九雲居 (已結業)

最近天氣轉涼心癢癢好想同朋友打個嘅邊爐，所以上星期同朋友揀咗去位於跑馬地嘅九雲居，試吓佢哋嘅特色東南亞火鍋湯底～整體無論係揚底定食材都非常高質，特別係湯底，絕對有驚喜！必試娘惹喇沙！超香濃，配響鈴一流～美國頂級牛小排肥瘦比例均勻，牛肉味濃，輕輕淥一淥就食得！黑毛豬肩肉嚟之前已經見好多人都大讚呢度嘅豬肉，果然無令我失望😎唔會太肥，柔軟而有口感。特別要提一提最後甜品，椰子雪糕！真係同喺泰國市集食到嘅味道好似，解膩一流😋

東南亞、火鍋同清酒，估唔到依三樣嘢都可以扯上關係！話說上次參加完Sake品酒會之後，咁啱就留意到九雲居嘅Sake tasting dinner，即刻約埋朋友去飲飽食醉😳• Sake Tasting Dinner $788/1位餐前小食有九雲居嘅四款特色湯底：冬陰公、喇沙、牛骨湯同椰子雞湯，分別配搭大蝦、魚丸、牛丸同雞肉，可先嘗試湯底同清酒嘅配搭。前菜則有大蜆配椰子清湯，湯頭非常清甜，更帶有檸檬草獨有嘅酸爽芳香，清新開胃！接住落嚟去到火鍋嘅部分，第一round先有冬陰公及椰子雞湯底，冬陰公湯夠酸夠辣非常惹味，椰子雞湯則充滿椰奶香，兩者都各有特色！嘢食方面配有澳洲龍蝦、龍躉肉、黑毛豬肩及手工蝦丸，食材高質程度令人驚喜！澳洲龍蝦晶瑩剔透，輕灼後肉質爽彈，配冬陰公湯就最夾！另外黑毛豬肩口感軟嫩，仲帶有少少甜味，同一般豬肉真係冇得比，好好食～第二round換上喇沙同牛骨湯，鍾意清清地可以試吓牛骨湯，就咁飲已經好舒服，至於重口味人士就一定會鍾意佢哋嘅喇沙湯，夠哂濃郁！配搭入口即溶嘅美國牛小排，仲有手工巴東牛肉餃、蔬菜籃同摻摻麵，真係勁滿足Last仲有椰子雪芭做甜品，味道唔會太甜，清清個口腔就啱曬😌

見身邊好多朋友都推薦位於跑馬地嘅九雲居，食材又新鮮又靚，最緊要係有特色，封左關咁耐我一直都好掛住一啲東南亞特色既美食！同行朋友亦都一樣！所以今次就揀左黎九雲居！搵返昔日去旅行既感覺！朋友果然無介紹錯！無令我失望！呢度既食物款式又多，味道又好，就連擺盤都睇得出好有心機！全晚最喜歡一定係佢地既椰子雞湯！椰子味好出又濃仲勁Creamy，啲雞肉亦都唔係淨係拎黎熬湯，雞件肉質又滑又香！本來仲以為佢地只不過係湯渣，食左之後真係嚇左一跳！特別要提一提最後既甜品，椰子雪葩！解膩一流，同泰國市集食到嘅味道好似，唔講以為自己真係去左泰國！

喇沙湯底重椰奶香，吃下去辣度適中喇沙都會配海鮮今次我哋試吓配龍蝦果然真係好夾！到最後加油面同米粉，索了湯汁後甚惹味。跟湯有雞髀肉，肉質嫩滑，勝在份量足夠。非常意外，除了雞髀肉外，還有菇菌跟海鮮作配料，海鮮非常新鮮。Staff 不停添加相應的濃湯，不用愈吃味道愈淡。 另外試了椰子蜆湯，用staff 介紹說用新鮮椰青水加香料煮，加上大蜆，非常清甜鮮味。 火鍋除了湯底十分重要外，九雲居食材的新鮮程度也令我很驚喜。肉類提供美國頂級牛肉、和牛、黑毛豬和西班牙羊肉等；海鮮和滑類選擇多樣化；重口味選擇包括雞心、雞腎、鴨紅和多種牛雜。還有每天鮮製的手工火鍋料泰式肉碎餃、巴東牛肉餃、紅咖喱鯪魚丸和馬拉盞蝦丸，誠意十足。加上響鈴及各種豆腐吸飽湯汁精華，十分滿足。 最後甜品選了椰子雪糕，跟泰國巿集吃到的味道一模一樣。非常心滿意足地離開。

又係時候同太太周圍去試下新野，哩間餐廳主打東南亞湯底火鍋為主，成間餐廳的設計都充滿80,90年代馬來西亞的感覺，氣氛營做得好地道。鋪面唔係好大，主打三五好友聚腳為主。員工整體有禮貌，隨傳隨到。食物方面，因為今次係SET好晒菜單，可以一次試到四款湯底，分別係椰子雞，冬陰功，牛骨湯同娘惹叻沙。四款湯底都唔錯，好足料，當中比較鍾意椰子雞同娘惹叻沙。椰子雞同魚類、龍蝦海鮮好夾；而叻沙配紅肉就冇得頂，另外配響鈴都非常好食，響鈴吸晒D汁。餐廳剛好有個品酒活動，提供左4款清酒試飲，感覺都唔錯。另外有個驚喜係上左碗已經煮熟的摻摻面底，員工幫我地用叻沙湯底淋上去做湯，變成碗熱辣辣的海鮮摻摻面。大推叻沙湯底，正！龍蝦大大隻牛小排色澤紅潤，肉味好濃石斑扒，鮮甜蔬菜配東蔭功湯底都一絕，索晒湯汁

