, 一人4-5條!! 係平時食飯碗既一半份量!!放係出面自助既野.. 得蒜蓉包同中華沙律係食得過, 其他食物又凍又有怪味!! 去到個老闆仲好意思話 "唔駛擔心一定有REFILL"! 根本一次都冇REFILL!! 實在太過份.. 呢D咁既服務仲要原價加一.. 食完好似冇食過野咁以後都唔會再買COUPONS.. 俾錢買難受佢賣左成5千張COUPONS, 收左成70萬.. 團購錢真易賺

在購物團所推出的優惠下，前往放題...但情況是放蚊就有我份當然餐廳所送出的幾款食物是可以的,但略咸..燒雞翼也不錯但服務真的是差，對客人愛理不理隔離台的客人不是用購物團的優惠,所以他們享受了一個正常的晚餐對比下，我地好似來乞食的一群人情況就是有食物俾你,你就好食無既,係理所當然!!!我想我地都有俾錢架~!!當晚食得最多的是.....鹽!....請也唔會去哩間野!

早一排買左任食coupon諗住幾抵食試下，點知見到openrice評語咁我都好驚，因為我買左八張！但都無辦法啦咪試下囉！我地8：30到齊，之前一班都開始埋單，8：45-8：50已經坐定定準備食。野食已經bar，是剛燒起的雞翼，還有日式介末沙律。味道很好，絕對不是冷冰冰同出水的。跟住每人一份海鮮，有扇貝、蠔、蝦同安格斯牛粒。講真海鮮算幾新鮮，絕對唔係將貨就價，一人一份雖然唔多夠喉，但係如果佰幾蚊有任食海鮮一定唔方好野！跟住野食一直都定時推出，雖然無得點，但絕不雖要等野食！食物質素也不錯，很野味，朋友都食得好開心！服務質素很好，仲不時問我地夠唔夠食，呢下夠細心！總括黎講這個價錢加食物同服務質素我們都很滿意，而且店裡環境都好好。

這是一個欺騙的行為 , 我認為呢間野有心用團購名義去呃各大眾市民 , 令大眾市民失去對團購的信心 , 而且呢間係按住良心去做生意。真係嬲到要打個食評 !!!!!!作為拿了台灣署名【乾杯】名字作招牌去吸引消費者 , 不旦冇做好【台灣乾杯】的名氣 , 相反係影衰【台灣乾杯】的名字。首先昨天一同十多名朋友去呢到食野 , 首先唔講食物 , 講下啲態度已經有問題 , 我哋一同13人 , 但係個職員話唔可以一齊坐 , 問佢點解 , 佢九唔答八咁話 : 「因為要分開坐。」 而且態度惡劣 , 對住啲客黑面 , 跟住個老闆重要好似好唔耐煩咁話 : 「我地會幫你安排位置」 結果到最後都係要分開坐 然後身為一間串燒店 , 做的係放題 , 唔係自助餐 , 叫啲客自己出去拿碟拿筷子跟住排隊咁去拿食物 , 自己拿嘢飲。 =口=""當日有 : 沙津 x 3 ( 中華沙津 , 椰菜蟹子 , 唔知乜野拍青瓜)冷盤 x 1 (薑皮蛋)一堆熱食 ( 雞翼 , 燒年糕 , 司華力腸 , 牛舌 , 芝士丸 , 餃子 , 雞扒 , 雞軟骨 , 墨魚嘴 , 金菇 , 菜心 , 豬頸肉 , 西蘭花 , 小蕃茄….. ) 【我自

同上面咁多位一樣，小弟亦係買團購網先去幫襯。之前去台灣去過一次乾杯，氣氛又好，食物又正，諗住今次喺香港食應該無死錯人，點知...首先小弟係個零月前去食既，當時仲係(算)係任點任食，唔係而家咁放啲盤出黎好似大食會咁。但係呢，真係仲衰，小弟食嗰次交咗張點菜紙後過咗九個字先有"食物"出現，問店主點解咁耐，店主答係即叫即燒，所以需時咁耐喎。咁啲唔使燒既嘢又點解釋呢？四十五分鐘後第一樣上菜既係唔使燒既蟹籽沙律，完全係伴碟feel，等咗四十五分鐘就係等呢碟嘢.....等都係一個好大既問題啦，啲食物質素亦係唔掂，唔知點解啲嘢可以咁鹹得咁緊要。學各位所講就好似二等公民咁，團購coupon食一樣嘢，比正價食另一樣嘢。其實食物款式唔同都無所謂，比番值$176既食物我就得喇，但提供啲服務同食物真係連一舊水都比多佢...而家真金白銀出黎食搞到好似二等公民咁，貼錢買難受。好彩我係同朋友去食啫，若果係情侶拍拖去實分硬手啦！最後我坐咗個半鐘，第一張點菜紙仲未出晒，真係Crazy...

