九重鮮 (已結業)

從網絡上知道九重鮮有新優惠，就係幫襯首爾培，濟洲塔，海鮮塔就可以半小時任食沙白聽上黎知吸引！！沙白脹卜卜超甜美，每次放一大堆蒸15分鐘，即係基本上可以食到2轉但份量已經非常足夠！真心說非常鮮甜吧，不用任何汁醬~食出鮮味就正另外點了醬油蝦蟹！真的第一次食醬油蝦蟹，今次終於有機會食啦甜醬油完完全全滲入蟹內！又係一個字~鮮甜醬油更提升鮮味仲有新優惠就係可以玩這個遊戲~有現金或食物回贈變相抵左好多每人半隻龍蝦，雖然半隻~但係份量size好足料！質數好食過任食 buffet既質數，肉厚嫩淋！蝦膏入味。膏蟹既膏爆發哂出黎，入口回味甘香蟹蓋既膏多到瀉出黎還有鮑魚，南瓜，栗米等蔬菜，鮑魚蒸完都無縮水！質感還非常爽口彈牙海蝦雖然無龍蝦咁大隻，但質數卻不輸蝕~又係鮮味！今次這款濟洲塔還有好幾款海鮮無提及！但總括黎講係飽到超滿足還有這個豬手粥！海鮮既精一點一滴在這個粥！無得輸~綿綿細滑

第一次食九重鮮，有蟶子、象拔蚌、扇貝、蟹、海蝦🦐、帶子、花甲、龍蝦、鮑魚、班腩、南瓜🎃、粟米、勝瓜......d海鮮超級新鮮，好鮮甜！而且蒸海鮮唔使落調味料，感覺健康好多！我哋揀咗人參雞粥底，最後個粥底收咗所有海鮮嘅精華，簡直就係人間美味！like fan page 仲可以玩骰盅，有🉐️玩有🉐️食!

每人大約四百蚊 但能享用優質既食物 仲有得打包走一盒粥，有超甜海鮮味，真心正！服務好好 開心的用餐。抽風系統好好 完全唔會太熱唔舒服。食材高級 有龍蝦 鮑魚 我一定會再去食！I have spent about 400hkd per person in this restaurant and the food are really fresh. The steaming seafood process will drip the water to the bottom of the pot boiling the congee which is the best part of the meal. Also, The meal worth you money and I will definitely go back.

第一次帶婆婆出嚟食海鮮，一行七人，仲有舅父一家，坐低時有得揀邊款set，但都係每位咁計，我哋揀咗一邊食鮑魚，一邊食阿拉斯加蟹（？）。舅父佢哋仲擔心唔夠食，食到尾先知仲有粥水食，每層都有少少驚喜，但要等食真係等好耐。都幾特別，第一次食，會有個漏斗計時，唔識食都唔緊要，個menu會教點樣食。海鮮清蒸都有個鮮甜度係度。我唔太好海鮮，但家人就比較鍾意食。我覺得最好食係魚同蟶子！每層嘅蒸蔬菜都好好食所以千祈唔好只係食海鮮而miss咗啲蔬菜！

九重鮮鮮味十足海鮮塔! 人均$400就可以享用各種類海鮮! 先選擇粥底, 再等溫度計升至90度就可以開動💁海鮮鮮甜美味, 每件都爽口彈牙, 不錯不錯! 可能選擇了韓式泡菜年糕粥底的關係, 大面就覺得最底層粥底海鮮味較淡 ,未能完全吸收上層精華! rating:7/10

工作幾忙都好，都要食餐好既慰勞下自己同另一半。今日我話事，帶左朋友黎呢間食蒸氣鍋。見到個名就已經知道應該有9層野食係大坑果頭，都好容易揾，天后站行過去5分鐘左右。餐廳既設計都好用心，餐牌係木做既我地選左首爾塔，非常豐富！一開波就有人參雞湯粥底，真係原隻雞放落去。仲有4款前菜，我特別鍾意食中華沙律啊～醬料都好特別，有8款每人可以選2款，我選了26，朋友選了18開始黎啦黎啦～哇真係好高，高到見唔到對面既人啦第一層開始食既係聖子，北極貝，～全部都好鮮味，聖子仲好大隻添啊！第二層係海蝦，元貝，百頁豆腐，蝦比平時既蝦彈牙，而且個豆腐都好特別，第一次食呢種繼續繼續下一層，沙巴肉蟹，大花合，真係一d都唔簡單啊！只蟹少有地大隻！平時食開都係bbsize，今次第一次食到大隻既！好多膏好甜啊～接著就是蔬菜類～擺設得好漂亮～有南瓜番薯仲有鮑魚同粟米～真係好飽啦已經！我覺得最好食就係呢個厚切黑椒牛俐，黑椒味重，但入口又有牛鮮味。比個good呢一餐坐得好舒服，而且食左好耐，服務態度都一流！下次會再黎～