好少嚟跑馬地搵食，今次朋友介紹真心覺得唔錯。有別於一般港式邊爐，或者shabu shabu，好有新鮮感裝修簡約舒服，座位亦都唔迫總共四個湯底，一次過滿足晒我嘅調理嘅美女，食材好高質，will go back for sure!Tom yum - 配海鮮或者肉類都好正Coconut chicken - 第一次試呢個湯底，有驚喜Pho - 好鮮味，飲到停唔到Laksa - 好嘢味，淥咩都正澳洲龍蝦好鮮味，仲要因為係厚切，咬落啖啖肉，同平時食薄片好唔同。

本人為邊爐die hard fans，搵食時發現到呢間好多唔同湯底，終於唔係食紅白湯，就即刻打去book 位試左喇沙湯同埋牛骨湯。牛骨湯就係平時食越南河既牛湯，可以當清湯咁食菜食金菇，清得黎其實都夠味然後重點就係喇沙湯！好好好香！香得黎唔會過份重味都唔會太咸，係可以飲既我地叫左龍蝦，黑毛豬肩胛肉，龍躉片，蝦丸，響鈴，仲有d 菜呀豆腐咁食材好新鮮好好食，但我更推介"摻摻麵"，係將喇沙湯直接倒落去 (上菜時個麵已經熟)，因為個湯真係好正，配麵食係一絕，亦都証明老闆對佢地湯底好有信心，個麵唔駛連湯煮已經夠晒味。另外餐廳環境好乾淨好闊落，可能跑馬地都係d 高尚地方，入黎打邊爐都唔會覺得好low，甚至覺得比好多靚餐廳更高級不過餐廳坐位唔算多，眼見應該唔過10 張枱，建議大家去之前先book 位

第一次嚟試東南亞主題嘅火鍋，今晚一次試到四種唔同嘅湯底，每一款都各有特色，食材新鮮，喜出望外🥰 餐廳嘅環境舒服，員工亦都好友善，好滿足嘅一餐First Soup Course: Tom Yum/Coconut chicken soup呢兩個湯配以澳洲龍蝦，龍躉，黑毛豬，手打蝦丸。龍蝦好厚身好彈牙，淥落冬蔭公好正🤩Second soup course: pho/Laksa其實叫咗好多野，有牛肉，響鈴，芋頭，金菇，生菜，餃子… 但係一路食一路飲，飲到唔記得影相😅Pho 湯係平時越南湯河果款，用來食牛肉食菜都好中；喇沙湯好香好適合食餃子響鈴類。最後仲有個已經煮熟嘅摻摻麵，員工幫手加啲喇沙湯落個麵，為呢餐東南亞之旅畫上完美句號。第一次有咁多唔同湯底打邊爐，仲可以因應唔同食材配搭湯，睇怕之後都返唔到轉頭😙

朋友介紹跑馬地有間特色湯底嘅打邊爐，本身事前做功課時已經好奇待喇沙湯底，結果呢餐比我想像中更驚喜。首先環境好乾淨。我自己無乜所謂但女朋友好怕污穢地方，坐位闊落好舒服。首先一來到就有一個頭盤soup platter，係四碗用佢地招牌湯底做嘅湯小食，d 湯真係好好味我地四碗都飲晒之後再來一個蜆連湯，呢個相對清淡d，值得一提係隻蜆鮮味好足，就算唔打邊爐制係食隻蜆都正然後就到第一輪湯底上場：冬蔭公湯& 椰子雞湯兩款湯都有椰汁，就算兩個湯交替食，味道都唔會相沖嘢食方面我地叫咗澳洲龍蝦、龍躉、黑毛豬肩肉、蝦丸龍蝦係厚切，啖啖肉，配冬蔭公好夾，湯底夠濃味得嚟又唔會搶咗龍蝦鮮味另外蝦丸好出色，無論口感味道都好好，必食！之後到第二輪湯底。今次除咗有好奇待嘅喇沙湯底外，仲有pho 牛骨湯牛湯配牛小排一定無得輸ga la，食菜都好夾而喇沙湯食餃子同豆腐都好夾，食牛肉都正，去到呢個位，其實係有d 唔知食材落邊個湯好，因為兩邊都好好食。最後仲有個摻摻麵，已經煮熟咗唔駛淥，直接加喇沙湯就得。雖然去到呢度已經好飽，但個麵令喇沙嘅香味更突出，無得唔食。老實講我都係第一次打邊爐會換湯底，平時最多都係鴛鴦鍋兩個湯。但其實