無辨法 比左錢, 睇左樓下d 食評, 都知會有一肚氣，不過本著好奇心都試左 好唔開心呀，點解可以咁離譜!!!!我26號晚去左食，大家好似搶食咁，味道唔係差呀，不過一人都唔夠一件燒完就無架啦，大家未用coupon既小心d啦我係女仔黎架，點同咁多人爭呀..... 又話任飲任食原來係用個鍚紙盤裝住d食物跟住個個出去搶汽水又無氣，d待應叫極都唔應好似當我地係白吃咁..... 好失望囉

之前團購網見到$13X可以任食原價$380既日式串燒,諗住試吓, 點知中左招.....等我試吓組織案情:由於之前訂左6.30pm而我亦準時,不用排隊便即刻有位, 環境係較細, 但乾淨企理.職員有禮亦勸快,一入座已講明是晚用餐程序: 食物會無限供應, 但要自取, 聽完開始感到唔妥......到場時已見到有幾盤錫紙盤, 入面裝有食物, 放係一條bar枱上面, 埋去睇吓, 有炸餃子, 中華沙律之類, 旁邊有一jar jar汽水, 其後送出來的食物漸漸增多, 繼有司華力腸, 墨魚丸, 雜菜沙律, 牛油金菇, 茄子, 炸雞翼, 燒雞翼, 牛肉串, 雞肉串, 炸雞軟骨, 燒粟米, 年糕.....等等......每款食物都有一盤, 一些較受歡迎的食物如燒雞翼初期會再添.由於我坐得較近bar枱, 又由於我準時到, 食物一送出我便即時攞到, 所以很幸運地我可以食到比較"暖"既食物. 無錯, 係"暖"的食物. 串燒唔同打邊爐, 燒好左既食物會好快攤凍, 而師傅每次要燒一大盤食物, 可想而知上得菜黎已經唔會熱得去邊. 食物初出係暖的, 但當再番攞時就已經凍左, 而凍左既肉串食落似肉乾, 溝好左既沙律會出水,

原本上星期己book 24號,豈料不到人己滿侍應也很客氣改為下個星期(即31號)收工前昅下位置,地點~再睇睇食評~~吾睇由自可,一睇真係好壞參半~~都係個句,既然買左團購,就不妨試下~~至少話晒港島區~差極有個限度!!但唯一意想不到,是自助型式!!!(可能舖內較少,人數不多,覺得沒所謂)吃了很多燒物,感覺中上~~相信其他地方都差不多~(但價錢一定比這裡貴)燒蝦,帶子,帶粟米...肥牛串!重點是有幾非常友善,靚媽級 跟白頭侍應 照顧週到~顧及有幾位置.客人要出去拿食物,是要左迫右迫~!最後一提~燒菠蘿必吃!!! 直接為全程食物添上一個完美既句號!!$13x價錢的話既團購,必會再來!~若果是食原價的話,就不太值得了百多元想吃什麼呢? 沒可能 是 "又要百二蚊,又要李嘉欣"

用埋張coupon，$48當$100用，book左九點，等左5分鐘到就可以入坐。D 侍應好nice,服務唔錯，只係上菜真係好慢，等了差不多10-15mins先上第一碟燒。食物款式都好多，叫左以下野食:燒菠蘿-->ok 甜，不過個人不太喜歡。D 汁同魷魚好夾!烏冬口感夠.其他冇影到相。overall都唔錯，不過貴了點，一試無防，成日食就唔好啦。

不知所謂的放題又係團購網關係而幫襯, 點知食到谷鬼氣，忍唔住要打返個食評。團購網明明話任點任食，但事實係喺bar枱得幾盤用錫紙兜裝嘅野食，客人要搶食而唔係任食，同網入面嘅內容有出入， 個個人要搶先分到1條，仲要唔會refill, 食得一次.食到一肚氣，一睇就知跟本無心機整食物，因為成忿野食有d已經凍晒，雖然係買左coupon, 但都無理由可以差到咁，事先又無講過會用咁樣既形色出食物. 當日食物於下:芝士牛油焗西蘭花，法式焗蒜蓉飽，牛油焗金菇菜，日式炒野菜，鹽酥雞，炸日式餃子，場酥雞翼，燒司華力腸，燒芝士丸，燒雞軟骨...食物質數其實還可以,只不過食得唔開心，好影響個氣氛，而佢地用既材質都係平價貨, 所以真係一分錢一份貨，買左coupon既朋友真係唔好咁大期望，我對呢間團購網同呢間餐廳我永遠都唔會再幫襯！