大坑是我平時少到的地方，今次來到係探朋友。今次係朋友帶我地黎意間九重鮮。店鋪位於浣沙街，算是該區飲食集中地。鋪頭來自韓國，所以裝修都是韓風的格調。地方好大，感覺舒適。海鮮塔套餐有三種釜山塔、首爾塔、濟洲塔價錢為$328、$398、$568以人數安排份量。湯底粥底有韓式豬手、人蔘雞湯、韓國泡菜今次選左人參雞湯做粥底。前菜有四款可以免費添加。原來有店員幫手計時同服務。因每一層海鮮煮的時間不同，客人完全不用動手擔心海鮮會過熟或未熟的問題。海鮮份量夠，種類多，十分新鮮，鮮甜，最簡單的煮法，就可以食到海鮮的原汁原味。最後底層的粥底完全吸收，上層海鮮的精華。好食到極，店員還會替我們拆雞肉作絲。

今次黎到位於大坑浣沙街的九重鮮。來的韓國的九重塔，係facebook睇得多，今次係我第一次食。店鋪位於一樓，樓下擺放着九重塔的模樣。雖然不是任食，但種類十分多。套餐大約有三種 $398 -$568今次係第一次食，所以就選左入門首爾塔，種類已有海鮮肉類蔬菜，粥底。店內有魚缸存放海鮮，確保新鮮。座位寬闊舒適，抽風設施好。不會太大煙。叫左素菜鮮魚粥底。等食完蒸籠食物，食海鮮原汁滴在粥底調味。第一層有聖子，象拔蚌，大蜆，鮮茹。較更熟的海鮮食物。第二層帶子、蝦、蜆，最讚是帶子，夠新鮮，多汁。第三層一隻蟹、桂花蚌、墨魚滑、少量丸。最後一層是鮑魚，牛舌，栗米。之後就到粥底啦，精華所在，所有海鮮最鮮的精華漏在粥底內，完全不用調味，已經好濃郁。

人人都話蒸野係咁多樣㐔烹調方法入面最健康的一種，當然要食最先引進香港既九層火鍋塔有三種選擇，釜山．首爾，濟洲塔三種選擇。對自己好少少最後選擇要中間價位既首爾塔HKD398一位。餐廳內佈置和韓燒餐廳差不多，播放韓國明星MV，枱上放好計時器，保溫壼當食吾切可以放入去慢慢食。點好菜後，店員送上四小碟前菜，前菜係無限添加，有泡菜，黑豆，瓜，蘿蔔等醬汁方面有特別名選擇黑白倆道和芭提雅分另係黑蒜和香茅海鹽小小濃味醬汁配上原味清甜海鮮一流。十六種食品分四層上最上有枝溫度計，當到達90度既可以進食。不怕食物吾熟，店員都會計好時間，夠鐘話我地知。按照食物快熟程序分係不同層。保證食物不會過熟或吾熟。海鮮方面有鮑魚，蟶子 元貝，刀蚌，象拔蚌，北寄貝，大花蛤，沙巴肉蟹，花尾龍䠢。完全好新鮮，店員會控制蒸時間，保證不會過火。殻類海鮮冇沙。鮑魚好大隻煙一朝，龍躉肉好厚，嫩。還有厚切黑椒牛脷，爆濃芝士丸，墨汁豚肉丸。蔬菜類有野菜百頁豆腐，日本南瓜，日本蕃薯最底粥底選擇人參雞湯，有半雙雞，層層海鮮既精華落哂入去最厎，粥非常甜加小小年糕加強口感。和粥又好錦。由於所有精華所在粥底份量多，有三人份量。保存海鮮鮮味。