天氣涼涼地！ 最岩打邊爐！咁岩有朋友介紹話試下冬陰公湯底！ 正呀！ 平時想試好耐都無機會試到！湯底濃度岩岩好。仲可以飲埋添！不得了如果想清清地，可以試個牛骨湯😉鐘意牛清湯的朋友唔好錯過呀！呢個牛小排，無得頂！雪花好靚呀！ 一出黎真係嘩一聲！不過食多兩塊。就好飽。油份太多仲有呢個響鈴配過濃味湯底，好出色！佢仲有黑毛豬啦，鮮打蝦丸，都好正！掛住食，都唔記得咗影下相！今晚，仲有埋sake 飲！打住邊爐飲sake ! 人生一大享受！

好耐無打邊爐，天氣涼涼地。咁岩個朋友食過，話要再去。正呀呢度個冬陰公湯底超好味，濃度十足，仲可以當湯飲，又可以打邊爐。出面食黎食去，都係個d，沙嗲，皮蛋芫茜，真係食到悶！辣辣哋又酸酸地，好正上面有4款湯底，有椰汁雞，牛骨湯，喇沙湯，冬陰公湯！想清清地，可以試過牛骨湯！另外，要推薦下佢個牛小排！嘩一出菜真係超驚喜！雪花❄️好靚呀！入口即溶，好耐都無食到咁好食的牛！打邊爐，牛先係個精粹所在！今晚仲有得配sake 飲！其實打邊爐同sake 都真係好夾呀！

本身自己都好鐘意打邊爐同埋食泰國嘢 今次有朋友介紹同我講話九雲居有冬蔭功邊爐🥘 即刻要去試一試成間餐廳好有氣氛🤣今次參加event 可以一次過試哂四款湯底，一次過滿足晒我四個願望👇🏻四款湯底包括：冬蔭公、椰子雞、叻沙、牛骨湯四款湯底裡面最令我有驚喜嘅係椰子雞！非常香濃，而且d雞肉都好嫩👇🏻龍眼水好好味😋第一輪有澳洲龍蝦、黑毛豬、手打蝦丸、石班魚龍蝦肉好新鮮，蝦丸又彈牙😋 最好食就係黑毛豬，必點！湯底就有我最愛嘅椰子雞同埋冬蔭公❤️椰子湯底配龍蝦肉居然可以咁好食第二輪湯底係叻沙同埋牛骨湯個人推薦一定要叫響鈴浸落叻沙湯底度因為個叻沙真係超重料🥘 響鈴索哂d味超正🤤牛小排都係必食推介！牛味極重❤️最後加個摻摻撈埋叻沙🤤真係第一次打邊爐打到咁重口整體來講海鮮同肉類係新鮮同埋好味 而其他配菜就一般可以用唔同湯底打邊爐嘅體驗都非常特別而且餐廳裡面嘅侍應都有禮貌，收碟又收得快

朋友推介，又見佢啲湯底幾特別，於是黎試吓。揀咗平日嚟，地點唔算太就腳，客人唔多。做街坊街里生意，間中會見到有人嚟拎外賣。餐廳入邊好整齊，好乾淨，都坐得幾舒服。今次揀咗肉骨茶，同椰子雞。湯底濃郁，唔會太咸。初頭以為係中式椰子雞湯底，嚟到先知係馬來西亞feel，好香，忍唔住飲咗幾啖🤣🤣食材好新鮮。特別推薦佢個九雲餃 (唔記得影相😩)，好特別，係巴東牛肉、同泰式豬肉餡，係出面食唔到！而且同個湯底好夾。服務態度好好，間唔中會過嚟幫我哋斟飲品，又會睇吓我哋個煲有冇黐底。真心推薦，值得一試👍🏻👍🏻

天氣轉涼，想約一班朋友圍爐，見到用東南亞風味嘅湯底已經心心眼。冬陰湯夠辣，椰汁雞湯還完泰國風味，剩係飲個湯都已經好似去左東南亞咁。香料落得非常足夠，真材實料嘅感覺，未打邊爐之前已經飲左幾碗湯。滿足！因為朋友想食豪啲，order 左一份龍蝦，非常新鮮，放係冬陰功湯，成件事昇華晒！當然唔少得西班牙黑毛豬同美國牛肋肉片，同東南亞湯底都十分夾。員工好細心，未舉手已經知道要幫我地加湯加水。本身我都中意去東南亞旅行，今次完全解決左咁耐無得飛嘅鄉愁。好開心

第一次食東南亞風味的火鍋, 又挺有驚喜.我哋湯底選左泰式椰子雞湯同椰子蜆湯. 朋友十分喜愛個椰子蜆湯, 有小小似冬陰公味, 相比椰子雞清淡小小, 會忍唔住飲個湯, 可惜d蜆有點沙. 而且略嫌個湯底比較貴, 鴛鴦大概HKD328. 火鍋配料: 響鈴, 頂級牛小排, 椰菜苗, 紅薯粉. 我地還開了一枝白酒. 開頭覺得不夠食, 但食食下又幾飽. 個牛小排細份要HKD258, 但好足量, 兩個人食剛剛好. overall, 配料都偏貴, 但quality同份量係ok的.