一心諗住黎食好味既日本放題, 點知真係好失望空間狹窄, 枱與枱之間只有2吋隔離, 侍應反應慢半拍, 見天不應叫地不聞, 明明BOOK左枱, 入去叫左數聲但都無人應, 我以為真係好似台灣咁要講普通話先會有人應.... 坐低後, 係無人同我解釋點樣攞野食, 有咩係限量, 咁都算...以下就係我呢一餐飯既所吃所謂...首先食既野款式不多包括燒司華力腸, 燒雞軟骨, 芝士牛油焗西蘭花，法式焗蒜蓉飽，牛油焗金菇菜，牛油焗雜菇，日式炒野菜 , 燒粟米 , 蟹子蜜糖芥辣沙律，三色沙律三色沙津全部出晒水, 我唔知係飲緊菜湯定係食緊沙津, 栗米又硬又咸又燶又痴牙.. 精選項目 (每人一份): 燒海蝦，燒扇貝，燒生蠔，燒頂級安格斯肥牛粒燒扇貝，燒生蠔 ----> 利用大量蒜頭去僻唔新鮮的腥味燒海蝦 -----> 一咬落口就知係死蝦, 未至於梅但都唔好食燒頂級安格斯肥牛粒 -----> ????完全唔覺, 只係得個咸字燒年糕 -----> 無味, 仲難食過腸粉燒雞柳串, 燒豬頸肉 -----> 勁乾, 我以為食緊豬肉乾全部野食都太乾, 同埋用同一種調味料, 好似北京

之前係網上買左優惠卷,見佢原價380蚊放題,宜家只需138就諗住試下啦點知去到叫野食既方法完全唔係平時既放題,而係要自己出去拎拎野都算,點知D日式料理除左D雞翼同D金菇係咁出之外,其他就係棻同番茄,完全無特式!D野食無特式都算,仲要係限量供應,D位又迫,問佢之後出D咩又唔答我坐左兩個鐘,佢都係出冬菇、棻、雞翼、金菇果D~完全係呃錢!唔好講380蚊,我拎138+38蚊出來食都覺得超呃錢!成晚最入得口既得個燒生蠔,可惜唔係任食,係每人得一隻!!!難聽D講句,我係入面食既野同我係旺角自己食街邊小食無分別!真心講句,旺角街邊小食都好食過佢!

環境：非常細，非常狹窄，極不舒適，要在如此環境出出入入行去自助拎食物，乃一非常不便的安排。另外，原本店方先「細心安排」一張只能勉強坐2人的檯給我們3人享用，承諾待有其他食客結賬後給我們換檯。終於，於2小時的限時用餐時間內過了1/5左右方能換上「正常」的坐位安排。末段時間，搞不清店方在研究甚麼特式菜，令整個店內充斥著一股惡臭難忍的特種咸魚味，比其「美食」更能起即時的趕客作用。食物：食物款式實在是少得可憐，供團購草民「專用」的串燒加下欄小食，全晚大概只有不多於10款，而實質上串燒只有燒雞翼(但成晚係食過一隻咁大把就無加過，仲要係冰凍嘅)、串燒肥牛、串燒雞肉之外，其餘都係炸及炒：計有炸餃子、炸雞翼、炸雞軟骨等...食物溫度尤其值得一提，「凍食串燒」想必大家很少機會試得到，大可光臨此店細心品嚐。「精選推介」計有：服務：此店最特別之處就是既同招待團購和散客，但待遇差天共地。團購客只能等待隔十五分鐘出的食品，反觀一旁看來像是包半場的非團購食客就不時有專人送上熱辣食物，同時亦可享用團購客人的食物。店主亦「非常大方得體」，兩次為我們額外送上「只供散客用」之美點，包括台式四色乾爭爭香腸和吃得下的原個墨魚

服務真係令人好失望， 食到勁唔開心，差到要我寫第一篇食評一入到去坐低，等左十分鐘都冇人serve，連menu都冇，D staff 一味係度執D空‘木台’仲有另外D staff 企係度唔知做乜遊魂咁，我坐到黑晒臉都冇人發覺！水要開聲叫先有，有一次拎走左隻杯加水, 點先一去冇回頭。另外佢地話show個佢地個乾杯iphone app可以有小食送，但係我前前後後show左比3個staff先有回音，第3個仲問：你有個app丫ma? 我頭尾show左比你地睇3次係你地冇人理ja!食食下，由於我地坐係廁所附近，有個侍應阿姐無啦啦大叫：D人咁鍾意踩踩踩！（佢意思係話D人鍾意踏隻腳上廁所板）我心諗，有咁多客係度佢咁樣好冇禮貌。其間仲要勁追單，食呢餐食真係食得好辛苦。好，講下D野食先，燒頂級安格斯肥牛粒 $30好韌, 好似趙香口膠咁，$30仲要得果幾粒燒生蠔 ＄38, 都幾好味燒金菇肥牛卷＄18，份量好MINI，唔值呢個價燒原隻魷魚筒＄58，燒到好韌，唔好食其間女侍應收碟整跌左條魷魚，無道歉仲要份唔知，服務真係好差！燒台灣香腸＄20，好味，都有台灣水准燒聖子王＄48，咁細條完全唔值＄48燒豬頸肉＄18，燒

我最愛就係串燒送啤酒, 佢地d串燒火候碞碞好! (燒生蠔, 雞亦, 扇貝, 花竹蝦, 冰震蔬菜, 各式各樣都可以令你回味無窮, 我個台灣朋友話, 好過台北果間乾杯, d朝日生啤fresh到不得了....我一路食一路飲, 差唔多夜晚11點幾重有好多檯客同我一模一樣, 老細nick哥見我地咁高興, 再全場贈飲一杯大生啤. 回味到我地不得了......我個台灣friend比3個讚讚讚