最近工作比較忙，所以很久都沒有和愛好吃海鮮的媽媽好好的吃一餐。難得今天假期，特意帶她來大坑的<九重鮮>吃她最愛的層層海鮮塔去到路口已經見到有餐廳的易拉架的廣告原來最平＄328已經有交易，但想讓媽媽再吃好一點，所以選了中價的首爾塔。由於時間尚早，所以我們是第一台客人。但地方很大，座位很舒適，所以相信即使全餐廳滿座都不會覺得過於擠擁。雖然心中一早已經選定首爾塔，但還是多看看內𥚃有什麼好吃原來以甲殼類海鮮為主！未正式開餐之前，侍應小姐先送來四碟韓式的餐前小吃，味道都是酸酸辣辣的很開胃喔！由於想盡興一點，所以微微渴一點點酒。碰巧看見這款真露泡泡桃味汽酒，侍應小姐向我們推介說這款酒只有3%的酒精而且還帶有甜甜的桃香味所以我們便叫來一試汽酒帶著清甜桃香味和微微的汽泡，而且酒精味不重，很容易入口，非常適合女生喝。食着熱辣辣的蒸氣鍋時喝下冰凍的汽酒有種大快人心的感覺接着主角<首爾塔>隆重登場!!首先店員會把我們選好的<素菜鮮魚湯粥底>材料放在最抵下層。接着便放上四層高的蒸氣鍋，留意番！！最上層有一支溫度計。難道是給我用來探熱的嗎說正經的，真的是用來探熱，

今日又係同媽媽食飯嘅好日子，媽媽話佢未食個同事們成日談論的蒸氣火鍋。孝順女嘅我，今日訂咗大坑的九重先等佢嘗一嘗鮮味！一出天后地鐵站，走5分鐘左右就可以見到，都唔算難搵！為咗食好嘢咁嘅距離都可以接受😎！沿樓梯走上去，都充滿韓風，令人好期待啊！店內環境都幾舒服，冷氣充足，食蒸氣鍋都唔怕熱，算唔錯！主角出場啦！侍應招呼好好，將蒸氣鍋介紹得清清楚楚。食完每層嘅時候，佢哋都親自過嚟幫我地拎起，幫我地介紹下一層食物，抵讚👍🏻！第一層係聖子、馬刀貝，快熟且鮮甜😋！帶子的湯汁超正，旁邊的勝瓜也很鮮甜！肉蟹這一層係我最喜歡的，蟹肉鮮甜，又多蟹膏，這樣的一隻正蟹，自己出去街市買都唔平，係喺度食到簡直物超所值！新鮮北寄貝，我都係第一次食到，超鮮甜同埋爽脆，絕對唔係一般日本刺身嗰啲貨色可以媲美！龍躉好食，清淡靚魚！鮑魚再配上南瓜、粟米、蘿蔔，好正的一層，重點係蔬菜，吸收晒各層的鮮味，好鬼好食，比海鮮更加多左一份清甜！最尾係鍋底的糯米雞粥，四個人都食到飽晒，結果糯米雞粥可以拎返屋企食足一餐！總結而言，每個人平均消費要近＄500，雖然唔平，但食到海鮮，仲可以又食又拎，重要服務一流！我覺得絕對係值回票價、值得奬勵自

最近天氣真係熱到不得了，我都唔見想到呀媽煮到身水身汗，就話出街食飯，不過呀媽就唔係食到太多味精，所以我就帶左佢全家黎食蒸海鮮，夠哂原汁原味我地4個人叫左個首爾塔，當溫度棒上升到90度就食得！係等既期間，有得比你揀醬汁，我就揀左黑白兩道塔入面有魷魚、蟶子、海蝦、元貝、刀蚌、象拔蚌、北寄貝、大花蛤、沙巴肉蟹、厚切黑椒牛脷、新鮮花尾躉、爆濃芝士丸、黑汁豚肉丸、野菜百頁豆腐、日本南瓜等等，真係多到食唔哂！！！！我特別鐘意食蟶子，肉質爽，鮮，甜海蝦爆哂膏，勁邪惡花尾龍躉 肉質夠厚身，食落嫩不留口當食哂所有海鮮之後就係食個粥底，係蒸既過程入面海鮮既精華都流哂落個粥底，加上事前我地加左人蔘雞係入面，將雞拆到雞絲，食落有口質，鮮甜到不得之了啦！

之前食過蒸氣鍋，對那些海鮮的鮮味念念不忘。海鮮的食法其實有很多種，煎、炸、炆、煮、燉，不同做法但卻各俱特色，不過，試過不同食法後，我還是比較喜歡蒸，夠晒原汁原味，其他配料一點都不想要，就是要食它的鮮味。平時在家都會蒸魚，但講到要食蒸氣鍋，就不得不約三五知己出街食，今次因朋友生日，約好大坑九重鮮，與別不同的是它是九層塔，我倒是第一次食，相當期待。這間是樓上舖，想不到原來是一間韓國餐廳，經過門口紅地毯再行樓梯上去就是了。剛好當天朋友開車去的，他說這里附近泊車非常方便，門口大把錶位。我坐地鐵也覺得非常方便，出地鐵後行大概8分鐘就可到達。餐廳以L型設計，座位之間空間夠大，裝潢設計屬簡樸類型。每一枱都有一個固定的電子鍋，還提供漏斗計時器，乾、濕紙巾等，還細心地備好裝骨桶，保溫壺，感覺非常細心，凡事以客人為上，考慮周全。呢個蒸鍋最大的特點是一次過放好所有食材，這樣就不用再逐次放入海鮮，節省操作環節，可以一氣呵成地暢食暢飲，更為方便了。其實食材是經過精心設計，按照食物的快熟程度，分類放在不同層次，利用蒸氣把食物蒸熟，把鮮味逼出，既能保持食物原汁原味，同時蒸海鮮的精華滴下到最底層，正正為粥底帶來調味又

男友開電單車車我開去大坑,就是他小時工作地方,回顧一下, 順便到那區食晚飯, 決定選擇韓式蒸海鮮~九重鮮。 餐廳裝修具韓式風格,枱以銀色為主,好時代感。* * * 餐單有三款選擇,我們決定選擇~【首爾塔】。* * * 每人可選擇二款創意醬汁。* * * 首先來了韓式四款不同前菜, 有泡菜､紅豆､什瓜菜絲等, 可以再添食。* * * 溫度蒸到約八十五度左右,就可以打開來食。* * *第一層 聖子､北寄貝及細象拔蚌 大大隻的聖子食到爽彈的肉質;厚肉的北寄貝鮮甜,咀嚼有口感;細細象拔蚌,想不到好鮮甜,彈牙非常。* * *第二層 元貝､蝦及花蛤 飽滿的元貝有著濃郁的鮮甜,有彈滑嫩口感;蝦好彈牙扎實的口感,甜美新鮮;花蛤入口沒沙,厚肉好鮮甜。* * *第三層 沙巴肉蟹､新鮮花尾龍躉､刀蚌及爆濃芝士丸沙巴肉蟹內有好多膏蟹,蟹肉質肥美鮮甜;新鮮的刀蚌沒沙好鮮甜;花尾龍躉肉感好滑溜,好鮮甜。* * *第四層鮑魚､日本南瓜､日本蕃薯､墨汁豚肉丸及野菜百頁豆腐 新鮮鮑魚十分彈牙鮮味。基本以上蒸出來海鮮,原汁原味,不用沾點醬也好好味。* * *第五層(最尾那層) 選擇人參雞湯粥 底層的人參雞湯粥,雞內有

話說蒸海鮮呢個話題流行左咁耐都無真係去過專食蒸海鮮既地方食上星期就同男朋友去左大坑撐枱腳Menu除左套餐之外仲有散叫最後決定叫左個鮮首爾塔套餐•鮮首爾塔 $398/1位 (兩位起)•套餐海鮮有成8樣咁多除左肉蟹,大花蛤等之外仲有鮑魚、蟶子同元貝等最尾仲有粥底作結尾!粥底我地揀左人蔘雞真係有成半隻雞 😳蒸緊第一層既時候店員提我地當溫度計去到90度果陣就可以叫佢地開蓋係等緊既同時就揀埋個醬其中最欣賞"掂掂醬"即係辣醬,用黎沾貝殻類最夾！第一層•象扙蚌、北寄貝• 超級爽甜！食完仲有小小鮮甜既餘藴係口入面貝類既水都可以飲埋架唔飲既話店員叫我地倒落鍋入面 留待呢d精華放係粥到🤤第二層•元貝、海蝦•元貝夠哂大隻而且肉身夠厚唔怕有沙海蝦肉質鮮甜彈牙 抵讚!第三層•大花蛤、沙巴肉蟹、龍躉•龍躉肉質不怕overcook反而食落很滑身!而沙巴肉蟹都海水味偏重第四層•鮑魚、牛脷、蕃薯等•鮑魚同樣食落非常新鮮有咬口得黎食落爽甜男友就比較鍾意牛脷因為黑椒味夠重之餘食落好腍身最尾黎個人蔘雞粥侍應先叫我地食左蔘雞入面既糯米飯果然係精華所在食落有淡淡人蔘味之餘仲有紅棗甜味而重點既粥底煲得好棉包含所有海鮮精華即使唔洗落